Македонија ја очекува променливо облачно време со сончеви периоди и дневни температури до 22 Целзиусови степени. Според прогнозата на Управата за хидрометеоролошки работи (УХМР), ќе дува слаб до умерен ветер од југозападен правец.

Утринските температури ќе се движат од 3 степени во Берово до 11 степени во Гевгелија, додека дневните ќе бидат во интервал од 15 степени во Маврово до 22 степени во Гевгелија.

Во Скопје времето ќе биде променливо облачно, со сончеви периоди и слаб до умерен ветер од променлив правец. Температурата ќе се движи од 6 до 20 степени.

Во недела се очекува променливо облачно време, со повремени локални врнежи од дожд. Ќе дува слаб до умерен ветер од јужен правец.

Минималните температури ќе бидат од 6 до 12 степени, а максималните дневни ќе се движат од 17 до 22 степени.

Според прогнозата на УХМР, на почетокот на следната недела ќе преовладува променливо облачно време со сончеви периоди. Ќе дува слаб до умерен ветер од северозападен правец, кој долж Повардарието повремено ќе засилува и на некои места ќе надминува 50 километри на час.

Минималните температури ќе се движат од 4 до 11 степени, додека максималните ќе бидат во интервал од 16 до 23 степени.

The post ПРОМЕНЛИВО ОБЛАЧНО, СО СОНЦЕ И ДО 22 СТЕПЕНИ Прогноза за сите градови во Македонија appeared first on plusinfo.mk.

Времето од утре ќе биде врнежливо и посвежо, најави Управата за хидрометеоролошки работи.

Според УХМР, под влијание на влажна и нестабилна воздушна маса утре попладне и во текот на ноќта ќе има локални врнежи од дожд., кои наместа ќе бидат поројни и проследени со грмежи.

По одделни котлини ќе има услови за појава на утринска магла.

„Повремен локален дожд ќе има и во петок во утринските часови, а во текот на денот ќе дува умерен до засилен ветер од северен правец. Во сабота ќе се задржи стабилно време, а од недела и во деновите потоа ќе преовладува променливо облачно и посвежо со повремени локални врнежи од дожд“, најави УХМР.

The post СЕВЕРЕН ВЕТЕР ЌЕ ДОНЕСЕ ЗАЛАДУВАЊЕ Пред нас се дождливи денови appeared first on plusinfo.mk.

Времето утре ќе биде сончево со мала до умерена локална облачност, најави Управата за хидрометеоролошки работи.

Ќе дува слаб до умерен ветер од северен правец, поизразен долж Повардарието и источните делови.

Најстудено ќе биде утрото во Берово, со минимална температура од 1 степен, а најтопло во Гевгелија, со дневна температура до 23 степени Целзиусови.

Во Скопје, сончево со мала облачност. Ќе дува слаб до умерен ветер од северен правец. Температурата ќе се движи од 7 до 21 степен.

Во текот на следната седмица ќе преовладува променливо облачно време.

Во четврток и во петок се очекуваат врнежи од дожд, кои локално ќе бидат поројни и пообилни.

The post ПРЕД НАС СЕ ПРИЈАТНИ ЕСЕНСКИ ДЕНОВИ Сончево време, со мала облачност и слаб ветер appeared first on plusinfo.mk.

Времето утре ќе биде сончево со умерена локална облачност, најави Управата за хидрометеоролошки работи.

Ќе дува слаб до умерен ветер од северен правец, поизразен долж Повардарието.

Најстудено ќе биде во Маврово, со утринска температура до минус 1 степен, а најтопло ќе биде во Гевгелија со дневна температура до 20 степени Целзиусови.

Во Скопје, сончево со мала до умерена локална облачност. Ќе дува слаб до умерен ветер од северен правец. Температурата ќе се движи од 5 степени наутро, до 18 во текот на денот.

Следува период на стабилно време со променлива облачност во текот на денот.

The post УТРИНСКИ МРАЗ НА ПОВИСОКИТЕ МЕСТА Сончеви есенски денови со облаци и со ветер appeared first on plusinfo.mk.

Министерството за внатрешни работи поднесе кривична пријава против девет физички и едно правно лице поради сомнежи за злоупотреба на службената положба и овластување и фалсификување исправа при спроведување набавки во Управата за хидрометеоролошки работи (УХМР). Според МВР, со спорните постапки на две правни лица од Скопје и Битола им била овозможена противправна имотна корист во вкупен износ од 30.026.836 денари, односно околу 487.715 евра.

На 15 октомври 2026 година, Единицата за финансиски криминал при Секторот за криминалистички истраги во Одделот за сузбивање на организиран и сериозен криминал поднела кривична пријава до Основното јавно обвинителство Скопје против осум вработени во УХМР, управител на правно лице од Битола и едно правно лице од Скопје.

Според пријавата, И.Т. (53), во својство на вршител на должноста директор на УХМР, ја злоупотребил службената положба со цел да овозможи противправна имотна корист за други лица. МВР наведува дека тој донел две одлуки за набавки за ист настан во различни периоди, иако знаел дека постапките се правно нецелосни и процедурално неисправни.

Наместо да ја користи спецификацијата со вкупните потребни количини на услуги, постапката, според наводите во пријавата, била спроведена врз основа на изменета спецификација со единечни количини. Дополнително, одлуките за избор биле донесени без претходно изготвени и потпишани записници за отворање на понудите и извештаи за спроведените постапки.

И покрај наводните неправилности, И.Т. донел одлука за избор на најповолен понудувач и во име на УХМР склучил договор со правно лице од Скопје за набавка на услуги. Со тоа, според МВР, на фирмата ѝ била овозможена противправна имотна корист од 29.244.786 денари, односно околу 475.000 евра.

Во вториот случај, директорот донел одлука за избор на најповолен понудувач и склучил договор со правно лице од Битола за печатење промотивни и работни материјали и набавка на ситен инвентар. Според кривичната пријава, на оваа фирма ѝ била овозможена противправна имотна корист од 782.050 денари, односно околу 12.715 евра.

Кривично се пријавени и Р.Б. (61), претседател на комисијата за спроведување на набавката, како и Н.А. (63) и Ј.М. (58), членови на комисијата. Според МВР, тие постапиле спротивно на утврдените услови и критериуми, иако биле свесни дека понудата на фирмата од Скопје била доставена со задоцнување и не ги исполнувала условите, додека понудата на фирмата од Битола била технички неисправна.

Наместо да подготват и потпишат соодветни записници и извештаи, членовите на комисијата, според наводите, преку формален записник предложиле избор на понуди врз основа на критериумот „најниска цена“, иако за сите ставки од техничката спецификација немало понудени цени.

Во пријавата се опфатени и А.С. (43), која ја изготвила одлуката за набавка, како и С.А.М. (64) и С.С. (61), кои ја одобриле. МВР наведува дека тие знаеле за правните и процедуралните недостатоци на одлуката, но сепак ја изготвиле, потпишале и одобриле.

Дополнително, А.С., С.А.М. и С.С., според пријавата, учествувале во обработката и одобрувањето фактура без придружни докази, која содржела невистинити коефициенти. Со тоа, како што се наведува, биле верификувани неточни финансиски податоци и била овозможена неоснована исплата.

И Л.К. (64), контролор во Секторот за финансии, е опфатена со пријавата бидејќи, според МВР, одобрила и пуштила во реализација фактура без соодветни докази, која не била во согласност со понудата и техничката спецификација. На тој начин, според наводите, била пропуштена задолжителната финансиска контрола и била овозможена неоснована исплата.

Кривична пријава е поднесена и против В.Х. (48), управител на правното лице од Битола. Според МВР, тој доставил понуда што не ги исполнувала формалните и техничките услови утврдени во документацијата за набавката.

Во случајот со правното лице од Скопје, МВР наведува дека неговиот тогашен управител и одговорно лице, С.С., кој е починат, доставувал фактури до УХМР со невистинита содржина, кои не одговарале на понудените цени и на обемот на извршените услуги.

Според МВР, со наведените дејствија на осумте вработени во УХМР им била овозможена противправна имотна корист од 29.244.786 денари на правното лице од Скопје и 782.050 денари на правното лице од Битола. Пријавените се сомничат за злоупотреба на службената положба и овластување, соизвршителство и фалсификување исправа, во зависност од нивната улога во случајот.

The post СКАНДАЛ ВО УХМР, 488.000 ЕВРА ЗА СОМНИТЕЛНИ НАБАВКИ Кривична за екс-директорот и уште седуммина вработени appeared first on plusinfo.mk.

Времето утре ќе биде променливо облачно со повремени локални врнежи од дожд, најави Управата за хидрометеоролошки работи.

На некои од повисоките планини врнежите ќе преминат во слаб снег.

Ќе дува умерен, наместа долж Повардарието повремено засилен ветер од северен правец.

Најстудено ќе биде во Берово, каде утринската температура ќе се спушти до 1 степен. Најтопло ќе биде во Гевгелија со дневна температура до 19 степени Целзиусови.

Во Скопје ќе биде променливо облачно со повремен дожд. Ќе дува умерен, во делови од котлината повремено засилен ветер од северен правец. Температурата ќе се движи од 6 до 16 степени.

Во деновите од викендот и во почетокот на новата седмица ќе преовладува сончево и стабилно време со променлива облачност во текот на денот.

The post ДОЖД ВО ГРАДОВИТЕ, СНЕГ НА ПЛАНИНИТЕ За викенд сончево и стабилно време appeared first on plusinfo.mk.

Повремени локални врнежи од дожд се очекуваат во текот на утрешниот ден, а на некои од повисоките планини дождот ќе премине во слаб снег. По променливото време, во наредните денови се очекува стабилизација, со повеќе сончеви периоди и променлива облачност.

Од Управата за хидрометеоролошки работи информираат дека утре ќе дува умерен ветер од северен правец, кој на одделни места повремено ќе биде засилен.

Температурата ќе се движи од 0 до 19 Целзиусови степени, што укажува на значителни разлики меѓу утринските и дневните услови, како и меѓу одделни делови од земјата.

Според синоптичарите, во деновите потоа ќе преовладува сончево и стабилно време, со променлива облачност во текот на денот. По утрешните локални врнежи, временските услови постепено ќе се подобрат, па се очекува повеќе сонце во поголемиот дел од земјата.

The post УТРЕ ДОЖД, ПОТОА СЛЕДУВА СОНЦЕ На планините и слаб снег, температурите до 19 степени appeared first on plusinfo.mk.

Времето утре ќе биде сончево со мала до умерена облачност, најави Управата за хидрометеоролошки работи.

Ќе дува засилен до силен ветер од северозападен правец, поизразен долж Повардарието.

Најстудено ќе биде во Крива Паланка и во Маврово, каде утринската температура ќе се спушти до 0 степени. Најтопло ќе биде во Гевгелија, со дневна температура до 20 степени Целзиусови.

Следува период на променливо облачно и стабилно време, освен во петок кога ќе има слаби локални врнежи од дожд кои на повисоките планини ќе бидат од слаб снег.

The post ВО СЛЕДНИТЕ НЕКОЛКУ ДЕНА ЌЕ ДУВА СЕВЕРЕЦ Времето ќе биде стабилно, сончево, со умерена облачност appeared first on plusinfo.mk.

 

Во Скопје ќе биде променливо облачно и постудено. Ќе дува умерен, во делови од котлината повремено засилен ветер од северен правец. Температурата ќе се движи од 10 до 15 степени.

До петок ќе преовладува променливо облачно и постудено време.

Во петок ќе има повремени локални врнежи од дожд, кои на некои од повисоките планини ќе преминат во снег. Ќе дува засилен ветер од северен правец, кој наместа ќе биде силен со брзина над 60 километри  на час.

За време на викендот ќе биде сончево со мала до умерена облачност.

The post СИЛЕН СЕВЕРЕН ВЕТЕР ЌЕ ДОНЕСЕ СТУД Променливо облачно и постудено време appeared first on plusinfo.mk.

Променливо облачно време со повремени локални врнежи од дожд, кои наместа ќе бидат поројни и пообилни, проследени со грмежи и засилен ветер, најавуваат метеоролозите. Во Скопје, исто така, се очекуваат повремени врнежи, а во делови од котлината ќе има нестабилност со пороен дожд, грмежи и засилен ветер.

Утринските температури во земјава ќе се движат од 9 степени во Берово до 15 степени во Гевгелија, додека максималните дневни ќе бидат во интервалот од 14 степени во Маврово до 32 степени во Гевгелија.

Во Скопје ќе биде променливо облачно со повремени врнежи од дожд. Во одделни делови од котлината се очекуваат пороен дожд, грмежи и засилен ветер. Температурата ќе се движи од 15 до 19 степени.

Во понеделник времето ќе биде променливо облачно, а претпладне ќе има повремен локален дожд. Ќе дува умерен до засилен ветер од северен правец.

Минималните утрински температури ќе се движат од 8 до 15 степени, додека максималните дневни ќе бидат од 16 до 22 степени.

Според прогнозата на Управата за хидрометеоролошки работи (УХМР), во вторник ќе преовладува променливо облачно време со повремени локални врнежи од дожд.

Поради продорот на постуден воздух од север, на некои од повисоките планини дождот ќе премине во снег. Ќе дува умерен до засилен ветер од северен правец.

Минималните утрински температури ќе бидат од 6 до 13 степени, а максималните дневни ќе се движат од 10 до 18 степени.

Прогнозата најавува промена на временските услови во текот на наредните денови, со нестабилност и можни пообилни врнежи, а потоа и пад на температурите под влијание на постудениот воздух од север.

The post НЕВРЕМЕ СО ГРМЕЖИ И ПОРОЕН ДОЖД, ПОТОА НАГЛО ЗАЛАДУВАЊЕ На повисоките планини можен и снег appeared first on plusinfo.mk.