Владата има индиции за најмалку една фирма од нафтениот бизнис која извезувала евтини деривати. Проверката на индициите е во тек и ќе бидат преземени мерки, изјави денеска премиерот Христијан Мицкоски.

Тој рече дека проверката од страна на Државниот инспекторат е покрената на основа на информации добиени од лица од  бизнисот.

– Проверките се почнати на основа на информации добиени од лица кои се во тој бизнис. Наше е да ги провериме тие индиции и тие течат – рече Мицкоски.

Тој рече дека нема информација дека во договорите со компаниите има клаузула за непродавање на горива надвор од земјата бидејќи не е во негова надлежност.

– Немам таква информација институциите кои треба да го знаат тоа ќе проверат. Но добив информација дека препродавањето и реекспорет се две различни работи- рече Мицкоски.

Мицкоски рече дека нема да има дополнително намалување на ДДВ за гориво, но дека останува намалената акциза.

– Остануваме со намалената акциза за бензините и за дизелот, со намаленото ДДВ за бензините и остануваме со убедливо најниска цена на горива во регионот – рече Мицкоски.

Тој повтори дека според оценката на ММФ како држава е во првите три земји во Европа според аплицирани мерки во БДП.

– Граѓаните од соседните држави ја зголемија потрошувачката на бензинските стници во Македонија, во одредни денови за 30 проценти. Ние сме горди што можеме да влијаеме за подобар стандард на граѓаните на соседните држави, меѓу кои што се Србија, Косово, Албанија и Грција, и делумно Бугарија. Како држава сме фактор на стабилност и продолжуваме со политика која ќе значи подобар стандард за греѓаните. Остануваме на намалените акцизи за бензините и за дизел горивата, остануваме на намаленото ДДВ за бензините и остануваме со убедливо најниска цена на бензините и дизел горивата во регионот – реле Мицкоски.

The post ВЛАДАТА ИМА ИНДИЦИИ ЗА ЕДНА ФИРМА КОЈА ИЗВЕЗУВАЛА ПОЕВТИНЕТИ ГОРИВА Дополнително нема да се намалува ДДВ за горивата appeared first on plusinfo.mk.

24-годишната И.С. од Битола била уапсена од полициски службеници од Единицата за недозволена трговија при СВР Битола.

Младата битолчанка заработи кривична пријава бидејќи се сомничи за сторено кривично дело „неовластено производство и пуштање во промет на наркотични дроги, психотропни супстанции и прекурсори“.

„И.С. во периодот од декември 2023 година во повеќе наврати набавувала кокаин и истиот го продавала на Г.Л., исто така од Битола. На 16 декември минатата година, во еден угостителски објект во Битола, полициски службеници го привеле Г.Л., заедно со лицето Ј.П. При прегледот на Г.Л., бил пронајден и одземен кокаин“, велат од полицијата.

Полицијата соопшти дека против лицата се преземени соодветни мерки, а истрагата продолжува.

The post ПАДНА МЛАДА ДИЛЕРКА ОД БИТОЛА 24-годишната набавувала кокаин, а потоа го препродавала по Широк сокак appeared first on plusinfo.mk.

Против осомничените Кент Булок и Вилијам Јанг, синоќа беше покренато обвинение во Источниот округ на Њујорк во Бруклин, јави Гласот на Америка.

Претседателот Доналд Трамп издаде извршна наредба на 18 март со која се прогласува за нелегално купување на медицински материјали кои недостигаат и нивно складирање или препродавање по многу зголемени цени.

– Според обвинението, тие планирале да остварат огромна добивка од итната потреба од хируршки маски во Њујорк за време на пандемијата – изјави адвокатот Ричард Доногју.

Булок и Јанг барале инвеститори во шема да купат респираторни маски наменети за медицински професионалци и да ги продадат за двојно или тројно повисока цена. Тие, наводно, се обиделе да ја сокријат својата огромна цена, со изготвување договор во кој ветувале дека продажната цена нема да надмине 10 отсто. Еден од потенцијалните инвеститори бил прикриен агент на ФБИ.

Уште едно лице од Њујорк исто така се соочува со федерални обвиненија.

Амардеп Синг од Лонг Ајленд е под обвинение за складирање на тони маски, хируршки наметки и средства за дезинфекција за да може да ги продаде во својата продавница по многу повисоки цени.

Синг е осомничен дека продавал маски за лице по еден американски долари што ги купил по седум центи. Тој, исто така, наводно им наплаќал на клиентите 25 американски долари за шишиња за дезинфекција на раце, по речиси 200 отсто повисока цена од таа што ја платил за нив.

The post Во САД запрена шема за препродажба на маски appeared first on plusinfo.mk.