Свештеникот од католичкиот мисионерски ред редемптористи Патрицио Санчез почина вчера откако голем крст падна врз него за време на миса. Несреќата се случи во црквата „Мајката на Вечна Помош“ во Гвајакил, Еквадор.

Надбискупијата Гвајакил ја потврди неговата смрт истиот ден, објавува InfoVaticana.

Некрологот, потпишан од надбискупот кардинал Луис Херардо Кабрера Херера, објави дека отец Санчез Молинари „отишол во куќата на Отецот за да ужива во Неговото присуство и слава“. Надбискупијата се придружува во „молењето за вечен покој на неговата душа“ и изразува солидарност и љубов кон „семејството Искупителисти, неговите роднини и пријатели“.

Официјалното соопштение не ги прецизираше околностите на неговата смрт. Деталите за несреќата станаа познати преку дигиталните медиуми и социјалните мрежи. Локалниот весник објавуви дека свештеникот служел миса што била емитувана во живо на неговиот профил.

На видео од трагедијата се гледа како во еден момент за време на мисата, големо распетие се откажува од ѕидот зад свештеникот и паѓа врз него.

Во соопштението на надбискупијата нема информации за состојбата на крстот или како бил поставен. Отецот Санчез Молинари бил член на Конгрегацијата на Пресветиот Спасител, ред основан во 1732 година од Свети Алфонс Марија де Лигуори.

Terrible!!
Tragedia en la iglesia Perpetuo Socorro, sur de Guayaquil.
El sacerdote Patricio Sánchez falleció tras caerle encima una cruz mientras oficiaba una misa.
El lamentable suceso causa gran conmoción entre los fieles y la comunidad católica. https://t.co/647JgyCrA5

— Emergencias Ec (@EmergenciasEc) October 18, 2026

The post 🎥 (ВОЗНЕМИРУВАЧКО) ГОЛЕМ КРСТ ПАДНА ВРЗ СВЕШТЕНИК ЗА ВРЕМЕ НА МИСА Почина од силниот удар appeared first on plusinfo.mk.

Уапсениот 75-годишен патник кој предизвика евакуација на авионот на „Ер Србија“ во Сплит со тврдењето дека во леталото има бомба, наводно е свештеник, неофицијално дознава „Слободна Далмација“.

Тој по изговорените зборови рекол дека само се шегувал, но авионот бил испразнет и подложен на целосна безбедносна проверка.

Новиот детал се појави неколку часа по драмата на летот од Сплит за Белград, кој требаше да полета во 15:20 часот. По повеќечасовното доцнење и завршените проверки, авионот конечно полетал непосредно пред 19 часот.

Сплитско-далматинската полиција потврди дека во авионот, багажот и кај патниците не била пронајдена експлозивна направа.

„На аеродромот во Сплит беше извршена антиексплозивна проверка на авионот, патниците и багажот. За време на проверката не е пронајдена експлозивна направа, а авионот со патници го напушти аеродромот“, соопшти полицијата.

Против уапсениот 75-годишник е отворена кривична истрага поради сомнение за кривично дело лажна тревога.

Според полицијата, тој околу 15:25 часот, додека авионот сè уште бил на аеродромот, му кажал на екипажот дека во леталото има бомба, а веднаш потоа тврдел дека станува збор за шега.

Патникот Винко Паиќ претходно раскажа дека неколку полицајци, во униформа и во цивилна облека, ненадејно влегле во авионот и извеле седокос маж кој седел во третиот или четвртиот ред.

Кога ја прашал стјуардесата што се случува, добил кус одговор:

– Тој го спомна зборот бомба – му рекла стјуардесата.

Неколку патници сами го напуштиле авионот од страв, а околу 15:40 часот пилотот ги известил сите дека мора да се симнат поради безбедносна проверка.

КАЖАЛ „БОМБА“ ПРЕД ПОЛЕТУВАЊЕ, ДОШЛА ПОЛИЦИЈА Драма во авионот на „Ер Србија“ во Сплит

The post УАПСЕНИОТ НА ЛЕТОТ НА „ЕР СРБИЈА“ РЕКОЛ ДЕКА САМО СЕ ШЕГУВА По проверката за бомба авионот полета за Белград appeared first on plusinfo.mk.

Руски FPV-дрон удрил во манастир во селото Червоњи Мајак во Херсонската област, при што загинал 71-годишен свештеник, а уште четворица свештеници биле ранети. Нападот се случил околу 15 часот во саботата.

„Во нападот со FPV-дрон загина 71-годишен свештеник“, соопшти шефот на Херсонската област, Олександр Прокудин.

Ранетите свештеници се на возраст од 31 до 53 години. Според првичните информации на регионалните власти, тие добиле повреди од експлозијата и шрапнели.

Every day and every night, we defend ourselves against Russian strikes. Yesterday, in the Kherson region, the Russians struck a monastery with an FPV drone. Tragically, one member of the monastery clergy was killed and four others were wounded. My condolences to the family and… pic.twitter.com/B7c61dhNuT

— Volodymyr Zelenskyy / Володимир Зеленський (@ZelenskyyUa) September 20, 2026

Червоњи Мајак се наоѓа покрај Дњепар, во Херсонската област. Украинските власти соопштија дека за нападот бил употребен FPV-дрон, летало управувано со слика што операторот ја следи во реално време.

Украинскиот претседател Володимир Зеленски го посочи нападот врз манастирот во контекст на пошироките руски воздушни напади врз Украина. Во последните денови се регистрирани напади и врз цивилни и инфраструктурни цели во повеќе украински региони.

Нападот врз манастирот доаѓа во ден кога и Москва и поширокиот Московски регион беа цел на масовен украински напад со беспилотни летала. Руските власти соопштија дека во Московскиот регион биле соборени или неутрализирани 249 дронови во 17 окрузи, а бил погоден и објект во Московската рафинерија.

Во нападите загинаа најмалку двајца.

The post РУСКИ ДРОН УБИ СВЕШТЕНИК ВО УКРАИНСКИ МАНАСТИР Уште четворица свештеници се ранети во нападот кај Дњепар appeared first on plusinfo.mk.

Српската православна црква (СПЦ) екскомуницираше двајца истакнати критичари на режимот на претседателот Александар Вучиќ, теологот Благоје Пантелиќ и свешетникот Вукашин Миличевиќ, објавија медиумите во Србија.

Со одлука на Црковниот суд на Белградско-карловачката архиепископија, Пантелиќ и Миличевиќ се трајно екскомуницирани од црковната заедница на Српската православна црква. Оваа одлука значи дека по нивната смрт, нивните семејства нема да можат да ги погребаат според православните обичаи. И двајцата се верници, а Миличевиќ беше свештеник до одлуката од 29 јануари.

– За мене, ова е голема чест и високо признание што ми го дадоа Црковниот суд, како и неговиот претседател, српскиот патријарх Порфириј – рече Миличевиќ по повод неговата екскомуникација.

– Ветувам дека ќе продолжам да се трудам да ја оправдам довербата што ми ја дадоа со оваа одлука и дека ќе продолжам, каде и да имам можност, да ја разоткривам и посочувам лицемерието на сегашното раководство на Српската православна црква, нивните ереси и срамни постапки со кои тие предизвикаа и предизвикуваат неизмерна штета на Црквата, која, во соработка со мафијашкиот режим, целосно ја узурпираа и потчинија за да им служат на своите криминални и воинствени цели – додаде тој.

Теологот Благоје Пантелиќ ќе поднесе жалба до повисок црковен орган. Српската православна црква покрена постапка против Пантелиќ и Миличевиќ минатото лето, иако не беше сосема јасно зошто. Се верува дека Црквата сакала да ги казни за нивните јавни изјави и нивните ставови за односот на Црквата со режимот на Александар Вучиќ. Кон крајот на ноември, Пантелиќ доби писмо во кое обвинителот на Црковниот суд на Белградско-карловачката архиепископија бара казна за него.

– Ова е трајна екскомуникација. Или, како што би рекол патријархот: анатема. Ако патријархот го одреди ова, тогаш, на пример, кога ќе умрам, моето семејство нема да може да ме погреба според православните обичаи, односно свештеник нема да има право да го изврши мојот погреб – рече Пантелиќ.

Според Вукашин Миличевиќ, „сето тоа е претстава, а Српската православна црква најверојатно ќе преземе мерки официјално да го лиши од свештеничкиот чин, а потоа да го исклучи од црковната заедница“.

По сослушувањето пред Црковниот суд, Миличевиќ изјави дека стои зад секој збор што го кажал јавно, со најдобра намера да го зачува она што останало од угледот на Српската православна црква.

– Единствениот начин да ги променам моите ставови е да се соочам со аргументи, и додека не ги видам, нема промена на ставовите. Не стануваше збор за кривични дела, туку тие наведуваа обвинувања и ме прашуваа дали стојам зад нив и дали знам што сум прекршил. Не го прекршив евангелскиот закон, туку со моите јавни настапи ги почитував вредностите содржани во него. Можев да докажам дека оние против кои јавно зборував го претворија евангелието во предмет на потсмев – рече Миличевиќ.

The post СПЦ ИМ ФРЛИ АНАТЕМА НА ДВАЈЦА КРИТИЧАРИ НА ВУЧИЌ Кога ќе починат нема да бидат погребани според православните обичаи appeared first on plusinfo.mk.

Отец Партениос (58), познат на интернет по своите религиозни видеа, е обвинет за злоупотреба на својата религиозна положба како покритие за криминал.

Во документите од истрагата, кои ги објавија грчките медиуми, свештеникот дејствувал како клучен соработник на водачот на бандата, која ја предводела жена.

Двајца други свештеници учествувале со него.

Според полицијата, тројцата свештеници транспортирале, складирале и дистрибуирале кокаин и сурова марихуана, па дури и ги користеле просториите на црквите за да ја сокријат дрогата.

Членовите на бандата го користеле својот „религиозен статус“ и углед за да се „кријат на отворено“, за никој да не се сомнева во нив, додека ја дистрибуирале дрогата до корисници и дилери во различни делови од земјата.

Истрагата откри дека истата мрежа користела исти рути за транспорт на нелегални мигранти, под постојан надзор на водачот на бандата и нејзиниот близок соработник.

На пример, на 13 септември 2025 година, свештеникот Д.М. бил уапсен во регионот Родопите додека превезувал шест недокументирани странци, додека возилата на преостанатите двајца свештеници, кои служеле како извидници и заштита на конвојот, се движеле во близина.

Минатата недела, полицијата на островот Родос фатила член на мрежата како предава 2,1 килограми кокаин на друг соработник.

Истата вечер, водачот на бандата бил уапсен во Атина, а кај неа била пронајдена одредена количина марихуана.

Според полициските записи, најмалку три месеци пред нивното апсење, осомничените купувале, разредувале и препакувале големи количини наркотици, чија вредност достигнала 35.000 евра по килограм кокаин и 2.500 евра по килограм марихуана.

Свештеникот и неговите бандити користеле кодни имиња за „стоката“ – марихуаната во нивните разговори се нарекувала „фануропите“ (вид торта посветена на Свети Фануриј), додека за комуникација користеле стари мобилни телефони без пристап до интернет.

The post 📽️ СВЕТИЛИШТЕ ПРЕТВОРЕНО ВО СКРИВАЛИШТЕ Свештеникот за кој никој не се сомневаше криел дрога меѓу иконите appeared first on plusinfo.mk.

Невообичаена сцена ја вознемири јавноста за време на верскиот празник Задушница, кога полицијата на гробиштата во скопската населба Ѓорче Петров привела маж облечен во свештеничка мантија, кој изведувал обреди.

Од Министерството за внатрешни работи потврдија дека се работи за лицето Б.П., кое било затекнато како врши верски активности, а против него се преземаат мерки за расчистување на случајот.

„На 01.11.2025 на гробиштата во Ѓорче Петров во Скопје, постапувајќи по претходна пријава, од страна на полициски службеници од ОКР Ѓорче Петров легитимиран е Б.П., кој извршувал верски активности. Се преземаат мерки за расчистување на случајот“, велат од Министерството.

Од МВР не соопштуваат детали, освен дека случајот е во постапка.

Очевидци сведочат дека човекот носел кандило и пеел молитви за покојници, нудејќи им на граѓаните да „пее“ за нивните блиски. Но, набрзо било утврдено дека не е вистински свештеник.

„Замислете мои волковчани и ѓорчепетровци, на Задушница одиш како човек на гробишта за да ги посетиш починатите и бараш поп. И кога едвај го наоѓаш, го викаш да го испее гробот, и оп – од нигде никаде скокаат четворица полицајци да го апсат попот. Зошто? Затоа што не бил поп, туку некој човек што си нарачал мантија и кандило и си рекол: ‘Сега ќе му е мајката, на жалоста на луѓето пари ќе правам’. Го апсат, го носат во полициска станица, а гробот остана неиспеан. Е моја чудесна Македонија“, напиша еден корисник на Фејсбук.

Според неофицијални информации, лицето најверојатно се претставувало како поп со цел да зема пари од граѓаните за изведување на верски обреди.

The post 📷 СКАНДАЛ НА ЗАДУШНИЦА НА ГРОБИШТАТА ВО ЃОРЧЕ Лажен свештеник „пеел“ за покојници, па заврши со лисици appeared first on plusinfo.mk.

Свештеник кој секој ден добивал повици од Папата Франциск беше погоден во нападот на единствената католичка црква во Газа, при што загинаа две лица, а неколку беа повредени, пишува „Гардијан“.

Aргентинецот Габриеле Романели, завршил со лесна повреда на левата нога.

Нападот врз црквата „Свето Семејство“ во Газа предизвика реакции во Италија. Првата жена на владата, Џорџа Мелони, го осуди нападот:

„Нападите врз цивилното население што Израел ги спроведува со месеци се неприфатливи. Ниту една воена акција не може да го оправда таквото однесување“, напиша Мелони на социјалните мрежи.

Израелските одбранбени сили (ИДФ) се огласија со објава во која се вели дека жалат за предизвиканата штета и дека се разгледуваат околностите за инцидентот.

Pope Leo XIV has called for an “immediate ceasefire” after Israel struck the only Catholic church in Gaza, killing 2 people and injuring several others.

Pope Francis’ friend, Father Gabriel Romanelli, is among the wounded.

Follow: @AFpost pic.twitter.com/99JQRNzITd

— AF Post (@AFpost) July 17, 2025

„ИДФ вложува секаков можен напор за ублажување на штетата врз цивилите и цивилните структури, вклучително и религиозните објекти, и жали за секоја штета предизвикана врз нив“.

Според директорот на арапската болница „Ал-Ахли“, по нападот на црквата „Свето семејство“ во критична состојба се најмалку две лица се во критична состојба, а меѓу повредените има и дете со попреченост, две жени и едно постаро лице.

Единствената католичка црква во Газа долги година била засолниште и за христијани и за муслимани, вклучително и лица со попреченост.

Парохискиот свештеник Романели кој беше ранет имал блиска комуникацијата со папата уште од 9 октомври, 2023 година, два дена откако нападите на Хамас врз Израел означија почеток на конфликтот во Газа.

Папата секојдневно му се јавувал на Романели во знак на солидарност, дури и во последните денови од својот живот.

По смртта на Франциск, Романели изјавил:

– Дури и откако беше хоспитализиран, тој продолжи да се јавува за да нè провери. Нашата тага е длабока затоа што изгубивме некого за кого чувствувавме дека станал член на нашата црква (во Газа).

The post 📷 СВЕШТЕНИК БЛИЗОК ДО ПАПАТА РАНЕТ ВО НАПАД ВО ГАЗА Израел ја погоди единствената католичка црква во Појасот appeared first on plusinfo.mk.

Свештеникот на Украинската Православна Црква, протојереј Роман, беше претепан од екстремисти, поддржувачи на ПЦУ (Православната Црква на Украина, чија автокефалија е доделена од Цариградската Патријаршија) во близина на соборниот храм во градот Черонвци, во Украина, при неодамнешниот напад и обид за одземање на храмот, пренесе Литургија.

Украинските црковни медиуми известуваат дека отец Роман моментално е во тешка состојба.

Екстремистите од ПЦУ го удирале со раце и нозе, го влечеле по земја полумртов, а потоа го фрлиле преку ограда висока три метри. Подоцна, тој бил хоспитализиран со амбулантно возило.

Се известува дека компјутерската томографија покажала дека отец Роман има скршени ребра и повредени бели дробови. Ставена му е цевка за дишење.

Исто така, свештеникот има скршен нос. Медицинскиот тим констатира и други бројни повреди – на срцето, градниот кош, карличните органи и ногата.

Снимката погледнете ја ТУКА.

The post (ВОЗНЕМИРУВАЧКА СНИМКА) БРУТАЛНО ПРЕТЕПАН СВЕШТЕНИК НА УКРАИНСКАТА ПРАВОСЛАВНА ЦРКВА Го удирале, го влечеле по земја и го фрлиле преку ограда appeared first on plusinfo.mk.

Голема прашина се крена по еден од настапите на свеченото отворање на Олимписките игри, при што неколку луѓе, меѓу кои и членови на „Драг рејс Франс“ (Drag Race France), изведоа пародија на Тајната вечера.

Стигнаа критики од сите страни, се огласи Илон Маск за да ја повика целата организација, а сега се огласи и католичкиот свештеник Роберт Барон.

Тој во крајно незадоволен тон зборуваше за целиот настан, нагласувајќи дека не мисли дека некогаш нешто ќе му се случи на исламот.

– Дали некогаш би се осмелиле да го исмеваат исламот на сличен начин? Ова длабоко секуларистичко и постмодерно општество знае кој е неговиот непријател- го именуваат, а ние треба да им веруваме – рече Барон.

Целото негово излагање можете да ја погледнете во следното видео.

Catholic Bishop Robert Barron (@BishopBarron) condemns blasphemous Opening Ceremony for Paris Olympics:

“Would they ever have dared mock Islam in a similar way?
This deeply secularist, post-modern society knows who its enemy is—they’re naming it—and we should believe them.” pic.twitter.com/0AyyIblx6E

— Bree A Dail (@breeadail) July 27, 2024

– Да се ​​отвори настанот вака, да се имитираат Исус и неговите ученици, е апсурдно. Светот има 2,4 милијарди христијани и се чини дека Олимписките игри сакаа да им испратат јасна порака на сите дека не се добредојдени – огорчено коментира водителот на подкастот „Либерти локдаун“, Клинт Расел.

За време на настапот, 18 изведувачи, меѓу кои и три познати драг кралици од „Драг рејс Франс“ (Drag Race France), позираа зад маса со поглед на реката Сена и Ајфеловата кула во позадина.

AN ABOMINATION

The opening ceremony of the Olympics mocked Jesus by recreating “The Last Supper’ with drag queens, a gay Smurf, and a few children sprinkled in there just for fun.

Clearly overt pagan, satanic symbolism.

And they call us conspiracy theorists. pic.twitter.com/ZDHERLl9od

— VINCENT OSHANA (@VincentOshana) July 26, 2024

Потоа манекенките излегоа на сцената на импровизирана ревија додека пародистите на Тајната вечера танцуваа покрај работ на бината. Настапот на крајот се претвори во танц спектакл кога Ники Дол, водителот на „Драг рејс Франс“ (Drag Race France), излезе на сцената.

Организаторите на Олимписките игри истакнаа дека настапот е интерпретација на грчкиот бог Дионис со цел да се укаже на „апсурдноста на насилството меѓу луѓето“. Сепак, многумина на социјалните мрежи сметаат дека претставата го навредува христијанството, па дури и француските политичари ја осудија оваа пародија.

Илон Маск исто така ја критикуваше претставата, велејќи дека е „крајно непочитување кон христијаните“.

Спротивно на тоа, многумина на социјалните мрежи го пофалија настапот како историски, особено откако 3 драг кралици првпат носеа олимписки факели.

ЦЕРЕМОНИЈАТА ВО ПАРИЗ Е КРАЈНО НЕПОЧИТУВАЊЕ КОН ХРИСТИЈАНИТЕ Илон Маск со остри реакции за костимите и за кореографијата

The post 🎥 А СМЕЕТЕ ЛИ ВАКА ДА ГО ИСМЕВАТЕ ИСЛАМОТ? Не стивнуваат реакциите за пародијата на Тајната вечера appeared first on plusinfo.mk.

Христијанскиот свештеник Брендон Бигс, човекот кој на видео на Јутјуб е претставен како пророк, пред 4 месеци најави дека ќе има атентат врз Доналд Трамп.

Она што го кажа тогаш пред камерите денес изгледа неверојатно бидејќи Бигс речиси детално опиша што се случи за време на саботниот митинг во Батлер, Пенсилванија.

– Го видов атентатот врз него. Куршумот помина покрај неговото уво и дојде толку блиску до главата што му го проби тапанчето – изјави Бигс за време на видеото кое штотуку стана вирално.

Иако медиумите никаде не го спомнаа оштетувањето на ушното тапанче на Трамп, речениците на Бигс сега предизвикаа голем интерес.

– Видов нов бран на патриотизам кој се шири како шумски пожар низ САД, како Трамп се издигнува и како се обидуваат да го убијат. Еден куршум помина покрај неговото уво. Мина толку блиску што му го прободе тапанчето. Го видов како клекна на колена, почна да му се поклонува на Господ и како радикално се прероди. Како станува некој што е многу страстен за Исус – рече Бигс.

Свештеникот ја најави победата на Трамп на претседателските избори.

– Видов и дека ќе победи на изборите, но, бидејќи многумина му судат, и разни судски процеси. Но, на тоа ќе му дојде крајот. За жал, ќе следи голем економски колапс, полош од Големата депресија во 1929 година – додава свештеникот Бигс.

Проследете го видеото, а пророштвото за атентатот е во 11 минута.

The post 🎥 ПРОРОК ПРЕД 4 МЕСЕЦИ ГО „НАЈАВИЛ” АТЕНТАТОТ ВРЗ ТРАМП Неверојатно, погодил дека ќе му биде рането увото! appeared first on plusinfo.mk.