Општина Чаир изразува најдлабоко сочувство до семејството, најблиските и до целата нација по повод смртта на маестро Владо Јаневски, едно од најголемите имиња на македонската музика, чие творештво остави неизбришлива трага во музичката култура и во сеќавањата на многу генерации.

Во знак на почит кон неговиот уметнички придонес и неговата посебна поврзаност со Чаир, Советот на Општина Чаир ќе преземе институционални мерки за трајно одбележување на ликот и делото на маестро Владо Јаневски, се вели во соопштение на Општината.

The post ЧАИР ЌЕ МУ СЕ ОДДОЛЖИ НА УМЕТНИКОТ ШТО ГО ОПЕА Општината подготвува трајно одбележје за Владо Јаневски appeared first on plusinfo.mk.

Директорот на ЈЗУ Психијатриска болница „Скопје“, Хиса Авдулаи, изрази длабоко жалење и сочувство до семејството на пациентот кој трагично го загуби животот откако бил повреден во физичка пресметка со друг пациент во установата, по што, и покрај лекарската интервенција, починал на Универзитетската клиника за ТОАРИЛУЦ.

– Во раните утрински часови на 5 август 2025 година, на одделот за лекување на осудени лица при ЈЗУ Психијатриска болница „Скопје“, се случи несреќен настан со трагичен исход. Околу 00:50 часот дојде до физичка пресметка помеѓу двајца пациенти, при што едниот од нив, пациент на возраст од 62 години, беше повреден. Медицинскиот персонал веднаш интервенираше и повика Итна медицинска помош. Пациентот беше пренесен на Универзитетската клиника за ТОАРИЛУЦ, каде, и покрај укажаната лекарска грижа, му беше констатирана смрт – изјави директорот Авдулаи.

Настанот бил веднаш пријавен до Министерството за внатрешни работи, а надлежните служби, вклучително и дежурен јавен обвинител, извршиле увид на лице место.

Директорот вели дека во тек се сите потребни постапки за целосно расветлување на случајот, а болницата целосно соработува со истражните органи. Другиот пациент, како што дополни тој, моментално се наоѓа под постојан полициски надзор, согласно насоки од јавниот обвинител.

– Во свое име и во име на установата, изразувам длабоко жалење за настанот и упатувам искрено сочувство до блиските на починатиот пациент – изјави директорот Авдулаи.

The post УБИЕЦОТ ОД БАРДОВЦИ Е ПОД ПОЛИЦИСКИ НАДЗОР Директорот на психијатриската болница изрази сочувство за убиениот пациент appeared first on plusinfo.mk.

Израелската влада синоќа го изрази своето сочувство до Католичката црква и католичката заедница низ целиот свет по смртта на 88-годишниот папа Франциск, три дена откако тој почина, јави ДПА.

„Државата Израел изразува најдлабоко сочувство до Католичката црква и католичката заедница низ целиот свет по смртта на папата Франциск. Нека почива во мир“, се вели во објава од канцеларијата на израелскиот премиер Бенјамин Нетанјаху.

Односите меѓу Израел и Ватикан значително се влошија по војната во Газа.

Папата Франциск постојано ги критикуваше постапките на Израел на палестинската територија, на која живеат и околу 1.000 христијани.

За разлика од многу други земји кои ги испраќаат своите лидери на погребот на папата в сабота, Израел ќе биде претставен само од израелскиот амбасадор, објави „Тајмс оф Израел“.

Според израелските медиуми, израелската Влада ја избришала пораката со сочувство по смртта на папата неколку часа откако беше објавена на социјалните медиуми.

ИЗРАЕЛ НАПРАВИ ПИШИ-БРИШИ СО ПОРАКА ЗА СОЧУВСТВО ЗА ПАПАТА За Тел Авив се проблем острите коментари на Франциск за Газа

The post ИЗРАЕЛ СЕПАК ИЗРАЗИ СОЧУВСТВО ЗА СМРТТА НА ПАПАТА На погребот ќе присуствува само израелскиот амбасадор appeared first on plusinfo.mk.

Израелската влада сподели, а потоа избриша објава со сочувство на социјалните мрежи за смртта на папата Франциск, без да ја наведе причината за тоа, јавија денеска британските медиуми.

Израелските медиуми го поврзаа ваквиот потег со критиките што покојниот папа Франциск ги упати кон раководството на еврејската држава поради војната во Газа.

„Почивај во мир, папа Франциск. Нека неговиот спомен биде благослов“, беше објавена во понеделникот проверениот налог „@Israel“ на платформата Икс, покрај сликата на папата додека тој беше во посета на Западниот ѕид во Ерусалим.

„Јерусалим пост“ цитираше претставници во израелското Министерство за надворешни работи, кои, според весникот, изјавиле дека папата давал „изјави против Израел“ и дека сочувството е објавено на социјалните мрежи „по грешка“.

Папата Франциск (88), кој почина во понеделникот, во ноември минатата година предложи светската заедница да истражи дали израелската воена кампања во Газа е геноцид врз Палестинците, во некои од неговите најексплицитни критики за однесувањето на Израел во војната со Хамас што започна во октомври 2023 година.

Папата, исто така, во јануари хуманитарната ситуација во Газа ја нарече „срамна“, предизвикувајќи критики од главниот еврејски рабин во Рим, кој го обвини папата Франциск за „селективна огорченост“.

The post ИЗРАЕЛ НАПРАВИ ПИШИ-БРИШИ СО ПОРАКА ЗА СОЧУВСТВО ЗА ПАПАТА За Тел Авив се проблем острите коментари на Франциск за Газа appeared first on plusinfo.mk.

Австралиската министерка за надворешни работи Пени Вонг изрази длабоко сочувство за жртвите во пожарот во Кочани, во кој загинаа 59 лица, а 178 се повредени.

„Австралија е во длабоко тага поради трагичниот пожар во ноќен клуб во Северна Македонија, кој однесе повеќе од 50 животи. Испраќаме искрено сочувство до семејствата и најблиските на жртвите, а на повредените им посакуваме брзо закрепнување“, напиша Вонг на социјалната мрежа „Х“.

Загинатите во пожарот во дискотеката „Пулс“ во Кочани денеска ќе бидат погребани. Во трагедијата што се случи во неделата рано наутро загинаа 59 лица, а 178 повредени.

The post АВСТРАЛИЈА Е ВО ДЛАБОКА ТАГА ПОРАДИ ТРАГИЧНИОТ ПОЖАР ВО КОЧАНИ Шефицата на австралиската дипломатија испрати сочувство до семејствата на загинатите и на повредените appeared first on plusinfo.mk.

„Да не зборувам за приватниот бизнис-сектор затоа што моите ставови ви се познати. Овде е потребен само еден збор – одговорност, којшто Владата на премиерот Мицкоски мора да ја издигне на највисок пиедестал. Тоа значи санкции за сите, попуст за никого. СКСМ и членките – најреномираните македонски компании изразуваат длабока жалост и сочувство кон сите настрадани и повредени лица и членовите на нивните семејства и јавно изјавува дека од денес ќе ги организира своите членки кои изразија желба организирано, преку Комората да помогнат на семејствата на настраданите и тоа ќе биде координирано преку Стручната служба на Комората (Билјана Лепавцова 071 291-736). Како прва интервентна помош, вработените во Стопанската комора на Северна Македонија во текот на утрешниот ден ќе донираат 2 милиони денари на сметката на локалната самоуправа во Кочани. Другата синхронизирана поддршка од компаниите ќе биде итно доставена“, пишува Азески.

Иако е невообичаено во вакви прилики да се додаваат и други работи, додава тој, би сакал да изразам сочувство и до сопствениците и менаџерите на компаниите од тој регион чии вработени доживеаа загуба која е ненадоместлива.

„Знам дека нема зборови за утеха, но човечки е да се изрази сочувство и да се помогне во вакви моменти, бидејќи Kомората со своите членки е едно семејство. До Комората пристигнаа и писма за сочувство од партнерските комори и изразија подготвеност да помогнат за сè што е потребно“, напиша Азески.

The post СТОПАНСКАТА КОМОРА ИМ НУДИ ПОМОШ НА СЕМЕЈСТВАТА НА НАСТРАДАНИТЕ Азески изрази сочувство и ја поддржа намерата на Владата за одговорност appeared first on plusinfo.mk.

Како што соопштија од Вселенската патријаршија Вартоломеј „му се моли на Бога за успокојување на душите на жртвите и да ги поддржи нивните семејства, како и да помогне во брзото закрепнување на здравјето на повредените“.

„Исто така, изразува сочувство и поддршка од светата голема Христова црква и лично од него до народот на Северна Македонија, кој е погоден од трагедијата“, соопштија од Вселенската патријаршија.

The post СОЧУВСТВО ИСПРАТИ И ВСЕЛЕНСКИОТ ПАТРИЈАРХ ВАРТОЛОМЕЈ Се моли на Бога за упокојување на мртвите и закрепнување на повредените appeared first on plusinfo.mk.

Во овие тешки моменти на болка и тага Движењето ЗНАМ за наша Македонија изрази длабоко сочувство до семејствата на починатите во пожарот во Кочани.

„Нашите мисли и молитви се со оние што ги загубија своите сакани и на семејствата на несреќно загинатите им посакуваме да ја издржат оваа незамислива загуба, а на повредените брзо закрепнување. Во овие тешки моменти потребна е сплотеност, обединетост и взаемна солидарност на сите нас. Ги повикуваме надлежните институции да ја завршат својата работа брзо, ефикасно и праведно“, се наведува во соопштението од ЗНАМ.

Движењето ЗНАМ за наша Македонија инсистира сите надлежни органи и институции да се вклучат во брзо расчистување на оваа трагедија и сите одговорни и сторители да бидат изведени пред лицето на правдата.

„Одговорност за сите виновни мора да има!“, повика ЗНАМ.

The post ЗНАМ ПОБАРА ОДГОВОРНОСТ ЗА ТРАГЕДИЈАТА Надлежните институции да работат брзо, ефикасно и праведно appeared first on plusinfo.mk.

Папата Франциск, преку телеграма потпишана од кардиналот државен секретар Пјетро Паролин упати порака на сочувство по пожарот во ноќен клуб во Северна Македонија, во кој животот го загубија речиси 60 лица, претежно млади луѓе.

Папата изрази „длабоко сочувство до семејствата на жртвите“, како и „својата духовна блискост со повредените“, се наведува во телеграмата упатена до скопскиот бискуп Киро Стојанов.

Тој исто така увери дека сеќавањето на жртвите ќе го задржи во своите молитви.

The post ПАПАТА ИСПРАТИ СОЧУВСТВО Во телеграмата нагласува дека сеќавањето на жртвите ќе го задржи во своите молитви appeared first on plusinfo.mk.

„Но, и во овие мигови на непоимлива скрб, да не заборавиме дека Бог е Бог на живите и дека во Него нема мртви. Оттаму, иако е невозможно да се најдат човечки зборови за утеха, сепак, утеха на семејствата и блиските, но и на сите нам, нека ни биде верата дека споменот на праведниците е вечен и дека тие вечно ќе постојат во Вечноживиот Бог. Се молиме Троединиот Бог – Богот на љубовта, да ги прими душите на невино постраданите Свои чеда во Едемската градина, а на нивните најмили да им даде утеха и сили, испраќајќи им ја Својата небесна закрила. На повредените, пак, Бог – Лекарот на сѐ, да им дарува брзо закрепнување и исцеление“, се наведува во соопштението од МПЦ-ОА, потпишано од поглаварот Стефан.

The post МОЛИТВИ ОД МПЦ ЗА ЗАГИНАТИТЕ И ЗА ПОВРЕДЕНИТЕ „Нажалена Македонијо, утеха нека ни биде верата“, порача поглаварот Стефан appeared first on plusinfo.mk.