Британскиот комичар и актер Расел Бренд се најде пред суд во Лондон, каде што обвинителството ги изнесе наводите на шест жени кои го обвинуваат за сексуални напади во периодот кога неговата кариера се развивала од стендап-комичар до телевизиска и филмска ѕвезда. На почетокот на судењето, обвинителката Рил Карми-Џонс го опиша како човек кој бил „немилосрден, пресметлив и манипулативен“, тврдејќи дека ја користел својата популарност за да ги задоволи сексуалните желби.

Бренд, кој има 51 година, се изјаснил дека не е виновен за трите обвиненија за силување, трите за сексуален напад и едното за непристоен напад. Случаите се однесуваат на шест жени, а обвинителството тврди дека инцидентите се случувале на различни места – во хотелска соба, на работни места, во тоалет во бар и во неговиот дом.

Еден од наводните инциденти се случил во 1999 година, по конференција на Лабуристичката партија во Борнмут. Според обвинителството, жената го поканила Бренд во хотелската соба за да продолжат со разговорот по кабаре-програма. Таа тврди дека тој се појавил разголен од бањата, се однесувал чудно, а потоа ја силувал. Наводно, следниот ден Бренд му рекол на свој пријател дека можеби „отишол предалеку“ и дека треба веднаш да го напуштат градот.

Втората жена во тоа време работела за MTV. Според обвинителството, во 2001 година Бренд ја повикал да влезе во тоалетот и силно ја фатил за подлактицата, но таа успеала да се извлече. Трета жена тврди дека во 2004 година, во бар во лондонскиот Сохо, Бренд ја фатил за градите, ја повлекол кон тоалетот и ја принудил на орален секс и покрај нејзините протести.

Четвртата жена работела во радио-станица во 2004 или 2005 година. Таа го обвинува Бренд дека ја фатил за лицето, ја притиснал до ѕид и агресивно ја бакнувал и допирал по телото. Според нејзиното сведочење, ја вознемирило и тоа што никој од луѓето што биле со него не се вмешал за да ја спречи ситуацијата.

Петтата жена тврди дека Бренд ја силувал во неговиот дом, откако претходно имале сексуални односи со нејзина согласност. Подоцна, при случајна средба во Шкотска, таа му испратила порака во која напишала дека ја третирал како животно.

Според наводите изнесени на суд, тој ѝ одговорил: – Жал ми е.

Шестата жена, која работела за телевизијата Канал 4, го обвинува дека во 2009 година ја нападнал сексуално за време на снимање, ставајќи ја главата во пределот на нејзините препони.

Обвинителството тврди дека Бренд имал изразена желба за сексуални односи и дека очекувал жените да ги исполнуваат неговите желби. Тој, пак, ги негира обвиненијата и претходно изјавил дека никогаш немал сексуални односи без согласност. Судскиот процес продолжува, а изнесените тврдења претставуваат наводи на обвинителството што треба да бидат разгледани во постапката.

The post „МЕ ТРЕТИРАШЕ КАКО ЖИВОТНО“ Шест жени го обвинуваат комичарот Расел Бренд за сексуални напади appeared first on plusinfo.mk.

Британскиот комичар и актер Расел Бренд пристигна во Судот „Саутворк“ во Лондон, каде што почнуваат подготвителните рочишта пред судењето за обвиненијата за силување и сексуално насилство. Бренд при пристигнувањето не даваше изјави. Шест жени го обвинуваат за сексуални кривични дела за кои се тврди дека се случиле во периодот од 1999 до 2009 година.

Бренд до судот пристигна со црн мерцедес. Облечен во сиво сако и со очила за сонце, помина покрај собраните фоторепортери придружуван од обезбедувањето и една жена. Не одговараше на новинарските прашања при влегувањето во зградата на судот.

Првите два дена на судот ќе бидат изнесувани правни аргументи пред почетокот на главната расправа. Судењето треба да започне во понеделник, 12 октомври, и се очекува да трае до десет недели. Бренд е обвинет по три точки за силување, три за сексуален напад и една за непристоен сексуален напад. Тој ги отфрла сите обвиненија и тврди дека немало сексуални односи без согласност.

Наводите на обвинителството

На претходните рочишта беше кажано дека Бренд, меѓу другото, е обвинет за силување на жена во хотелска соба за време на конференцијата на Лабуристичката партија во Борнмаут. Тој е обвинет и дека фатил телевизиска работничка за градите и ја принудил на сексуален чин во тоалет, како и дека бакнувал и несоодветно допирал вработена во радио-станица.

Кариерата и сегашниот статус

Расел Бренд (51) во 2000-тите стана еден од најпознатите британски стендап-комичари. Водеше придружни емисии поврзани со телевизиското шоу „Big Brother“ и глумеше во неколку холивудски филмови.

Во последните години се посвети на водење подкаст и активности на социјалните мрежи, а сега живее во Соединетите Американски Држави. Бренд во текот на целата кривична постапка се брани од слобода.

The post 📽️ РАСЕЛ БРЕНД ПРИСТИГНА НА СУД ПО ОБВИНЕНИЈАТА ЗА СИЛУВАЊЕ И СЕКСУАЛНО НАСИЛСТВО Kомичарот тврди дека никогаш немал сексуален однос без согласност appeared first on plusinfo.mk.

Претседателката на Народното собрание на Србија, Ана Брнабиќ, им се обрати на европските претставници, вклучувајќи ја и комесарката за проширување Марта Кос, и на сите партии во Европскиот парламент во врска со предизборното видео објавено од студентите на Факултетот за драмски уметности (ФДУ) во Белград. Таа ги покани да го погледнат видеото и да оценат дали промовира демократски вредности.

Станува збор за видео наречено „Србија не го сакаше“, кое студентите го објавија на 19 септември. На црно-белата снимка, Александар Вучиќ е во центарот, проследен со пораки од граѓани во кои се наведува дека не го сакаат за претседател и дека не е добредојден. Ана Брнабиќ го нарече видеото „монструозно“ и остро реагираше. На видеото, меѓу другото, на Вучиќ му се заканува затвор, а во последниот кадар се прикажува сапун под затворски туш, што Брнабиќ го протолкува како закана за силување.

 

View this post on Instagram

 

A post shared by Svi u blokade! (@sviublokade.fdu)

The post 🎥 „НА ВУЧИЌ МУ СЕ ЗАКАНУВААТ СО СИЛУВАЊЕ“ Брнабиќ се жали до ЕУ на видео-спот објавен од студенти на ФДУ appeared first on plusinfo.mk.

The post ВЕЛЕШАНЕЦ СИЛУВАЛ ШВЕЃАНКА ВО ОХРИД Полицијата го уапси appeared first on plusinfo.mk.

СВР Струмица поднесе кривична пријава против лицето С.Ф.(21) поради постоење основи на сомнение за сторено кривично дело ,,силување на дете кое не наполнило 15 години”.

Според пријавата, на 24.06.2026, С.Ф. извршил обљуба врз 12 – годишно девојче, информира МВР во дневниот билтен. .

The post 21-ГОДИШНИК СИЛУВАЛ 12-ГОДИШНО ДЕВОЈЧЕ Случај на обљуба на дете во Струмица appeared first on plusinfo.mk.

Дваесет и шестгодишен жител на радовишко село е уапсен под сомнение дека извршил силување врз девојче помладо од 15 години и живеел со неа во вонбрачна заедница.

Според полицијата, кривичните дела биле извршувани во текот на минатата година, па сè до завчера, во куќата на родителите на малолетничката.

Осомничениот е задржан во полициска станица и ќе биде изведен пред судија на претходна постапка.

The post ЖИВЕЕЛ СО ДЕВОЈЧЕ ПОМЛАДО ОД 15 ГОДИНИ Уапсен 26-годишник од радовишко село appeared first on plusinfo.mk.

СВР Струмица поднесе кривична пријава против А.С.(62) од струмичко поради постоење основи на сомнение за сторено кривично дело „силување на дете кое не наполнило 15 години”. На 15.07.2026 пријавениот во семејната куќа извршил обљуба врз малолетничка.

The post ФАТЕН 62-ГОДИШЕН ПЕДОФИЛ ОД СТРУМИЦА Силувал девојче помладо од 15 години appeared first on plusinfo.mk.

The post НА ДВАЈЦАТА СИЛУВАЧИ ОДЗЕМЕН ИМ Е ПАСОШОТ Силувале жена од Србија покрај патот во Лисиче appeared first on plusinfo.mk.

Шеесет и осумгодишен маж од Берлин е осомничен дека дрогирал, силувал и снимал десетици жени, во случај што ја шокира германската јавност. Истражителите стравуваат дека бројот на неговите жртви достигнува најмалку 58, а обвинителството бара да му биде изречена максимална затворска казна, по која би следувал и превентивен притвор.

Според обвинението, 68-годишниот електричар од Берлин злоупотребил и силувал најмалку 14 жени додека биле во бессознание. Се сомнева дека претходно ги онесвестувал со комбинација од апчиња за спиење и алкохол, по што ги силувал и ги снимал злосторствата.

Иако истражителите веруваат дека бројот на жртвите е најмалку 58, досега по име се идентификувани 30 жени, а во 14 случаи е поднесено официјално обвинение.

Во рамки на истрагата, полицијата извршила претрес во станот на осомничениот во берлинската населба Фридрихсфелде, каде што биле запленети повеќе уреди за складирање податоци.

ИТ-вештак во февруари 2026 година на нив пронашол вознемирувачки видеоснимки од сексуални злосторства. По ова откритие, осомничениот бил уапсен на 3 март 2026 година и оттогаш се наоѓа во притвор, пренесуваат германските медиуми, повикувајќи се на извори од обвинителството.

Според обвинителството, осомничениот внимателно ги избирал своите жртви и ги запознавал преку онлајн апликации за запознавање.

Она што дополнително го прави случајот потресен е фактот што жените воопшто не знаеле дека биле сексуално нападнати. За тоа дознале дури кога полицијата ги контактирала во текот на истрагата.

– Обвиненијата опфаќаат силување во особено тешки случаи и нанесување тешки телесни повреди – изјави портпарол на обвинителството.

The post НЕ ЗНАЕЛЕ ДЕКА СЕ СИЛУВАНИ, ПОЛИЦИЈАТА ИМ КАЖАЛА Жител на Берлин осомничен дека дрогирал, злоупотребил и снимал најмалку 58 жени appeared first on plusinfo.mk.

Мароканскиот репрезентативец Ашраф Хакими ќе мора да се појави пред суд во Франција, откако француските правосудни органи потврдија дека против него ќе се води судска постапка по обвиненијата за силување.

Фудбалерот на ПСЖ и капитен на мароканската репрезентација ги отфрла сите обвинувања и тврди дека судењето конечно ќе му овозможи јавно да ја изнесе својата страна од приказната.

Хакими преку социјалната мрежа „Икс“ порача дека со нетрпение го очекува процесот бидејќи, како што наведе, конечно ќе има можност да проговори за случајот.

Случајот потекнува од февруари 2023 година, кога тогаш 24-годишна жена пријавила во полицијата во областа Вал де Марн дека била силувана од познатиот фудбалер.

Според наводите од истрагата, таа изјавила дека со Хакими се запознала преку Инстаграм во јануари истата година, а подоцна заминала во неговиот дом со такси кое, наводно, го организирал самиот фудбалер.

Обвинителката тврди дека Хакими ја бакнувал и допирал без нејзина согласност, по што ја силувал. Жената навела дека успеала да го оттурне и да испрати порака до пријателка, која потоа дошла по неа.

Засега не е објавен датумот кога ќе започне судењето пред кривичниот суд во департманот О де Сен.

Адвокатката на Хакими, Фани Колен, изјави дека ваквата одлука била очекувана и нагласи дека не претставува доказ за вина.

– Оваа одлука беше очекувана. Ништо во неа не покажува дека тој е виновен за какво било дело. Тој останува цврст во својата одбрана – изјави Колен.

Од другата страна, адвокатката на жената која ја поднела пријавата, Рејчел-Флор Пардо, оцени дека одлуката на судот донела „олеснување и надеж“ за нејзината клиентка.

Жената која го обвинува Хакими неодамна првпат јавно проговори за случајот под псевдонимот Жан, истакнувајќи дека сака судење за да биде сослушана.

– Сакам да објаснам што се случи. Сакам луѓето да ми веруваат – изјавила таа.

Во меѓувреме, Хакими се наоѓа со репрезентацијата на Мароко на Светското првенство, каде во петок ќе настапи во вториот натпревар од групната фаза против Шкотска.

La justice m’a regardé dans les yeux et m’a dit : « Si vous n’étiez pas connu, il n’y aurait jamais eu d’affaire. »

J’ai choisi de me taire pendant des années. J’ai pensé que rester digne, être patient et faire confiance à la justice permettrait que les bonnes décisions soient…

— Achraf Hakimi (@AchrafHakimi) June 19, 2026

The post ДОДЕКА ИГРА НА СВЕТСКО, ГО ВИКНАА НА СУД ПОД ОБВИНЕНИЕ ЗА СИЛУВАЊЕ Марокански репрезентативец се најде во непријатна ситуација appeared first on plusinfo.mk.