Џејми Ли Кертис ја објави тажната вест дека нејзината постара сестра Кели, исто така актерка, починала. Имаше 69 години, а причината за смртта сè уште не е објавена.

Кели Ли Кертис потекнува од едно од најпознатите холивудски семејства. Таа беше ќерка на актерските легенди Џенет Ли и Тони Кертис, а во текот на нејзината кариера оствари голем број телевизиски и филмски улоги. Публиката најдобро ја памети по хорор филмот „The Devil’s Daughter“ од 1991 година и по нејзините појавувања во сериите „The Sentinel“ и „The Equalizer“. Самата Џејми се збогува со својата сестра во емотивна изјава.

– Топло алоха до мојата постара сестра, Кели Ли Кертис. Почина утрово. Во својот дом. Во природа. Во мир – напиша таа.

Исто така, се потсети на многуте спомени што ги споделуваале во текот на нивните животи.

– Таа беше моја прва пријателка и доверлива личност за цел живот. Беше исклучително убава и талентирана актерка. Играше карти брилијантно, собираше желки, го сакаше своето семејство, природата, музиката, пазарувањето во продавници од втора рака, патувањата, Фејсбук и Покемон Го. Беше горда на своите дански корени и унгарско-еврејско потекло и беше посветен американски патриот – додаде Џејми. Таа продолжи да опишува по што нејзините најблиски најмногу ќе ја паметат.

– Ќе ја паметиме по нејзината љубезност и великодушност, цврстите ставови, нејзината бескрајна љубопитност, нејзиниот уникатен стил и нејзините божиќни колачиња во форма на полумесечина со бадеми и шеќер во прав, поради што го доби прекарот Тета Куки. Кели ја завршуваше секоја порака или поздрав со унгарски благослов: Истен Велед, Бог да биде со тебе. Истен Велед до мојата сестра на сонцето и месечината, мојата Таи. Се гледаме подоцна.

Инаку, откако Кели се повлече од актерската кариера кон крајот на 1990-тите, продолжи да работи во филмската индустрија, како асистентка на нејзината сестра во филмовите „Freaky Friday“, „Christmas with the Kranks“ и „You Again“.

 

View this post on Instagram

 

A post shared by Jamie Lee Curtis (@jamieleecurtis)

Џејми објави и серија фотографии од неа и сестра ѝ снимени во 1984 година, вечерта пред венчавката на Џејми.

 

View this post on Instagram

 

A post shared by Jamie Lee Curtis (@jamieleecurtis)

The post ПОЧИНА СЕСТРАТА НА ЏЕЈМИ ЛИ КЕРТИС Во текот на својата кариера Кели Ли Кертис оствари голем број улоги appeared first on plusinfo.mk.

Македонскиот шоумен Игор Џамбазов сподели емотивни моменти со својата сестра Тања, која долги години живее и работи во Сан Франциско.

– Една е сестра. Плус од Америка. Доаѓа како торнадо, си оди како пролетно ветренце…- напиша во негов стил Игор во својата објава на Инстаграм, покрај нивната заедничка фотографија на која се гледа колку двајцата се радуваат еден на друг.

 

View this post on Instagram

 

A post shared by Igor Djambazov (@igordzambazov)

Инаку, ско сте раснеле во реонот на Козле и Тафталиџе во 70-тите и 80-тите од минатиот век, сигурно се сеќавате дека сите девојчиња без вљубени во Игор, а сите момчиња сакаа да клизаат со Тања на скопското клизалиште кадешто се одеше секој викенд.

Сега, како и сите ние, иако се изменети, сепак ги имаат своите препознатливи карактеристики од младоста. Тања, нејзината коса, а Игор насмевката и особено кога се двајцата заедно, тие се сè уште оние златокоси брат и сестра кои на сите им се допаѓаа.

Тој е сега повеќе седокос отколку златокос, ама сеедно.

The post ЕДНА Е СЕСТРА! Дојде сестрата на Игор Џамбазов од Америка, а нашиот шоумен е пресреќен appeared first on plusinfo.mk.

Истражувачите од Харвард поминале повеќе од 85 години проучувајќи стотици семејства и дошле до изненадувачко откритие: Имањето сестра влијае на една личност повеќе од која било друга семејна врска – и не станува збор само за топли чувства.

Пониски нивоа на хормонот на стрес

Луѓето кои имаат сестра имаат, во просек, 15-20% пониски нивоа на кортизол – дури и ако живеат во различни градови и се гледаат само еднаш годишно. Самото знаење дека има некој што се сеќава на вашето прво смешно момче, познатата пита на вашата мајка и тој скршен прозорец ја намалува анксиозноста. Вашиот мозок знае: има некој пред кого не мора да се преправате.

Сестра како надворешен нервен систем

Во моменти на криза, сестрата функционира како надворешен регулатор на стрес. Кога умот е преоптоварен, петминутен разговор со неа може значително да го намали стресот. Таа не го решава проблемот – но создава средина во која проблемот повеќе не изгледа катастрофален. Таа не дава непобарани совети, не осудува и не се обидува да ги „поправи“ работите. Таа само дише со вас на телефон и вели: „Тука сум“.

Повеќе за ова на порталот „Мајка и дете“.

The post ВАШАТА СЕСТРА Е ВАШИОТ ПРИРОДЕН АНТИДЕПРЕСИВ Има некој пред кого не мора да се преправате appeared first on plusinfo.mk.

Популарниот холивудски актер Педро Паскал се најде во фокусот на љубопитноста на светската јавност, откако папараците го фотографираа во Њујорк во друштво на Рафаел Олара, директор на синџир хотели во Флорида и Аргентина, а фотографиите брзо покренаа прашања за природата на нивната врска.

На првиот сет објавени фотографии, Паскал и Олара беа фотографирани како шетаат низ градот, Рафаел ја имаше раката преку рамото на актерот, а тој се смееше.

Потоа беа снимени заедно во кино, а вистинска бура од возбуда предизвикаа кадрите во кои во текот на интимно шепотење, Педро Паскал го допира Олара.

Рафаел Олара претходно беше во врска со актерот Лук Еванс и таа врска беше следена од многу медиуми.

Паскал, ѕвездата од серијата „The Last Of Us“, роден во Чиле пред 51 година, режисерот Роберт Родригез го опиша со овие зборови: „Тој е забавен, хуман и многу топол човек“.

Љубовниот статус на Педро, и покрај силната желба на обожавателите да ги знаат сите детали, отсекогаш бил обвиен во превез на тајност. Единственото нешто што е сигурно е дека во 1990-тите тој бил во врска со својата колешка Марија Диција, со која глумел во серијата „Закон и ред“, а сè друго било само шпекулација. Во 2015 година, се појавија гласини дека излегува со ѕвездата од серијата „Менталист“, Робин Тани.

Педро отсекогаш бил силен застапник за правата на ЛГБТК+ заедницата, а во своето семејство има и трансродово лице. Неговата помлада сестра Лукс, исто така актерка и активистка, е родена како Лукас Балмаседа.

Лукс изјавиla дека токму поддршката од нејзиниот брат ѝ помогнала да помине низ процесот на транзиција, кој бил завршен во 2021 година.

Животната приказна на Педро Паскал, кој заработува 600.000 долари по епизода од серијата „The Last Of Us“, започнала во драматични околности. Тој е роден во чилеанската престолнина Сантијаго две години по воениот удар.

Неговите родители, татко гинеколог и мајка детски психолог, поддржувачи на соборениот претседател Салвадор Аљенде, не можеле да го поднесат крвавиот режим на Пиноче. Бидејќи мајката на Педро, Вероника Паскал, била во роднинска врска со убиениот Аљенде, Пиноче ја ставил на црната листа и ја држел под постојан полициски надзор.

Нејзиниот сопруг, д-р Хозе Балмаседа, еднаш му помогнал на ранет дисидент, за што бил уапсен и мачен.

– Дојдоа да го земат татко ми во болницата каде што работеше. Тој се искраде низ задната врата и истрча да ја земе мајка ми, а неговата сестра нè скри мене и мојата помлада сестра во нејзината куќа. Моите родители сфатија дека единственото нешто што им преостанува е да се кријат и да бегаат – раскажал Педро.

Искористувајќи го моментот на смена на стражата, Хозе и Вероника се прекачиле преку ѕидот на венецуелската амбасада, каде што ги поминале следните шест месеци. Штом им се укажала можност, ги зеле децата и на крајот избегале од земјата.

По краток престој во Данска, се населиле во градот Сан Антонио во Тексас.

Таткото на Педро, Хозе Балмаседа, специјализиран за третман на неплодност, отворил клиника со двајца колеги каде што развил иновативни третмани и стекнал репутација на светски авторитет во оваа област. Тој добро се снаоѓал сè додека во 1995 година не било откриено дека бил вмешан во скандал поврзан со нелегална размена на замрзнати јајце-клетки и ембриони. Во исто време, било откриено дека затаил данок од милион долари.

Од судскиот прогон избегал назад во Чиле со сопругата Вероника и две деца. Паскал и Лукас, кој станал Лукс, решиле да останат во Америка.

The post ЖЕНИТЕ ВОЗДИВНУВААТ ПО НЕГО, А ТОЈ ЉУБИ МАЖИ Каква е животната приказна на холивудската ѕвезда Педро Паскал? appeared first on plusinfo.mk.

Грчките нуркачи првпат извлекле артефакти од потонатиот „Британик“, сестринскиот брод на „Титаник“, јави Еј Пи Њуз.

По повеќе од еден век на дното на Егејот, морето конечно ослободи дел од тајните на „ХМХС Британик“. Се работи за болнички брод кој потонал во Првата светска војна во близина на островот Кеа откако наишол на германска мина.

„Условите беа исклучително опасни, со силни струи и слаба видливост. Акцијата беше спроведена во мај, но резултатите ги објавивме сега поради сложеноста на конзервацијата“, објасни грчкото министерство за култура.

Тим од 11 професионални нуркачи користел специјализирана опрема за дишење со затворен круг за да продре до 120 метри длабочина. Проектот бил организиран од британскиот историчар Сајмон Милс, основач на Фондацијата „Британик“.

Меѓу извлечените артефакти се ѕвоното од палубата за набљудување, навигациска светилка, двоглед за патници, керамички плочки од турска бања, посребрени послужавници од прва класа и порцелански мијалник од втора класа.

Не сите планирани објекти биле извлечени.

„Некои беа премногу оштетени или недостапни“, наведоа грчките власти.

Έρευνες στο «Βρετανικό» που ναυάγησε το 1916 ανοιχτά της Κέας – Εντυπωσιακό βίντεο και ευρήματα#ingr #insnapshot #ναυαγιο pic.twitter.com/vjbxsgN8kC

— in.gr/news (@in_gr) September 15, 2025

По конзервацијата, предметите ќе бидат изложени во новиот Национален музеј на подводни антиквитети во Пиреја, во секцијата посветена на Првата светска војна.

„Британик“ бил третиот пароброд од класата „Олимпик“ на компанијата „Вајт Стар Лајн“, заедно со „Титаник“ и „Олимпик“. За време на војната бил адаптиран како болнички брод. Потонал на 16 ноември 1916 година, откако налетал на германска мина.

Од 1.065 лица на бродот, 30 загинале. Два спасувачки чамци биле вовлечени од пропелерите на бродот кои продолжиле да вртат по експлозијата.

The post 📽️ „СЕСТРАТА“ НА БРОДОТ ТИТАНИК НАЈДЕНА НА ДНОТО НА БЕЛОТО МОРЕ Вредните предмети ќе бидат изложени во подводниот музеј во Атина appeared first on plusinfo.mk.

The post СЕМЕЈСТВОТО НА ЗАГИНАТАТА ФРОСИНА СЕ ЧУВСТВУВА ПОЛИТИЧКИ ЗЛОУПОТРЕБЕНО Им рекле дека важна е агендата, а дека жртвата е само инструмент appeared first on plusinfo.mk.

Инцидентот бил пријавен во СВР Скопје во 12:45 часот, а по целосно документирање на случајот, ќе следува соодветен поднесок против напаѓачот.

Полицијата продолжува со истрагата и презема мерки за расчистување на случајот.

The post ЈА УДРИЛA И Ѝ ГО УНИШТИЛА ТЕЛЕФОНОТ Скопјанка нападнала вработена во здравствена установа во Шуто Оризари appeared first on plusinfo.mk.

„На 26.01.2025 во 16:30 часот во село на подрачјето на општина Петровец, полициски службеници од СВР Скопје го лишиле од слобода Д.З.(39), постапувајќи по претходна пријава дека во домот физички ги нападнал неговата 43 – годишна сестра и неговата мајка“, се вели во полицискиот билтен.

По целосно документирање на случајот ќе следува соодветен поднесок.

The post ГИ НАПАДНАЛ СВОЈАТА СЕСТРА И МАЈКА Уапсен е 39-годишник во општина Петровец appeared first on plusinfo.mk.

– Моето семејство беше подложено на немилосрдни напади и закани, мотивирани исклучиво од желбата да ме повредат – најлошиот вид на партиска политика. За жал, немам причина да верувам дека овие напади ќе завршат – рече Бајден.

Новиот американски претседател Доналд Трамп во својот говор во Ротондата во Капитол го критикуваше потегот на Бајден.

– Тој помилува луѓе кои се многу, многу виновни за многу сериозни злосторства – рече Трамп алудирајќи на помилуваните членови на истражниот комитет на Претставничкиот дом кој ја осуди неговата улога во нападот на Капитол на 6 јануари 2021.

The post БАЈДЕН ГИ ПОМИЛУВАЛ СВОИТЕ БРАЌА И СЕСТРА ПРЕД ДА ЗАМИНЕ Трамп вели дека тоа е срамно appeared first on plusinfo.mk.

Според Скај њуз, повеќе од 5.000 медицински сестри пријавиле дека обезбедуваат нега во ходниците и паркинзите секој ден, без основна медицинска опрема.

Вработените се соочуваат со ситуации кога згрижуваат дури 40 пациенти во ходниците, без пристап до основна медицинска опрема како кислород и опрема за реанимација. Некои жени дури имале спонтани абортуси во ходниците, додека медицинските сестри велат дека не можат правилно да ги реанимираат пациентите кои доживеале срцев удар.

Сестрата Сара (не нејзиното вистинско име) рече дека била на смена кога лекарот и рекол дека има пациент на умирање, кој чекал во ходникот на болницата шест часа.

– Потребни беа уште два часа за да ја одведам во соодветен простор за нега за да биде чиста и удобна – изјави таа за Скај њуз.

– Тоа е човечко суштество, некој во последните часови од својот живот среде ходник со пациент кој детоксикара повраќа и се навредува зад нив и многу слаб пациент пред нив, кој беше збунет, врескаше од болка. ужасно за семејството, а беше страшно и за пациентот – додаде таа.

Во извештајот се наведува и дека многу болнички соби немаат ниту струја, што дополнително ја отежнува работата на медицинскиот персонал.

Во Англија има недостиг од 32.000 медицински сестри, а речиси една од осум медицински сестри ја напушта професијата во рок од пет години од квалификацијата. Затоа, „RCN“ предупредува дека моменталната ситуација е неприфатлива и претставува „срам“ за британскиот здравствен систем.

The post 📽️ ПАЦИЕНТИ УМИРААТ ВО ХОДНИЦИ, НИКОЈ СО ЧАСОВИ НЕ ГИ ПРЕГЛЕДУВА Хаос во британските болници, нема медицински кадар, а некаде ни струја appeared first on plusinfo.mk.