Седумнаесетгодишен државјанин на Македонија предизвикал драматична полициска потера во Германија. Бегал од контролен пункт, возел во спротивна насока и минувал низ дворови. Удрил и два паркирани автомобили, а во еден момент тргнал со возилото кон полицајци, пишува Велт.

Инцидентот почнал непосредно пред полноќ во близина на Бад Брамштет. Сведоци пријавиле сребрен „фолксваген“, кој се движел од Хамбург по автопатот А7 кон Нојминстер.

Според пријавите, возачот правел опасни маневри и нагло сопирал пред други автомобили. Во еден случај, возачи избегнале судир само со нагло сопирање.

Блокадата не го запрела, почнала потера

„Фолксвагенот“ го напуштил автопатот кај Бад Брамштет. Полицијата веќе поставила блокада пред раскрсницата со сојузниот пат Б206.

Тинејџерот ја заобиколил блокадата и продолжил кон Бад Брамштет.

Неколку патролни автомобили се вклучиле во потерата. Возачот ги игнорирал сигналите за запирање, забрзувал и престигнувал други возила. Поминал и на црвено светло.

Полицијата се обидела да го запре со патролни возила, но тој продолжил да бега.

Возел во спротивна насока, па влегол во поле

Потерата продолжила низ повеќе улици. Тинејџерот во еден момент возел во спротивна насока низ кружен тек.

Кога стигнал до ќорсокак, наместо да запре, продолжил во соседното поле. Таму го свртел автомобилот околу група дрвја. Потоа тргнал со возилото кон полицајците кои веќе излегле од патролниот автомобил.

Една полицајка избегнала удар откако скокнала настрана.

Бегството продолжило низ дворови

Седумнаесетгодишникот продолжил низ неколку предни дворови. При маневрите удрил во два паркирани автомобили и им причинил значителна штета.

Бегството завршило на Лентферденер Вег. На десна кривина излетал од патот и завршил во канал.

Полицајци од станицата Хенштет-Улцбург го пронашле возилото и го привеле тинејџерот. Според информациите, тој давал отпор при приведувањето.

Алкотестот покажал 0,88 промили

Полициските службеници почувствувале мирис на алкохол кај 17-годишниот македонски државјанин, кој живее во округот Зегеберг.

Прелиминарниот алкотест покажал 0,88 промили. Потоа бил однесен во полициската станица во Калтенкирхен.

По наредба на дежурниот обвинител, лекар му зел примерок од крв. Тинејџерот бил пренесен во централниот притвор во Нордерштет. По завршувањето на полициските постапки бил пуштен.

Против него се водат постапки за повеќе сомненија. Меѓу нив се нелегално улично тркање, загрозување на сообраќајот, напад и отпор кон полициски службеници. Се товари и за напуштање место на несреќа и за возење без дозвола.

Германската полиција побара да се јават сведоци кои го забележале опасното возење, особено на автопатот А7.

The post ФИЛМСКА ПОТЕРА ПО ТИНЕЈЏЕР ОД МАКЕДОНИЈА ВО ГЕРМАНИЈА Возел низ дворови, удрил автомобили и тргнал кон полицајци appeared first on plusinfo.mk.

Шеснаесетгодишниот Колт Греј е осуден на доживотен затвор без можност за условно ослободување за убиството на четири лица и ранувањето на уште деветмина во масовната пукотница во средното училиште „Апалачи“ во Виндер, американската сојузна држава Џорџија, извршена на 4 септември 2024 година. Пресудата ја изрече судија во вторник, откако Греј минатата недела призна вина по 55 точки од обвинението, меѓу кои и за убиство и тешки напади.

Во нападот, кој го извршил како 14-годишен ученик, Греј со автоматска пушка – подарок од неговиот татко за Божиќ – ги убил учениците Кристијан Ангуло и Мејсон Шермерхорн, двајцата на 14 години, како и наставниците Кристина Иримие (53) и Ричард Аспинвол (39). Оружјето го внел во училиштето скриено во картонска цевка за постер.

Изрекувајќи ја пресудата, судијата Николас Прим изјави дека злосторствата на Греј покажуваат „трајна непоправливост“ и дека не покажува никакво каење.

– Вашите злосторства одразуваат трајна непоправливост. Се чини дека не ве загрижува она што го направивте. Изгледа дека уживате што ги следите стапките на убијците што ги идолизиравте – рече судијата.

Обвинителството на рочиштето презентираше снимки од телефонски разговори направени неколку недели по нападот, во кои Греј ја прашува мајка си како јавноста реагира на неговото злосторство. Во еден разговор тој се смее и вели дека „стигнал до големите лиги“, што обвинителите го искористија како доказ дека единствената негова цел била да стане озлогласен како другите училишни напаѓачи на кои им се восхитувал.

Одбраната, пак, тврдеше дека Греј пораснал во тешки семејни услови, со родители зависни од дрога кои го занемарувале, поради што подлегнал на влијанието на интернет-заедници што го величаат насилството.

Во посебен процес, таткото на Колт Греј во март беше прогласен за виновен бидејќи му го подарил оружјето на својот син и покрај, како што наведоа обвинителите, бројните предупредувачки знаци. Изрекувањето на неговата казна е закажано за в четврток. Ова е еден од ретките случаи во САД во кои родител кривично одговара за масовно училишно пукање извршено од неговото дете.

The post 🎥 16-ГОДИШНИК ДОБИ ДОЖИВОТЕН ЗАТВОР ЗА ПУКАЊЕ ВО УЧИЛИШТЕ Уби 4, рани 9, а не покажа ни трошка каење appeared first on plusinfo.mk.

Ноќеска, кратко по полноќ на улица Мајор Чеде Филиповски во Гостивар, полициски службеници го уапсила Е.С.(18) од Гостивар.

Тој без дозвола зел службено патничко возило „цитроен” со гостиварски регистарски ознаки на Црвениот крст, каде бил волонтер, и со возилото удрил во повеќе паркирани возила.

При контролата било утврдено дека го управувал возилото без да поседува возачка дозвола. Тој бил задржан во полициска станица и по документирање на случајот против него ќе следува соодветен поднесок.

The post ТИНЕЈЏЕР УКРАЛ КОЛА ОД ЦРВЕН КРСТ И НАПРАВИЛ ’РШУМ Удрил во неколку паркирани возила appeared first on plusinfo.mk.

Еден тинејџер е убиен, а тројца други се ранети во пукотница што се случила по церемонијата на матура во средно училиште во Калифорнија во среда вечерта, соопштија властите.

Полицијата добила пријава за пукотница околу 19:15 часот по локално време на паркингот на средното училиште Ферфилд, кое се наоѓа на околу 50 милји североисточно од Сан Франциско, изјави Мишел Белија од полициската управа на Ферфилд.

Според неа, тројцата повредени се едно 11-годишно дете, како и двајца возрасни на возраст од 20 и 25 години.

– Имало и четврта жртва, 18-годишник, кој им подлегнал на повредите во овој инцидент – рече Белија.

A high school graduation celebration turned into a scene of chaos in Fairfield, California.

An 18-year-old was killed and three others—including an 11-year-old child—were wounded when gunfire broke out in the parking lot after the ceremony.#California #sstvi 梅雨入り pic.twitter.com/46Bgkv6xqo

— GlobeUpdate (@Globupdate) June 4, 2026

Таа додаде дека истрагата е во тек и дека ова е многу активен случај.

– Во овој момент, немаме информации што би укажувале дека постои постојана закана за заедницата – рече таа.

Властите не објавија никакви информации за можен осомничен за нападот. Медиумите побараа дополнителни информации од локалната полиција и од канцеларијата на шерифот на округот Солано.

Училишниот округ Ферфилд-Сузан соопшти дека полицијата реагирала на церемонијата на дипломирање во средното училиште Сем Јето, кое дели кампус со средното училиште Ферфилд.

Authorities say one person was killed and three others were injured in a shooting at a high school graduation in California.

Reports say shots were fired shortly after the ceremony ended. pic.twitter.com/yGekzPEqQH

— News.Az (@news_az) June 4, 2026

Едно лице кое присуствувало изјавило дека слушнало истрели додека матурантите и нивните семејства фотографирале на паркингот на училиштето.

Аманда Прието, која живее во близина на училиштето, рекла дека била во дворот и разговарала на телефон кога ги слушнала истрелите.

– Погледнав преку оградата и видов луѓе како врескаат и трчаат низ паркингот. Беше застрашувачки – рекла таа.

Аманда, чиј 17-годишен син учи во училиштето, рекла дека веднаш се исплашила.

Authorities say one person was killed and three others were injured in a shooting at a high school graduation in California.

Reports say shots were fired shortly after the ceremony ended. pic.twitter.com/yGekzPEqQH

— News.Az (@news_az) June 4, 2026

Нејзиниот сопруг, Луис Прието, рече дека службите за итни случаи реагирале брзо, а полицијата и амбулантните возила биле на местото на настанот.

Претставничката на училишниот округ, Илана Израел Самуелс, рече дека мислите на сите вработени се со оние кои се погодени од оваа трагедија.

– Нашите мисли се со сите погодени од овој инцидент и штом ќе имаме повеќе информации, ќе ги споделиме со јавноста – рече таа.

Authorities say one person was killed and three others were injured in a shooting at a high school graduation in California.

Reports say shots were fired shortly after the ceremony ended. pic.twitter.com/yGekzPEqQH

— News.Az (@news_az) June 4, 2026

The post 📽️ ПУКАЊЕ НА МАТУРА ВО СРЕДНО УЧИЛИШТЕ Ужас во Калифорнија, има мртви и ранети  appeared first on plusinfo.mk.

Вооружен напаѓач на југот на Турција уби четири лица, а рани осум, јавуваат локалните медиуми.

Нападот се случи во округот Тарсус, во провинцијата Мерсин, објавија турскиот весник „Хуриет“ и телевизијата „Си-Ен-Ен Турк“. Според извештаите, пукањето започнало во ресторан, а осомничениот, за кого се претпоставува дека е 17-годишник, побегнал со автомобил, пренесува Би-Би-Си.

Полицијата, со поддршка на хеликоптери, веднаш покрена опсежна потрага по него.

Турските медиуми јавуваат дека две лица биле убиени во самиот ресторан, а се верува дека станува збор за сопственикот и еден вработен. Напаѓачот потоа го продолжил пукањето надвор, при што убил овчар во близина и еден возач на камион.

Мотивите за нападот засега остануваат непознати.

The post ВООРУЖЕН ТИНЕЈЏЕР УБИ ЧЕТВОРИЦА, РАНИ 8 ЛУЃЕ И ПОБЕГНА Масакр во ресторан на југот на Турција appeared first on plusinfo.mk.

Речиси секој родител на тинејџер е запознаен со пркосот – одбивање, расправии и кршење правила. Иако бунтовноста е нормален дел од растењето, понекогаш може да биде маска за подлабоки емоционални проблеми како што се несигурност, вознемиреност или тага. Психолозите советуваат родителите внимателно да го следат однесувањето на својот тинејџер за да забележат промени и да ги бараат причините за таквото однесување.

Дали пркосот е знак на несигурност?

Тинејџерскиот пркос може да се појави од многу причини, а несигурноста е една од нив. Тинејџер кој се чувствува несигурен може да почне да го имитира пркосното однесување на своите врсници во потрага по чувство на припадност.

– Ако се чувствуваат недостојни или се борат со внатрешен критичар, може да станат пркосни за некако да ја потврдат сликата за која веруваат дека другите ја имаат за нив – вели Алисон Гилболт, лиценциран терапевт, за Parents.com. Со други зборови, тинејџерот може да помисли: „Ако не сум достоен/достојна за љубов, зошто да не одам до крај?“

Овој начин на размислување се манифестира надворешно како пркос.

Повеќе за ова на порталот „Мајка и дете“.

The post ПРКОС КАЈ ТИНЕЈЏЕРИТЕ Што стои зад бунтовното однесување? appeared first on plusinfo.mk.

Хари Стајлс е сега еден од најпознатите музичари во светот, но неговото патување до глобална слава започнало во еден многу обичен британски град. На 6 март, музичарот го издава својот четврти студиски албум „Kiss All the Time. Disco, Occupationally“ кој сигурно ќе ја воодушеви неговата бројна публика што го чека неговиот нов музички материјал од 2022 година.

Но, уметникот, кој неодамна наполни 32 години, помина долг пат од тинејџер што работи во пекарница до ѕвезда што ги полни стадионите и добива филмски улоги, а неговата кариера е една од најинтересните приказни во модерната поп музика.

Хари Едвард Стајлс е роден на 1 февруари 1994 година во Редич, Англија, и пораснал во малото гратче Холмс Чапел во Чешир. Неговите родители, Ен Кокс и Дес Стајлс, се развеле кога имал седум години, по што живеел со мајка си и постарата сестра Џема.

Тој покажал интерес за музика уште како дете. Во училиште бил член на бендот „Вајт Ескимо“, со кого победил на локален натпревар за бендови. Во тоа време работел и во локална пекарница, а токму неговата мајка го запишала на аудиција за телевизиското шоу „Икс Фактор“ во 2010 година.

Стајлс првпат ја извел „Hey, Soul Sister“ на групата Train на аудицијата, а на барање на Сајмон Ковел, извел уште една песна – „Isn’t She Lovely“ од Стиви Вондер и го воодушевил жирито. Иако не поминал како соло изведувач, судиите решиле да го поврзат со уште четири други натпреварувачи – Најл Хоран, Лиам Пејн, Луис Томлинсон и Зејн Малик, заедно формирајќи го бендот One Direction.

Иако завршиле на третото место во шоуто, тие брзо станале еден од најголемите машки бендови во историјата. Помеѓу 2011 и 2016 година, One Direction објавија пет многу успешни албуми: „Up All Night“, „Take Me Home“, „Midnight Memories“, „Four“ и „Made in the A.M.“, а хитови како „What Makes You Beautiful“, „Story of My Life“, „Drag Me Down“ и „Best Song Ever“ беа на врвот на светските топ листи. Бендот распродаде турнеи низ целиот свет и стекна милиони обожаватели.

Во овој период, Стајлс стана еден од најпрепознатливите членови на групата благодарение на неговата харизма, вокални способности и уникатен стил.

Во 2015 година, Зејн Малик го напушти бендот, а една година подоцна One Direction објавија пауза за членовите да можат да се фокусираат на своите соло кариери.

Својата соло кариера ја започна во 2017 година со албумот „Harry Styles“, кој доби одлични критики и комерцијален успех, а синглот „Sign of the Times“ веднаш стана огромен хит.

Неговиот втор албум, Fine Line, во 2019 година, го зацврсти неговиот статус на глобална ѕвезда. Песната „Watermelon Sugar“ освои Греми награда и стана еден од неговите најголеми хитови. Неговиот трет албум, „Harry’s House“, објавен во 2022 година, му донесе уште поголем успех, а синглот „As It Was“ стана една од најстримуваните песни на деценијата.

Покрај музиката, Стајлс имаше и филмска кариера. Се појави во воениот филм на Кристофер Нолан „Dunkirk“, а подоцна и во филмовите „Don’t Worry Darling“ и „My Policeman“. Покрај музиката, Стајлс стана и една од најголемите модни икони на денешницата. Тој е познат по својот смел моден стил кој често ги замаглува границите помеѓу машката и женската мода.

Во 2020 година, тој стана првиот маж кој се појави сам на насловната страница на американскиот Vogue, што предизвика огромна дебата за родовите норми во модата. Стајлс често се обидува да го држи својот приватен живот подалеку од јавноста, но неговиот љубовен живот редовно привлекува медиумско внимание.

Една од неговите први врски со висок профил беше со Тејлор Свифт во 2012 година. Нивната кратка романса инспирираше многу од песните на нејзиниот албум „1989“ и сè уште често се споменува во поп-културата денес. Оттогаш е поврзан со неколку познати жени, вклучувајќи ги Кендал Џенер, Камил Роу и Оливија Вајлд. Неговата врска со режисерката и актерка што ја запозна на снимањето на филмот „Не грижи се, драга“ привлече големо внимание од јавноста бидејќи Вајлд беше десет години постара од него, а нивната романса заврши во 2022 година. Неодамна, фотографите постојано го фотографираа со Зои Кравиц, која е исто така добра пријателка на Тејлор Свифт. Тој често зборуваше за важноста на приватноста и одби јавно да ја дефинира својата сексуалност, нагласувајќи дека не сака да биде етикетиран.

Денес, Хари Стајлс ги полни стадионите низ целиот свет и се смета за еден од највлијателните поп-артисти на неговата генерација. Неговите турнеи ги рушат рекордите на посетеност, а неговата музика и стил влијаат на новата генерација уметници.

Од момче кое работело во пекарница до глобална ѕвезда – приказната на Хари Стајлс е доказ за тоа дека соништата можат да се претворат во реалност.

The post НЕКОГАШ РАБОТЕЛ ВО ПЕКАРНИЦА, СЕГА ПОЛНИ СТАДИОНИ Како Хари Стајлс стана глобална ѕвезда? appeared first on plusinfo.mk.

Одморот на едно германско семејство на Зеленортските острови заврши трагично откако тројца членови на семејството беа пронајдени мртви во станот каде што престојуваа. Португалската полиција потврди дека во Лисабон е уапсен 19-годишен син, кој е осомничен за тешко убиство.

Телата беа пронајдени во сместувачкиот простор, а според првичните информации, жртвите беа убиени со ладно оружје.

Португалските власти соопштија дека младиот човек е уапсен во Лисабон врз основа на европска потерница издадена од германските власти. Се сомнева дека ги убил својот татко, сопругата на својот татко и нејзината ќерка.

Службениците сè уште не го објавија мотивот за злосторството, а истрагата е во тек.

Според државната новинска агенција Луса, злосторството се случило во вторник на островот Сао Висенте, каде што семејството било на одмор. Осомничениот, според достапните информации, го напуштил островот и отпатувал во Португалија пред да бидат откриени телата во станот.

Полицијата изјави дека, според нивните сознанија, младиот човек има ментални нарушувања, но оваа информација сè уште не е официјално потврдена преку судска постапка.

Понатамошни детали за околностите на злосторството и мотивите на осомничениот се очекуваат по дополнителните сослушувања и форензичката анализа.

The post ГЕРМАНСКИ ТИНЕЈЏЕР ГО ИСКАСАПИЛ СЕМЕЈСТВОТО НА ОДМОР ВО САО ВИСЕНТЕ Полицијата го уапси во Португалија appeared first on plusinfo.mk.

Овен Купер откри дека откако ќе заврши со GCSE (општ сертификат за средно училиште), ќе го напушти училиштето за да продолжи со кариера во глумата.

Тинејџерот од Ворингтон, Чешир, се прослави по неговата улога во хит – серијата на Нетфликс од 2025 година, „Адолесценција“.

Неговата изведба на осомничениот за убиство Џејми Милер, му донесе пофалби од критичарите и тој стана најмладиот маж што некогаш освоил награда „Еми“ за најдобар спореден глумец во мини серија.
И сега Овен (16) е подготвен да ја продолжи својата страст со полно работно време.

Зборувајќи во шоуто на Греам Нортон на Би-Би-Си, ѕвездата во подем рече: Сè уште имам GCSE да завршам. Ми остануваат само околу шест месеци, а потоа си одам – ​​и се надевам дека потоа ќе бидам актер.

За време на неговото појавување во новогодишната епизода од шоуто, заедно со Кери Малиган, Лора Дерн, Вил Арнет и Том Хидлстон, Овен со воодушевување зборуваше за своето искуство и искуството на неговото семејство на церемонијата на доделувањето на наградите „Еми“ во Лос Анџелес.

– Беше лудо и по малку матно. Бројот на луѓе што ги запознав таму беше неверојатен. Навистина беше најдобриот ден во мојот живот – рече тој.

Но, Овен не е изненаден од успехот на „Адолесценција“, која беше ко-креирана од Греам, велејќи: Веднаш помислив дека ќе биде повеќе од ТВ-серија – го прочитав сценариото, а потоа го слушнав зборот „Нетфликс“. Бев нервозен каква ќе биде реакцијата, но една недела откако излезе сè се сруши. Беше добра година.

Додека неговата неверојатна серија на награди продолжува, ученикот доби номинација за најдобар спореден глумец на Златните глобуси кога номинациите беа објавени претходно овој месец, а ако победи, повторно ќе биде најмладиот добитник на наградата.

Овен беше номиниран заедно со колегите Стивен Греам, Ерин Доерти и Ешли Волтерс, а хит-серијата на Нетфликс освои вкупно пет номинации пред церемонијата во Лос Анџелес во јануари, полна со ѕвезди.

Ако Овен победи, победувајќи ги колегите од „Ешли и Вајт Лотус“, Џејсон Исак и Волтон Гогингс, тој ќе го замени Крис Колфер, кој моментално е најмладиот најдобар спореден глумец во серија за неговата улога како Курт во „Glee“, која ја освои во 2009 година на 20 години.

Други млади ѕвезди кои освоија Златни глобуси се Тејтум О’Нил, кој имаше само десет години кога ја освои наградата за најдобра споредна глумица во филмот „Paper Moon“ од 1973 година.

Во меѓувреме, Роки Шредер имал девет години кога ја освои сега веќе непостоечката награда за најдобра нова ѕвезда за филмот „The Champ“ во 1980 година.

По „Адолесценција“, Овен се врати на малите екрани во новата серија на Би-Би-Си, Film Club, во која глуми актерката од „Белиот лотос“, Ејми Лу Вуд.

The post ОВЕН КУПЕР ГО НАПУШТА УЧИЛИШТЕТО ЗА ДА ПРОДОЛЖИ СО АКТЕРСКАТА КАРИЕРА Тинејџерот се прослави со улогата во хит-серијата „Адолесценција“ appeared first on plusinfo.mk.

Индонезиската полиција откри рачно изработени експлозивни направи на местото на експлозијата во џамија во Џакарта минатата недела, информира полицијата.

Пронајдени се вкупно седум направи, од кои четири биле активирани. Надлежните органи додадоа дека осомничениот за нападот дејствувал сам и не бил дел од „терористичка мрежа“.

Повеќе од 50 луѓе беа повредени во експлозиите за време на петочните молитви, од кои 26 потешко. Тројца од нив се борат за живот, информираше шефот на полицијата во Џакарта, Асеп Еди Сухери, пред новинарите. Бомбите биле активирани на далечина.

Шефот на полицијата не го кажа името на осомничениот, но го нарече „дете, исправено пред законот“. Минатата недела полицијата објави дека осомничениот е 17-годишен ученик. Во исто време, се спроведува истрага фокусирана на минатото и мотивите на момчето.

Полицијата на местото на настанот пронашла и играчка-пиштол со натписи, кој беше прикажан за време на денешниот брифинг. Шефот на полицијата во Џакарта го опиша обвинетиот ученик како „повлечен“ и „недружељубив“.

The post 🎥 17-ГОДИШНИК НАНИЖАЛ СО ЕКСПЛОЗИВИ ЏАМИЈА ВО ЏАКАРТА? Од 7 импровизирани направи, 4 експлодирале, 26 луѓе се тешко повредени appeared first on plusinfo.mk.