Вработените во Фондот за пензиско и инвалидско осигурување ќе добијат покачување на платите од пет проценти во наредните три години, соопшти Фондот за пензиско и инвалидско осигурување.

Директорот на Фондот, Никола Мемов, денеска потпиша Анекс на Колективниот договор со претставниците на репрезентативните синдикати УПОЗ, САДУ и КСОМ. Според Анексот, вработените во Фондот ќе добијат покачување на платите од пет проценти започнувајќи со априлската плата за оваа година, а истото покачување ќе биде имплементирано и во 2027 и во 2028 година.

– Очекувам дека ова покачување на платите ќе биде стимул за поефикасно и поодговорно работење. Ние сме сервис на осигурениците и на пензионерите, а нивното задоволство од услугите што ги обезбедуваме е наш секојдневен предизвик – истакна директорот Никола Мемов.

Претставниците на синдикатите изразија задоволство од потпишувањето на овој Анекс, посочувајќи дека покачувањето на платите е важен чекор кон подобрување на стандардот на вработените и остварување на нивните права.

The post ВРАБОТЕНИТЕ ВО ПИОМ ЌЕ ДОБИЈАТ 5% ПОВИСОКИ ПЛАТИ Покачувањето ќе се изврши во наредните три години appeared first on plusinfo.mk.

Сојузот на синдикати денеска ја реализира втората од најавените три блокади барајќи зголемување на минималната плата на 600 евра и на сите останати плати за 6.000 денари. Пред Стопанската комора беше испратена порака до работодавачите да се согласат да ја зголемат минималната плата и сите останати плати и да ја задолжат Владата да ги субвенционира придонесите.

Од ССМ изјавија дека понудата е на маса и доколку не наидат на разбирање ќе организираат уште еден протест и генерален штрајк.

– Понудата е уште на маса и им ја кажуваме од улица. Следниот пат нема да дојдеме со понуда, ќе дојдеме со генерален штрајк – рече Трендафилов.

Присутните побараа од работодавачите да се откажат од дел од сопствениот профит за да им овозможат на работниците достоинствен живот со зголемување на платите.

– Доколку не се одважат и газдите дел од колачот да го дадат на вработените, коишто им го овозможиле во минатото тој профит, ќе бидеме приморани секојдневно да бидеме на улица со нив, со блокади, со шатори, и секој еден ден да ги потсетуваме дека повеќе за тие плати нема да работиме. Условите за работа, платите во приватниот сектор, се повеќе од мизерни, повеќе наликуваат на социјална помош отколку на плата достоинствена за живот – рече Иван Пешевски.

Според него, секое седнување на маса со претставниците од приватниот сектор, кои се претставуваат како големи газди и работодавачи, не е социјален дијалог кој доведува до унапредување на работничките права и плати, туку, напротив, се обидуваат да ги скратат нивните права.

Третата фаза од блокадите е Владата, која ќе биде блокирана во вторник кога Владата одржува седница.

Доколку ваквите активности на синдикатот не резултираат со позитивен исход, најавен е уште еден протест кој ќе биде организиран во неработен ден за да му се даде можност на секој работник кој сака да присуствува, како и организирање генерален штрајк.

The post ПОНУДАТА ЗА ПОВИСОКИ ПЛАТИ УШТЕ Е НА МАСА Синдикатите им се заканија на газдите дека наредниот пат ќе се соочат со генерален штрајк appeared first on plusinfo.mk.

Сојузот на синдикати денеска во 9 ќе го блокира пристапот до Собранието со што ќе почне блокади на институции кои, како што велат од синдикатот, го кочат зголемувањето на минималната плата на 600 евра и зголемувањето на останатите плати за 100 евра.

Ќе бидат блокирани улиците Даме Груев и 11 Октомври кај зградата на Собранието.

Од ССМ велат дека со блокадата ќе биде испратена порака до пратениците дека тие се оние кои го блокираат законот за зголемување на минималната плата повеќе од една година и кои не сакаат да ја прифатат иницијативата на ССМ за намалување на функционерските плати.

– Пратениците се уште се прават глуви на иницијативата на ССМ за зголемување на минималната плата и на останатите плати за 100 евра, како и за последната иницијатива на ССМ за намалување на нивните плати за 80 проценти, односно да си ја намалат основицата за пресметка на плата од просечна на минимална плата и да ги намалат нивните коефициенти на сложеност – изјави вчера претседателот на ССМ Слободан Трендафилов.

Според претседателот на Собранието Африм Гаши, законодавниот дом денеска ќе работи паралелно со протестот на ССМ. Очекува протестот да помине мирно, а ќе нема дополнително обезбедување на објектот.

– Нема да има специјално обезбедување на Собранието. Шефот на мојот кабинет се сретна со началниците во МВР, тие си имаат редовни безбедносни протоколи. МВР ги презема сите свои мерки. Се надевам дека се ќе биде мирно и ќе тече се како што треба. Така, тие ќе си протестираат, ние ќе си работиме – кажа Гаши вчера на брифинг со новинарите.

Неделава, според најавата на синдикатите, ќе има уште една блокада на Стопанската комора, а наредната недела ќе биде блокирана Вадата.

The post ССМ ГО БЛОКИРА СОБРАНИЕТО Бара минимална плата од 600 евра и повисоки плати за 100 евра за сите appeared first on plusinfo.mk.

Собранието утре ќе работи паралелно со протестите на Сојузот на синдикатите на Македонија (ССМ) закажани за 9 часот пред Собраниети, рече претседателот на Собранието Африм Гаши на денешниот брифинг со новинарите.

Тој додаде дека очекува протестот да помине мирно, и оти нема да има дополнително обезбедување на објектот.

– На денешната координација со пратеничктие групи зборуваме дека ќе има протест. Се договоривме сите координатори да разговараат со пратениците да најдат начин да дојдат на седницата, без да го попречиме правото на протест на граѓаните. Не верувам дека некој би дошол со автомобил. Дали ќе дојдат пеш или порано, не знам како ќе биде. Но, се договориме дека ние треба да продолжиме да работиме, а исто така ќе го почитуваме правото на протест на граѓаните. Нема да има специјално обезбедување на Собранието. Шефот на мојот кабинет се сретна со началниците во МВР, тие си имаат редовни безбедносни протоколи. МВР ги презема сите свои мерки. Се надевам дека сè ќе биде мирно и сè ќе тече како што треба. Тие ќе си протестираат, ние ќе си работиме – ввели Гаши.

Тој очекува дека само влезовите за возилата во Собранието ќе бидат блокирани, како што најавија од Синдикатот.

– Не верувам дека некој пратеник нема да дојде пеш – рече тој.

Во врска со на прашањето за коментар за синдикалните барања за платите, Гаши смета дека проблемот не може да се реши само со зголемување на платите.

– Начелно, сите се бориме за благосостојба на граѓаните. Тоа е прв наш приоритет, но не може да се реши само со зголемувањето на платите. Тоа да зависеше од мене, веднаш би ги покачил сите плати. Треба да се земе предвид целата економска слика. Мислам дека треба да се направи нивелирање на платите по приоритет, да определиме кои функции се најбитни во државата. Од таму да одиме – претседател на државата, на Собрание, премиер, пратеник, директор, наставници, доктори… и да имаме поправедно нивелирање на платите. Мислам дека на таков начин најправедно би било да се реши тој проблем – рече Гаши.

На прашање дали пратениците се расположени за удоволување на барањата на работниците за 600 евра минимална плата и за линеарно зголемување за 6.000 денари на сите останати плати, Гаши рече дека секоја партија ќе си заземе свој став во врска со ова.

Тој соопшти дека досега до Собранието нема пристигнато иницијатива од пратеничките групи за интерпелација на министерот за правда Игор Филков поради неговите изјави дека правосудниот испит не треба да се полага на албански јазик.

Во врска со одземање на имунитетот на пратеникот на Левица, Сашко Јанчев поради сообраќајната несреќа, Гаши соопшти дека досега до Собранието нема пристигнато такво конкретно барање. Потенцира дека за одземање на пратенички имунитет треба да пристигне барање од институција – Обвинителство, суд и за тоа треба да расправа Комисијата за мандатно-имунитетни прашања.

Околу процедурата за работната група за Изборниот законик, Гаши нагласи дека сите предлози се доставени во Министерството за правда и тоа треба да свика конституивна седница на работната група и да почне со работа.

Во однос на измените на Законот за Влада, односно укинувањето на техничката влада, Гаши информираше дека досега до нив не е пристигнато ништо. Тој најави дека на пленарната седница закажана за 18 февруари ќе бидат пратеничките прашања од опозициските пратеници.

The post ПРАТЕНИЦИТЕ ЌЕ ДОЈДАТ НА РАБОТА ПЕШ ИЛИ ПРЕД ПРОТЕСТОТ Блокадата на Собранието нема да ја попречи работата appeared first on plusinfo.mk.

Сојузот на Синдикатите на Македонија (ССМ) утре ја почнува серијата од блокади на институциите  со цел да издејствува минимална плата од 600 евра и зголемување на останатите плати за 100 евра.

Првата блокада, како што соопшти ССМ, ќе се одржи утре пред Собранието со почеток во 9 часот. Притоа ќе бидат блокирани улиците 11-ти Октомври и Даме Груев. За време на протестот ќе биде обезбедено непречено движење за потребите на Итната медицинска помош, Противпожарната бригада и на полицијата.

– Пратениците први ќе се соочат со работничкиот гнев, а преку блокадата ќе ги оневозможиме тој ден да наплатат патни трошоци кои надминуваат и 100 евра за еден ден, да дојдат пешки или со градски превоз онака како што одат на работа работниците- велат од ССМ.

Синдикатите им забележуваат на пратениците дека цела година молчат за предлогот за зголемување на минималната плата и за зголемување на сите останати плати.

-Тие се глуви на работничките барања за зголемување на работничките плати, а работниците им дале мандат да уживаат во луксузот со 79% зголемени плати кои дополнително ќе се зголемат за 12,6 % доколку Уставниот суд  ја укине Уредбата на Владата од минатата година и ќе се зголемат за 9,2% колку што пресмета Гувернерот на Народната банка дека изнесува порастот на просечната плата за 2025 година или ќе добијат вкупно 21,8% зголемување на нивните плати. Најмалку 250 евра за пратениците, а ни 25 евра за работниците е срамно – наведуваат од синдикатите.

По блокадата на Собранието ССМ најави и блокада на Стопанската комора и владата.

ССМ се одлучи на блокади откако не успеа на Економско–социјалниот совет да се избори за зголемување на платите, посебно на минималната бидејќи работодавачите, како што самите изјавија, не се финансиски подготвени да издржат вакво зголемување на платите, а владата се изјасни дека ќе го поддржи секој износ на минимална плата што ќе договорат синдикатите и работодавачите.

Владата соопшти дека во март, ако двете засегнати страни  не се договорат поинаку, минималната плата ќе порасне соодветно за законските критериуми.

The post СИНДИКАТИТЕ ГИ ПОЧНУВААТ БЛОКАДИТЕ НА ИНСТИТУЦИИТЕ Пратениците први ќе мора пеш да стигнат на работа appeared first on plusinfo.mk.

Сојузот на синдикати (ССМ) следната недела в среда организира протест за да изрази незадоволство од незголемувањето на минималната плата на 600 евра и на сите останати плати за 100 евра. Протестот ќе почне од 17 часот од зградата на ССМ и ќе продолжи пред Собранието и Стопанската комора, а ќе заврши пред Владата.

Од ССМ ги повикаа сите работници на кои не им е зголемена платата да се приклучат на протестот.

– Време е заедно да се избориме за достоинствени плати заедно со работниците. Ги повикуваме сите работници на кои не им биле зголемени платите, сите работници кои се чудат како да го врзат крај со крај во месецот, работниците кои ги лажеле газдите дека ќе им ги зголемат платите, да ни се придужат на улица затоа што тие до 31 декември не се договорија да ги зголемат работничките плати и да го унапредат работничкиот стандард. Ги повикуваме работниците затоа што прагот на сиромаштија е 31.200 денари во Македонија, а 33 проценти од 540 илјади работници живеат под прагот на сиромаштија односно одат на работа, а се сиромашни – рече претседателот на ССМ Слободан Трендафилов по денешната заедничка седница на највисоките органи на ССМ на која едногласно беше донесена одлуката на протест.

Трендафилов потсети дека и во анкетата на ССМ работниците се изјасниле дека се подготвени да излезат на протест доколку не се зголемат платите.

– Ова е само првиот чекор што го преземаме од низата чекори што ќе ги преземеме во следниот период, а ќе значат дополнителни протести, дополнителни таргетирани блокади на одредени институции и 24-часовен генерален штрајк во јавниот и приватниот сектор, а доколку немаат слух ќе собереме 10.000 потписи и ќе станеме овластен предлагач и ќе побараме намалување на функционерските плати за 78% и зголемување на минималната плата на 600 евра и зголемување на останатите плати – рече Трендафилов.

Тој додаде дека не верува дека ќе бидат викнати на разговори затоа што, како што вели, цела 2025 година тоа го правеле.

– Уште денеска можат да ја зголемат минималната плата на 600 евра и сите останати плати за 100 евра. Нема да го направат тоа, ниту пак ќе не повикаат на разговор. Ако некој смета дека ние треба само да седиме и да разговараме, тоа го правиме цела 2025 година, а кога ќе седнеме на маса ни велат договорете се вие, а ние тоа ќе го прифатиме. Се додека не ги зголемат работничките плати и се додека слушаме само „ќе“, се дотогаш работниците ќе бидат незадоволни и ќе протестираат – рече Трендафилов.

Минатата година, како што посочи немало драстично зголемување на платите, а веќе од јануари синдикалната кошничка е зголемена за речиси 1.000 денари.

Тој додаде дека со ваквите политики, од државата се иселуваат квалификувани кадри со целите семејства, а се доселуваат странци кои ги пополнуваат работничките места.

– Тоа што ние го укажувавме цела 2025 година, а нив не им се веруваше, се случи. На 1 јануари се зголеми не само минималната плата секаде во регионот, туку и останатите плати. На 50 километри од Скопје работниците може да изберат да работат за повисока минимална плата. Тоа што работодавачите и избраните и именуваните лица не го сфаќаат е дека минатата година легално заминале на работа 11.500 работници во Хрватска, а тројно или четири пати повеќе заминале да работат во една странска држава. Ние сакаме домашните работници, да ги замениме со странци. Затоа квотата е зголемена на 10.000. И на претходната влада и на оваа Влада и го укажувавме тоа – рече Трендафилов.

ССМ повеќе од една година бара зголемување на минималната плата посочувајќи дека растат животните трошоци и дека македонскиот работник станува се посиромашен. Во државите од регионот, освен во Косово, како што посочуваат, минималната плата е над 500 евра.

The post ЗГОЛЕМЕТЕ ГИ ПЛАТИТЕ ЗА ДА СЕ ЗАПРЕ ЕГЗОДУСОТ НА КВАЛИФИКУВАИТЕ РАБОТНИЦИ Синдикатот в среда попладне излегува на улица appeared first on plusinfo.mk.

– Градиме партнерски однос со синдикатите. Преку конструктивен социјален дијалог, успеавме да ги зголемиме платите во високото образование. Од јануари годинава, поголемиот дел од вработените на државните универзитети имаат зголемување на бруто платите, без минатиот труд, во просек за околу 14 %. За помал дел од вработените зголемувањето е во просек за околу 8 % – рече министерката Јаневска.

Годинава буџетот на УКИМ е зголемен за 1,5 милијарда денари. Лани изнесуваше 2,2 милијарди денари, а оваа година достигна 3,7 милијарди денари (60 милиони евра).

– Сè ова покажува дека Владата и МОН се решени да направат реален исчекор во квалитетот на образованието, вклучително и на високото образование. Затоа ги зголемивме вложувањата, но секогаш јасно кажувам дека и нашите очекувања од академската фела се големи – укажа Јаневска.

Тоа значи, додаде таа, дека универзитетските професори треба да им бидат вистински ментори на студентите, да им помогнат да стекнат што поквалитетни знаења и вештини, а паралелно и континуирано да работат на својата научна надоградба и да објавуваат трудови. Јаневска нагласи дека овие критериумите за добивање и задржување на професорската титула на светски признатите универзитети мора да важат и кај нас, ако сакаме и нашите универзитети да се видливи на листите на најдобрите. Тоа, како што кажа, не е само работа на престиж, туку ќе им овозможи на нашите студенти да добијат најдобра подготовка за предизвиците што ги носи утрешнината.

Министерката Јаневска побара заеднички ангажман на сите релевантни фактори за да изградиме високообразовен систем со модерни студиски програми, да ја интегрираме науката и истражувањата во наставните програми и да ја зајакнеме соработката со академската заедница во земјата и надвор.

The post ВЛАДАТА ВЛОЖУВА ВО ПРОФЕСОРИТЕ, А ОЧЕКУВА ТИЕ ДА ВЛОЖАТ ВО СТУДЕНТИТЕ Буџетот на УКИМ е 60 милиони евра, платата на професорите е зголемена за 15 отсто appeared first on plusinfo.mk.

„Пензиите на пензионерите, ќе се зголемени за 5000 денари. 2500 денари се веќе реалност, а 2500 денари на своите сметки пензионерите ќе добијат во март. Со мерката за ограничување на маржата за училишен прибор, на граѓаните им се намалија давачките за училишни прибори и реквизити за училиште. Со намалување на синдикалната кошничка, во одделот за храна и пијалоци, се намалија давачките на граѓаните за околу 1500 денари, или 18 илјади денари годишно за едно домаќинство. За разлика од 2023 година, во власт на СДСМ кога инфлацијата беше 9,4%, 2024 година со само 5 месеци власт на ВМРО-ДПМНЕ, инфлацијата ќе биде 3,5%, а проекциите за 2025 година се дека инфлацијата ќе биде на ниво од 2,5%“, се наведува во соопштението.

За разлика од криминалното владеење на СДСМ, Владата обезбедува плати за сите работници навремено, исплаќа субвенции кои власта на СДСМ поради лични причини, не им ги давале на земјоделците и враќа кредити кои врхушката на СДСМ ги има направено во име на државата, за кои и нашите поколенија ќе треба да ги плаќаат, велат од владејачката партија.

The post СО СДСМ БЕВМЕ НА РАБ НА БАНКРОТ Платите растат по само пет месеци власт, вели ВМРО-ДПМНЕ appeared first on plusinfo.mk.

Синдикатот тврди дека раководството на МАНУ во периодот додека штрајкот бил во мирување не ја испочитувал потпишаната спогодба и не направил ништо за решавање на проблемот. Според спогодбата до 31 12.2023 година требало да се потпише нов колективен договор со кој би се решил проблемот со платите на вработените.

Претседателот на синдикатот на УПОЗ, Трпе Дејановски на прес-конференцијата рече дека вработените во МАНУ штрајкот го започнаа на 9 февруари 2023 година, кој траеше еден месец, по што е потпишана Спогодба за ставање во мирување на штрајкот. Но, како што вели Дејановски, од потпишаната Спогодба меѓу вработените и работодавецот не е исполнето ништо. Затоа штрајкот повторно е активиран и ќе трае до исполнување на барањето, а тоа е зголемување на платите на вработените.

-Раководството на МАНУ наместо да го решат проблемот во периодот додека мируваше штрајкот најми адвокатска канцеларија која контактира со вработените  и која има една единствена задача, а тоа е да ги заплаши вработените и да најде начин, како да го забрани одвивањето на штрајкот.  Овие адвокати за неполн час делење совети наплаќаат износи кои се  половина од парите потребни за плата на вработените. Раководството на МАНУ во истиот период обезбедува пари за исплаќање на други вработени во МАНУ и за акадамиците – рече  Дејаноски.

Тој додаде дека вработените кои штрајкуваат се под силен притисок и безобразни навреди од раководството на МАНУ .

-Дел од академиците, раководителите на организационите единици при МАНУ кога беше најавено активирањето на штрајкот веднаш почнаа со закани на вработени дека ќе бидат избркани од работа, а одредени раководители со пцости и навреди почнаа да им се обраќаат на вработените. Што не им доликува на титулата Академик. Кажувам дека од сега натаму ќе ги објавуваме имињата, без разлика кои имиња и за какви позиции станува збор, на сите кои ќе вршат притисок на штрајкувачите – рече Дејаноски.

Првиот човек на синдикатот на УПОЗ информира и дека раководството на  МАНУ планира да се ослободи од вработените кои се вкупно 36 луѓе и да ангажира надворешна фирма за извршување на работите.

-Ангажирана е фирма која веќе работи – рече тој.

Дејаноски го повика основачот на МАНУ, собранието да поведе грижа за случувањата и за  исполнување на обврските кон вработените.

Благој Грујиќ, претседател на синдикалната организација на МАНУ изјави дека тие бараат решение на проблемот со ниските плати поради кои и сите конкурси кои се распишуваат за пополнување на празните работни места се неуспешни.

-Последните 15 години секој конкурс е објавен во медиуми на македонски и албански јазик. тоа што никој Албане, ниту Македонец, ниту Палестинец не се јавува на конкурсите е посебен пробелем. Никој не сака да работи за минимална плата. Човек со високо образование во МНУ зема 5 пати пониска плата од тие што со исто образование работат во другите научни институции – рече тој.

The post БАРААТ ПОВИСОКИ ПЛАТИ Вработените во МАНУ го активираа штрајкот appeared first on plusinfo.mk.

Отсекогаш се борев за Македонија. Државата ми е водилка и чест ми е кога народот ме бира. Но, сега честа е неизмерна, затоа што ќе раководам со министерството во кое секој еден припадник е спремен да даде сѐ за Македонија, вели во своето видео обраќање потпретседателот на ВМРО-ДПМНЕ и иден министер за одбрана, Владо Мисајловски.

„Гордост е да се биде на чело на министерството за одбрана, уште поголема е обврската. Со години Армијата оставена на маргините, време е тоа да се промени. Ветувам враќање на достоинството на армијата, Ветувам инвестиции во објектите на АРМ, нова опрема, поубави услови за работа, поголеми плати. Ветувам дека ќе се грижам за луѓето кои се грижат за нас целиот свој живот, ќе се ангажирам посветено.

Армијата ќе биде огледало за државата. Како НАТО членка треба да знаеме дека Армијата е најголем амбасадор на државата. Од семинари, до обуки, тренинзи, вежби со сојузничките армии.

Македонија ќе биде горда на својата Армија.

Македонија за тебе. За сите нас. Почнуваме!“, вели Мисајловски.

The post 📽 ЌЕ ГО ВРАТАМ ДОСТОИНСТВОТО НА АРМИЈАТА Мисајловски ветува посветена работа и повисоки плати appeared first on plusinfo.mk.