Македонските затвори се пренатрупани, а медицинскиот персонал што работи во нив е недоволен и преоптоварен, констатира Народниот правобранител, по спроведена контрола во 11 казнено-поправни установи.

Поради недостиг од медицински персонал, забележано е долго чекање за специјалистички прегледи, прекини во терапијата и слабата превентивна здравствена заштита на затворениците.

Според наодите, пренатрупаност е утврдена во 7 од контролираните 11 установи, а во исто толку има постојан здравствен персонал. Во останатите четири, здравствената грижа се обезбедува периодично или по повик. Ниту една од посетените установи нема 24-часовно присуство на здравствени работници.

Во затворот „Идризово“, според извештајот, еден лекар се грижи за приближно 691 лице, додека една медицинска сестра или техничар опслужува околу 461 лице, наспроти стандардите од 300 лица кај еден лекар. Народниот правобранител оценува дека, иако правото на здравствена заштита е формално признаено, неговата практична достапност и континуитет остануваат нерамномерни.

The post НА ЕДЕН ЛЕКАР ПО 691 ЗАТВОРЕНИК, СВЕТСКИОТ СТАНДАРД Е 300! Ниско ниво на здравствени услуги во македонските затвори appeared first on plusinfo.mk.

Францускиот затворски систем се соочува со рекордна пренатрупаност, откако во август бројот на затвореници достигна 89.668 лица. Поради недостигот од места и кревети, дури 7.956 душеци се поставени директно на подовите во затворските ќелии.

Според податоците на француското Министерство за правда, бројот на затвореници е зголемен за 6,5 отсто во споредба со истиот период минатата година. Бројот на душеци поставени на под, пак, е зголемен за 43,5 отсто во однос на 1 август 2025 година, пренесува француската телевизија БФМ.

Податоците повторно го ставија проблемот со пренатрупаноста високо на агендата на властите во Париз. Франција со години се обидува да го зголеми затворскиот капацитет, но бројот на затвореници расте побрзо од бројот на новите места.

Француското Министерство за правда најави изградба и отворање на 3.000 дополнителни места во таканаречени модуларни затвори. Станува збор за објекти кои би требало да бидат поевтини и побрзи за изградба од традиционалните казнено-поправни установи.

Според планот, половина од новите капацитети би требало да бидат ставени во функција уште во текот на следната година.

Сепак, генералната контролорка на местата за лишување од слобода, Доминик Симоно, предупреди дека изградбата на нови затвори сама по себе нема да го реши проблемот.

Според неа, пренатрупаноста е толку сериозна што државата би морала постојано да отвора нови казнено-поправни установи само за да може да го следи растот на бројот на затвореници.

– За да се апсорбира пренатрупаноста, би било потребно да се пушта во употреба по еден казнено-поправен центар на секои шест недели – предупреди Симоно.

Нејзината проценка ги покажува размерите на кризата со која се соочува францускиот затворски систем. Илјадници луѓе веќе немаат обезбеден кревет, додека државата се обидува со нови капацитети да го намали јазот меѓу бројот на затвореници и расположливите места.

Проблемот, според предупредувањата на надлежните, не е само во недостигот од простор. Растот на затворската популација го зголемува притисокот и врз условите во кои затворениците ја издржуваат казната, како и врз целиот систем за лишување од слобода.

The post РЕКОРДЕН БРОЈ ЗАТВОРЕНИЦИ ВО ФРАНЦИЈА, ИЛЈАДНИЦИ СПИЈАТ НА ПОД Во затворите има речиси 90.000 лица, недостигаат кревети appeared first on plusinfo.mk.

– Предлог-законот за амнестија е испратен во собраниска процедура без европско знаменце и не е правен за личности, туку за дела од помал обем, со намера за релаксирање на пренатрупаните капацитети во затворот Идризово и во другите сместувачки објекти во рамките на Управата за извршување на санкции – изјави денеска премиерот Димитар Ковачевски.

Тој рече дека законот бил изработуван неколку месеци од страна на Министерството за правда и бил испратен до сите пратенички групи во Собранието, вклучително и до пратеничката група на ВМРО-ДПМНЕ, и затоа, рече премиерот, не е точно дека тие не го виделе законот досега.

За законот, како што кажа, има различни мислења од кои дел се водат од хумани, а дел од рационални причини.

– Ист ваков закон се донесе во 2018 година и тогаш сите го поддржаа. Сега предложениот закон е дури и порестриктивен. Бројот на места во затворите е околу 2.113 колку што во моментов има лица во затвори. На издржување на казна чекаат уште 2.200 лица што значи дека во моментов се потребни 4.000 места за да се сместат сите кои чекаат за издржување на казна – рече Ковачевски и додаде дека најголемиот центар за сместување во државата со сите хотелски места има токму капацитет од 4.000 места.

Сите тие, да ги направите објекти за осуденици, посочи, за една недела повторно ќе фалат места.

– Затоа дел од пратениците и министрите со кои сум разговарал велат дека треба да има стратешки пристап кој според мене треба да се состои од три дела. Првиот дел е вложување во нови објекти, за што владата преку ЕБОР има обезбедено 24 милиони евра за изградба на нов објект во рамки на затворот Идризово со сместувачки капацитет од 900 места и за реновирање на постојниот затворски капацитет. Второ е користењето на пробацијата која беше воведена во 2017 година кога четири лица беа предмет на пробација, а денеска се 450, бидејќи веќе се отворени такви центри со вработени стручни лица во Скопје, Куманово, Тетово, Прилеп, Битола, Струмица. Третиот е воведување на електронски алки за оние кои може да издржуваат казна во домашни услови – рече Ковачевски и посочи дека веќе се набавени електронски алки и наскоро таква постапка треба да се спроведе во пракса.

Новиот закон за амнестија, како што кажа, не е правен за личности, туку е правен за дела од помал обем кои се наведени во законското решение.

– Во законот многу јасно е прецизирано кои дела не можат да бидат амнестирани. Со оглед на чувствителноста на одредени случаи кои се случиле во минатото во државата пратеничката група на СДСМ ќе поднесе амандман. Диверзитетот на различни мислења по овој закон покажува дека можат да се земат различни аспекти за неговото функционирање и низ демократска процедура да се дојде до решение кое ќе биде прифатливо за сите политички партии и за јавноста. Може да се дојде и до решени кое нема да биде прифатливо, бидејќи има најава од ВМРО-ДПМНЕ дека нема да го поддржат – рече Ковачевски.

The post ЗАКОНОТ ЗА АМНЕСТИЈА ВЛЕЗЕ ВО СОБРАНИСКА ПРОЦЕДУРА Се бара забрзана постапка, но нема европско знаменце appeared first on plusinfo.mk.

„Предлогот на министерот за правда Кренар Лога начелно е прифатен од сите фактори и пратенички групи во земјава. Од овој закон корист ќе имаат многу граѓани на кои ќе им се даде дополнителна можност за ресоцијализација.

Предлогот доаѓа по успешната амнестија на лицата кои сториле прекршоци за време на Ковид пандемијата. Целта на законот е да нема пренатрупаност во затворите и драстично да се ослободат затворските капацитети, со што ќе се создадат оптимални услови за другите затвореници“ – се вели во соопштението на Министерството за правда.

The post ПОДГОТВЕН Е ЗАКОН ЗА ПРАЗНЕЊЕ НА ЗАТВОРИТЕ!? Колективна амнестија на поситните престапници appeared first on plusinfo.mk.