Кениецот Дерик Чеге Њороге е победник на 22. издание на Wizz Air Скопскиот маратон. Тој патеката долга 42,195 километри ја истрча за 2 часа 12 минути и 56 секунди.

Втор на целта пристигна неговиот сонародник Едвин Кимару Косгеи со време од 2 часа, 13 минути и 21 секунда.

Третото место му припадна на Македонецот Дарио Ивановски, кој маратонот го заврши со време од 2 часа, 13 минути и 49 секунди.

Кенијците доминираа и на полумаратонот на 21 километар, во двете конкуренции.

Во женска конкуренција победи Валентајн Џебет со време од 1 час 13 минути и 16 секунди, пред Чарен Чепкуони со 1 час,15 минути и 10 секунди и Нанси Гитаига со време од 1 час 17 минути и 25 секунди.

Кај мажите прв беше Кенеди Роно со време од 1 час 5 минути и 27 секунди, втор заврши Киптум Кимаијо со 1 час 6 минути и 12 секунди, а трет беше Џон Куриа со време од 1 час и 7 минути.

На трката на 5 километри, во женска конкуренција, на првите две места се пласираа Македонките Ирма Хајдари со време од 19 минути и 43 секунди и Емили Ивановска со 20 минути и 54 секунди. Трета заврши Црногорката Лана Ивковиќ со време од 21 минута и 1 секунда.

Кај мажите, патеката од 5 километри најбрзо ја истрча Македонецот Андреј Арсов со време од 16 минути и 29 секунди. Втор беше неговиот сонародник Гилман Јонузи со 16 минути и 35 секунди, а трет заврши Фредрик Ухрборн од Шведска со време од 16 минути и 44 секунди.

The post КЕНИЕЦОТ ДЕРИК ЧЕГЕ ЊОРОГЕ Е ПОБЕДНИК НА СКОПСКИОТ МАРАТОН Ивановски стигна трет на целта appeared first on plusinfo.mk.

Со рекордни 15.050 натпреварувачи од 63 земји утрово почна Виз Ер Скопскиот маратон. Покрај рекордниот број учесници, на стартот се појавија и елитни тркачи од повеќе земји. Најбројни по земји, покрај учесниците од Македонија, се натпреварувачите од Србија, Германија, Велика Британија и Турција.

Годинешното издание повторно носи четири трки – маратон на 42,195 километри, полумаратон на 21 километар, трка на 5 километри и ЕУ фор Спорт штафетна трка.

Први стартуваа учесниците на трката од 5 километри во 8 часот, додека пет минути подоцна од Рекорд тргнаа маратонците, полумаратонците и штафетите.

Годинава во главната трка се пријавени 800 тркачи, од македонските најголем фаворит е минатогодишниот победник Дарио Ивановски. За полумаратонот се пријавени околу 3.000 тркачи.

Поради маратонот, утрово во Скопје е воведен посебен режим на сообраќај, а повеќе улици и булевари во Центар, Карпош и Аеродром се привремено затворени или со пренасочен сообраќај.

The post РЕКОРДНИ 15.000 НАТПРЕВАРУВАЧИ ТРЧААТ НА СКОПСКИОТ МАРАТОН За главната трка се пријавени 800 маратонци appeared first on plusinfo.mk.

Рекордни 15.020 учесници од 63 земји ќе трчаат на „Виз Ер Скопскиот маратон“ на 4 октомври, најави градоначалникот на Скопје Орце Ѓорѓиевски.

Ѓорѓиевски денеска заедно со заменик-шефот на Мисијата на Европската Унија Бен Нупнау, министерот за спорт Борко Ристовски, спортскиот директор на маратонот Кире Синадиновски и претседателот на Сојузот на спортови на Скопје Зоран Стојановиќ го најави спортскиот настан.

Според Ѓорѓиевски, годинава маратонот ќе има 15.020 учесници од 63 земји, а во организацијата ќе бидат вклучени и 500 волонтери.

Градот Скопје, како покровител на маратонот, ќе обезбеди поддршка преку градските служби и јавните претпријатија за организацијата на настанот.

– Сакаме секој учесник да го почувствува нашето гостопримство и да понесе убави спомени и желба повторно да се врати – напиша Ѓорѓиевски.

Градоначалникот упати и повик до скопјани да излезат покрај патеката и да ги бодрат учесниците.

– Нашиот аплауз некому ќе му даде сила да го совлада најтешкиот километар и да стигне до својата цел – порача Ѓорѓиевски.

Тој им посака успешна трка на сите учесници и порача дека Скопје е подготвено да ги пречека и бодри маратонците.

The post РЕКОРДНИ 15.020 УЧЕСНИЦИ ОД 63 ЗЕМЈИ ЌЕ ТРЧААТ ПО СКОПСКИТЕ УЛИЦИ Градот подготвен за „Виз Ер Скопски маратон“, Ѓорѓиевски ги повика скопјани да ги бодрат appeared first on plusinfo.mk.

Во недела посебен режим на сообраќај во Општина Илинден поради атлетска трка со почеток во 08:00 часот, во организација на Здружение Атлетски клуб „Скопски Маратон“ Скопје.

Од полицијата информираа по која траса ќе се движат натпреварувачите. Таа започнува од ул. 9 пред Домот на културата во општина Илинден, продолжува право по ул. 534 во населба Илинден, потоа по ул. 532 во с. Марино, по ул. 10 во с. Кадино каде на кружниот тек се врти полукружно назад по истите улици – ул. 10 , ул. 532 , ул. 534 и ул. 9 , па се продолжува по ул. 2 се до Домот за стари лица каде се врти полукружно назад по ул. 2 се до целта пред Домот на културата на ул. 9 во населба Илинден.
Од тие причини Единицата за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници. За таа цел МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

The post В НЕДЕЛА ЗАТВОРЕНИ УЛИЦИ ВО ИЛИНДЕН, МАРИНО И КАДИНО Атлетска трка ќе го промени сообраќајниот режим од 8 часот appeared first on plusinfo.mk.

– Ова е празник на градот и на државата. Со рекордни 13.400. растеме од година во година. Секоја година ги подобруваме организациските перформанси. Стигнати сме на едно високо ниво. Не е лесно да се организира манифестација која бара вклучување на многу институции. Очекувам најдобро издание до сега – изјави Синадиновски по стартот на денешниот маратон.

Низ скопските улици, рекордни 13.400 натпреварувачи се тркаат во маратон, полумаратон, штафетен маратон и трка на 5 км.

Претходниот рекорд во број на учесници на Виз Ер Скопски маратон беше 12.450 натпревуравачи во 2019 година. 

Од ЈСП „Скопје“ ги информираат скопјани дека денеска во период од 7 до 14 часот, поради одржување на „Виз Ер Скопски маратон 2024“, дел од возилата од јавниот превоз ќе сообраќаат по изменет режим од вообичаениот, а дел воопшто нема да се вклучат во сообраќај.

The post МАРАТОНЦИТЕ СТАРТУВАА, 13.400 ЛУЃЕ ТРЧААТ НИЗ СКОПСКИТЕ УЛИЦИ Јубилеен 20-ти „Виз Ер маратон“ appeared first on plusinfo.mk.

Скопскиот маратон традиционално е во организација на Сојузот на спортови на Град Скопје, а и годинава се организира со поддршка со локалните власти, бројни спортски клубови и асоцијации, под покровителство на Град Скопје, Агенцијата за млади и спорт и Канцеларијата на Европската унија.

Стартот на маратонот, полумаратонот, штафетната маратонска трка, како и трката на пет километри ќе биде во 8 часот пред Собранието, а целта на сите трки повторно ќе биде на Плоштадот „Македонија”.

Скопскиот маратон годинава ќе има измената рута која ќе се движи од центарот на Скопје, до населбата Хром, по што рутата се враќа назад до центарот на градот преку булеварите „Трета Македонска бригада”, „Србија” и „Јане Сандански”.

Годинашното издание на маратонот ќе биде посветено на основачот на манифестацијата Ѓорѓи Кузмановски, кој почина во понеделникот на 80-годишна возраст.

Манифестацијата е поддржана од голем број спонзори, а авиокомпанијата „Виз Ер” на сите учесници и оваа година ќе им додели ваучери во износ од 20 евра.

Поради одржување на трките од „Виз Ер Скопски маратон”, Одделението за безбедност на патниот сообраќај при СВР Скопје денеска ќе преземе мерки за посебен режим на сообраќајот на поширокото подрачје на град Скопје, при што сообраќајот ќе се пренасочува по околните сообраќајници, информираат од Министерството за внатрешни работи.

Трките почнаа во 07.30 часот, со следните траси на движење:
Траса на движење на трката од 5 км: Старт пред Собрание, право по ул.„11 Октомври”, лево по бул.„Крушевска Република”, десно по бул.„Трета македонска бригада”, па полукружно на крстосницата помеѓу бул.„Трета македонска бригада” и ул.„Коста Новаковиќ” и по истата траса назад до целта – Собрание на РСМ на ул.„11-ти Октомври”.

Траса на движење на полумаратонот од 21 км и штафетната трка на 42 км (со напомена дека за штафетната трка на 42 км натпреварувачите се движат два пати по наведената траса): Старт пред Собрание на ул.„11 Октомври”, право кон Плоштад Македонија низ Порта Македонија, лево по ул.„Никола Вапцаров”, десно по ул.„Димитрие Чуповски”, па лево по бул.„Св.Климент Охридски”, десно по ул.„Св.Кирил и Методиј”, право по ул.„Митрополит Теодосиј Гологанов”, потоа право по ул.„Војвода Васил Чакаларов”, сѐ до крстосница со ул.„Исаија Маџовски”, каде се врти полукружно назад по истата траса, сѐ до Собрание на ул.„11 Октомври” и се продолжува право по ул.„11 Октомври”, лево по бул.„Крушевска Република”, десно по бул.„Трета македонска бригада”, лево по бул.„Србија” (во спротивен правец), лево по бул.„Јане Сандански” (во спротивен правец), сѐ до крстосницата со ул.„Јане Сандански”, каде се врти полукружно по истите улици до целта – Плоштад Македонија.

Од МВР апелираат сите учесници во сообраќајот да ги почитуваат наредбите што ќе ги даваат униформираните полициски службеници по сообраќајницата каде ќе се одвиваат трките со цел безбедно и непречено одвивање на сообраќајот.

The post ПОВЕЌЕ ОД 8.500 НАТПРЕВАРУВАЧИ ОД 47 ДРЖАВИ Почна „Скопски маратон 2022″ appeared first on plusinfo.mk.

Целта на оваа акција, поддржана од Министерството за здравство, е преку хуманост и преку донирање крв да се зголеми бројот на дарители и да се подигне свеста за важноста од донацијата на коскена срцевина.

Министерот за здравство Венко Филипче кој се запиша во регистарот на дарители изјави дека е многу важна солидарноста како и можноста секој кој може да спаси човечки живот.

– Фокусирани сме на многу важни сегменти во здравствениот систем. Особено сум горд на успесите во последните три години, кога со кадаверичната трансплантација на органи и трансплантирањето на коскена срцевина од несроден дарител спасивме многу животи – изјави Филипче.

Од клиниката за Хематологијавелат дека со зголемување на бројот на доброволни дарители во Дарителскиот регистар за коскена срцевина се зголемуваат и шансите за пронаоѓање на соодветен дарител за пациентите за кои единствен спас е трансплантација на матични клетки.

– Не мора да сте во добра кондиција и да истрчате 5 километри, но можете да бидете храбар и да се запишете во регистарот на Институтот за имунологија. Треба само да  оставете една епрувета крв која ќе се типизира и потоа влегувате во софтверски систем како потенцијален дарител на коскена срцевина, која за многу хематолошки болести е единствен лек. Дарувањето коскена срцевина е комплетно сигурна процедура која може да спаси човечки живот – изјави директорката на Клиниката за хематологија д-р Ирина Пановска-Ставридис.

Од 2018 година во нашата земја трансплатациите на органи, ткива и клетки се рутински методи за лекување на тешките витално загрозени пациенти. Во 2018 за прв пат во нашата држава беше направена прва несродна трансплантација на матични хематопетски клетки, во мај 2020 зачука првото трансплантирано срце, 2021 се воведоа трансплантациите на коскено ткиво од починат донор. Нашето јавно здравсто нуди стандардизирана услуга, рамо до рамо со светските центри.

The post 103 НОВИ ДАРИТЕЛИ НА КОСКЕНА СРЦЕВИНА Филипче се запиша во регистарот appeared first on plusinfo.mk.

Стартот на маратонот, полумаратонот и штафетниот маратон – ЕУ за спорт беше во 8 часот, а трката на 5 километри започна во 8:10 часот, од платото пред Спортски центар „Борис Трајковски“, каде што е и целта на овогодишниот маратон.

Патеката по која учесниците ќе трчаат ќе биде иста, како и претходната година, а од организацијата известуваат дека дел од скопските улици во периодот од 7:30 до 14 часот ќе имаат привремен режим на сообраќај и промена на режимот на работа на линиите на Јавниот градски превоз.

– Целосно затворени за сообраќај ќе бидат следниве улици: ул. „Димитрије Чуповски“, булевар „Илинденска“ од Влада до Зоолошка градина, ул. „Војвода Васил Чакаларов“, ул. „Митрополит Теодосиј Гологанов“, ул. „11 Октомври“, делот на бул. „Крушевска Република“ од семафорите кај Тутунски Комбинат до семафорите кај Полициската Станица Пролет, бул. „3 Македонска Бригада“ од семафорите кај Полициската Станица Пролет до раскрсницата со ул. „Фрањо Клуз“, десната коловозна лента од бул. „Јане Сандански“ од Тобако во правец накај Аеродром се до раскрсницата со бул. „Србија“, се наведува во соопштението.

Делумно затворени за сообраќај ќе бидат следниве улици и правци: десната коловозна лента од бул. „Климент Охридски“ до семафорите кај Влада, бул. „Илинденска“, од Зоолошка градина до „Љубљанска“, спротивната страна ќе биде слободна за движење, ул. „Љубљанска“ во правец од бул. „Илинденска“ до семафорите кај бул. „Партизански одреди“, ул. „Московска“ во правец од бул. „Партизански Одреди“ до Студентскиот дом Гоце Делчев.

Натпреварувачите ќе трчаат од стартот С.Ц Борис Трајковски до ул. „Илинденска“, па лево на ул. „Љубљанска“, потоа право на „Московска“, па десно по ул. „Војвода Васил Чакаларов“, на крајот од улицата се врти полукружно назад, кога ќе се вратат кај Студентскиот Дом „Гоце Делчев“ се продолжува право по „М.Теодосиј Гологанов“, „Димитрие Чуповски“, „11 Октомври“, „Крушевска Република“, „3 Македонска Бригада“, „Фрањо Клуз“, бул. „Јане Сандански“ до крајот (раскрсница со бул. „Србија“), пред семафорот со бул. „Србија“ се врти полукружно назад (на истата коловозна лента) по бул. „Јане Сандански“, „Фрањо Клуз“, „Трета Македонска бригада“, „Крушевска Република“, „11 Октомври“ по „Димитрие Чуповски“ до раскрсницата десно на бул. „Климент Охридски“ до бул. „Илинденска“, лево кај Владата до целта, платото пред СЦ Борис Трајковски. Истата патека се трча два круга за маратонците.

Виз Ер Скопски Маратон 2021 ќе се реализира под специјални протоколи одобрени од Комисијата за заразни болести при Министерството за здравство.

Виз Ер Скопски Маратон е во организација на Сојузот на спортови на Скопје, во соработка со Атлетски Клуб „Работнички“ од Скопје, под покровителство на Град Скопје, Делегацијата на ЕУ и Агенцијата за млади и спорт.

Скопскиот градоначалник ги повика скопјани да излезат на улиците и да ги поздрават маратонците.

The post СЕДУМНАЕСЕТТИ ВИЗ ЕР МАРАТОН Шилегов ги повика скопјани да излезат на улица и да ги поздрават маратонците appeared first on plusinfo.mk.

Во овој временски период целосно затворени за сообраќај ќе бидат: булевар Илинден, од крстосница со булевар Свети Климент Охридски до улица Љубљанска; затворена ќе биде улица Љубљанска; улица Московска; потоа булевар Митрополит Теодосиј Гологанов, од крстосница со улица Московска; во продолжение улица Димитрие Чуповски; улица 11 Октомври до крстосница со булевар Крушевска република; булевар Крушевска република до крстосница со булевар Трета македонска бригада, булевар Трета македонска бригада ќе биде затворена од крстосница со булевар Крушевска република до улица Фрањо Клуз; потоа затворена ќе биде улица Фрањо Клуз и во продолжение булевар Јане Сандански во делницата од крстосница со улица Фрањо Клуз до булевар Србија.

Во истиот период ќе биде затворен и булевар Свети Климент Охридски и тоа од крстосница со улица Димитрие Чуповски до крстосница со булевар Илинден.

Во согласност со променетиот режим на сообраќај, ќе биде променет режимот на линиите на јавниот градски превоз.

Линии со изменета траса:

– Линија бр. 3: Од Спортска сала „Јане Сандански“ до „Југодрво“ по своја траса, продолжува по улица Свети Кирил и Методиј (Рамстор), Kлинички центар, Комплекс Панорама.  Вo oбратна насока: Комплекс Панорама, улица Јордан Мијалков, подвозник, булевар Кочо Рацин („Jугодрво“), Tранспортен центар, улица Владимир Комаров (23 Октомври), улица Васко Карангелевски, булевар АСНОМ до Спортска сала „Јане Сандански“.

– Линија бр. 3Б: Од Кванташки пазар до „Jугодрво“ по своја траса, продолжува по улица Свети Кирил и Методиј (Рамстор), Kлинички центар и Комплекс Панорама.  Вo oбратна насока: Комплекс Панорама, улица Јордан Мијалков, подвозник, булевар Кочо Рацин („Jугодрво“), Tранспортен центар, улица Владимир Комаров (23 Октомври), улица Васко Карангелевски, булевар АСНОМ, Кванташки пазар.

– Линија бр. 4: oд Хрoм дo Соборен храм по редовна траса, булевар Гоце Делчев, булевар Крсте Мисирков (МАНУ), булевар Кочо Рацин, подвозник, улица Aнтон Попов, улица Димо Хаџи Димов, улица Народни херои, булевар Борис Трајковски до населба „11 Октомври“ и во обратна насока од „11 Октомври“ до населба Хром по изменета траса.

– Линија бр. 4А: oд Карпош 3 (7 и 59) по улица Карпошово востание, улица Бледски договор, булевар Партизански одреди, потоа продолжува по булевар Гоце Делчев, булевар Крсте Мисирков (МАНУ), булевар Кочо Рацин, подвозник, улица Aнтон Попов, улица Димо Хаџи Димов, улица Народни херои, булевар Борис Трајковски, продолжува по својата траса до с. Усје. Во обратна насока од с.Усје до Карпош 3 (7 и 59) по изменета траса.

– Линија бр. 5: Од Дексион, улица Ѓорче Петров, булевари Партизански одреди и Гоце Делчев, булевари Крсте Мисирков (МАНУ) и Кузман Јосифовски Питу, улица Владимир Комаров, улица Васко Карангелевски, булевар АСНОМ до терминал Ново Лисиче, a oбратно од Ново Лисиче до Комплекс банки по својата  траса, булевари Крсте Мисирков, Гоце Делчев и Партизански одреди, улица Ѓорче Петров и Дексион.

– Линија бр. 7: oд Карпош 3 по улици Карпошово востание и Бледски договор, булевари Партизански одреди, Крсте Мисирков (МАНУ) и Кузман Јосифовски Питу, улици Владимир Комаров (23 Октомври) и Коста Новаковиќ, булевар Трета македонска бригада и продолжува по својата траса, a вo oбратна нaсока по булевар Трета македонска бригада, улици Коста Новаковиќ и Владимир Комаров (23 Октомври), булевари Jaнe Сандански, Кузман Јосифовски Питу, Крсте Мисирков, Гоце Делчев, Партизански одреди до Карпош 3.

– Линија бр. 8: Влае, булевар Партизански одреди, мост „Гоце Делчев“, булевар Гоце Делчев, Бит-пазар и продолжува по својата траса, а во обратната насока по изменета траса.

– Линија бр. 9: Клинички центар, улица Јордан Мијалков, подвозник, булевар Кочо Рацин („Jугодрво“) и продолжува по својата траса, а во обратната насока по редовната траса.

– Линија бр. 15 и 15А: од Карпош 3 (7 и 59), улици Карпошово востание и Бледски договор, булевари Партизански одреди, Гоце Делчев, Крсте Мисирков (МАНУ), Кузман Јосифовски Питу, улици Владимир Комаров (23 Октомври) и Васко Карангелевски, булевар АСНОМ, Ново Лисиче (терминал), a oбратно од Ново Лисиче до Комплекс банки по својата траса, булевари Крсте Мисирков, Гоце Делчев и Партизански одреди до Карпош 3.

– Линија бр. 16: Железара, Бит-пазар, „Југодрво“ и продолжува по своја траса, а во обратната насока по иста изменета траса.

– Линија бр. 19: од Карпош 3 (7 и 59), улици Карпошово востание и Бледски договор, булевари Партизански одреди и Гоце Делчев, Бит-пазар и продолжува по траса до Шуто Оризари, а во обратна насока по редовна траса до Карпош 3 (7 и 59).

– Линија бр. 21 и 21А: Транспортен центар, булевари Кузман Јосифовски Питу, Крсте Мисирков (МАНУ), Гоце Делчев и Партизански одреди и продолжува по своја траса, а во обратната насока по иста изменета траса.

– Линија бр. 22: Транспортен центар, булевари Кузман Јосифовски Питу, Крсте Мисирков (МАНУ), Гоце Делчев и Партизански одреди и продолжува по своја траса, а во обратната насока по иста изменета траса.

– Линија бр. 22А: ќе сообраќа како линија бр. 22.

– Линија бр. 23: oд Дoм нa пeчaт, улица Јордан Мијалков, подвозник, булевар Кочо Рацин („Jугодрво“), улици Владимир Комаров (23 Октомври) и Васко Карангелевски, булевар АСНОМ и продолжува по својата траса, a вo oбратна нaсока оди по својата траса до „Југодрво“, а потоа по улицата Свети Кирил и Методиј (Рамстор) до Дoм нa печат.

– Линија бр. 24: Почетна станица Карпош 3 (почетна 7 и 59), улици Карпошово востание и Бледски договор, булевари Партизански одреди, Гоце Делчев, Крсте Мисирков (МАНУ) и Кочо Рацин и продолжува по своја траса. Во обратна насока по истата траса до Карпош 3 (почетна 7 и 59).

– Линија бр. 27: oд Дoм нa пeчaт, улица Јордан Мијалков, подвозник, булевари Кочо Рацин („Jугодрво“) и Кузман Јосифовски Питу, улица Владимир Комаров (23 Октомври), булевари АСНОМ и Србија и продолжува по својата траса до нас. Вардарска, a вo oбратна нaсока по редовната траса до „Југодрво“, потоа по улица Свети Кирил и Методиј (Рамстор) до Дoм нa печат.

– Линија бр. 28: од Македонско село, с. Горно Нерези до Козле – терминал 57, а во обратна насока по истата траса.

– Линија бр. 50: Клинички центар,  улица Јордан Мијалков, подвозник,  булевар Кочо Рацин („Jугодрво“), Бит-пазар и продолжува по својата траса, а во обратната насока, од Бит-пазар продолжува по булевар Кочо Рацин, улица Свети Кирил и Методиј (Рамстор) и Клинички центар.

– Линија бр. 57: Од Козле, улици Васил Ѓоргов и Јордан Мијалков, подвозник, булевар Кочо Рацин („Jугодрво“), Бит-пазар и продолжува по својата траса, а во обратната насока од Бит-пазар продолжува по булевар Кочо Рацин, улица Свети Кирил и Методиј (Рамстор), улица Васил Ѓоргов и кон Козле.

– Линија бр. 59: Од Карпош 3, улици Карпошово востание и Бледски договор, булевари Партизански одреди и Гоце Делчев, Бит-пазар, Бутел, до Кучевишка бара. Во обратната насока по истата изменета траса.

– Линија бр. 59А: Кисела Вода, по своја траса до Олимписки базен (булевар Кочо Рацин), булевар Крсте Мисирков, Бит-пазар и продолжува по својата траса. Во обратната насока по истата изменета траса.

– Линија бр. 59Б: – Од Ново Лисиче, булевари Јане Сандански, Кузман Јосифовски Питу и Крсте Мисирков (МАНУ) и продолжува по својата траса, а во обратната насока од Бит-пазар, Судска палата, Комплекс банки, Транспортен центар, улици Владимир Комаров (23 Октомври) и Васко Карангелевски, булевар АСНОМ и Ново Лисиче (Терминал)

– Линии 31, 41, 51, 67, 70 и 74: Транспортен центар, булевар Кочо Рацин („Југодрво“), продолжуваат по своја траса, потоа подвозник, улици Антон Попов, Димо Хаџи Димов и Народни херои, булевар Борис Трајковски и продолжуваат по својата траса. Во обратната насока по истата изменета траса.

– Линија 58: Транспортен центар, булевар Кочо Рацин („Југодрво“), продолжува по своја траса, потоа подвозник, улица Антон Попов, улица Димо Хаџи Димов и продолжува по својата траса. Во обратната насока по истата изменета траса.

–  Линија 73: Од Саем, булевар Кочо Рацин („Југодрво“), продолжува по своја траса, потоа подвозник,  улици Антон Попов, Димо Хаџи Димов и Народни херои, булевар Борис Трајковски и продолжува по својата траса. Во обратната насока по истата изменета траса.

 II. Линии со непроменета траса:

 а) Градски линии: 2, 2А, 12, 20, 42, 45 и 65В

 б)  Приградски линии: 11, 11а, 18, 18а, 32, 47, 47а, 52, 53, 55, 56, 56а, 60, 61, 62, 63, 63а, 63б, 65, 66, 66а, 68, 69, 71, 81, 118

The post СКОПСКИ МАРАТОН ВО НЕДЕЛА Погледајте, по кои улици ќе се одвива сообраќајот appeared first on plusinfo.mk.

На стартот на трката, пред салата Борис Трајковски, ќе има пункт, отворен од 8 до 12 часот, каде граѓаните ќе можат да се информираат за трансплантациите како можност за излекување и продолжување на животот директно од тимовите на експерти кои се дел од овие интервенции.

Од таму додаваат дека сите, кои се во добра здравствена состојба, на возраст од 18 до 50 години ќе имаат можност да станат дел од Националниот регистар на доброволни дарители на коскена срцевина. Дарител може да биде секој што се чувствува здрав и е подготвен да спаси нечиј живот, само со доброволно дарување на 5 милилитри периферна крв, ќе се запише во регистарот на дарители на коскена срцевина.

– В недела здравствени работници, волонтери и поранешни пациенти, ќе трчаат на Скопскиот маратон, за да мотивираат поголем број донори на коскена срцевина да се пријават во Националниот регистар за донори. Целта ни е да го подигнеме нивото на свесност за значењето на трансплантација на органи и ткива од починат донор. Да се дарува коскена срцевина, орган или ткиво значи некому да се даде можност одново да живее. Симболично, сакаме со учество во трката да ја истакнеме важноста и влијанието од трансплантацијата на органи, ткива и матични клетки врз животот на пациентите, а воедно и да им заблагодариме на сите донори ширум светот кои со своето дарување подариле некому живот – велат од Министерството за здравство.

The post СТАНЕТЕ ДЕЛ ОД ДАРИТЕЛИТЕ НА ОРГАНИ И НА КОСКЕНА СРЦЕВИНА Здравствените работници ќе трчаат на Скопскиот маратон во чест на донорите appeared first on plusinfo.mk.