Во централниот дел на Токио денеска е регистриран 34-тиот последователен ден со дожд, со што е соборен досегашниот рекорд за најдолг врнежлив период откако се водат метеоролошките мерења, соопшти Јапонската метеоролошка агенција.

Како што објави новинската агенција Кјодо, повикувајќи се на метеоролошката служба, во јапонската престолнина врне секој ден од 27 август до денеска. На овој продолжен период со врнежи му погодуваат приближувањето на неколку тајфуни, стационираниот есенски дождовен фронт и долината на низок воздушен притисок.

Претходниот рекорд изнесуваше 33 последователни дена со врнежи, а беше регистриран во периодот од 27 јуни до 29 јули 2019 година.

Најобилните врнежи во текот на овој бран беа забележани на 21 септември, кога во централен Токио наврнаа 156 милиметри дожд на квадратен метар. Вкупната количина на врнежи до понеделникот достигна 629 милиметри, што е речиси трипати повеќе од просекот за целиот месец септември.

Според прогнозите не се очекува овој продолжен период на врнежи наскоро да заврши. Дождот, главно во источниот дел на Јапонија, се очекува да продолжи најмалку до четврток, што се должи на задржувањето на есенскиот дождовен фронт кој вообичаено носи нестабилно време поради интеракцијата на сезонските воздушни маси.

Врнежите денеска зафатија и големи делови од источна и западна Јапонија. Меѓу попогодените региони е и градот Ечизен во префектурата Фукуи, во централниот дел на земјата, каде што рано утринава во рок од само еден час беа измерени повеќе од 30 милиметри дожд.

The post ВО ТОКИО НЕПРЕКИНАТО ВРНЕ ОД 27 АВГУСТ Најдолг врнежлив период во историјата на јапонската метропола appeared first on plusinfo.mk.

Апликацијата TOKYO Enmusubi беше пуштена во употреба во септември 2024 година, откако истражување покажало дека околу 70 отсто од луѓето кои сакаат да стапат во брак не преземаат активни чекори за пронаоѓање партнер.

За да се надмине оваа незаинтересираност и да се обезбеди дека ќе се пријавуваат само лица кои навистина сакаат брак, кандидатите морале да докажат дека законски не се во брак и да поминат онлајн интервју, покрај исполнувањето и на други услови.

Според податоците што ги објави градската власт во Токио овој месец, заклучно со 30 јуни годинава, апликацијата имала 16.000 регистрирани корисници. Тие биле избрани од околу 36.000 пријавени кандидати.

Во исто време, 760 двојки биле во „сериозна врска“, а 265 веќе стапиле во брак.

Градските власти ја пренесуваат приказната на корисничка со псевдоним „Желка“, која рекла дека ја инсталирала апликацијата како „последна шанса“ пред да наполни 40 години.

– По неколку состаноци на слепо, на крајот на август го запознав мојот сегашен сопруг, а во средината на септември започнавме сериозна врска. На крајот на декември ја прифатив неговата понуда за брак- раскажала таа.

Во меѓувреме, Јапонија продолжува да се соочува со демографски предизвици. Според владините податоци објавени во јуни, во 2025 година се родиле само 671.236 бебиња од јапонски родители, што е најнизок број досега и десетта последователна година на пад на наталитетот.

Повеќе за ова прочитајте ТУКА.

The post ВЕШТАЧКАТА ИНТЕЛИГЕНЦИЈА СПОЈУВА ЉУБОВНИ ПАРТНЕРИ Со помош на апликацијата на владата на Токио се венчале 265 парови за 2 години appeared first on plusinfo.mk.

Само 40 секунди траеше навивачкото лудило на најпознатата раскрсница во светот. Потоа се запали црвено светло и улицата за миг остана празна.

Јапонските навивачи излегоа да го прослават драматичното реми од 2:2 против Холандија на Светското првенство. Стотици луѓе се собраа на легендарниот премин Шибуја во Токио. Се вееја знамиња. Се пееше. Се скокаше.

Сцената наликуваше на славје какво што може да се види во секој голем фудбалски град. Но само до моментот кога се смени бојата на семафорот.

The streets of Shibuya were flooded after Japan’s tie with the Netherlands!pic.twitter.com/wgfDi9RmRy

— Anime Updates (@animeupdates) June 15, 2026

The post 📽️ СЕМАФОРОТ ИМ КАЖА „ДОСТА“ И ТОЛКУ ОД СЛАВЈЕТО Јапонците пак го украдоа шоуто на Мундијалот appeared first on plusinfo.mk.

Маж вооружен со чекан повредил пет лица во Токио, јавуваат јапонските медиуми.

Според информациите, напаѓачот удрил едно момче во пределот на лицето, а меѓу повредените има и тројца полицајци.

Осомничениот успеал да избега по нападот.

Станува збор за 44-годишен маж, кој нападнал две момчиња во близина на својот дом. Едниот од нив бил тешко повреден во лицето, додека другиот минал со полесна повреда на рамото.

По пријавата, на местото пристигнале полициски службеници, при што осомничениот ги испрскал со засега непозната супстанца. Во инцидентот биле повредени тројца припадници на полицијата.

The post МАЖ СО ЧЕКАН ПОВРЕДИ ПЕТМИНА ВО ТОКИО Тројца од повредените се полицајци appeared first on plusinfo.mk.

Ким Кардашијан и Луис Хамилтон повеќе не ја кријат својата врска, двојката сега официјално ја потврди својата романса на социјалните мрежи, пишува Page Six.

Возачот на Формула 1 објави видео на Инстаграм на кое може да се види како го вози легендарното Ферари Ф40 низ улиците на Токио, изведувајќи атрактивни маневри и „дрифтање“. Но, вистинскиот момент доаѓа на крајот од видеото, кога чадот се расчистува, а на совозачкото седиште се појавува Ким Кардашијан.

– Ова е лудо! – рече таа со смеа, воодушевена од возењето.

Објавата доаѓа по месеци шпекулации за нивната врска. Двојката првпат беше поврзана во февруари, кога беа видени заедно на романтично патување во Велика Британија. Кратко потоа, тие се појавија заедно на „Супер Боул“, каде што седеа еден до друг во ВИП ложата, што дополнително ги разгоре гласините.

Во март, тие беа видени и во Токио, каде што Хамилтон престојуваше поради Големата награда на Јапонија. Тој беше виден таму и со синот на Кардашијан.

За време на престојот во Токио, Ким Кардашијан сподели моменти со своите деца, Псалм, Чикаго и Сејнт, на социјалните мрежи, додека нејзината најстара ќерка Норт не беше на патувањето.

На едно од излегувањата, Хамилтон беше виден со Сејнт, што го забележаа и минувачите. Иако Хамилтон не се појави во нејзините објави, ова видео сега јасно ја потврдува нивната врска.

Двојката се познава со години, но дури неодамна ја подигна својата врска на ново ниво. По заедничките патувања во Лондон, Париз и Токио, се чини дека решиле да престанат да ја кријат својата романса.

Објавата на Луис Хамилтон, во која Ким Кардашијан се појавува на крајот, предизвика вистинска лавина од реакции на социјалните мрежи.

Сепак, не беа сите воодушевени од крајот: „Беше одлично до крајот…“, „Не, само не Ким Кардашијан“, „Ги затворив очите и се преправав дека не видов“, коментираа некои.

 

View this post on Instagram

 

A post shared by Lewis Hamilton (@lewishamilton)

The post 🎥 ЛУИС ХАМИЛТОН ЈА ПРОВОЗИ КИМ СО ЛЕГЕНДАРНОТО ФЕРАРИ Ф40 Возачот на Формула 1 и реалити ѕвездата веќе не ја кријат својата врска appeared first on plusinfo.mk.

Ријалити ѕвездата Ким Кардашијан и седумкратниот шампион во Формула 1, Луис Хамилтон, биле видени заедно во Токио за време на викендот. Иако не биле сами, односно, со нив, освен телохранителите, била и сестрата на Ким, Кло Кардашијан, тие делувале расположени.

Друштвото имало безгрижна прошетка низ Токио, но очигледно, дури ни таму не можат да побегнат од погледите на љубопитните минувачи. На фотографиите се гледа дека Луис му мафта на еден обожавател, додека многумина ги сликаат со своите телефони.

Инаку, Ким и Луис предизвикаа гласини за врска во февруари кога заедно отидоа на романтично патување во Велика Британија. Потоа престојуваа во луксузниот „Естел Манор“ во Котсволдс, а потоа заедно отпатуваа во Париз.

Во февруари, тие го направија своето прво заедничко јавно појавување на трибините за време на Супербоул. На почетокот на март, беа фотографирани како уживаат во зајдисонцето на ексклузивна дестинација за одмор покрај реката Колорадо.

Кардашијан и Хамилтон се пријатели со години, а се дружеа и кога беа со своите поранешни партнери – Никол Шерцингер и Канје Вест. Луис и Никол беа заедно од 2007 до 2015 година, а Ким беше во брак со Канје од 2014 до 2022 година.

Lewis Hamilton, Kim Kardashian and Khloe Kardashian spotted in Tokyo, Japan today. pic.twitter.com/BKLXR5Atnc

— Isa ⁴⁴ (@LeaWylie_) March 22, 2026

The post СЕСТРИТЕ КАРДАШИЈАН И ЛУИС ХАМИЛТОН ЗАЕДНО ВО ТОКИО Ријалити ѕвездата и шампионот на Формула 1 не можат да побегнат од љубопитните обожаватели appeared first on plusinfo.mk.

Новата 2026 година први ја прославија жителите на островот Кирибати, а огномети осамнаа во повеќе градови во Азија и во Сиднеј во Австралија. Новата година во Кирибати настапи во 11 часот по македонско време, со што официјално започна глобалниот влез во 2026 година.

Сиднеј ја дочека 2026 година со традиционален огномет, одржан со засилено присуство на полицијата, неколку недели откако вооружени лица убија 15 лица за време на еврејски настан на плажата Бонди.

Околу 40.000 пиротехнички ефекти беа употребени на простор со должина од околу седум километри. Во градот се одржа помен за жртвите од нападот во 23 часот по локално време, а Сиднејскиот пристанишен мост беше осветлен во бела боја, додека на неговите столбови беше прикажана менора, симболот на јудаизмот.

– По трагичниот крај на годината за нашиот град, се надеваме дека дочекот на Новата година ќе обезбеди можност да се собереме и со надеж да погледнеме кон мирната и среќна 2026 година – рече градоначалничката на Сиднеј, Кловер Мур, во пресрет на настанот.

Así reciben el Año Nuevo 2026 en Sídney, Australia. pic.twitter.com/tNnvXCkMVZ

— Corta (@somoscorta) December 31, 2025

На социјалните мрежи може да се види и како изгледаше огнометот во Токио.

Happy New Year 2026 Tokyo, Japan pic.twitter.com/0FesFpBfcZ

— VIEW (@viewsoff_) December 31, 2025

Спектакуларни огномети имаше и во Куала Лумпур, главниот град на Малезија.

Kuala Lumpur welcomes 2026 with a colorful fireworks display

Was it supposed to look Cthulhuesque? https://t.co/3JVrNIjXv6 pic.twitter.com/s6nweHcY18

— RT (@RT_com) December 31, 2025

Во Пекинг, шоуто го „украдоа“ анимираните коњи кои галопираа во небото.

Beijing KICKS OFF 2026 with spectacular show

Drum-filled stage accompanies herd of FIRE HORSES galloping above pic.twitter.com/2u6UNqeqFY

— RT (@RT_com) December 31, 2025

Главниот град на Тајланд, Бангкок, приреди величествено светлосно шоу неколку моменти пред полноќ – со дронови користени за создавање на различни разнобојни слики. Потоа следеше огромен огномет додека часовниците отчукуваа во новата година.

HAPPY NEW YEAR BANGKOK!!! 2026 pic.twitter.com/hc0CfGAI9U

— Gen (@Gen777777) December 31, 2025

Сингапур влезе во новата година со маестрални огномети.

𝗦𝗜𝗡𝗚𝗔𝗣𝗢𝗥𝗘 𝗪𝗘𝗟𝗖𝗢𝗠𝗘𝗦 𝗧𝗛𝗘 𝗡𝗘𝗪 𝗬𝗘𝗔𝗥 𝟮𝟬𝟮𝟲!

Singapore never failed to deliver a spectacular fireworks for #NewYear2026 with performances led by no other than Korea’s Super Juniors!

Though they align geographically with mainland Southeast Asia, they are… pic.twitter.com/mBCljWf8N0

— ScienceKonek (@sciencekonek) December 31, 2025

Огномет во боја на виножито го означи почетокот на 2026 година над Сеул, главниот град на Јужна Кореја.

Happy New Year 2026
Seoul, South Korea pic.twitter.com/2BcTPWZHRh

— Wildscape Wonders (@WildscapeWonder) December 31, 2025

Во Тајпеј, главниот град на Тајван, огнометите беа испалени од 508 метри. „Тајпеј 101“ е највисоката зграда во земјата.

Goodbye 2025. Hello, 2026!

A fireworks show at Taipei 101 hyped up the crowd to mark the arrival of 2026. pic.twitter.com/I8Pv2SRIXj

— Focus Taiwan (CNA English News) (@Focus_Taiwan) December 31, 2025

The post 📽️ ОГНОМЕТ ВО СИДНЕЈ И СЕЌАВАЊЕ НА ЖРТВИТЕ ОД БОНДИ Еве како метрополите во Азија ја дочекаа новата 2026 appeared first on plusinfo.mk.

Додека светот се подготвува да ја дочека 2026 година, неколку познати градови одлучија да ги откажат или значително да ги изменат своите традиционални прослави за Нова Година. Причините се движат од безбедносни закани и ризик од пренатрупаност до оддавање почит на жртвите од неодамнешните трагедии.

Иако Нова Година е синоним за големи забави и огномет, властите се свесни и за зголемениот ризик од криминал. На пример, ФБИ неодамна спречи планиран бомбашки напад во Лос Анџелес, додека турските власти уапсија 115 лица осомничени за планирање терористички напади поврзани со Исламската држава за време на празникот.

Њузвик го даде целосниот список на градови кои нема да одбројуваат јавно на своите плоштади на 31 декември.

Бали

Градската влада на Денпасар, Бали, ги откажа своите новогодишни огномет и концерт за 2026 година. Одлуката е донесена од почит кон жртвите од неодамнешните природни катастрофи што ја погодија земјата. Сепак, најавени се голем број културни настани за да се одбележи почетокот на новата година.

Белград

Некои новогодишни прослави во Белград се откажани, како и српската Нова Година на 14 јануари. Градоначалникот Александар Шапиќ изјави дека не сака да ги изложи децата на ризик за време на музичките концерти, истакнувајќи дека претходните години имало обиди за пробивање на безбедносните бариери и судири со посетителите, од кои повеќето биле девојчиња на возраст од 13 до 15 години.

Хонг Конг

Владата на Хонг Конг го откажа традиционалниот новогодишен огномет. Наместо тоа, ќе се одржи алтернативен настан со одбројување кој има за цел да „пренесе позитивна енергија, грижа и благослови на мирот и на локалното население и на посетителите“. Иако не беше наведена официјална причина, локалните медиуми шпекулираа дека одлуката е поврзана со неодамнешниот катастрофален пожар во Таи По, во кој загинаа најмалку 160 лица.

Џакарта

Властите во Џакарта го потврдија откажувањето на новогодишниот огномет. Гувернерот Прамоно Анунг Вибово изјави дека одлуката е донесена за да се покаже емпатија кон „нашите браќа и сестри на Суматра“, остров кој неодамна беше погоден од земјотрес со јачина од 6,6 степени. Тој рече дека некои прослави сепак ќе се одржат, но тие ќе бидат скромни од почит.

Монако

Монако воведе строги мерки во врска со употребата на огномет. Од пладне на 31 декември 2025 година до пладне на 11 јануари 2026 година, постои целосна забрана за носење, поседување, транспорт и употреба на огномет и пиротехнички средства. Одлуката е донесена поради загриженост за јавната безбедност и ризикот од пожар. Сепак, огнометите што се посебно одобрени од владата сепак би можеле да се одржат.

Париз

Новогодишниот концерт на Шанзелизе во Париз е откажан. Париската полиција побара од градоначалникот да го откаже од безбедносни причини, првенствено за да се намали ризикот од стампедо и немири поради огромните толпи што традиционално се собираат.

Сепак, огнометот ќе се одржи според планот.

Сиднеј

Новогодишниот огномет на познатата плажа Бонди во Сиднеј е откажан по неодамнешното масовно пукање. Се очекуваше настанот да привлече околу 15.000 луѓе. Советот на Вејверли го потврди откажувањето со соопштение:

„Поради моменталната ситуација на терен, Советот на Вејверли донесе одлука да го откаже настанот за Нова Година на плажата Бонди“.

Организаторката на настанот додаде дека одлуката е донесена за да се задржи фокусот на покажување „сочувство и грижа за еврејската заедница во Сиднеј“.

Токио

Традиционалното одбројување пред станицата Шибуја во Токио е откажано оваа година. Градоначалникот Кен Хасебе изрази загриженост за безбедноста поради големите толпи што се собираат во областа, како и можните последици од консумирањето алкохол на јавни места.

The post ЕВЕ КОИ СВЕТСКИ МЕТРОПОЛИ ЈА ОТКАЖАА ЖУРКАТА ЗА НОВА ГОДИНА Париз се плаши од стампедо, Хонг Конг жали за пожарот appeared first on plusinfo.mk.

Евроазиски волк избега денеска од својот ограден простор во зоолошката градина Тама во западен Токио, објавија јапонските медиуми.

Инцидентот предизвика итна реакција од администрацијата на зоолошката градина, која веднаш ги затвори портите за посетителите и започна евакуација на оние што веќе беа внатре. Досега нема извештаи за повредени.

Според достапните информации, персоналот на зоолошката градина во моментов спроведува интензивна потрага по животното. Како дел од операцијата за заробување, се користат мрежи и други тактики за волкот да се врати во безбедноста на својот ограден простор што е можно побрзо. Деталите за тоа како волкот успеа да избега сè уште се непознати, а причината за бегството е под истрага.

Инцидентот предизвика вознемиреност кај локалните жители и посетителите на зоолошката градина. Загриженоста е разбирлива со оглед на природата на животното и потенцијалниот ризик од волк што слободно се движи во густо населена област како Токио.

Иако евроазиските волци генерално не се агресивни кон луѓето, тие сепак се диви животни чие однесување може да биде непредвидливо.

Управата на зоолошката градина апелира до граѓаните да останат смирени и веднаш да ги контактираат властите доколку видат волк. Исто така, потсетуваат да не се обидувaaт сами да му се приближат на животното, туку да одржуваат безбедно растојание и да го известат персоналот на зоолошката градина или полицијата.

Зоолошката градина Тама е една од најголемите и најпопуларните зоолошки градини во Токио, позната по својата разновидна колекција на животни и обемни природни живеалишта.

The post ВОЛК ИЗБЕГА ОД ЗООЛОШКА ГРАДИНА ВО ТОКИО Граѓаните предупредени да не му се доближуваат appeared first on plusinfo.mk.

Воздушниот превоз се смета за брз и безбеден начин да се стигне од точка А до точка Б. Сепак, за некои луѓе, дури и тоа не е доволно брзо, па јапонската компанија „Нипон травел“, верувајќи дека патувањето меѓу Јапонија и САД трае предолго – има намера да го скрати времето, за на патниците сѐ тоа да им одзема само еден час.

Во соработка со компанијата „Иноватив спејс кериер“ од Токио, веќе го развиваат авионот „АСКА“ (ASCA), којшто би можел да се користи за брзо движење меѓу далечни дестинации.

Но, работата е во тоа што, за патувањето да трае еден час, авионот прво ќе треба да полета во Вселената, а потоа – како вселенскиот брод, да се спушти на платформа за слетување.

Агенцијата „Нипон тревел“ смета дека може да им ја понудат услугата на патниците веќе наредното десетлетие, а цената треба да е околу 563.000 евра. Сѐ уште не е јасно дали оваа цена ќе се однесува на повратна влезница или само на еднонасочен лет. Компанијата гаи оптимизам и се надеваат дека цената на лет ќе се намали со зголемувањето на бројот на авиони.

Иако од денешна гледна точка изгледа неверојатно дека би можеле да стигнеме до другата страна на светот за еден или два часа, токму овие авиони би можеле да го обликуваат патувањето на иднината.

The post ОД САД ДО ЈАПОНИЈА ЗА ЕДЕН ЧАС ПРЕКУ ВСЕЛЕНАТА Се проектира авион за супер брзо движење appeared first on plusinfo.mk.