Националниот парк Шар Планина апелира до сите кои со возила поминуваат низ планината да внимаваат при возењето да не креваат прашина.

„Во овие летни денови земјаните патишта се исклучително суви, а движењето со поголема брзина создава големи облаци прашина. Прашината не е само непријатност – ситните честички што се креваат од сувите патишта се вдишуваат и можат да предизвикаат иритација на дишните патишта, кашлица и отежнато дишење. При пешачење и друга физичка активност дишеме подлабоко и почесто, поради што изложеноста на прашина е уште поголема“, објаснуваат од НП Шар Планина.

Затоа апелираат до сите возачи: Намалете ја брзината кога поминувате покрај пешаци и велосипедисти, не турирајте и не забрзувајте непотребно – со тоа дополнително се крева прашина, се создава бучава и се вознемирува дивиот свет, движете се исклучиво по дозволените патишта и не излегувајте со возила надвор од нив.

„Кога ќе сретнете планинари, велосипедисти или други посетители, забавете и поминете внимателно и со почит. Едно мало намалување на брзината значи многу за човекот кој пешачи зад вас. Да покажеме почит едни кон други и кон природата. Планината е за сите – да ја чуваме и да уживаме во неа одговорно“, порачуваат од НП Шар Планина.

The post 🎥 НЕ КРЕВАЈТЕ ПРАШИНА АКО СЕ ДВИЖИТЕ СО ВОЗИЛА НИЗ ШАР ПЛАНИНА! Прашината им штети на планинарите, а брзината ги вознемирува животните appeared first on plusinfo.mk.

Територијата на Македонија е под влијание на изразено јужно воздушно струење кое носи значителни количества прашина и песок од Сахара, поради што атмосферата е видливо заматена и загадена, пишува македонскиот метеопрогнозер Славчо Поповски на неговиот портал Метеоаларм.

Во исто време, од југ се зголемува облачноста, што ќе донесе локални врнежи од дожд во текот на ноќта и денеска претпладне. Врнежи се очекуваат особено во западните и јужните делови од земјата, со слаб до умерен, а повремено и умерен интензитет.

Поради присуството на сахарска прашина, дождот ќе биде таканаречен „валкан дожд“, односно ќе содржи честички од песок и прашина.

Во Скопје и околината, исто така, се очекува слаб локален дожд во текот на ноќта и денеска претпладне. Ќе дува слаб до умерен ветер од југоисточен правец.

И покрај променливото време и врнежите, пролетните температури остануваат релативно високи во Македонија, пишува Метеоаларм во најновата временска прогноза.

Голема концентрација на прашина од Африка веќе ја зафати Грција, а појавата ќе трае до четврток, јавуваат грчките медиуми повикувајќи се на метеоролошки прогнози.

Прашината од пустината Сахара, која често стигнува до Грција поради географската близина со Африка, претставува значаен фактор за загадување на воздухот во регионот.

Истражување на глобалната платформа за следење на квалитетот на воздухот IQAir покажува дека концентрацијата на фини честички прав во Грција е зголемена за 30 отсто, пренесува електронското издание „Њуз авто“.

Во центарот на Атина беше измерена концентрација од 14,7 микрограми на кубен метар. Препорачаната граница според Светската здравствена организација е 5 микрограми.

The post САХАРСКАТА ПРАШИНА ОД ГРЦИЈА ДОАЃА И ВО МАКЕДОНИЈА Воздухот ќе биде заматен и загаден appeared first on plusinfo.mk.

Се смета дека прашината од Сахара придонела за поголема загаденост. Високо загаден беше воздухот во Битола, Охрид, Кичево, Берово, Струмица, Кавадарци, Велес, делови од Скопје и Лазарополе.

Тетово, Прилеп и Гостивар се средно загадени, а ниско загадено е Кочани и Куманово многу ниско. Прашина од Сахара има во повеќе земји во опкружувањето.

Дали прашината од Сахара влијае на здравјето?

Иако постојат спротивставени мислења за влијанието на прашината од Сахара врз здравјето, факт е дека на мерните станици во Македонија се забележуваат високи концентрации на суспендирани честички ПМ10, а коишто се значително повисоки од просечните вредности.

Според лекарите песокот од Сахара секако влијаел на загадувањето во тоа време, но дека тоа не е единствената причина.

„Сахарскиот песок е лош за децата кои имаат респираторни проблеми. Овие честички не се опасни, тој е еден вид прашина и не предизвикува болести“, сметаат лекарите.

Сепак, истражувањето на Атинската опсерваторија покажува дека суспендираните честички сепак можат да навлезат во респираторниот систем и да предизвикаат штета. Овие честички можат да бидат особено опасни за оние со респираторни и срцеви заболувања, како што се бронхијална астма и ХОББ, а исто така може да предизвикаат алергии.

Хемиските анализи во тоа време идентификуваа девет метали (олово, арсен, железо и никел) во честичките прашина, кои исто така изгледаат дека содржат хемиски елементи од антропогени активности (движење на возила и индустрија) кои се депонираат на честичките додека минуваат низ урбаните центри и големите градови.

Исто така, една студија од 2011 година на Универзитетот во Атина се фокусираше на смртноста во денови со и без прашина. Студијата покажа дека во деновите кога има транспорт на честички од Африка, дневната смртност се зголемила за три отсто во однос на деновите кога немало транспорт.

Во 2015 година, универзитетот учествуваше и во мултицентрична програма која испитуваше податоци од 11 градови во Грција, Италија, Шпанија и јужна Франција, а таа студија исто така покажа дека прашината од Сахара ја зголемува смртноста.

The post ДА ВНИМАВААТ ЛИЦАТА СО РЕСПИРАТОРНИ И СО СРЦЕВИ ЗАБОЛУВАЊА Сахарската прашина не треба да се потцени appeared first on plusinfo.mk.

Како што може да се види на страницата на Инстаграм „Хаилз Србија“, бурниот ветар крева прашина и ретко што може да се види на патот. Видливоста е намалена на речиси 0 метри во многу делови на Војводина. Снимката е направена во Руски Крстур.

Во Белград во моментов дува силен ветар со слаб дожд кој ќе се засилува во наредните часови.

Според најавите, невремето најпрвин ќе стигне до самиот север на Србија, па постепено ќе го зафати и остатокот од Србија.

 

View this post on Instagram

 

A post shared by 𝗛 𝗔 𝗜 𝗟 𝗭 | SRB |® (@hailz_srbija)

Во Словенија, пак, тамошната Агенција за животна средина издаде портокалово предупредување за југозападниот и за централниот дел на земјата поради силниот ветар. Портокалово предупредување е издадено за јужниот дел од земјата поради снежни услови. Температурите паднаа, а на места, како и во Хрватска, и за повеќе од 10 степени Целзиусови.

Заладувањето од североисток напредува кон западниот дел на земјата. Дува силен североисточен ветар. Во северна Словенија почна да се развива невреме, а врнежите ќе се интензивираат во следните неколку часа, пишува Агенцијата за животна средина, а пренесува порталот Н1.

Ljubelj, Korensko sedlo in Rogla danes in še kje v naši okolici vse bo snežilo do srede zjutraj.#vreme#sneg pic.twitter.com/jk4LmWZenC

— Avtokampi.si (@Avtokampi) April 16, 2024

„Во појасот од Горењска до Корушка се очекуваат врнежи од 30 до 60 милиметри. На повисоките места, над околу 800 метри, може да наврнат околу 20 сантиметри снег“, соопшти Агенцијата за животна средина на Република Словенија.

Ljubelj, Korensko sedlo in Rogla danes in še kje v naši okolici vse bo snežilo do srede zjutraj.#vreme#sneg pic.twitter.com/jk4LmWZenC

— Avtokampi.si (@Avtokampi) April 16, 2024

Во Хрватска паѓаа дрвја, а снегот ги изненади Далмација, Осиек, Загорје и Шибеник.  Наглиот пад на температурата во Загорје донесе снег, а во исто време во 15 часот во Шибеник изнесуваше 25 степени Целзиусови. Според хрватскиот портал 24сата, температурата вчера била 30 степени Целзиусови за да надојде снегот денес.

„Нестабилно и постудено од просекот е кон средината на април. Променливо и претежно облачно на копното, а на Јадранот променливо сончево. Во првиот дел од денот, дожд на исток, врнежи и грмежи во Далмација. Попладне можни се локални врнежи од дожд во внатрешноста и во северниот дел на Јадранот, а во Горска Хрватска паѓа снег и дува умерен ветар од северен правец“, прогнозираат од хрватската метеоролошка служба ДХМЗ.

Со дрвјата се бореше и противпожарната служба на градот Осиек. Гранки, кои, како што известија, паднале врз автомобили.

The post 🎥 НЕ СЕ ГЛЕДА ПРСТ ПРЕД ГОЛО ОКО Невреме ги погоди Словенија, Хрватска и Србија appeared first on plusinfo.mk.

Службата соопшти дека најновиот облак, трет од ваков вид во последниве недели, носи магла во јужна Европа и ќе се прошири на север до Скандинавија.

Марк Парингтон, виш експерт во Коперникус, рече дека најновиот настан е поврзан со временскиот модел што донесе потопло време во делови од Европа во последните денови.

– Иако не е невообичаено облаците од сахарска прашина да стигнат до Европа, во последните години има зголемување на интензитетот и зачестеноста на ваквите епизоди, што потенцијално може да се припише на промените во примероците на атмосферската циркулација – рече Парингтон.

„Оваа последна епизода предизвика влошување на квалитетот на воздухот во неколку земји“, соопштено е од Коперникус.

Безбедносниот праг на Европската унија за концентрации на ПМ10, покрупни честички како песок и прашина кои можат да ги иритираат носот и грлото, веќе е надминат на некои локации.

The post ЕВРОПА ПРЕКРИЕНА СО ПРАШИНА ОД САХАРА Облакот се шири од југ кон Скандинавија appeared first on plusinfo.mk.

Според дежурниот синоптичар во Управата за хидрометеоролошки работи (УХМР), во текот на денешниот ден и во текот на ноќта ќе има зголемена концентрација на сахарска прашина над целата територија на Македонија, а веќе од утре се очекува небото да се разведри.

– Последниот ден од март помина во знакот на невообичаено топло време за овој период од годината. Поради изразеното јужно и југозападно струење на висина, од Сахара кај нас пристигна најавениот облак од прашина и песок, со што и атмосферата беше многу заматена, а времето e мачно и спарно – рече метео прогнозерот Славчо Попоски.

Облакот од прашина и песок од Сахара е над Балканскиот Полуостров, придружен со повремено засилен ветер од јужен и од југозападен правец.

Попоски вели дека денеска во Македонија се очекува максимумот на раниот летен топлотен Африкански бран, со што и температурите ќе бидат највисоки, а времето и понатаму ќе биде стабилно, суво и сончево, но со појава на умерена локална облачност. Во текот на денов ќе започне да дува умерен, повремено засилен ветер од јужен правец.

– Максималните дневни температури на воздухот денес во Македонија ќе се искачат во интервалот од 23 до 29 степени, додека во најтоплите централни и југоисточни предели тие би можеле да се искачат до 30 степени. Не се исклучува можноста температурите во најтоплите предели некаде да се искачат дури и над 30 степени – вели Попоски.

Главниот град на Грција, Атина, на 28 март се најде во облак од прашина и песок стасани од пустината Сахара во Северна Африка. Овој феномен е проследен со особено високи температури.

Атина често се наоѓа на патот на тие песочни бури. Во центарот на Атина на 27 март беа измерени 25,3 Целзиусови степени, што е рекорд од март 2009 година, а на Крит температурите достигнаа и до 32 степена.

Сојузот на пулмолозите на Грција препорача најранливите групи население, особено луѓето што страдаат од астма, да избегнуваат непотребни движења и спортови на отворено кога концентрациите на прашина се највисоки.

– Африканската прашина носи честички кои може да се интегрираат со полен, бактерии и со габи создавајќи многу токсична и опасна смеса за човечкото тело, особено за респираторниот систем – предупреди Сојузот.

33 ° βαθμους Κελσίου πριν από λίγο στο Ηράκλειο, η Κρήτη θα σκεπαστεί από Αφρικανική σκόνη οσονουπω. #Ηντα_θα_γενούμε_οφέτος_κοπέλια pic.twitter.com/eGc7QkPV75

— Μανόλης della Creta (@ManAndroulakis) March 27, 2024

The post 📷 ВТОР ДЕН САХАРСКА ПРАШИНА НАД МАКЕДОНИЈА Ноќва се очекува густ облак, а од утре разведрување appeared first on plusinfo.mk.

Се очекува утре да се подобри воздухот во градот.

– На пролет циклоните кои се движат кон исток по северноафриканскиот брег носат прашина кон источен Медитеран. Типична песочна бура со дострел од 200 километри носи од 20 до 30 милиони тони прашина, понекогаш и до 100 милиони – објасни директорот на Грчката метеоролошка служба, Теодорос Колидас.

Атина често се наоѓа на патот на тие песочни бури. Во центарот на Атина на 27 март беа измерени 25,3 Целзиусови степени, што е рекорд од март 2009 година, а на Крит температурите достигнаа и до 32 степена.

Сојузот на пулмолозите на Грција препорача најранливите групи население, особено луѓето што страдаат од астма, да избегнуваат непотребни движења и спортови на отворено кога концентрациите на прашина се највисоки.

– Африканската прашина носи честички кои може да се интегрираат со полен, бактерии и со габи создавајќи многу токсична и опасна смеса за човечкото тело, а особено за респираторниот систем – предупреди Сојузот.

33 ° βαθμους Κελσίου πριν από λίγο στο Ηράκλειο, η Κρήτη θα σκεπαστεί από Αφρικανική σκόνη οσονουπω. #Ηντα_θα_γενούμε_οφέτος_κοπέλια pic.twitter.com/eGc7QkPV75

— Μανόλης della Creta (@baxebanis) March 27, 2024

The post АТИНА СЕ СМРАЧИ ОД САХАРСКА ПРАШИНА Песочните бури носат и до 100 милиони тони пустинска прашина appeared first on plusinfo.mk.

– Г-ѓа Клинтон е меѓу нас позната по нејзините обиди сѐ да преврти наопаку и да ги преврти тезите – рече тој.

Песков посочи дека што се однесува до редоследот на дејствијата на Владимир Путин, веројатно е неопходно да се потсети на Клинтон на бројните бранови на проширување на НАТО и приближувањето на воената инфраструктура на Алијансата до границата со Русија.

Според неговите зборови, претседателот на Русија упорно ги повикувал западните земји да разговараат за ова прашање и да го потпишат документот чиј нацрт е подготвен, но странските колеги одлучно одбиле да разговараат за што било.

– И тука станува сосема јасно која била причината за специјалната воена операција која се спроведува и продолжува – заклучи тој.

За време на вчерашниот говор во Стејт департментот, Клинтон ја исмејуваше загриженоста на Путин за проширувањето на НАТО, велејќи дека проширувањето на НАТО е последица на руската политика.

The post КЛИНТОН КРЕНА ПРАШИНА СО ИЗЈАВА ЗА ПУТИН! Реагираше официјален Кремљ дека таа се обидува да ги смени тезите appeared first on plusinfo.mk.

– Студијата се спроведе со помош на т.н. скин прик тест. Тоа е кожен тест, кој што се применуваше на рацете на децата со десетте најтипични ареолергени. Докажавме дека алергенот домашна прашина е број еден алерген, кој што ги прави овие клинички манифестации кај нашите испитаници – вели Мирјана Поповска, педијатар-пулмолог.

Таа објаснува што е алергиски ринитис.

– Тоа е кога кај децата се јавуваат симптоми на чешање или затнат носот, назална секреција и опструкција. Потоа често кивање, често гребење или чешање во грлото и ушињата. И кога е проследено и со симптоми како што е солзење во очињата, црвенило на очите – додава Поповска.

И аерозагадувањето, односно високата концентрација на ПМ честички во воздухот, влијае врз здравјето на децата. Речиси и да нема град во државата, каде нема аерозагадување предупредуваат лекарите.

– Сето тоа ја влошува состојбата во смисла на алергии посебно и на белодробните промени кои ги чувствуваат после децата. Секаде е веќе загадено. Ако не е загадено, има треви и дрвја што цветаат, па има и од тоа алергии. Сега алергиите се многу зголемени и тоа е резултат на тоа загадување и на глобално затоплување – вели Татјана Јачоска, претседателка на Македонското педијатриско-респираторно здружение.

Аерозагадувањето се смета како еден од тригер факторите за ризикот за појавата на рана алергија.

Испитувањето покажало и дека алергискиот ринитис со голем број алергиски коморбидитети има значително влијание на квалитетот на животот и училишните перформанси кај децата. Затоа тие треба да се третираат соодветно и навремено, бидејќи оваа болест, дава широк спектар на компликации уште во најрана возраст.

The post РОДИТЕЛИ, ФАТЕТЕ СЕ ЗА КРПИТЕ! Домашната прашина е алерген број 1 во Скопје appeared first on plusinfo.mk.

Новата атмосферска канализација што беше причина за раскопување на улицата Димо Хаџи Димов во скопска Кисела Вода и „скапиот“ асфалт за којшто се чекаше потопло време, не го издржаа првиот дожд, а дел од сопствениците на куќи повторно се бореа со поплавените подруми.

– Тамам се израдувавме дека повеќе нема да слушаме багери, барем на овој дел од улицата, кога заврна и пак поплава! И еве, од вчера повторно багери. Сега ни ги раскопуваат тротоарите кои веќе беа готови. Што ли се прави овој пат – прашува чичко Благоја.

Скопјанката Билјана, која живее на оваа улица, револтирано вели дека малку им била прашината што ја дишеле 7 месеци од копањето на улицата, местењето и преместувањето на шахтите.

– Еве втор ден како ги раскопуваат тротоарите. Не ни е јасно што се случува? Ние како граѓани бараме одговори од градот, зошто улицата беше пола со вода и зошто сега се копаат тротоарите – вели Билјана.

Градоначалничката на Град Скопје пред два дена изврши увид во завршните работи на улицата Димо Хаџи Димов каде се реконструира коловозот со што се овозможува зголемена безбедност за жителите на овој потег, но и за прв пат по целата должина и поврзаните краци се изгради атмосферска канализација. Во моментот на вториот дел од трасата се реконструира и водоводната мрежа.

„По секое невреме на оваа траса детектирани се поплави, а со сериозна инвестиција и изградбата на атмосферската канализација се отстрануваат овие недостатоци во интерес на граѓаните, со цел да се превенираат во иднина несакани последици предизвикани од невреме“ – информираа од Град Скопје по посетата на Арсовска на оваа улица, која важи за сообраќајна артерија за населбата Кисела Вода.

Претходно Плусинфо пишуваше токму за оваа улица бидејќи загрижените граѓани прашуваа што се случува со реконструкцијата на улицата Димо Хаџи Димов, иако скопската градоначалничка Арсовска им вети дека ќе го реши деценискиот проблем. Жители од оваа улица ни рекоа дека интервенциите започнале во септември лани, а работите требало да бидат завршени во октомври, како и што пишува на информативната табла на која како инвеститор е наведен Град Скопје.

– Ја раскопаа улицата еднаш од едната страна, па таа страна ја покрија со песок за да се копа другата страна. Откако двете страни ги ископаа и ги покрија со песок, на големо изненадување на граѓаните, улицата повторно беше раскопана. На прашање до работниците кога планираат да завршат, одговорот што го добивавме беше „ехеее има време до декември“. По второто копање, улицата беше повторно затрупана со песок за повторно да ја раскопаат на одредени делови – ни кажаа тогаш жителите на оваа улица.

Како одговор на нашите прашања, градските власти нѐ информираа дека на посочената улица се извршувале неколку зафати, па поради тоа се одложил рокот за завршување на проектот, а и временските услови не биле на нивна страна за нанесување на завршниот слој асфалт.

– На улицата Димо Хаџи Димов не се работеше само на реконструкција на коловозот туку и на комплетна изведба на атмосферска канализација и нов водовод, при што се завршени и сите водоводни приклучоци кон околните објекти кои беа многу на број. Следи асфалтирање на улицата и тоа предвиден е завршен слој асфалт СМА за чие вградување, согласно техничките стандарди, потребно е суво, неврнежливо време, и температурата на воздухот и на тлото над 15 степени Целзиусови во текот на денот – рекоа од Град Скопје за Плусинфо.

За целосната реконструкција на улицата Димо Хаџи Димов, како што изјави градоначалничката Арсовска во септември лани, Градот ќе издвои 41 милион денари.

Жителите на оваа улица повторно се прашуваат за што точно биле потрошени овие пари, бидејќи Арсовска вети ќе им го реши деценискиот проблем, но при најмал дожд улицата Димо Хаџи Димов повторно беше поплавена. Тие стравуваат што ќе се случи со улицата и нивните домови при интензивен дожд, дали повторно ќе мораат со кофи да ја вадат водата од своите домови и подруми?

The post ШТО „УВИДЕ“ АРСОВСКА НА ДИМО ХАЏИ ДИМОВ? Мал дожд, улицата и подрумите повторно поплавени! appeared first on plusinfo.mk.