Александар Зверев ја освои првата грен-слем титула во кариерата, по што доби емотивна честитка од Новак Ѓоковиќ.

Ѓоковиќ на социјалните мрежи потсети дека нивното пријателство трае со децении и дека го следел патот на германскиот тенисер уште од детските денови.

„Саша, те познавам уште од кога имаше 10 години. Со години имаме однос на почит и пријателство со целото твое семејство. Имавме безброј разговори за тенисот, животот и за семејството“, напиша Ѓоковиќ.

Српскиот тенисер истакна дека успехот е уште поголем ако се знае низ што минувал Зверев поради дијабетесот со кој живее уште од младоста.

– Знаејќи низ што мораше да поминуваш и колку напорно работеше за да стигнеш до оваа титула, можам само да кажам дека целосно го заслужуваш успехот – порача Ѓоковиќ.

Зверев со години важеше за еден од најдобрите тенисери без грен-слем титула. Со триумфот на Ролан Гарос конечно го освои најголемиот трофеј во кариерата и ги замолкна критичарите кои се сомневаа дека некогаш ќе стигне до врвот.

The post УСПЕХОТ Е УШТЕ ПОГОЛЕМ АКО СЕ ЗНАЕ ДЕКА СЕ БОРЕШЕ СО ДИЈАБЕТЕС Саша, те знам од 10 години, му напиша Ѓоковиќ на колегата appeared first on plusinfo.mk.

Во рамки на завршното коло, Вардарци денес, 27 мај (среда), со почеток од 19:00 часот во СЦ „Јане Сандански” – големата сала, ќе се соочат со екипата на РК Бутел.

На крајот од натпреварот, Ракометна Федерација на Македонија официјално ќе го додели шампионскиот пехар на Вардар, рекордна 16-та титула шампион на Македонија, потврдувајќи ја доминацијата на клубот и неговото значајно место во македонскиот спорт.

Како горд партнер и силен поддржувач на РК Вардар 1961, Видеолотарија Касинос Австрија истакнува дека и вечерва стои зад шампионите, верувајќи во нивниот победнички дух, страст и борбеност до последниот свиреж.

„Навиваме за шампионите, за Вардар. За уште една победа“, соопшти ВЛТ.

The post ВЛТ НАВИВА Шампионот Вардар вечерва во дуел со РК Бутел appeared first on plusinfo.mk.

Репрезентацијата на Данска ја освои европската титула откако во финалето вечерва ја совлада Германија со 34:27. Ова за Данска е трета титула европски првак и воедно го повтори успехот на Франција во ракомет во истовреме да има европска, светска и олимписка титула. Данските ракометари титулата ја прославија со домашните навивачи кои ја исполнија салата во Хернинг.

Во првиот дел двете репрезентации се менуваа во водството, а на полувреме беше 18:16. Последен пат нерешен резултат беше 19:19. Во вториот дел најчесто предноста беше меѓу 2-3 разлика за Данска, а голманите во средината на вториот дел Волф (Германија) и Мелер (Данска) имаа свои минути. Данските ракометари финалето го завршија со серија од 5-0 за конечни 34:27.

Симон Питлик со 8 голови кај Данска беше најефикасен, додека Матијас Гидсел и Јохан Хансен постигнаа по 7. Кевин Мелер имаше 8 одбрани, а Андреас Волф заврши со 14.

Во натпреварот бронзениот медал Хрватска го победи Исланд со 34:33.

The post ТРЕТА ЕВРОПСКА ТИТУЛА ЗА ДАНСКА ЗА СЛАВЈЕ ВО ХЕРНИНГ Ја совлада Германија со 34:27 appeared first on plusinfo.mk.

Британскиот велосипедист Крис Фрум претрпе сериозна повреда откако падна за време на тренинг, изјави неговата сопруга Мишел. На четирикратниот победник на Тур де Франс му е дијагностициран пукнат перикард, заштитна кеса околу срцето.

– Очигледно ова е многу посериозно од само неколку фрактури. Тој е добро, но ќе биде долго закрепнување. Нема да може да вози велосипед некое време – изјави за Ројтерс сопругата на велосипедистот.

Фрум падна за време на тренинг во Франција. Тој по падот, со хеликоптер беше однесен во болница.

Четириесетгодишниот Фрум е четирикратен шампион на Тур де Франс (2013, 2015, 2016, 2017), победник на Џиро д’Италија (2018) и Вуелта а Еспања (2017). Тој, исто така, двапати освои бронза на Олимписките игри во поединечна трка (2012, 2016).

The post НА ЧЕТИРИКРАТНИОТ ШАМПИОН НА ТУР ДЕ ФРАНС МУ „ПУКНА“ СРЦЕТО НА ТРЕНИНГ Со хеликоптер беше однесен во болница appeared first on plusinfo.mk.

Поранешниот англиски фудбалски репрезентативец Пол Гаскоњ е хоспитализиран, објави „The Sun“.

Педесет и осумгодишниот Англичанец бил пронајден дома во бессознание. Неговата состојба моментално се смета за стабилна. Се очекува Гаскоњ да помине неколку дена во болница.

Гаскоњ е освојувач на ФА Купот, двократен шампион на Шкотска и освојувач на Шкотскиот Куп.

Во 2002 година, тој влезе во Куќата на славните на англискиот фудбал.

Контроверзниот Гаскоњ по завршувањето на кариерата имаше проблеми со алкохолот и често пати беше фотографиран во непристојна состојба. Во едно интервју пред неколку години кажа дека живее како бездомник и дека е алкохоличар.

The post ДВОКРАТНИОТ ШАМПИОН НА ШКОТСКА НАЈДЕН ВО БЕССОЗНАНИЕ Гаскоњ ќе помине неколку дена во болница appeared first on plusinfo.mk.

Ракометниот клуб Алкалоид официјално е новиот освојувач на ЕХФ Европскиот Куп, откако Европската ракометна федерација (ЕХФ) донесе одлука да го регистрира откажаниот реванш-меч против АЕК Атина со службен резултат од 10:0 во корист на македонскиот тим.

Од РК Алкалоид велат дека оваа победа има далекусежно значење, не само за клубот, туку и за целиот македонски ракомет.

„Ова не е само победа. Ова е уште една потврда за големиот успех и за квалитетот на нашиот тим и на македонскиот ракомет! По победата во Атина, противникот одби да дојде на реванш во Скопје. ЕХФ ја регистрира победата со 10:0 и 2:0 поени. Трофејот заслужено ќе биде во нашите витрини! Честитки до нашите херои на теренот!“, се наведува во соопштението од клубот.

АЛКАЛОИД Е ЕВРОПСКИ ШАМПИОН Грчки АЕК загуби службено со 10:0, одлучи ЕХФ

The post „ОВА Е ПОБЕДА ЗА ЦЕЛА НАЦИЈА“ Алкалоид не крие емоции по одлуката на ЕХФ, трофејот пристигнува во Скопје appeared first on plusinfo.mk.

Ливерпул ја потврди доминацијата во Премиер лигата со ново уверливо издание на домашен терен, а победата од 5:1 над Тотенхем значи дека клубот од „Енфилд Роуд“ ја завери 20 титула во домашното првенство.

Шампионското расположение во градот Ливерпул беше евидентно уште пред стартот на натперварот со „петлите“, па иако гостите поведоа со голот на Соланки, многу брзо следеше брутален одговор од најдобриот тим во Англија.

Дијаз, МекАлистер и Гакпо набрзина постигнаа три погодоци и ставија јасно до знаење дека попладнево и вечерва ќе се слави титулата во Ливерпул, а печат на победата само ставија Мо Салах и Удоги со автоголот во вториот дел.

„Црвените“ станаа само седми тим во историјта која ја заверил титулата на четири кола пред крајот, што само потврдува дека момците на Арне Слот не наидоа на сериозен ривал оваа натпреварувачка сезона.

20-та титула значи дека Ливерпул го израмнува рекордот на Манчестер Јунајтед по бројот на освоени титули во домашното првенство, но истовремено значи и прекин на доминацијата на Манчестер Сити кој освои четири трофеи во низа.

Головите може да ги погледнете тука.

The post ВИСТИНСКО ЛУДИЛО НА „ЕНФИЛД“ Ливерупл со „петарда“ дојде до 20 титули во Англија appeared first on plusinfo.mk.

Победникот на Светското клупско првенство ќе добие 115 милиони евра, соопшти денеска Меѓународната фудбалска федерација (ФИФА).

ФИФА, која на почетокот на март објави дека вкупниот награден фонд за првенството ќе изнесува 925 милиони евра, денеска детално ја објави распределбата на споменатата сума.

Европските клубови ќе го добијат поголемиот дел од оваа сума, при што клубовите од Европа ќе заработат помеѓу 12,81 и 38,19 милиони долари, во зависност од успехот на теренот и комерцијалните критериуми.

Јужноамериканските тимови ќе добијат по 15,21 милиони долари бонуси за учество, додека клубовите од Северна Америка, Централна Америка, Азија и Африка ќе добијат 9,55 милиони долари, а претставникот од Океанија 3,58 милиони долари.

The post ВРЕДИ ДА СЕ БИДЕ ШАМПИОН Еве колку пари ќе добие победникот на Светското клупско првенство appeared first on plusinfo.mk.

„ВЕДРАНА ЈА ПОБЕДИ АКТУЕЛНАТА СВЕТСКА КАДЕТСКА ШАМПИОНКА ВИРЏИНИЈА ЛАМПТИС ОД ИТАЛИЈА! Злато за Ведрана Тунески на Е2 Тирана Опен Кадети -41кг, Ведрана е репрезентативка и член на ТКД Бутел. Четири фуриозни победи на Е2 најсилно рангиран младински таеквондо турнир во светското младинско олимписко таеквондо“.

Вака на социјалните мрежи објави Градоначалникот на Општина Бутел, Дарко Костовски.

Ведрана претходно ги победи:

1. Јовиќиќ Милјана, Црна Гора
2. Парисела Аурора, Италија
3. Гомез Дијаз, Шпанија
3. Вирџинија Ламптис, Италија

„Да потсетиме Ведрана Тунески е бронзен медалист од Европско пионерско првенство. Денеска во Албанија во финале успеа да ја совлада најдобрата таеквондистка на планетата во нејзината категорија. Подвиг кој мора да остане забележан со внимание“, се вели во објавата на Костовски.

„Таеквондо Бутел е лабораторија за создавање на релевантен врвен спорт, доаѓаат нови генерации кои ќе го задржат македонското олимписко таеквондо во сјајот на најголемите светски спортски одличја, олимписка норма и олимписки медал!“, објави градоначалникот на Бутел.

The post ИМАМЕ СВЕТСКА КАДЕТСКА ШАМПИОНКА ВО ТЕКВОНДО Ведрана Тунески во Тирана ја совлада Вирџинија Ламптис appeared first on plusinfo.mk.

Кошаркарите на Бостон селтикс го победија Далас маверикс со 106:88 во петтиот натпревар од НБА финалето и ја освоија шампионската титула со вкупни 4:1. За Бостон тоа е рекордна 18. титула, прва по 2008 година. Досега Селтикс беа изедначени по бројот на титули со Лејкерс (Лос Анџелес и Минеаполис).

Џејсон Тејтум ги предводеше Селтикс на овој натпревар со 31 поен, 11 асистенции и осум скока. Џру Холидеј го заврши мечот со дабл-дабл ефект, 15 поени и 11 скока.

– Ова ми значи најмногу на светот. Мина долго време. И многу сум благодарен – рече Тејтум по примањето на трофејот од комесарот на НБА, Адам Силвер.

“We did it. WE DID IT!!!!!!!”

– Jayson Tatum pic.twitter.com/soZT8djvXH

— Italo Santana (@BulletClubIta) June 18, 2024

Џејлен Браун кој даде 21 поен, осум скока и шест асистенции, беше избран за МВП на финалната серија.

– Го споделувам ова со моите браќа и мојот „партнер во криминалот“ Џејсон Тејтум – рече Браун по 107. плеј-оф натпревар во кариерата што тој и Тејтум ги одиграа заедно, најмногу за кое било дуо пред да освојат титула.

Кај Далас повторно најмногу покажа Лука Дончиќ. Словенечката НБА суперѕвезда постигна 28 поени, имаше 12 скока и пет асистенции. Кајри Ирвинг, кој играше за Бостон од 2017 до 2019 година, остана на 15 поени, со лош шут од поле, 5/16 и девет асистенции.

Дончиќ рече дека повредите на градниот кош, десното колено и левиот скочен зглоб со кои играл за време на финалната серија не се изговор за тоа што Далас не успеа.

– Не е важно дали бев повреден и колку бев повреден. Бев присутен. Се обидов да играм, но тоа не беше доволно – изјави Дончиќ.

Бостон постојано беше во водство, и речиси постојано имаше предност од 10 и повеќе поени. Во вториот дел во ниту еден момент предноста на Селтикс не беше помала од 15 поени, а а во три наврати имаа најголеми, +26 коша.

Бостон го отвори финалето со 3:0 и ги доведе Дончиќ и Далас во невозможна позиција за пресврт. Во плеј-оф серијата до четири победи, Далас се обиде да испише историја и да стане првиот тим кој 0:3 ги претворил во вкупна победа. Односот на тие обиди сега е 0:157!

The @celtics are the 2023-24 NBA Champions! pic.twitter.com/UrZtUG0jwY

— NBA (@NBA) June 18, 2024

Селтикс ја завршија регуларната сезона во НБА со најдобар ефект, 64 победи и 18 порази. Во плеј-офот тие ги победија Мајами хит (4:1), Кливленд кавалирс (4:1), Индијана пејсерс (4:0) и Далас маверикс (4:1).

The post 📽️ ДОНЧИЌ НЕ МОЖЕШЕ САМ ПРОТИВ СЕЛТИКС Бостон е нов НБА шампион по 18-ти пат appeared first on plusinfo.mk.