Македонската кошаркарска репрезентација забележа убедлива победа попладнево на гостувањето во Виена, против Австрија.

Натпреварот од втората рунда од претквалификациите за пласман на Евробаскетот 2029 година заврши со резултат 91:59.

„Црвено-жолтите“ одиграа одличен натпревар и веќе по првата четвртина имаа двоцифрено водство (30:14). На полувреме се отиде со 49:30, а по третиот период беше 65:44.

Во победничката репрезентација се истакнаа Ненад Димитријевиќ со 15 поени, 14 скока и 10 асистенции, Ефремовски реализираше 17 поени, додека Мозес Рајт натпреварот го заврши со 12 поени и 9 скока, на чекор до дабл-дабл учинок. Мекиќ заврши исто така со 12 поени.

Следниот натпревар во претквалификациската група „Ф“ македонската репрезентација ќе го одигра на 26 ноември, кога на домашен терен ќе ја пречека селекцијата на Кипар.

Кипарците, исто така, со победа ја започнаа оваа фаза од претквалификациите, откако во првиот натпревар беа подобри од Австрија. зс/

The post МАКЕДОНИЈА ЈА „РАСТУРИ“ АВСТРИЈА ВО ВИЕНА Убадлива победа на македонските кошаркари од 91:59 appeared first on plusinfo.mk.

Аргентинскиот напаѓач Лионел Меси им кажал на своите соиграчи дека финалето на Светското првенство во 2026 година против Шпанија (0:1 по продолженија) е неговиот последен натпревар за репрезентацијата, објави новинарот Хернан Кастиљо.

Меси играше на своето шесто Светско првенство. Триесет и деветгодишниот Аргентинец постигна осум гола и имаше четири асистенции на осум натпревари на Мундијалот во САД, Канада и Мексико.

Претходно беше објавено дека напаѓачот не се вратил дома по поразот на репрезентацијата во финалето на Светското првенство во 2026 година.

Меси го имаше своето деби за репрезентацијата во 2005 година. Во 207 натпревари за репрезентацијата, тој постигна 125 гола и имаше 68 асистенции.

The post МЕСИ ВЕЌЕ НЕМА ДА ИГРА ЗА РЕПРЕЗЕНТАЦИЈАТА Играше на 6 светски првенства и на 207 натпревари за Аргентина appeared first on plusinfo.mk.

Шведска со убедлива победа од 5:1 над Тунис го отвори настапот на Светското првенство, но вниманието не го привлече само резултатот.

Во центарот на вниманието се најде Јасин Ајари, кој го постигна првиот гол за Швеѓаните. Играчот од средниот ред испрати прецизен удар од повеќе од 20 метри и ја затресе мрежата на Тунис.

Наместо големо славје, тој само ги крена рацете и остана воздржан додека соиграчите му честитаа.

Причината е неговата семејна приказна. Таткото на Ајари е по потекло од Тунис, а во минатото постоеле шпекулации дека фудбалерот би можел да настапува токму за африканската селекција.

Сепак, тој ја избра Шведска, земјата во која е роден и израснал.

Ајари подоцна постигна уште еден гол и ги постави конечните 5:1, но и тогаш остана далеку помирен од повеќето фудбалери во таква ситуација.

Неговиот потег предизвика бројни позитивни реакции меѓу навивачите, кои го оценија како знак на почит кон земјата на неговите корени.

The post 📽️ ГО ДАДЕ ГОЛОТ НА СВОЈОТ ЖИВОТ, НО НЕ СЕ РАДУВАШЕ Причината трогна милиони љубители на фудбалот appeared first on plusinfo.mk.

Не сум дојден да живеам на грбот на граѓаните и работам домаќински, чесно и одговорно, вели градоначалникот Орце Ѓорѓиевски во објава на Фејсбук. Ѓорѓиевски истакнува дека не користи службено возило туку сопствен, дека горивото го плаќа од сопствената плата, дека сам ги покрива службените патувања и дека буџетот за службени трошоци во Град Скопје е пренаменета за капитални проекти.

„Секој денар од буџетот мора да се врати назад кај граѓаните во нови улици, булевари, мостови, чист град, подобри услуги и проекти кои го менуваат Скопје.  За само 6 месеци, градот кој беше оставен во огромна дупка го исправивме на нозе. Го вративме редот, ја вративме работата и ја вративме надежта дека Скопје може поинаку“.

Градоначалникот вели дека да се биде прв човек на градот е чест, но уште поголема одговорност.

„Одговорност пред граѓаните. Пред мојот народ“.

Тој вели дека претстојат многу капитални проекти и дека Градот продолжува со уште посилна реализација и, како што вели, со уште поголема одговорност.

„Не сме сите исти.Нас нѐ прават различни чесноста, транспарентноста и домаќинското работење од нашите претходници. Скопје заслужува градска власт која не троши за себе, туку работи за народот.
И токму така ќе продолжиме“, истакнува Ѓорѓиевски.

The post „НЕ КОРИСТАМ СЛУЖБЕН АВТОМОБИЛ, САМ ПЛАЌАМ ЗА ПАТУВАЊА И ЗА ГОРИВО“ Секој денар треба да оди кај граѓаните, вели Ѓорѓиевски appeared first on plusinfo.mk.

Тони Цетински стана хрватски репрезентативец и ќе настапи на Светското првенство за спортски риболов во Јапонија. Тој постигна успех во дисциплината „Пастрмка“ и ќе ја претставува Хрватска како еден од четирите најдобри риболовци на 6-то Светско првенство, кое ќе се одржи во Јапонија на 13 и 14 ноември оваа година.

Приказната за влегувањето на познатиот хрватски пејач Тони Цетински во светот на натпреварувачкиот риболов започнала спонтано, а спортот набрзо целосно го привлекол, што го потврдил и претседателот на хрватското здружение за спортски риболов, Мирсад Чустиќ.

– Еден ден, мојот пријател и член на нашето здружение, Саша Ракар, ме праша дали Тони може да дојде малку да лови риба и да проба. Реков дека нема проблем. Па така, Тони Цетински дојде да проба риболов во слатка вода за првпат, дисциплината веднаш му се допадна и набрзо ме праша дали може да се приклучи на редовната лига – се присетил Чустиќ на почетоците за Morski.hr. Лигата се одржува под покровителство на Хрватскиот спортски риболовен сојуз, а четворицата првопласирани ја сочинуваат репрезентацијата, додека петтиот е резерва.

– Морам да признаам дека бев малку скептичен. Мислев, сепак, дека е голема ѕвезда, па можеби нема сè да сфати толку сериозно. Но, се покажа дека е, благо речено, сосема обичен човек, но исклучително борбен и вреден во тренирањето – рекол Мирсад.

Иако се занимава со риболов уште од дете, Цетински досега првенствено бил посветен на морскиот риболов. Тој се запознал со техниката на риболов во областа Пастрм само седум дена пред почетокот на официјалната лига, но и покрај краткото време за подготовка, брзо ги совладал потребните вештини и постигнал извонреден резултат.

– По шест кола и вкупно 90 одиграни натпревари, бидејќи играте против сите, Тони Цетински го освои четвртото место во генералниот пласман и се квалификуваше за хрватската репрезентација. Многумина беа изненадени, но така е – човекот е упорен, вреден и трудољубив, а успехот доаѓа. Во едно коло, Тони дури и се искачи на второто место и се најде на подиумот, а неговата радост немаше граници – рекол Чустиќ.

 

View this post on Instagram

 

A post shared by Zagreb.info (@zagreb.info)

Цетински изјавил дека патот не бил лесен и дека барал голем напор, но дека чувството на успех е вредно за сè. Особено нагласил дека настапот за репрезентацијата е чест, но и обврска што ја сфаќа сериозно.

The post 🎥 ТОНИ ЦЕТИНСКИ СТАНА ХРВАТСКИ РЕПРЕЗЕНТАТИВЕЦ ВО СПОРТСКИ РИБОЛОВ Пејачот станал толку добар во своето хоби, што ќе оди на светско првенство во Јапонија appeared first on plusinfo.mk.

Македонската ракометна репрезентација вечерва во Хернинг ја победи репрезентацијата на Романија со 24:23, во клучниот натпревар од последното коло во групата Б на Европското првенство.

По поразот од Данска и ремито со Португалија, победата на „црвено-жолтите“ им овозможи пласман во главната фаза. Освен триумф над Романија, македонската селекција ќе мора да го следи и исходот од натпреварот Данска – Португалија, кој ќе го даде конечниот расплет во групата. Македонија се надева на победа со двоцифрена разлика на домаќинот Данска над Португалија

Македонските ракометари во текот на целиот натпревар беа во резултатска предност која на полувремето изнесуваше плус четири голови, а во неколку наврати достигнуваше и највисоки плус пет. Сепак, темпото во играта на македонската репрезентација падна во завршните 15 минути и во драматична завршница Костески со гол во последната секунда донесе минимална победа.

Избраниците на Кирил Лазаров фуриозно го отворија натпреварот со ефикасен напад и гранитна одбрана.

По воведните 3-0 во 5. минута, голот на Костески минута подоцна беше поништен поради престап, а во следниот напад Велкоски на реализираше во ситуација „еден на еден“ со романскиот голман.

Сепак, капитенот Кузмановски беше прецизен за почетни највисоки 4-0 пред Романците да го постигнат својот прв гол на натпреварот преку Станчук од пенал во 11 минута.

На средина на полувремето, предноста на Македонците изнесуваше 6-3, а со идентична предност (10-7), натпреварот влезе во завршни пет минути од полувремето.

Ѓоргиев во продолжение изнуди исклучување и седмерец кој Кузмановски го реализираше за плус четири разлика, а Пешевски во 28 минута беше прецизен за највисоки плус (12-7).

Романците одговорија со серија од 2-0, но Костески по „цепелин“ со Џонов беше прецизен во завршниот напад за предност на полувремето од четири голови разлика (13-9).

Митев го реализираше првиот напад по паузата за предност од пет голови, а во продолжението Костески и Пешевски не реализираа од изгледи позиции, што Романците го искористија да ја намалат негативата на 15-12.

Уследи криза во играта на македонскиот состав принудувајќи го Лазаров да побара тајмаут во 46. минута при водство од 19-17.

Кузмановски со „сув лист“ од седум метри, зголеми на 20-17, а откако Аларов веќе во следниот напад на Романците доби црвен картон, уследија уште две исклучувања во македонските редови и серија неискористени напади кон романскиот гол.

Романија во 57. минута прв пат дојде до израмнување на резултатот (22-22), но Кузмановски од седум метри во завршната минута го врати водство (23-22) во период кога македонската репрезентација повеќе од шест минути беше без постигнат гол.

Романците го реализираа последниот напад за израмнување 23-23 на седум секунди до крајот, кои, сепак, беа доволни за брз напад на македонската репрезентација и реализација на десното крило Костески со звукот на сирената за конечни 24-23.

Капитенот Кузмановски со девет голови беше најефикасен во македонските редови, а Мартин Томовски запиша пет интервенции на голот.

The post МАКЕДОНИЈА ЈА СОВЛАДА РОМАНИЈА ВО ДРАМАТИЧНА БОРБА Црвено-жолтите славеа со 24:23 со гол во последната секунда appeared first on plusinfo.mk.

Македонската фудбалска репрезентација вечерва во Кардиф го игра последниот и најважен натпревар од квалификациите за Светското првенство 2026.

За да го задржи второто место во групата и да обезбеди поповолен ривал во баражот, на Македонија ѝ е доволен и нерешен резултат против Велс.

Селекторот Благоја Милевски најави оптимизам пред дуелот, истакнувајќи дека психолошката подготвеност ќе биде клучна.

– Подготвени сме за предизвикот. Ова е решавачки меч, но мојата порака до играчите е да уживаат. Велс е квалитетна селекција, но и двете екипи останаа речиси исти како на првиот натпревар во Скопје. Верувам дека ќе одговориме и ќе ги исполниме целите – рече Милевски.

Капитенот Енис Барди додава дека репрезентацијата со нетрпение го чека овој дуел.

– Имаме привилегија да ја претставуваме Македонија. Иако во Кардиф ќе има помалку наши навивачи, знаеме дека целата држава е со нас. Не чека тежок натпревар, но знаеме како да одговориме – изјави тој.

Велс влегува во ова финале значително ослабен, без двајца клучни играчи од средниот ред, Итан Ампаду и Џордан Џејмс, кои се суспендирани поради жолти картони заработени на нервозниот дуел со Лихтенштајн.

Белами мораше да го правда и тесното издание (победа од 1-0) против аутсајдерот, објаснувајќи дека морал да го менаџира товарот на играчите, како Даниел Џејмс, кој се враќа од повреда.

Селекторот на Велс покажа голем респект за стилот на игра на Македонија, истакнувајќи дека очекува трпелив натпревар.

– Свесни сме дека мораме да победиме, но мораме да бидеме и трпеливи. Тоа е клучот. Македонија се брани длабоко. Тие се среќни да немаат посед, но имаат способност за контранапади, така што мора да бидеме свесни за тоа – анализираше Белами.

Во отсуство на повредениот Бен Дејвис и суспендираниот Ампаду, капитенската лента на Велс утре ќе ја носи Хари Вилсон.

Македонија веќе има обезбедено пласман во плејофот благодарение на настапите во Лигата на нации, каде што беше меѓу најдобрите второпласирани. Денешниот резултат само ќе одреди против кого ќе игра во баражот.

The post БИТКА ЗА ВТОРОТО МЕСТО ВО КАРДИФ Македонија бара бод за подобар бараж за Мундијалот appeared first on plusinfo.mk.

Фудбалерите на Велс вечерва го победија Лихтенштајн со 1:0 на гостувањето во Вадуз. Велшаните се надеваа на триумф со најмалку шест голови разлика, но едвај стигнаа и до минимална победа.

По овој резултат, на македонската репрезентација во Кардиф во вторник доволно ќе и биде и реми за да го освои второто место во Ј-групата и да оди во бараж за СП 2026 преку квалификациите.

Во случај на чудо, односно Белгија да загуби од Лихтенштајн дома, тогаш нашата репрезентација со победа над Велс ќе избори директен пласман на Мундијалот 2026 што ќе се игра во САД, Мексико и Канада.

The post МАКЕДОНИЈА СО РЕМИ ВО КАРДИФ МОЖЕ ДА ОДИ ВО БАРАЖ Велс минимално го совлада Лихтенштајн appeared first on plusinfo.mk.

На Национална арена „Тодор Проески“ во Скопје вечер од 20:45 часот, македонската фудбалска репрезентација е домаќин на Казахстан. Овој натпревар е претпоследен за двете селекции во квалификациите за пласман на Светското првенство 2026.

За „црвено-жолтите“ мечот има големо значење, бидејќи со победа ќе ги задржат шансите за пласман на Мундијалот.

Голманот Столе Димитриевски, очекува голема поддршка од трибините и уверува дека тимот размислува само за победа.

– Нашата цел е јасна, да излеземе на терен и да победиме. Очекувам голема поддршка од навивачите, се надевам дека ќе бидат во што поголем број на стадионот за да ни дадат дополнителна сила. Секако дека постои разлика меѓу Белгија и Казахстан, но тоа не значи дека ќе биде лесно. Со помош на публиката верувам дека ќе стигнеме до поволен резултат, а тоа, секако, е победа за нас – изјави Димитриевски на прес-конференцијата пред утрешниот меч.

Во групата Ј македонската репрезентација е лидер со 12 бода, Белгија има 11 и натпревар помалку, Велс е трет со 10 исто така со натпревар помалку, Казахстан има шест, Лихтештајн е без освоен бод.

The post ЦЕЛТА Е ЈАСНА, ОДИМЕ НА ПОБЕДА! Димитриевски за вечерашниот меч со Казахстан appeared first on plusinfo.mk.

Македонската фудбалска репрезентација вечерва во Скопје го совлада Лихтенштајн со 5:0. Со новите три бодови македонскиот национален тим се врати на првата позиција на табелата во групата Ј од квалификациите за СП 2026.

Македонските репрезентативци беа расположени за игра, а серијата голови ја отвори Елиф Елмас откако мина пет противнички играчи. Официјално голот е запишан како автогол на голманот на Лихтенштајн Бенџамин Бухел.

На овој дуел сите пет голови ги постигнаа пет различни играчи. На почетокот на вториот дел нашиот тим зголеми на 2:0, а стрелец беше капитенот Енис Барди. На 3:0 четири минути подоцна зголеми Дарко Чурлинов, а четвртиот гол го постигна Лирим Ќамили во 86.минута. Конечните 5:0 ги постави Лука Станковски во 90.минута.

–  Среќен сум за победата. Најважно е што ги освоивме бодовите на овој натпревар и заслужено победивме со 5:0. Ние секогаш кога играме, играме да победиме и со тоа да го оствариме нашиот сон. Сакам да играме на Европско првенство, на Светско првенство, да напредуваме и да бидеме идоли на некои нови млади деца и да бидеме поттик за нив – изјави стрелецот на првиот гол на денешниот дуел Елиф Елмас.

Следен противник на нашата репрезентација е Белгија на 10.октомври на гостински терен.

Вечерва во терминот од 20:45 часот играат Белгија – Казахстан.

Избраниците на селекторот Благоја Милевски се на првата позиција со 11 бодови од 5 натпревари, Велс е втор со 10 (5), Белгија има 7 на третото место (3), Казахстан е на четвртото место со 3 бодови (4), а Лихтенштајн е последен без бодови од пет натпревари.

Македонија следниот натпревар го игра на 10.октомври на гости против Белгија.

The post ЗАСЛУЖЕНА ПОБЕДА, 5 ГОЛА ОД 5 ИГРАЧИ ПРОТИВ ЛИХТЕНШТАЈН Играме да го оствариме нашиот сон, вели Елмас appeared first on plusinfo.mk.