Во судот за прекршоци во Подгорица денеска се случи инцидент и речиси физички конфликт меѓу поранешниот премиер Дритан Абазовиќ и бизнисменот Ранко Убовиќ, кој тргнал да го дри со глава го удри со глава, а Абазовиќ го оттрнал.

Според весникот Вијести настанала мешаница, а полицајците спречиле физичка пресметка.

Полицаецот задолжен за обезбедувањето во судот го турнал Убовиќ, а потоа го предупредил за несоодветно однесување.

Според првите информации, сè се случило при влегувањето во судницата, кога Убовиќ наводно трзнал со главата и лесно го поткачил лидерот на Движењето УРА Абазовиќ по лицето. Наводно, Абазовиќ не се помрднал, по што полицаецот реагирал и го турнал Убовиќ кон клупите.

– Не ми викај – наводно му рекол Убовиќ на полицаецот кој го предупредил да не предизвикува инцидент.

По влегувањето во судницата, адвокатот Зоран Пиперовиќ се обидел да ги смири тензиите. Рочиштето подоцна се одржало без поголеми проблеми.

Судијката и портпаролка на Судот за прекршоци, Ана Бокан изјави дека непосредно пред почетокот на судењето, во салата на судницата, додека чекале да бидат викнато, дошло до конфликт меѓу Абазовиќ и Убовиќ.

– Со навремената реакција на полицаецот, спречен е понатамошен конфликт, а претресот е спроведен без никакви проблеми – рече Бокан за Вијести.

Таа додаде дека за настанот полицајците преземаат мерки во рамките на нивната надлежност.

По завршувањето на судењето, поранешниот премиер го чекале неколку службеници од Полициската управа пред зградата на Судот за прекршоци, бидејќи полицајците задолжени за неговото обезбедување го пријавиле инцидентот. Полицијата ги претресла Убовиќ, неговите пријатели и нивните возила пред зградата.

Потоа Абазовиќ го пријавил инцидентот во Центарот за безбедност во Подгорица, каде Ранко Убовиќ бил повикан да даде изјава.

Денешното рочиште е дел во постапката покрената по претходниот инцидент меѓу Абазовиќ и Убовиќ во ресторанот „Спаго“ во Подгорица. Кон крајот на август 2024 година, во тој ресторан се случи тепачка меѓу поранешниот премиер и бизнисменот, како и меѓу луѓе од нивните друштва и обезбедувања.

При влегувањето во ресторанот, келнерот на ресторанот наводно го прашал лидерот на Граѓанското движење УРА дали сака да му најде друго место „затоа што има луѓе од Бемакс“. Поранешниот премиер потоа наводно ги поздравил, на што Убовиќ одговорил со зборовите: „Срам да ви е“. Потоа, обезбедувањето на Убовиќ се насочило кон Абазовиќ, што довело до тепачки и меѓусебни навреди.

Основниот суд во Улцињ кон средината на мај оваа година пресуди во корист на Дритан Абазовиќ во постапката покрената против него од бизнисмените Ранко Убовиќ и Александар Мијајловиќ. Судот ја отфрли нивната тужба против Абазовиќ поради изјавите дадени во 2022 и 2023 година, кога тој јавно ги обвини дека се на врвот на криминалната пирамида во Црна Гора и дека се поврзани со шверцот на кокаин и цигари.

Убовиќ и Мијајловиќ побараа надомест за повреда на честа и угледот. Во таа постапка, поранешниот премиер одби да се повика на функционален имунитет, а по пресудата на Основниот суд во Улцињ, лидерот на Граѓанското движење УРА напиша дека „вистината победи“.

Ранко Убовиќ е црногорски бизнисмен, најпознат како сопственик и еден од основачите на градежната компанија Бемакс, која со години важи за една од најмоќните компании во Црна Гора.

Убовиќ беше уапсен пред 7 месеци под сомнение за перење пари.

The post БИЗНИСМЕНОТ УБОВИЌ СЕ ОБИДЕЛ ДА ГО УДРИ СО ГЛАВА ЕКСПРЕМИЕРОТ АБАЗОВИЌ Инцидент во судот во Подгорица appeared first on plusinfo.mk.

Во главниот град на Црна Гора, Подгорица, синоќа се одржа концерт на светската музичка ѕвезда Рики Мартин. Поводот беше голем – прославата на 20-годишнината од обновата на независноста на Црна Гора, пишуваат црногорските медиуми.

Десетици илјади граѓани го исполнија Плоштадот на независноста во Подгорица за да го гледаат настапот на порториканската ѕвезда во живо, објавија црногорските медиуми. Не само што Плоштадот на независноста беше целосно исполнет, туку преполни беа и околните улици и ресторани.

Пред Рики Мартин, како вовед во музичкиот спектакл, настапија и домашни изведувачи. Очекувањето го достигна својот врв кога Рики Мартин излезе на сцената, поздравен со стоечки овации и громогласен аплауз од воодушевената публика.

Ѕвездата на вечерта веднаш ѝ се обрати на публиката, честитајќи им го Денот на независноста и ветувајќи незаборавна ноќ.

– Ви благодарам многу. Ова ќе биде многу убава вечер. Ќе биде многу убаво и можам да го видам тоа во вашите очи, насмевки и енергија. Вечерва ќе биде посебна во Црна Гора. Дали сте подготвени да се забавувате, Црна Гора? – рече пејачот.

@aleksanmatic Podgorica, 21/05/26 #rickymartin #montenegro #foru #forupage #crnagora ♬ original sound – Aleksandar

Тој го започна својот настап со легендарниот хит „Марија“, а на самиот почеток ги изведе и песните „She Bangs“ и „Private Emotion“ и ја разигра публиката уште со првиот такт.

За жал, атмосферата накратко беше нарушена кога беше фрлен солзавец, што предизвика прекин на концертот.

Сепак, по брза реакција, концертот набрзо продолжи. И покрај краткиот инцидент, забавата во Подгорица продолжи длабоко во ноќта, а публиката пееше и танцуваше со Мартин.

The post 🎥 ЦРНОГОРЦИТЕ ПРОСЛАВИЈА НЕЗАВИСНОСТ СО РИКИ МАРТИН Концертот на светската ѕвезда во Подгорица беше накратко прекинат поради фрлен солзавец appeared first on plusinfo.mk.

Односите меѓу Црна Гора и Србија повторно се вжештија, откако српскиот претседател Александар Вучиќ порача дека не би присуствувал на прославата на 20-годишнината од независноста на Црна Гора. Тој изјави дека би „плукнал во свое лице и во лице на својот народ“ ако учествува на одбележувањето на, како што рече, „отцепувањето од мојата Србија“.

Изјавата предизвика остра реакција од Подгорица. Црногорското Министерство за надворешни работи соопшти дека е неприфатливо и политички неодговорно враќањето на црногорската независност да се претставува како чин насочен против Србија или српскиот народ.

Во објава на социјалната мрежа Икс, црногорското МНР наведе дека независноста била вратена во 2006 година со слободна волја на граѓаните и во согласност со меѓународното право и европските стандарди.

„Црна Гора не ја слави својата независност против никого, туку во чест на слободно изразената волја на своите граѓани“, соопшти Министерството.

Белград потоа возврати преку српското Министерство за надворешни работи. Во соопштението се наведува дека Србија уште во 2006 година ја признала независноста на Црна Гора и останува посветена на добрососедска соработка и европска интеграција.

Црна Гора ја обнови независноста на референдумот во мај 2006 година, кога 55,5 проценти од граѓаните гласаа за излегување од државната заедница со Србија.

Кампањата тогаш ја водеше Мило Ѓукановиќ и неговата Демократска партија на социјалистите. Просрпските партии беа против независноста и бараа зачувување на заедничката држава.

И покрај формалното признавање на резултатот, односите меѓу двете држави со години остануваат чувствителни поради прашањата за идентитетот, јазикот, историјата и положбата на Србите во Црна Гора.

Прославата на 20-годишнината од независноста е закажана за 21 мај. Српските медиуми објавија дека на настаните ќе настапи и Рики Мартин, што Вучиќ го искористи како пример за „гламурозна прослава на отцепувањето“.

Во меѓувреме, Црна Гора останува најнапредна земја кандидат за членство во Европската Унија на Западен Балкан. Србија, пак, со години се соочува со застој во отворањето нови поглавја од преговорите со Брисел.

The post ВУЧИЌ ШОКИРАШЕ СО ИЗЈАВАТА ЗА 20 ГОДИНИ НЕЗАВИСНА ЦРНА ГОРА Подгорица возврати за „попрво би плукнал…“ appeared first on plusinfo.mk.

Се појавија фотки од преписката меѓу љубовниците во секс-скандалот кој го тресе државниот врв во Црна Гора. Освен експлицитните видеа на кои се гледа поранешната државна секретарка во Министерството за човекови и малцински права, Мирјана Пајковиќ, на дел од материјалите се гледа и непознат маж.

„Јас не те одбив“, „Да не те видат моите очи“, „Сама си ја заврши кариерата, те мислев за поинтелигентна“, „Ќе дојдеш за нешто, кога-тогаш“, гласат дел од пораките.

Нејасно е дали љубовникот на снимките е поран Дејан Вукшиќ, поранешниот шеф на црногорската Служба за национална безбедност АНБ и екс-советник на претседателот Јаков Милатовиќ. Вукшиќ поднесе оставка во ист период со Пајковиќ и си разменија кривични пријави. Нејасно е и кој ги дистрибуирал фотографиите и видеата од мобилниот телефон на Вукшиќ, кои за кратко време станаа вирални на интернет.

@joksim♬ original sound – POGANI

Во интервју за веб-телевизијата „Дана“, Пајковиќ изјави дека откако таа одбила да ги исполни неговите барања, Вукшиќ отворено ѝ се заканил со компромитирачки материјал, губење на професионалниот интегритет и личната безбедност.

Таа тврди дека заканите ги сметала за особено сериозни, со оглед на тоа што доаѓале од лице кое во тој момент имало значителна моќ и влијание во државниот безбедносен апарат. Таа особено го критикуваше недостатокот на реакција од државните органи, нагласувајќи дека ниту обвинителството ниту кабинетот на претседателот на Црна Гора Јаков Милатовиќ не одговориле навремено на нејзините извештаи.

Според неа, претседателот Милатовиќ бил запознаен со кривичните пријави и наводите за однесувањето на неговиот советник од црногорското АНБ, Вукшиќ, но конкретна реакција следела дури откако медиумите поинтензивно се вклучиле во следењето на случајот.

Таа верува дека нејзиниот случај покажува дека законот во пракса не е еднаков за сите и дека жените во Црна Гора немаат соодветна институционална заштита.

Пајковиќ наведува дека заканите не биле упатени само кон неа, туку индиректно и кон нејзиното семејство, што дополнително ја зголемило сериозноста на ситуацијата. Таа тврди дека за сè навремено ги информирала надлежните институции, но дека реакцијата изостанала или била задоцнета. Според неа, дел од пријавите завршиле без конкретен епилог, сè додека аферата не излезе во јавноста преку медиумите.

Од другата страна, Вукшиќ ги негира обвинувањата за уцени и закани. Тој тврди дека нема никаква поврзаност со создавањето или дистрибуцијата на експлицитните снимки и дека неговиот мобилен телефон бил украден и подоцна злоупотребен.

Ова тврдење е дел од кривичната постапка што моментално ја разгледува Основното државно обвинителство во Подгорица.

Обвинителството потврди дека се водат одделни предмети по пријавите на Пајковиќ, како и по наводите што ги изнесе Вукшиќ. Засега не се соопштува дали истрагата е проширена и кон трето лице, но институциите најавуваат дека ќе ги проверат сите околности околу протекувањето на материјалите.

Ѓорѓе Савовиќ, уредник на ТВ Адрија Монтенегро, смета дека постојат индикации дека Вукшиќ е вклучен во скандалот. Тој вели дека секс-скандалот го одвлекува вниманието на јавноста додека Црна Гора има проблеми .

– Овој случај фрла сенка, што е контрадикторно, врз фактот дека Црна Гора има поголеми проблеми и клучни политички прашања со кои треба да се соочи. Во четврток имаме владина седница бидејќи прашањето е дали ќе продолжи да преживува, имаме преговори со ЕУ, имаме проблем со криминални кланови, корупција и криминал, немаме доволно судии и имаме селективен пристап кон обвинителството. Имаме недостаток на лекови, транспортерите ги блокираа сите премини во Црна Гора и постои закана од недостаток на храна и гориво. Сепак, оваа тема е доминантна – вели Савовиќ

The post 📷 ПРЕПИСКА МЕЃУ ЉУБОВНИЦИТЕ ОТКРИВА ДЕТАЛИ ЗА СЕКС-СКАНДАЛОТ ВО ЦРНА ГОРА Државната секретарка раскажа како ѝ се заканувале appeared first on plusinfo.mk.

Телата на две лица – маж и жена – синоќа биле пронајдени во стан на улицата „Пека Павловиќ“ во центарот на Никшиќ. Се претпоставува дека М.П. (74) и М.В. (41) биле убиени со нож. Извршителот е идентификуван, а полицијата трага по него.
Според пишувањето на РТЦГ, жртвите лежеле мртви неколку дена во заклучениот стан.
Полицијата соопшти дека синоќа околу 19:20 часот биле известени од член на семејството, кој навел дека М.П. не одговара на телефонските повици и дека два дена немаат никаков контакт со него.
– Полицијата го лоцираше станот, кој бил заклучен. Соодветно на законските овластувања, влегоа во станот, каде што го затекнаа беживотното тело на М.П., како и телото на М.В. (41) со видливи повреди за кои се сомнева дека се нанесени со употреба на ладно оружје – нож. Изнајмениот стан го користела М.В. – се вели во соопштението.
За случајот бил известен дежурен обвинител од Вишото државно обвинителство во Подгорица, кој заедно со полицијата извршил увид.
– Преку преземените дејствија се дојде до сознанија за идентитетот на извршителот, и интензивно се работи на негово лоцирање и приведување – пишува во соопштението.
Мотивот за овој тежок злостор е познат на надлежните институции, но поради чувствителноста на случајот и приватните околности поврзани со жртвите и осомничениот, во оваа фаза не се откриваат дополнителни детали, наведува порталот.

The post МАСАКРИРАНИТЕ ТЕЛА СО ДЕНОВИ ОСТАНАЛЕ ВО ЗАКЛУЧЕН СТАН Маж и жена ѕверски избодени во Подгорица appeared first on plusinfo.mk.

Бран од насилство, вандализам и ксенофобија се шири во Црна Гора откако Азербејџанец и Турчин тешко ранија момче во Подгорица. Групи луѓе маршираа по улиците и им се закануваа на мигрантите, а владата привремено воведе визи за турските државјани.

За вечерва е најавен нов граѓански протест пред Владата, а во исто време Турција побара од Црна Гора да ги заштити нејзините државјани.

Двајца државјани на Азербејџан и Турција се осомничени дека во саботата навечер (25.10) сериозно повредиле 25-годишен маж во населбата Забјело во Подгорица. Повредениот М.Ј. бил прободен со нож, повредите се сериозни, но тој е хоспитализиран и е вон животна опасност.

Револтирани од нападот, граѓаните се собраа на местото каде што полицијата ги пронајде осомничените странци и скандираа „Убиј го, убиј го Турчинот“. Истата вечер е демолиран и локал во центарот на градот чиј закупец е турски државјанин, а беше запален и автомобил во сопственост на турска компанија. Еден ден подоцна, групи момчиња маршираа низ населбите каде што мигрантите имаат продавници и ресторани во главниот град наЦрна Гора, скандирајќи „Турци надвор“.

По низата инциденти што доведоа и до пораст на ксенофобијата и говорот на омраза против Турците, премиерот Милојко Спајиќ најави укинување на безвизниот режим со Турција. Во претходните години безвизниот режим овозможи пристигнување на 13.000 Турци во Црна Гора. Според неофицијални проценки, во Црна Гора, која има население од околу 630.000, моментално престојуваат дури 100.000 странци.

За претседателот на државата Јаков Милатовиќ, невладините организации, како и за некои партии, одлуката за воведување визи е „краткорочно санирање на последиците“. Некои од нив предупредуваат дека Спајиќ реагирал брзоплето и дека тоа би можело да ги расипе односите со Турција. Се изразува загриженост од можноста за реципрочен одговор од Турција, кој би можел сериозно да ги загрози интересите на црногорските граѓани кои имаат потреба од лекување во Турција или патуваат преку аеродромот во Истанбул, како и интересите на економската соработка и дијаспората.

Турција и Азербејџан секако се на списокот на земји за кои Црна Гора мора да воведе визи за да се усогласи со визниот режим на Европската Унија. Црна Гора ја оправдува својата либерална визна политика со потребите на туризмот, но Брисел вели дека економските причини не можат да бидат над обврските што произлегуваат од процесот на пристапување.

– Инцидентите во никој случај не смеат да бидат причина за колективна осуда и дискриминација кон сите припадници на турскиот народ – предупредува извршната директорка на невладината организација „Акција за човекови права“, Теа Горјанц-Прелевиќ. Таа потсетува дека говорот на омраза, поттикнувањето насилство и уништувањето на туѓ имот се кривични дела и дека сите одговорни мора да бидат гонети.

Управата на полицијата нагласува дека дополнително ќе го контролира движењето, работата и престојот на странците, како и дека ќе следат итни и детални контроли на сите компании каде што основачи се странски државјани. Се очекува црногорската полиција, која уште вчера приведе неколку лица осомничени за планирање нови напади врз Турци, да биде ставена на тест и во наредните денови.

Локалните медиуми и граѓани јавуваат за се позачестено заминување на турски граѓани од аеродромот на Црна Гора, што се поврзува со непозволната атмосфера за нив во црногорското општество.

 

View this post on Instagram

 

A post shared by Necenzurisano (@necenzurisano_)

The post 🎥 ВО ЦРНА ГОРА ЕСКАЛИРА АТМОСФЕРАТА НА ЛИНЧ ПРОТИВ ТУРЦИТЕ Анкара бара да се заштитат нејзините граѓани appeared first on plusinfo.mk.

Солзи на олеснување ги прекрија лицата на пожарникарите откако силен дожд ја изгасна огнената стихија што со денови ја пустошеше Црна Гора. Речиси сите жаришта беа совладани, освен делови кај Риека Пиперска, каде што пламенот и натаму се шири кон Дромири и кон Купини.

Од Службата за заштита и спасување во Подгорица прогласија победа над огнот и испратија порака на благодарност.

„Ви благодариме за несебичноста, за секоја капка пот, за солзите и тагата, за грижата, поддршката и надежта. Благодариме за насмевката што ни ја упативте кога се гледавме очи в очи на теренот, за мавтањето додека поминувавме по патот, за сè што споделивте со нас во овие тешки денови. Вашата поддршка беше нашата сила да издржиме и да ја победиме огнената стихија – соопштија од Службата“, соопштија од Службата.

Потпретседателот на Собранието на главниот град, Драгутин Вучиниќ, истакна дека во Пипери конечно нема активен оган.

– Пиперски Бротњик во овој момент е без оган! Благодарност до сите што учествуваа во гаснењето на пожарите во Пипери и низ цела Црна Гора. Голем поздрав од Поток – Пипери! Хеликоптерот си замина во база. Со среќа! Крај – рече Вучиниќ.

Од Пожарникарската служба Никшиќ потврдија дека дождот ги изгаснал пожарите во Пиштете, Дубрава и Дуга, а во Петровиќи огнот се задржал на планинските падини без да загрози куќи.

„Се разбира, ќе ја следиме состојбата во текот на ноќта, за да видиме како стојат работите“, соопштија од службата.

Црна Гора во текот на ноќта ја очекува уште еден дождовен бран со порој и грмежи. Засега не е познато до кога ќе останат странските екипи кои помагаат во гаснењето.

The post 📽️ ЦРНОГОРСКИТЕ ПОЖАРНИКАРИ ВО СОЛЗИ Совладани се сите поголеми пожари во земјата appeared first on plusinfo.mk.

Црна Гора се соочува со разорни пожари кои беснеат низ целата земја. Првиот пожар избил кај Чањ, а потоа се проширил во Подгорица, Будва, Бар, Никшиќ, Шавник и во Бијело Поље, оставајќи пустош зад себе, објави Блиц.

Шокантни сцени од популарна плажа во Црна Гора

На социјалните мрежи е објавено видео од плажата во Петровац, на кое се гледа како густиот чад го прекрива небото.

Чадот доаѓа од правец на Буљарица и на Чањ, а според достапните информации, пожарот е целосно надвор од контрола, а ветрот дополнително го отежнува гаснењето.

 

View this post on Instagram

 

A post shared by 192.RS (@192_rs)

Подгорица во огнен обрач

Подгорица е опколена со оган, со сцени како од хорор филм. Утрово во 03:00 часот избил нов голем пожар во околината на Подгорица, на Какаричка Гора, каде што борбата со огнената стихија сѐ уште трае.

Во понеделникот, припадниците на Службата за заштита и спасување на главниот град спасија мајка со четиригодишно дете. Пожарникарите пронајдоа и луѓе кои се криеле во подруми на куќи, загрозени од огнот.

PAKLENA NOĆ U PODGORICI: Veliki požar na Kakarickoj gori, gorjele kuće, dio građana evakuisan

Opširnije na https://t.co/2xy7iiptgF pic.twitter.com/KSJh1B4vKv

— Portal Standard (@Portal_Standard) August 12, 2025

Според Министерството за внатрешни работи, најкритично синоќа било во Куфин, Пипери, Кучи и во Кокоти.

Пожарот кај Буљарица повторно разгорен

Според некои информации, пожарот повторно се разгорел кај Буљарица.

 

View this post on Instagram

 

A post shared by 192.RS (@192_rs)

Најнови информации за пожарите

Пожарите, кои синоќа избувнаа на повеќе локации во околината на Подгорица, се активни и утрово, а според информациите од медиумите, најкритично е и понатаму во Пипери, каде што синоќа се појавија нови жаришта во Дрезга и Церовица, изјави директорот на Директоратот за заштита и спасување при МВР, Миодраг Бешовиќ.

Освен во Пипери, лоша е состојбата и на Какаричка гора, а патот кон Кучи е затворен. Гори и во Рогами, на Смоковац, во Кокоти, Комани, Зета и Барутана.

Гаснењето на повеќе локации во текот на ноќта го следеше и градоначалникот на Подгорица, Саша Мујовиќ.

Пожарот што синоќа избувна на авто-отпад во Горња Горица е изгаснат, па магистралниот пат Подгорица–Даниловград е повторно прооден.

Во остатокот од државата, Бешовиќ вели дека пожари утрово се активни кај Шавник, додека кај Чањ, каде што вчера беше драматично, состојбата е малку подобра благодарение на пожарникарите кои дежурале цела ноќ.

Сепак, пожарот кај Чањ во текот на ноќта повторно се разгорел поради силен ветар, но утрово состојбата е нешто подобра, изјави за ТВ „Вијести“ шефот на пожарникарите од Бар, Ацо Вулевиќ.

Откриена причината за пожарите

Пожарите се разгореле откако во Буљарица се запалил автомобил на албански државјанин. Огнот се проширил на непристапен терен, стигнал до Чањ, а потоа и на други места. Албанскиот државјанин Х.Д. нема да одговара за предизвикување на пожарот над Буљарица.

Шефот на подгоричките пожарникари, Никола Бојановиќ, за ТВ „Вијести“ изјави дека е активен голем пожар во Горња Горица, поради кој синоќа беше затворен и магистралниот пат кон Никшиќ, а во меѓувреме избувнале нови пожари во Кокоти, Смоковац, Кучи, Зета и Дахна.

Во Пипери од утрово нема вода и струја.

Чад над плажата во Чањ

На вознемирувачки фотографии, кои масовно се споделуваат на социјалните мрежи, се гледаат столбови чад кои се издигаат кон небото, додека огнот ја голта вегетацијата на падината над патот. Автомобилите поминуваат внимателно, а возачите и патниците го задржуваат здивот минувајќи покрај огнената стихија.

 

View this post on Instagram

 

A post shared by Подгорички времеплов (@podgoricki_vremeplov)

На снимка од понеделникот се гледаат лежалки и чадори на локалната плажа во Чањ, луѓе кои ги собираат работите, а некои сѐ уште се капат, и покрај густиот чад што се шири од пожарот кој избувнал во непосредна близина во текот на ноќта.

 

View this post on Instagram

 

A post shared by 192.RS (@192_rs)

Огнот зафати и простор над Кралицината плажа, на ридот Дубовица, каде што гори густо растителство.

Пожарникар повреден во експлозија

При гаснење пожар во местото Рогами вчера дошло до експлозија во која е повреден пожарникар, соопшти в.д. командирот на Службата за заштита и спасување на главниот град, Никола Бојановиќ.

Страшни сцени од Подгорица

Десетици пожарникари со повеќе од 20 возила на Службата за заштита и спасување на Подгорица со часови се бореа со огромен пожар на територијата на Пипери, кој загрози неколку приградски населби.

– Дојдоа луѓе до нашите врати и ни рекоа да ги напуштиме куќите, дека не е безбедно. Сцените се ужасни, огнот премногу брзо се шири. Многу сме исплашени, пожарникарите се вистински херои. Даваат сѐ од себе да спасат колку што можат – изјави една од евакуираните мештанки за РИНА.

Српски хеликоптер гаси пожари во Црна Гора

Србија во понеделникот испрати помош на Црна Гора за гаснење на пожарите од големи размери.

Хеликоптерот Камов-Ка 32 и пожарникарите од Секторот за вонредни ситуации на МВР на Србија веќе се вклучени во акцијата.

ЦРНА ГОРА Е ВО ПЛАМЕН, ДРЖАВАТА БАРА ПОМОШ Пожари кај Бар, Чањ, Буљарица, Никшиќ, армијата е вклучена во гаснењето

The post 📽📷 ПОДГОРИЦА ВО ОГНЕН ОБРАЧ, ПОЖАРИТЕ ГОЛТААТ СЀ ПРЕД СЕБЕ Откриена неверојатната причина за првиот пламен што ја фрли Црна Гора во хаос appeared first on plusinfo.mk.

Подгоричанецот Иван Милачиќ (28), кој според безбедносните служби бил означен како член на Шкаљарскиот клан, бил убиен синоќа во подгоричкото кафуле „Таормина“ на улицата Светозар Марковиќ, објави српски Блиц.

Милачиќ беше осуден на 3 години затвор поради продолжено кривично дело – недозволено држење оружје и експлозивни материјали. Тој беше осомничен за убиството на гангстерот Саша Кликовац во јули 2020 година, но беше ослободен од обвинението во февруари оваа година.

Од Управата на полицијата соопштија дека синоќа, 5 минути пред полноќ, дошло до употреба на огнено оружје на улицата Светозар Марковиќ во Подгорица, при што едно лице загинало, а едно било повредено.

Службениците на полицијата, како што додаваат, преземаат итни и сеопфатни мерки и активности во соработка со јавниот обвинител од Вишото државно обвинителство во Подгорица, со цел утврдување на сите факти и околности околу настанот, идентификација, лоцирање и приведување на извршителот, како и расветлување на целиот случај.

– За понатамошниот тек на активностите, јавноста ќе биде известувана по фази – додаваат од Управата на полицијата.

Неодамна убиени двајца припадници на „Кавчаните“

Во Подгорица, во Стара Варош, на 16 јули беше убиен Игор Недовиќ, врз кого пред 2 месеца, според полицијата, пукал Аријан Реќковиќ.

Осомничениот за обидот за убиство на Недовиќ е во бегство и официјално е осомничен за убиството.

Според истражителски извори за весникот Побједа, Недовиќ бил близок со Шкаљарскиот клан, но подоцна се приклучил на „Кавчаните“.

Истата вечер, во Барселона, беше убиен и Филип Кнежевиќ, за кого истражителите собрале докази дека ги убил двајцата „шкаљарци“ на Крф.

The post БРУТАЛНО УБИСТВО ВО ПОДГОРИЦА Црногорски мафијаш изрешетан во кафуле, војната меѓу клановите се разгорува appeared first on plusinfo.mk.

Џејми Оливер, глобално познатиот британски готвач, официјално стапна на црногорската гастро-сцена со отворање на својот прв ресторан „Џејмис Италијан“ во луксузниот комплекс Бока Плејс, дел од елитната марина Порто Монтенегро во Тиват.

Ресторанот нуди препознатлива италијанска кујна, со фокус на свежи состојки, рачно изработени тестенини, пици печени на дрва, и десерти кои ве враќаат во срцето на Италија.

„Црна Гора, тука сме! Дојдете на чинија со рачно изработени тестенини, морски плодови, свежи салати, автентични пици и неодоливи десерти. Уживајте во вистинска италијанска гозба во срцето на Порто Монтенегро“, напиша светски познатиот готвач на својот официјален Фејсбук профил, постирајќи снимка од отворањето на ресторанот.

Порталот „Инвеститор“ открива дека втор ресторан од истиот бренд ќе биде отворен и во Подгорица, во „Капитал Плаза“, што дополнително ќе го зацврсти присуството на Оливер на црногорскиот пазар.

Брендот „Џејмис Италијан“, основан во 2008 година, има за цел да понуди достапно, семејно и автентично кулинарско искуство. Со нагласок на одржливоста и традицијата, Оливер ги освои љубителите на гастрономијата низ целиот свет, а сега и на Јадранот.

Бока Плејс, каде што е сместен новиот ресторан, е најновата фаза од развојот на Порто Монтенегро, марина и станбен комплекс кој ги спојува шопингот, гастрономијата и здравиот живот во едно модерно урбано јадро.

Отворањето на овој ресторан е уште еден сигнал дека Црна Гора сè повеќе се позиционира како дестинација за висококласен туризам и врвна кујна, со сè поистакнато место на мапата на светската гастро-елита.

The post 📽 ЏЕЈМИ ОЛИВЕР ОТВОРИ РЕСТОРАН ВО ТИВАТ Наскоро „Џејмис Италијан“ ќе има и во Подгорица appeared first on plusinfo.mk.