Само 7 часа и 55 минути им беа потребни на четворица астронаути да стигнат од Флорида до Меѓународната вселенска станица (МВС), со што НАСА и „СпејсЕкс“ поставија нов американски рекорд.

Американскиот рекорд сепак е далеку од најбрзото патување до МВС. Рускиот „Сојуз“ во октомври 2020 година стигна до станицата за нешто повеќе од три3 часа и сè уште го држи апсолутниот рекорд.

Сепак, рекордот на „Драгон“ е најкратко време на пристигнување на американско летало на станицата досега, според соопштението на НАСА.

Капсулата „Драгон“ на мисијата „СпејсЕкс кру-13“ беше лансирана со ракета „Фалкон 9“ од Кејп Канаверал, а помалку од осум часа подоцна се спои со орбиталната лабораторија.

Брзината не била резултат само на перформансите на леталото. Клучна била поволната позиција на МВС во моментот на лансирањето, која овозможила значително пократка траекторија до станицата.

Welcome aboard!

After nearly eight hours in flight, Crew-13 arrived at the @Space_Station, where they will spend the next several months conducting experiments on science and tech to benefit life on Earth and in space. pic.twitter.com/2bTqsLFWa6

— NASA (@NASA) October 2, 2026

Разликата најдобро ја покажува претходниот екипаж од истата мисија. Астронаутите што полетаа во февруари патуваа повеќе од 30 часа пред да пристигнат на МВС.

Во „Драгон“ патуваа астронаутите на НАСА Џесика Воткинс и Лук Дилејни, Канаѓанецот Џошуа Кутрик и рускиот космонаут Сергеј Тетерјатников. Четворицата треба да поминат околу шест месеци на станицата.

МВС орбитира на приближно 400 километри над Земјата и веќе околу 25 години има постојано човечко присуство. Астронаутите таму живеат и спроведуваат научни истражувања во услови на микрогравитација.

Станицата останува и едно од ретките места каде што американско-руската соработка продолжува и покрај прекинувањето на голем број други форми на соработка по руската инвазија врз Украина. НАСА планира да продолжи да ја користи МВС до 2030 година.

Меѓународната вселенска станица орбитира околу Земјата на височина од приближно 400 километри, а луѓе непрекинато живеат на неа од ноември 2000 година. За едно деноноќие таа прави околу 16 круга околу планетата, движејќи се со брзина од приближно 28.000 километри на час.

Брзото пристигнување до станицата не зависи само од брзината на ракетата и капсулата. Клучно е леталото да биде лансирано во прецизен момент за неговата орбита што побрзо да се усогласи со орбитата на МВС – затоа патувањето во една мисија може да трае само неколку часа, а во друга повеќе од еден ден.

The post РАКЕТАТА НА МАСК И НАСА СОБОРИ ВСЕЛЕНСКИ РЕКОРД Рускиот рекорд од 2020 година уште е недостижен appeared first on plusinfo.mk.

Иранските вооружени сили покажаа подготвеност и сила во соочувањето со најскапата армија во светот, објави синоќа шефот на иранската дипломатија, Абас Арагчи.

Тој ги повика муслиманските земји да се обединат и да се потпрат на сопствените капацитети пред „лицето на непријателските странци“.

Неговото соопштение на Икс дојде само неколку часа откако Саудиска Арабија, Пакистан и Турција го потпишаа заедничкиот одбранбен пакт во Мека, со што ги здружија трите сунитски муслимански земји, партнери на САД, во време на регионалниот конфликт, во кој иранските ракети беа насочени кон извозниците на нафта во Персискиот Залив, објавија британските меидуми.

Во заедничката изјава на трите земји беше истакнато дека договорот има цел да го зајакне колективното одвраќање од каква било форма на агресија.

Спогодбата предвидува дека секој вооружен напад врз една од трите држави ќе се смета за напад врз сите потписнички, како и подобрување на сите аспекти на одбранбената соработка меѓу Саудиска Арабија, Турција и Пакистан.

The post АРАГЧИ ЈА ПОФАЛИ СИЛАТА НА ИРАН Повика муслиманските земји да се обединат appeared first on plusinfo.mk.

Руско-американски вселенски екипаж се врати на Земјата денеска со вселенскиот брод „Сојуз МС-26“, објави руската вселенска агенција Роскосмос.

По повеќе од 7 месеци поминати на Меѓународната вселенска станица, астронаутите на Роскосмос Алексеј Овчинин и Иван Вагнер и астронаутот на НАСА, Доналд Петит се вратија на Земјата.

Тројцата работеа во вселената од 11 септември минатата година.

„Излезот од орбитата и спуштањето кон Земјата се одвиваше нормално“, соопшти Роскосмос.

Слетувањето се случило во Казахстан, во близина на градот Жезказган.

На 8 април вселенскиот брод „Сојуз МС-27“ беше лансиран во орбитата со Американецот Џони Ким и Русите Сергеј Рижиков и Алексеј Зубрицки.

Тие им се придружија на екипажот на Меѓународната вселенска станица – Американците Петит, Ен Меклејн и Никол Ајерс, на Русите Овчинин, Вагнер и Кирил Песков и на Јапонецот Такуја Ониши.

The post ПО 7 МЕСЕЦИ НА МЕЃУНАРОДНАТА ВСЕЛЕНСКА СТАНИЦА Руско-американски вселенски екипаж се врати на Земјата appeared first on plusinfo.mk.

Претседателот Владимир Путин изјави дека Русија ќе развие вештачка интелигенција со партнерите на БРИКС и со други земји, во обид „да ја оспори доминацијата на Соединетите Американски Држави во една од најнарушувачките технологии на 21 век“, објави Дејли стар.

– Уверен сум дека меѓународната алијанса на националните здруженија и развојните институти, во областа на вештачката интелигенција на земјите од БРИКС, и другите заинтересирани држави ќе дадат значителен поттик за таквата соработка. Ние ќе го започнеме овој сојуз денеска – рече Путин на конференцијата за вештачка интелигенција во Москва.

Најголемиот руски заемодавател, „Сбербанк“, соопшти дека новата мрежа на Алијансата за вештачка интелигенција ќе вклучува национални асоцијации за вештачка интелигенција од Кина, рангирана како една од двете најголеми светски сили за вештачка интелигенција, заедно со Русија, Индија, Бразил и со Јужна Африка, во партнерство.

The post РУСИЈА ЌЕ СЕ ЗДРУЖИ СО БРИКС ЗА ДА СОЗДАДЕ СОЈУЗ ЗА ВЕШТАЧКА ИНТЕЛИГЕНЦИЈА Путин најави нова технологија appeared first on plusinfo.mk.

Во соопштението се наведува дека БРИКС нема намера да стане воен сојуз и не е ни меѓународна организација или интеграциска структура, туку меѓудржавно здружение на рамноправни учесници.

„Дури и теоретски, ставањето на БРИКС на исто ниво со воениот блок на НАТО, кој со децении беше обележан само со крвави инвазии и поткопување на безбедноста во различни региони на планетата, е едноставно смешно“, посочува Министерството.

Министерството потсети дека БРИКС подразбира мултидисциплинарно стратешко партнерство засновано на три клучни столба: политика и безбедност, економија и финансии, култура и хуманитарни врски, јавуваат српските медиуми.

Нагласено е дека односите меѓу партнерите на БРИКС се градат врз основа на еднаквост и меѓусебно почитување, принципи на отвореност, прагматизам, солидарност и нетаргетирање кон никого.

The post БРИКС НИКОГАШ НЕ БИЛ ВОЕН СОЈУЗ За Москва е смешна споредбата меѓу БРИКС и НАТО appeared first on plusinfo.mk.

Шведскиот премиер Улф Кристерсон во Вашингтон официјално ќе му ги предаде документите за ратификација на шефот на американската дипломатија, Ентони Блинкен, до кои земјата стигна по долги натегања со одделни членки на Алијансата.

Сино-жолтото шведско знаме во понеделник треба да биде подигнато пред седиштето на НАТО во Брисел.

Минатата недела Русија вети дека ќе преземе „контра мерки“ како реакција на пристапувањето на Стокхолм во Алијансата, што ќе зависи „од условите и опсегот на интеграцијата на Шведска во НАТО“.

Со приемот на Шведска, по Финска минатата година, сите земји со излез на Балтичкото Море, со исклучок на Русија, сега се членки на Атлантската алијанса.

Шведска и Финска, иако воено блиски со САД, историски претпочитаа да се држат настрана од НАТО, формиран за време на Студената војна против поранешниот Советски Сојуз. Иако Шведска придонесува за меѓународните мировни сили, таа не доживеала војна од конфликтот со Норвешка во 1814 година.

The post ПО ДВА ВЕКА НЕУТРАЛНОСТ, ШВЕЃАНИТЕ ЗЕМААТ ПУШКА В РАКА Денеска Шведска станува 32 членка на НАТО appeared first on plusinfo.mk.

– Ако никој не е против фактот дека Казахстан и другите земји имаат толку блиски односи, како што имаме ние со Руската Федерација, работите се едноставни. Унијата на Белорусија и Русија е отворена за секого и затоа, ќе има нуклеарно оружје за сите – рече белорускиот лидер во интервју со новинарот Павло Зарубин, кој објави дел од интервјуто на својот Телеграм канал.

Лукашенко додаде дека кажаното е негово мислење, а не мислење на Русија.

Потпишан во 1999 година, Договорот за основање на Федералната држава Белорусија и Русија ја воспостави правната основа за широк сојуз кој вклучуваше економска, ИТ, технолошка, земјоделска и гранична безбедност, меѓу другото помеѓу двете земји.

Не беше јасно колку е отворена поканата на Лукашенко за приклучување, а тој не понуди други детали. Но, неговите коментари за споделување нуклеарно оружје со истомисленици веројатно ќе предизвикаат загриженост бидејќи Москва му се заканува на светот со сопствен нуклеарен арсенал, според Си-Ен-Ен.

Во четвртокот, белорускиот претседател изјави дека започнал трансферот на одредено тактичко нуклеарно оружје од Русија во Белорусија, по договорот потпишан од Москва и Минск.

– Потребно беше да се подготват магацини и сл. Ние го направивме сето ова. Затоа започна распоредувањето на нуклеарното оружје – рече Лукашенко, пренесе државната новинска агенција Белта.

Тој исто така вети дека оружјето ќе биде безбедно:

„За тоа не се ни дискутира. Не грижете се за нуклеарното оружје. Ние сме одговорни за ова. Ова се сериозни прашања. Сè ќе биде добро овде“.

The post ЛУКАШЕНКО ГО ШОКИРА СВЕТОТ Кој сака да има нуклеарно оружје, нека влезе во сојузот на Русија и Белорусија, ќе има за сите! appeared first on plusinfo.mk.

На средбата на министрите за енергетика и екологија на Групата седум индустриски најразвиени земји во светот (Г-7), што се одржа во Сапоро, Јапонија, постигнат е договор за формирање на сојуз од пет земји со цел да се намали влијанието на Русија на глобалниот пазар за нуклеарна енергија.

Во сојузот учествуваат Велика Британија, САД, Канада, Германија и Франција. Италија и Јапонија, кои се членки на Г-7, не се во сојузот.

Според соопштението од британската Влада, групата ќе ги користи „соодветните ресурси и способности“ на своите нуклеарни централи за да ја поткопа руската контрола врз синџирите на снабдување.

„Овој договор ќе поддржи стабилно снабдување со гориво за денешните потреби, како и ќе гарантира безбеден и сигурен развој и примена на горива за утрешните напредни реактори, се посочува во соопштението.

Според документ на Универзитетот Колумбија од 2022 година, речиси 10 проценти од нуклеарните реактори надвор од Русија се произведени со руска технологија.

The post ИТАЛИЈА И ЈАПОНИЈА ОДБИЈА На средбата на Г-7 во Сапоро формиран нов сојуз против Русија appeared first on plusinfo.mk.

Во документот на 31 страница насловен „Хуманитарна политика” се наведува дека Русија треба „да ги штити, зачува и промовира традициите и идеалите на рускиот свет“.

Иако претставена како своевидна стратегија на „мека“ сила, таа како официјална политика ги потврдува идеите за руската политика и религија кои некои тврдокорни приврзаници ги користат да ја оправдаат руската окупација на делови од Украина и поддршката за одметнатите проруски ентитети на истокот од земјата.

– Руската Федерација ги поддржува своите сонародници кои живеат во странство во остварувањето на нивните права, со цел да се обезбеди заштита на нивните интереси и зачувување на нивниот руски културен идентитет – се наведува во документот.

Истовремено во него се истакнува дека врските со сонародниците во странство и овозможуваат на Русија „да го зајакне својот имиџ на меѓународната сцена како демократска земја која се стреми да создаде мултиполарен свет“.

Со години Путин како геополитичка катастрофа ја посочува судбината на речиси 25 милиони етнички Руси кои живеат во државите создадени по распадот на Советскиот Сојуз во 1991 година. Русија сè уште го смета поранешниот советски простор од Балтикот до Централна Азија за своја легитимна сфера на влијание, на што се спротивставуваат многу од тие земји вклучувајќи го тука и Западот.

Во новата политичка доктрина се наведува дека Русија треба да ја зголеми соработката со словенските народи, со Кина и Индија и дополнително да ги зајакне своите врски со Блискиот Исток, Латинска Америка и Африка.

Според документот, Москва треба дополнително да ги зајакне односите со Абхазија и Осетија, два грузиски региони што ги призна по војната со Грузија во 2008 година, како и со двата отцепени региони на истокот на Украина – Доњецк и Луганската Народна Република.

The post ЌЕ ГИ ЗАШТИТУВА РУСКИТЕ ВРЕДНОСТИ Путин воведува нова политичка доктрина заснована врз концептот „руски свет“ appeared first on plusinfo.mk.

Летот на руските космонаути беше успешен. Олег Артемијев, Денис Матвејев и Сергеј Корсаков пристигнаа на вселенската станица ИСС со својот вселенски брод од типот Сојуз МС-21. Непосредно потоа беа пречекани со славје, прегратки, ракување, високо подигнати палци и фотографии за сеќавање од своите колеги на ИСС – Русите Антон Шкаплеров и Пјотр Добров, Американците Марк Ванде Хеи, Томас Маршбарн, Раџа Чари и Кајла Барон, како и Германецот Матијас Маурер.

Снимката од еден од астронаутите додека капсулата се подготвува да се спои со вселенската станица, покажува како е облечен во сино одело. Запрашан за жолтите одела, Олег Артемјев рече дека секој екипаж ги избира своите одела за да не бидат исти.

– Наш ред беше да ја избереме бојата. Но, всушност собравме многу жолт материјал, па моравме да го искористиме. Затоа моравме да носиме жолто – рече тој.

Тројцата руски космонаути на ИСС пристигнаа по три часа лет од станицата Бајконур во Казахстан. Соработката помеѓу САД и Русија во вселенските истражувања е оптоварена многу поради руската инвазија на Украина, иако и двете страни нагласуваат дека ИСС засега останува да работи. Руски РОСКОСМОС не дава одговор околу иднината на ИСС по истекот на актуелниот договор во 2024 година, додека НАСА стреми кон продолжување на работата до 2030 година.

The post СЛУЧАЈНОСТ ИЛИ НЕ? Тројцата руски астронаути пристигнаа на ИСС, носејќи жолти униформи (ВИДЕО) appeared first on plusinfo.mk.