Бугарскиот премиер Румен Радев свика вонреден безбедносен состанок на владиниот врв по инцидентот во кој два цивилни трговски брода беа погодени во економската зона на земјата во Црното Море. Шефот на бугарската влада нагласи дека се преземени сите неопходни мерки за заштита на територијалните води, со цел да се оневозможи каков било безбедносен ризик за крајбрежјето и за виталните трговски коридори од кои зависи снабдувањето на целиот регион.

Владата во Софија воспостави деноноќен мониторинг на сите пловни патишта, со засилен надзор врз оштетените пловни објекти што се наоѓаат на отворено море. Премиерот посочи дека институциите постапуваат со максимална претпазливост за да не се дозволи напуштени или оштетени бродови да навлезат кон брегот и да предизвикаат прекин на комерцијалната пловидба.

Според наредбите од премиерот, патролните катери на граничните единици и военоморските сили остануваат во состојба на зголемена готовност долж целата крајбрежна линија. Властите будно ја следат траекторијата на сите пловила на оддалеченост од седумдесет милји источно од Бјала, подготвени веднаш да интервенираат доколку некој брод се насочи кон бугарските територијални води.

– Ова е апсолутно недозволив напад и грубо погазување на меѓународното право и на морското дело. Одамна предупредувам дека доколку не се стави крај на воените дејствија, сериозно се загрозуваат цивилните поморски патишта, но ние нема да дозволиме бугарскиот брег да биде загрозен – изјави премиерот Радев.

Реакцијата на извршната власт во Софија е насочена и кон смирување на економските ризици, бидејќи секоја несигурност во Црното Море директно ги зголемува трошоците за транспорт на жито, енергенси и градежни материјали.

Рано изутринава два трговски брода беа погодени од дронови од засега непознато потекло, при што едниот брод потона, а бугарските спасувачки служби момраа да ги евакуираат морнарите.

Нападот се случи на околу 150 километри југоисточно од Варна, источно од ртот Свети Атанас кај градот Бјала, на околу 80 километри од брегот. Едниот од бродовите, натоварен со жито, пловел под знаме на Того, а вториот под знаме на Палау.

ДРОНОВИ НАПАДНАА ДВА БРОДА ВО БУГАРСКИТЕ ВОДИ Еден потона, од вториот спасени 18 морнари

The post НЕДОЗВОЛИВ НАПАД И ГРУБО КРШЕЊЕ НА МЕЃУНАРОДНОТО ПРАВО Радев за нападот со дронови во бугарските води appeared first on plusinfo.mk.

Два трговски брода се погодени од дронови во текот на ноќта во бугарската ексклузивна економска зона во Црното Море, на околу 150 километри југоисточно од Варна, во прв ваков пријавен напад врз пловила во бугарската економска зона.

Станува збор за бродови за разновиден товар „Алфа Ватан“, кој пловел под знамето на Того, и „Абле“, под знамето на Палау. Нападот се случил источно од ртот Свети Атанас и Бјала, на околу 70 до 80 наутички милји од брегот.

Еден од бродовите потона

Бродот „Алфа Ватан“ претрпел тешки оштетувања на трупот и потонал источно од бугарскиот брег. Во моментот на објавување на информациите сè уште нема официјална потврда за судбината на неговиот екипаж, а спасувачките екипи трагаат по исчезнатите морнари.

На вториот брод, „Aбле“ по ударот избувнал пожар поради што целиот 18-членен екипаж морал да го напушти пловилото.

Во спасувачката операција се вклучил бугарски ферибот, кој бил пренасочен кон местото на инцидентот и ги презел сите 18 морнари од „Абле“. Според досегашните информации, меѓу спасените има и повредени, на кои им била укажана прва помош, по што се подготвува нивно префрлање на брегот за медицинска помош.

Спасувачката операција продолжува во поширокиот реон источно од градот Бјала. Засега нема официјална информација кој стои зад нападите со дронови. Бугарските власти го истражуваат инцидентот.

Радев свика итна средба

Бугарскиот премиер Румен Радев свика итна средба со претставници на институциите по нападот врз двата брода во бугарската економска зона.

На средбата ќе учествуваат претставници на Министерството за одбрана, Министерството за внатрешни работи, Министерството за транспорт, Министерството за животна средина и води, претседателската институција и безбедносните служби.

Поради инцидентот, бугарската претседателка Иљана Јотова ја промени својата програма и го откажа планираното присуство во Велико Трново, каде што требаше да присуствува на претставувањето на резултатите од археолошките истражувања и реставрацијата на ридот Трапезица.

Инцидентот се смета за прв пријавен напад со дронови врз трговски бродови во бугарската ексклузивна економска зона во Црното Море.

The post ДРОНОВИ НАПАДНАА ДВА БРОДА ВО БУГАРСКИТЕ ВОДИ Еден потона, од вториот спасени 18 морнари appeared first on plusinfo.mk.

Турскиот претседател Реџеп Таjип Ердоган денеска повика на целосно укинување на механизмот за вето во Обединетите нации, заложувајќи се за реформа на системот што, според него, ги штити интересите на само пет земји и за зајакнување на улогата на Генералното собрание на ОН.

Говорејќи пред новинарите во Турската куќа („Туркеви“) во Њујорк, по учеството на 81-та сесија на Генералното собрание на ОН, Ердоган истакна дека сегашната структура, во која волјата на повеќе од 190 земји е ограничена од правото на вето на петте постојани членки на Советот за безбедност, не може да ја гарантира глобалната стабилност и правда.

– Нека се укине механизмот за вето. Да преминеме од модел на ОН што штити само пет членки кон механизам што ги опфаќа сите држави. На светот повеќе не му требаат нови ѕидови, туку нови мостови – рече Ердоган.

Тој предложи систем со поефикасно Генерално собрание, каде што избраните членки ќе имаат мандати со определено времетраење и ќе мора повторно да ја стекнат довербата на меѓународната заедница за реизбор. Според него, целта е да се обезбеди Африка, Азија, Латинска Америка, исламскиот свет и Европа да бидат рамноправно претставени.

Осврнувајќи се на ситуацијата во Газа, турскиот претседател нагласи дека траен мир на Блискиот Исток е речиси невозможен без итен и траен прекин на огнот и обезбедување достоинствена иднина за Палестинците. Тој го обвини Израел дека ги поткопува мировните напори и ги продолжува нападите, иако останатите страни, според Еродган, вклучително и Хамас – покажале подготвеност за решение. Притоа, тој ја повика меѓународната заедница, а особено САД, да извршат притисок врз Израел за почитување на мировниот план, кој мора да вклучува и брза обнова на Газа и политички гаранции.

Во однос на црноморскиот регион, Ердоган соопшти дека Турција ги интензивира дипломатските напори за повторно воспоставување на коридорот за транспорт на жито преку Црното Море. Тој откри дека за ова прашање веќе разговарал со украинскиот претседател Володимир Зеленски, од кого добил позитивен сигнал.

– Безбедноста на Црното Море е од клучна важност за сите нас. Црното Море не е фронт во оваа војна и никогаш не смее да стане тоа – заклучи Ердоган, подвлекувајќи дека Анкара не прифаќа никакви напади врз трговски бродови, без оглед од која страна доаѓаат.

The post ЕРДОГАН ПОВИКА НА УКИНУВАЊЕ НА ПРАВОТО НА ВЕТО ВО ОН Побара и реформа на Советот за безбедност appeared first on plusinfo.mk.

Полскиот министер за надворешни работи Радослав Сикорски остро му одговори на рускиот колега Сергеј Лавров за време на седницата на Советот за безбедност на Обединетите нации, отфрлајќи ги тврдењата на Москва за Украина и предупредувајќи дека руските закани се шират и надвор од украинското бојно поле. На крајот од својот говор, Шикорски директно му се обрати на Лавров и му порача да му пренесе на Владимир Путин: „Доста е“.

Сикорски одговори на тврдењата на Лавров откако рускиот министер ги опиша настаните од 2014 година, кога од власт беше отстранет украинскиот претседател Виктор Јанукович, како „крвав државен удар“.

– Господине претседавач, дозволете ми уште неколку реченици бидејќи министерот за надворешни работи на Руската Федерација ме прозва, па сметам дека морам да одговорам. Прво, тој настаните од 2014 година во Киев ги нарекува крвав државен удар. Јас бев таму со министрите за надворешни работи на Германија и Франција. Немаше никаков пуч. Демократски избраниот украински парламент изгласа смена на претседателот Јанукович, а за тоа гласаше и неговата Партија на регионите – рече Сикорски.

Тој додаде дека парламентот го сторил тоа затоа што, како што наведе, Јанукович бил одговорен за масакрот во кој биле убиени 100 или повеќе украински цивили.

„Рускиот јазик масовно се користи“

Полскиот министер ја отфрли и изјавата на Лавров дека рускиот јазик е забранет во Украина.

– Господинот Лавров, исто така, тврди – цитирам од транскриптот – дека на територијата на Украина рускиот јазик е целосно забранет во сите сфери. Јас бев во Киев пред десет дена, додека паѓаа руските бомби, и можам да го уверам дека таму рускиот јазик и тоа како се зборува – рече тој.

Сикорски оцени дека ескалацијата од Москва не покажува руска сила, туку, според него, е одраз на сè поголемиот притисок врз Кремљ по повеќе од четири години целосна инвазија врз Украина.

– Русија ескалира затоа што нејзиното раководство е во паника. По повеќе од четири години бесмислена колонијална војна, Владимир Путин не постигна ништо. Му недостигаат војници и ресурси, па му треба изговор за мобилизација. Во неговата непотребна војна загинале или биле ранети милион и пол Руси. Милиони Украинци и други Европејци се изложени на сè поголема опасност – рече Сикорски.

Сикорски предупреди дека опасноста не ја засега само Украина. Тој посочи на напади во близина на границите на НАТО, нарушувања на воздушниот простор, саботажи и тајни операции кои ги поврза со Русија во различни делови на Европа.

– Русија сега ја применува истата тактика и во Европа. Руски дрон на млазен погон на 13 септември погоди украински воз на само два километри од граничниот премин со Полска. Нов напад следуваше на 17 септември. Дронови и ракети ги нападнаа и граничните премини со Молдавија и Романија. Русија постави вооружен дрон на аеродромот во Лајпциг, Германија – рече полскиот министер.

Тој додаде дека руски дронови и авиони, меѓу другото, го нарушиле воздушниот простор на Литванија, Естонија, Норвешка и Финска.

Polish Foreign Minister Radosław Sikorski at the UN Security Council:

“To the representatives of the Russian Federation, I have this to say: You have been trying to conquer Donbas for over twelve years and Kyiv for over four. You have been stopped by heroic Ukraine, a country… pic.twitter.com/Lx8hU1utPx

— Status-6 (War & Military News) (@Archer83Able) September 23, 2026

Според Сикорски, руски платеници и оперативци, исто така, се поврзуваат со убиства во Шпанија, Велика Британија, Полска и Германија.

Полскиот министер потоа се осврна на кривична постапка во САД во која, како што наведе, е опфатена руска разузнавачка мрежа, предупредувајќи дека тајните операции на Москва ги надминуваат границите на Европа.

– Канцеларијата на американскиот обвинител за јужниот округ на Њујорк на 15 септември поднесе обвинение против членови на руска разузнавачка мрежа за, цитирам, заговор за финансирање тероризам и извршување платени убиства во Соединетите Американски Држави – рече Сикорски.

Тој ги наведе сајбер-нападите, саботажите, тајните операции и воениот притисок како дел од поширок образец.

– Тоа не се изолирани инциденти. Тоа е образец на однесување – рече тој.

Сикорски потоа директно им се обрати на руските претставници, споредувајќи ги руските воени амбиции со економската моќ на земјите што ја поддржуваат Украина.

– На претставниците на Руската Федерација им го порачувам следново: се обидувате да го освоите Донбас повеќе од 12 години, а Киев повеќе од четири. Ве запре херојска Украина, земја со БДП десетпати помал од рускиот. Полска има БДП што е речиси половина од вашиот. Европа има десетпати поголем БДП од вашиот. НАТО има 25 пати поголем БДП од вашиот. Можете да убиете уште многу луѓе, но не можете да победите – рече полскиот министер.

Тој ги повика руските власти да ја прекинат војната.

– Оваа империјална војна, која самите ја избравте, можете да ја прекинете во секој момент. Не ја загрозувајте повеќе Европа и светот. Престанете да ја уништувате иднината на Русија – порача Сикорски.

„Сергеј, знам дека слушаш“

Говорот Сикорски го заврши со директна порака до Сергеј Лавров, иако рускиот министер претходно ја напуштил салата.

– Сергеј, знам дека слушаш. Кажи му на шефот: доста е – порача Сикорски.

Неговото обраќање до Лавров беше дел од седницата на Советот за безбедност на ОН посветена на одржувањето на мирот и безбедноста во Украина.

The post 📽️ ЖЕСТОК СУДИР ВО СОВЕТОТ ЗА БЕЗБЕДНОСТ НА ОН Сикорски директно до Лавров: Пренеси му на Путин дека е доста! appeared first on plusinfo.mk.

Американскиот претседател Доналд Трамп накратко го прекина својот говор на Генералното собрание на ОН, за јавно да ѝ се заблагодари на првата дама на САД, Меланија Трамп, за нејзината работа.

Во еден момент од обраќањето, Трамп погледна низ салата и праша:

– Каде е нашата прва дама? Каде е? Таа е некаде овде – рече претседателот.

Откако ја побара со поглед, Трамп ѝ се заблагодари на Меланија и ја пофали за нејзината работа, по што присутните ја поздравија со аплауз.

– Ви благодарам многу, прва дамо. Одлична работа. Таа работеше толку напорно – рече Трамп.

На снимката од моментот, Меланија Трамп може да се види како се насмевнува и мавта кон присутните.

Trump briefly lost track of Melania

“𝘞𝘩𝘦𝘳𝘦 𝘪𝘴 𝘰𝘶𝘳 𝘍𝘪𝘳𝘴𝘵 𝘓𝘢𝘥𝘺? 𝘚𝘩𝘦’𝘴 𝘢𝘳𝘰𝘶𝘯𝘥 𝘩𝘦𝘳𝘦 𝘴𝘰𝘮𝘦𝘱𝘭𝘢𝘤𝘦.”

Melania:

Nothing like looking for your wife in front of the entire United Nations.

Writer: Lynnpic.twitter.com/R7Tf6vWQP2

— Mario Nawfal (@MarioNawfal) September 22, 2026

Трамп во својот говор ја пофали и нејзината улога во меѓународната дипломатија, посочувајќи го нејзиниот ангажман во Обединетите нации.

Тој особено се осврна на нејзиното учество на состанокот на Советот за безбедност на ОН во март годинава, кога Меланија Трамп претседаваше со седницата додека САД беа претседавач со Советот за безбедност. Тоа беше првпат сопруга на актуелен американски претседател да претседава со состанок на Советот за безбедност на ОН.

– Оваа година таа исто така стана единствената прва дама во историјата која претседавала со состанок на Советот за безбедност на ОН, и тоа го направи многу добро – рече Трамп.

Трамп потоа додаде дека Меланија била ангажирана и во враќањето на раселените украински и руски деца кај нивните семејства.

The post 📽️ ТРАМП ГО ПРЕКИНА ГОВОРОТ ВО ЊУЈОРК И ЈА ПОБАРА МЕЛАНИЈА Претседателот ѝ се заблагодари на првата дама пред целиот свет appeared first on plusinfo.mk.

Бразил, Германија, Индија и Јапонија вчера изјавија дека Советот за безбедност на Обединетите нации има потреба од итна реформа за да може повторно да го одржува меѓународниот мир и безбедност.

„Со оглед на сè попредизвикувачката геополитичка средина, реформата на Советот за безбедност на Обединетите нации е понеопходна од кога било порано“, изјавија шефовите на дипломатиите на четирите земји во заедничка изјава.

Четворицата дипломати се состанаа вчера на маргините на 81-та сесија на Генералното собрание на Обединетите нации.

ЕРДОГАН БАРА ДА СЕ УКИНЕ ВЕТОТО ВО СОВЕТОТ ЗА БЕЗБЕДНОСТ ВО ЕУ Не може неколку држави да одлучуват за целиот свет

The post БРАЗИЛ, ГЕРМАНИЈА, ИНДИЈА И ЈАПОНИЈА БАРААТ ИТНА РЕФОРМА Советот за безбедност на ОН мора да го чува светскиот мир appeared first on plusinfo.mk.

Русија синоќа соопшти дека извршила напади врз украинските градови Одеса и Черноморск, при што била погодена пристанишна инфраструктура и пловни објекти за кои Москва тврди дека ја поддржуваат украинската војска. Киев по нападите врз бродови во Црното Море, побара свикување итна седница на Советот за безбедност на ОН.

Руското Министерство за одбрана соопшти дека последните напади биле насочени кон товарен брод за време на истовар во пристаништето Черноморск, како и кон складиште со воен товар и резервоари за горива и нафта.

Според руското министерство, погодени биле и складишни и товарни објекти во Одеса, како и товарни бродови што, според Москва, пренесувале товар за потребите на украинската армија. Биле погодени и три складишта со украински беспилотни летала.

Во соопштението објавено доцна синоќа на „Телеграм“, руското Министерство за одбрана наведе дека руските беспилотни летала во текот на денот погодиле четири товарни брода и еден брод за превоз на ситен материјал во водите на Црното Море и во пристаништето Черноморск. Се наведува дека пловните објекти превезувале товар за украинската војска.

Речиси четири и пол години по почетокот на војната, Русија и Украина ги засилија воените активности во и околу Црното и Азовското Море, при што двете страни нападнаа десетици бродови, меѓу кои и танкери за нафта и товарни бродови.

Украина побара итна седница на Советот за безбедност на Обединетите нации за 27 јули по руските напади врз бродови во Црното Море, изјави вршителот на должноста украински министер за надворешни работи, Андриј Сибиха.

Во објава на платформата „Икс“, Сибиха наведе дека неодамна биле нападнати најмалку три цивилни товарни брода, при што „десетици“ членови на екипажите биле убиени или повредени.

„Денес ниту едно пловило не помина низ украинскиот црноморски поморски коридор – токму во време на врвот на жетвата. Ова е намерен економски и хуманитарен терор“, напиша тој, обвинувајќи ја Русија дека ја загрозува глобалната безбедност на храната.

Сибиха повика на реакција од меѓународната заедница и ги повика државите, особено оние кои се засегнати, да побараат од Русија да престане со нападите врз слободата на пловидба во Црното Море.

The post РУСИЈА ГИ ГАЃА УКРАИНСКИТЕ ТРГОВСКИ БРОДОВИ Киев бара итна седница на Советот за безбедност на ООН appeared first on plusinfo.mk.

Според поранешниот национален координатор за гранично управување и професор по безбедност, Владимир Пивоваров, треба сериозно да ја разгледаме ситуацијата со наводите за шпионажа во кабинетот на претседателката Гордана Сиљановска-Давкова. Тој вели дека вербалните докази треба да се поткрепат со материјални.

– Убаво пишува дека МВР добило наредба од обвинителот да изврши вештачење на мобилни телефони, компјутер, енкриптери…така да после тоа можеме нешто конкретно да зборуваме. Доколку постои ваков настан, тоа е срам за безбедносниот систем и жално е што за државата, вакви афери се провлекуваат уште од 99-та година со користење на техничка средства за политички и разузнавачки цели. Мора да се состане Советот за безбедност. Зошто е тој? Ако имало нешто, во најмала рака, Советот требаше да оддржи седница на која ќе имаше конкретни информации. Јавноста е сериозно загрижена – изјави Пивоваров за „Локално“.

Според него, доколку ова се случува во највисоката државна институција како Кабинетот на претседателката, тогаш што останува во пониските структури.

– Политичарите треба да сфатат дека безбедносните служби се државни институции. Вака ако продолжиме не знам каде би стигнале. Сепак, ние сме партнер во најсилната Воена алијанса и таму не сме сами да правиме што сакаме и како сакаме. Какво гледање и размислување ќе имаат тие луѓе кон нас – прашува Пивоваров.

Тој е дециден дека сите разузнавачки служби си гледаат интерес на својата држава и нормално е дека тие имаат намера да продрат во мекото ткиво онаму каде што може да го добијат тоа што е потребно, како разузнавачките информации што ги примаме како членка на НАТО.

– Тоа е сериозен проблем бидејќи АНБ е контраразузнавачка служба. Еден систем без потсистем на контрола создава хаос и тоа се покажува ако навистина сме немале контрола врз тие луѓе на тие позиции. Мораме сериозно да размислиме да ставиме точка на ваквите работи. Ако треба и од нула да ги почнеме безбедносните служби со нови лица и нови обуки, без разлика колку време ќе треба. Подобро да почнеме од нула откако вака да се давиме во калта – оценува експертот, додавајќи дека во моментов, претседателката апсолутно не е безбедна, доколку се потврдат сомнежите.

– Мислам дека прво таа треба да покрене иницијатива и да се одважи, да каже доста е веќе и дека треба да функционираме како секоја нормална држава. Нормално дека секоја странска служба ќе сака да навлезе во ваква ситуација и да прибира вакви информаци. Затоа имаме контразузнавачки служби – треба да го штитат системот од влијанијата од странските разузнавачки служби – вели Пивоваров.

Обвинителството за гонење организиран криминал и корупција отворило предистражна постапка по наводите за шпионажа во кабинетот на претседателката Гордана Сиљановска-Давкова. Од Министерството за внатрешни работи и од Вила Водно биле побарани документација и компјутери кои ќе се проверуваат.

Инаку, Обвинителството почнало предистрага по добиена анонимна кривична пријава, потпишана од „група вработени во МВР“, за сомнежи за преземање податоци од компјутерскиот систем во кабинетот на претседателката. Според пријавата, се копирале и енкриптирале податоци, т.е. се шифрирале во таен код за наводно да завршат кај разузнавачки служби во странство. Под сомнение е ИТ-администратор во претседателскиот кабинет, кој наводно бил поврзан со странска разузнавачка служба.

The post ПРЕТСЕДАТЕЛКАТА СИЛЈАНОВСКА-ДАВКОВА ВО МОМЕНТОВ НЕ Е БЕЗБЕДНА! Професор Пивоваров повикува да се свика Советот за безбедност appeared first on plusinfo.mk.

Телото задолжено за следење на прекинот на огнот во Газа, постигнат со посредство на САД, ќе побара од Советот за безбедност на Обединетите нации да изврши притисок врз Хамас за разоружување.

Според извештај во кој имал увид „Асошиејтед прес“ во вторникот, Советот за мир – меѓународно тело формирано од поранешниот американски претседател Доналд Трамп – ќе побара од Советот за безбедност на Обединетите нации да изврши политички и дипломатски притисок врз Хамас за негово разоружување.

Документот се очекува да биде разгледан на седница на Советот за безбедност в четврток, посветена на состојбата на Блискиот Исток. Советот за мир има задача да го следи кревкиот прекин на огнот меѓу Хамас и Израел, постигнат со посредство на САД.

Во извештајот се наведува дека главната пречка за целосна имплементација на договорот останува одбивањето на Хамас да прифати надгледувано разоружување, да се откаже од насилна контрола и да овозможи вистинска цивилна транзиција во Газа.

Документот дополнително повикува Советот за безбедност јасно и доследно да нагласи дека разоружувањето во Газа не е само формален услов од резолуцијата за прекин на војната, туку и клучен предуслов за почеток на реконструкцијата, постепено повлекување на израелските сили и отворање на кредибилен пат кон палестинската самоуправа и државност.

The post ИЗВРШЕТЕ ПРИТИСОК ВРЗ ХАМАС ДА СЕ РАЗОРУЖА! Советот на Трамп за Газа бара помош од Советот за безбедност на ООН appeared first on plusinfo.mk.

Претседателот Доналд Трамп преку социјалните мрежи соопшти дека Соединетите Американски Држави ќе започнат блиска соработка со Иран, за кој оцени дека поминал низ „многу продуктивна промена на режимот“.

Според неговите наводи, во земјата повеќе нема да има збогатување ураниум. Трамп истакна дека САД, во соработка со иранските власти, ќе го отстранат сиот длабоко закопан нуклеарен „прав“. Тој додаде дека локациите биле под прецизен сателитски надзор на Вселенските сили и дека ништо не е допрено од датумот на нападот. Во објавата се наведува дека во тек се преговори за олеснување на тарифите и санкциите кон Иран. Претседателот Трамп информираше дека веќе е постигната согласност за голем дел од предвидените точки од договорот.

Во меѓувреме, иранската новинска агенција Тасним објави дека став на Техеран е дека конечниот договор меѓу Иран и САД мора да биде потврден со обврзувачка резолуција на Советот за безбедност на Обединетите нации.

Според агенцијата, планот од 10 точки предложен од Иран, кој ќе биде основа за идните преговори со САД, предвидува дека сите можни договори мора да бидат одобрени со обврзувачка резолуција на Советот за безбедност на ОН.

Усвојувањето на таква резолуција би го претворило договорот во обврзувачко меѓународно право и, како што се вели, би претставувало значајна дипломатска победа за иранскиот народ.

Овој предлог договор усвоен на два часа пред крајот на ултиматумот на Трамп донесе двонеделно примије по што очекувањата се дека конечно ќе заврши војната на Блискиот исток.

Најавите за прекин на војната резултираше со нагло намалување на цените на суровата нафта на светските берзи.

The post ТРАМП СОГЛАСЕН ЗА „ПОГОЛЕМ ДЕЛ“ ОД ТОЧКИТЕ Иран бара крајниот договор да стане обврзувачка резолуција на ООН appeared first on plusinfo.mk.