Децата на принцот Хари и Меган Маркл, седумгодишниот принц Арчи и петгодишната принцеза Лилибет, биле цел на интерес од европски папараци додека биле на училиште во Англија, соопшти портпаролот на парот. Според него, фотографи ги обиколувале просториите на училиштето, застанувале за да погледнат во дворот и ги набљудувале децата.

– Одлуката на фотографите да се однесуваат на овој начин во близина на училиште е крајно неодговорна – изјавил портпаролот на Хари и Меган. Тој додал дека постои голема разлика меѓу легитимното медиумско известување и ситуацијата во која фотографи го обиколуваат училиштето и ги следат децата.

Особено загрижувачко за семејството е тоа што станува збор за училиштето во кое Арчи и Лилибет неодамна беа префрлени. Хари и Меган го чуваат во тајност и местото каде што живеат во Англија и точната локација на училиштето. Децата претходно го смениле училиштето поради безбедносни грижи поврзани со сообраќајот и патувањето до првичната локација.

Според дополнителни информации објавени во британските медиуми, двајца мажи биле забележани во близина на новото училиште, а полицијата подоцна утврдила дека возилото што го користеле било изнајмено. Се верува дека станувало збор за меѓународни фотографи.

Портпаролот на Хари и Меган дополнително ја изразил загриженоста поради тоа што фотографите се појавиле во близина на училиштето само неколку дена по сериозниот безбедносен инцидент кај воената база РАФ Ферфорд.

Хари и Меган се вратија во Велика Британија од Калифорнија минатиот месец, заедно со своите деца. Парот се повлече од извршувањето на кралските должности во 2020 година и оттогаш живееше во САД. Хари со години има особено чувствителен однос кон папараците, поврзан и со смртта на неговата мајка, принцезата Дијана, која загина во сообраќајна несреќа во Париз во 1997 година додека автомобилот во кој се наоѓаше ја следеа папараци.

По враќањето во Велика Британија, Хари и Меган имаат сопствен безбедносен тим, а паралелно продолжуваат да бараат нивното семејство да добива автоматска полициска заштита, како што е случај со некои други високи членови на кралското семејство.

The post ПАПАРАЦИ ГИ ДЕМНЕЛЕ АРЧИ И ЛИЛИБЕТ ПРЕД УЧИЛИШТЕ Хари и Меган реагираат по инцидентот со европски фотографи appeared first on plusinfo.mk.

Џејкоб Елорди и Кендал Џенер се најдоа во центарот на вниманието за време на нивниот престој во Париз, откако папараците ги опколија додека се враќаа кон хотелот. Актерот не ја криеше нервозата и неколкупати ги замоли фотографите да престанат да ги следат.

– Чекајте, чекајте, чекајте, може ли само да прошетаме? Стоп, стоп, стоп – им довикуваше Елорди на фотографите. Кендал во еден момент го покриваше лицето со раката поради силните блицеви, додека актерот ја држеше за рака, а потоа ја прегрна околу половината за да ја заштити додека се пробиваа кон автомобилот.

– Без блиц, само пуштете нè да одиме. Само пуштете нè да си заминеме – им вели тој. Снимката од случувањето брзо се прошири на социјалните мрежи.

Нивното излегување следеше откако Кендал учествуваше на ревијата на „Л’Ореал Париз“ пред Ајфеловата кула, каде што прошета на пистата во впечатлива црна креација. На ревијата настапија и бројни други познати имиња, меѓу кои Селин Дион, Хајди Клум и Линдзи Вон.

 

View this post on Instagram

 

A post shared by MEAWW Entertainment (@meawwofficial)

Парот претходно беше забележан и на Модната недела во Милано. Кендал ја затвори ревијата на „Ботега Венета“, додека Елорди седеше во првиот ред и ја следеше со внимание. Кога се појави на пистата, тој извади камера и ја фотографираше, што дополнително го сврте внимание кон нивниот однос.

Елорди и Џенер за првпат беа поврзани во март годинава, по забавата на „Венити фер“ по доделувањето на Оскарите, а гласините дополнително се засилија по нивната средба на фестивалот Коачела во април. Оттогаш се фотографирани заедно на различни места, меѓу кои Хаваи, Јапонија, Австралија и Европа.

Иако двајцата досега не зборувале многу јавно за својата врска, нивните заеднички појавувања стануваат сè почести, особено во последните недели за време на модните недели во Милано и Париз.

The post 📽️ НЕ ИМ ДОЗВОЛИЈА ДА ИМ ГО РАСИПАТ ВЕЧЕРНОТО ИЗЛЕГУВАЊЕ Џејкоб Елорди ја штитеше Кендал Џенер од папараците во Париз appeared first on plusinfo.mk.

Германската супермоделка Хајди Клум (53) беше фотографирана на плажа заедно со 16 години помладиот сопруг Том Каулиц, кадешто уживаше во сончање топлес. Фотографиите брзо се проширија низ светските медиуми, а многумина коментираа дека изгледа речиси непроменето во споредба со годините кога владееше на модните писти.

Клум и Каулиц веќе подолго време летото го минуваат на Медитеранот, а на социјалните мрежи редовно споделуваат моменти од одморот. Освен сончањето и капењето, двојката ужива во долги прошетки покрај морето, пловење со јахта, а овојпат и во ручек сервиран на прекривката врз која седеа на песочна плажа. Ручекот се состоеше од салата и риба во конзерви и веројатно некое добро вино или шампањ.

Хајди Клум никогаш не криела дека сака да живее опуштено и спонтано. Во повеќе интервјуа има изјавено дека не се оптоварува со годините и дека најважно ѝ е да биде среќна и да го живее животот со полни гради. Токму затоа нејзините фотографии од одморот редовно привлекуваат огромно внимание – не само поради нејзиниот изглед, туку и поради впечатокот дека и покрај славата останала непосредна и природна.

 

View this post on Instagram

 

A post shared by Heidi Klum (@heidiklum)

The post 📷🎥 ХАЈДИ КЛУМ ОБЈАВИ НОВИ ФОТОГРАФИИ ВО ТАНГА И ТОПЛЕС Манекенката ужива со 16 години помладиот сопруг со конзерви на плажа appeared first on plusinfo.mk.

Поп-ѕвездата Кејти Пери и поранешниот канадски премиер Џастин Трудо повторно го привлекоа вниманието на светските таблоиди, откако беа фотографирани како разменуваат страсни бакнежи за време на одмор во Сен Тропе. Двојката беше снимена на плажата кај клубот „Les Palmiers“, каде што се држеше за раце, се прегрнуваше и уживаше во морето пред бројните папараци.

@parismatch Katy Perry and Justin Trudeau are showing some PDA in Saint-Tropez #katyperry #justintrudeau #love #whattowatch ♬ original sound – lyrics.mp3

Фотографиите, кои први ги објави „Дејли мејл“, а потоа ги презедоа и други светски медиуми, покажуваат дека нивната врска е посилна од кога било. Ден претходно тие беа забележани и во легендарниот плажен клуб „Club 55“, каде што се капеа, разговараа и наздравуваа со пијалаци покрај Медитеранот.

Katy Perry and Justin Trudeau make a splash during PDA-packed beach day in Saint-Tropez… one year into romance https://t.co/UlxDaM92SQ

— Daily Mail (@DailyMail) August 2, 2026

Кејти Пери (41) и Џастин Трудо (54) првпат влегоа во врска во летото 2025 година, по разделбата на пејачката со Орландо Блум и по разводот на Трудо со Софи Грегоар. Во меѓувреме тие ја потврдија врската и заедно се појавија на повеќе јавни настани, меѓу кои фестивалот „Коачела“ и Светскиот економски форум во Давос.

Летниот одмор во Сен Тропе, според странските медиуми, е дел од нивното заедничко европско патување, а најновите фотографии само дополнително ги поттикнаа шпекулациите дека славната пејачка и поранешниот политичар веќе не ја кријат својата љубов.

The post 🎥 КЕЈТИ ПЕРИ И ЏАСТИН ТРУДО СТРАСНО СЕ БАКНУВАА НА ПЛАЖА ВО САН ТРОПЕ Папараците ги уловија, ние гледаме и завидуваме appeared first on plusinfo.mk.

Се чини дека славата денес е подостапна од кога било досега. Со помош на Тик-Ток и социјалните мрежи, еден вирален момент е доволен за да направи некого ѕвезда преку ноќ.

Сепак, некои познати луѓе користат разни креативни, па и сомнителни начини за да се пробијат во јавност.

Оваа недела, Пријанка Чопра беше обвинета за регрутирање лажни обожаватели откако се појавила снимка од 2017 година на која истиот пар луѓе двапати ѝ приоѓаат за автограми на аеродром во Лос Анџелес. Ова ги поттикна шпекулациите дека станува збор за однапред смислен ПР потег.

Но, таа не е единствената. Многу ѕвезди користеле разни трикови низ годините, од лажни врски и повикување на папараците, до измислување идентитети.

Ким Кардашијан е еден од најпознатите примери. Пред да стане милијардерка, таа користеше разни начини за да се најде во центарот на вниманието. Самата призна дека славата е нејзина цел, а во еден момент дури и исценираше ситуација за да изгледа како да се дружи со Бритни Спирс, сето тоа пред папараците.

Актерката Али Лартер стана позната благодарение на необична измама. Таа се претстави како измислениот лик Алегра Колман за насловната страница на едно списание, а приказната за таа „нова ѕвезда“ беше целосно измислена. Експериментот функционираше и ѝ ги отвори вратите кон Холивуд.

Хоакин Феникс ја шокираше јавноста кога објави дека ја напушта глумата за да се занимава со хип-хоп. Подоцна се покажа дека сето тоа било дел од промоција на филм.

Саша Барон Коен предизвика сличен шок кога „слета“ на Еминем за време на доделувањето на наградите на MTV, што подоцна се покажа како договорен скеч.

Лажните љубовни приказни се уште една вообичаена алатка. Ким Кардашијан наводно ги поканила папараците на состанок со Ник Лачи за да привлече медиумско внимание.

Диџејот Халед дури и ѝ предложи брак на Ники Минаж пред камера, но таа подоцна призна дека сето тоа било ПР трик за промоција на песна.

Јутјуберот Џејк Пол отиде чекор понатаму, двапати „лажно венчавајќи“ ги своите партнерки поради публицитет.

Постојат и случаи каде што врските се целосно измислени, како онаа помеѓу Броди Џенер и Лорен Конрад во реалното шоу „The Hills“, за кое подоцна се откри дека е инсценирано.

Дури и Ријана е вмешана во лажен скандал. Нејзиниот поранешен ПР агент призна дека измислил афера со Џеј-Зи за да го промовира нејзиниот прв хит.

Во ерата на социјалните медиуми, некои луѓе одат чекор понатаму – купуваат следбеници. Истрагите открија дека бројни познати личности ги користеле услугите на компании кои продаваат лажни профили за да изгледаат попопуларни. Ваквите практики вклучуваат илјадници, па дури и милиони лажни профили, а по големото разоткривање една од најпознатите такви компании беше затворена.

Сето ова покажува дека патот до славата честопати не е онаков како што изгледа. Зад сјајот и рефлекторите, понекогаш има внимателно осмислени потези кои остануваат скриени од јавноста.

The post ОД ЛАЖНИ ВРСКИ ДО ШОКАНТНИ ПР ТРИКОВИ Ова се бизарните начини на кои ѕвездите граделе слава appeared first on plusinfo.mk.

Хајди и Том не се сами на одмор. Со нив е и братот близнак на Том, Бил Каулиц, кој ги придружува во обилколката на познатиот италијански град.

Папараците ја следат славната двојка на секој чекор. За време на нивниот престој во Венеција „уловиле“ и еден незгоден момент кога манекенката и нејзиниот сопруг се движеле кон гондолата, а Том ја тапкал Хајди по задникот.

Хајди на Инстаграм објави видео од одморот во Венеција.

 

View this post on Instagram

 

A post shared by Heidi Klum (@heidiklum)

Покрај Бил, парот во Италија го донел и остатокот од семејството, вклучувајќи ја и ќерката на Хајди, Лени Клум и нејзиното момче Арис Рачевски.

 

View this post on Instagram

 

A post shared by Heidi Klum (@heidiklum)

The post 🎥📷 ФАТЕНИ ВО НЕЗГОДЕН МОМЕНТ… Хајди Клум со сопругот ужива во Венеција appeared first on plusinfo.mk.

Депардје вчера бил на вечера со две жени во градината на барот „Хари“ на улицата Венето во Рим кога 79-годишниот Рино Барилари почнал да ги фотографира.

Колумнист на римскиот дневен весник „Република“, Џани Риота, кој бил присутен кога се случил инцидентот, тврди дека од Барилари постојано барале да престане да фотографира.

Додека познатиот фотограф го напуштал локалот, една од жените кои седеле со француската филмска ѕвезда, Магда Ваврушова, наводно го следела Барилари по улицата викајќи по него, а потоа се вмешал Депардје и почнал да го удира со тупаници.

– Имаше многу крв – изјави Риота за медиумите.

Адвокатката на Магда Ваврушова, Делфин Меје, изјави дека Барилари „насилно ја турнал“ нејзината клиентка пред нападот на Депардје, допирајќи ја со раката по градите.

Според неа, Депардје се обидел да ја одбрани, а потоа „паднал врз фотографот“.

The post ЖЕРАР ДЕПАРДЈЕ ПРЕТЕПА ПАПАРАЦО, ПА ПАДНА ВРЗ НЕГО Фотографот ја зграпчил за градите пријателката на актерот? appeared first on plusinfo.mk.

Седумгодишното момче го кренал средниот прст на папараците, по напуштањето на кошаркарскиот натпревар во Лос Анџелес во петокот.

Ким налутено го искарала и му го прекрила лицето со раката.

„Има денови кога навистина морам да се затворам сама во соба на добри 30 минути“, објаснила Кардашијан. „Да, многу е тешко да се биде мајка“.

The post СИНЕ, НА ПАПАРАЦИТЕ НЕ ИМ СЕ ПОКАЖУВА СРЕДЕН ПРСТ Ким Кардашијан го искарала 7-годишниот Сент appeared first on plusinfo.mk.

Во интервју за The Washington Post, проговори и таксистот кој ги возел. Тој ја опиша ситуцаијата во 10-те минути што ги поминал со Хари, Меган и Дорија во своето возило.

Таксистот Сукчарн Синг рече дека ги собрал војводата и војвотката од Сасекс со „постара црна жена и чувар“ околу 23 часот. Тој изјави дека чуварот му замавнал на неговиот автомобил и тој ги возел до Парк Авенија пред да тргне на југ, по што ги следеле два автомобила.

– Продолжија да нѐ следат и дојдоа до автомобилот. Нѐ сликаа и нѐ снимаа кога застанавме – вели 37-годишниот таксист.

Сукчарн рече дека по неколку минути обезбедувањето го замолило да ги врати патниците , бидејќи бил загрижен дека тие се премногу изложени на фотографите. Таксистот потоа се упатил на север по авенијата Медисон за да ги врати таму каде што ги собрал.

– Јас навистина не би го нарекол тоа потера. Воопшто не се чувствував како да сме во опасност, беше безбедно – рече тој.

Меган и Хари првпат се појавија во јавноста по крунисувањето на кралот Чарлс. Во својот говор, по добивањето на една од наградите, Меган ги охрабри жените да се борат за еднаквост, а по церемонијата седна во автомобил со сопругот и мајката Дорија Рагланд, по што ги бркале папараци за да ги фотографираат.

Таксистот открил дека добил 50 долари бакшиш за 10-минутното возење.

Извор од њујоршката полиција изјавил дека ситуацијата повеќе била хаотична, отколку близу катастрофа.

МЕГАН И ХАРИ ЗА МАЛКУ ЌЕ ЗАГИНЕА, ГИ БРКАА ПАПАРАЦИ Полицијата се огласи за страшниот инцидент

(ВИДЕО) ПРИНЦОТ ХАРИ И МЕГАН МАРКЛ ЗА МАЛКУ ЌЕ ЗАВРШЕА КАКО ПРИНЦЕЗАТА ДИЈАНА Папараците два часа ги бркале низ Њујорк

The post НЕ БИ ГО НАРЕКОЛ ПОТЕРА, БЕШЕ БЕЗБЕДНО Проговори таксистот кој ги возеше Хари и Меган appeared first on plusinfo.mk.

„Оваа немилосрдна потера, која траеше повеќе од два часа, резултираше со повеќекратни блиски средби во кои учествуваа други возачи на патот, пешаци и двајца службеници на полицијата во Њујорк“, додал портпаролот.

Инцидентот се случи откако Меган и Хари присуствуваа на церемонијата на доделување награди во Њујорк во вторникот.

Тоа беше прво појавување на парот во јавноста по враќањето на Хари од Лондон, каде што присуствуваше на крунисувањето на својот татко, кралот Чарлс Трети.

Војвотката од Сасекс во Њујорк ја доби наградата „Жена со визија!“ за охрабрување на жените да се борат за еднаквост.

„Никогаш не е доцна за почеток. Можете да бидете визионери на своите животи… Има толку многу да се направи“, рекла Меган на доделувањето на наградата.

Инцидентот се случи по извештаите дека пред домот на Хари и Меган во понеделникот било уапсено лице кое ги демнело. Претставници на канцеларијата на шерифот во Санта Барбара тогаш соопштија дека добиле повик од обезбедувањето во домот на познатиот пар околу два часот по полноќ.

Да потсетиме, принцезата Дијана и нејзиниот тогашен партнер Доди Ал Фаед на 31 август 1997 година, по вечерата во хотелот „Риц“ во Париз, тргнаа на вечерно излегување во мерцедесот на Дијана. Папараците не ги оставиле на мир, ги следеле во чекор, а автомобилот со голема брзина влетал во тунелот Алма и удрил во ѕидот. Возачот Хенри Пол и Доди починале на лице место, а Дијана четири часа подоцна во болница. Единствениот преживеан е телохранителот на Доди, Тревор Рис Џонс. Доктор Бруно Рион во 4 часот наутро објавил дека принцезата Дијана починала како последица на внатрешно крвавење предизвикано од тешки повреди на градниот кош, белите дробови и главата.

Наводно, несреќата се случила кога бегале од упорните папараци, но оттогаш имаше уште неколку теории, а една од најпопуларните, но и која се смета за теорија на заговор, е дека во случајот била вмешана и британската разузнавачка служба.

Принцот Хари долго време зборува за својот гнев поради влијанието на медиумите врз смртта на неговата мајка принцезата Дијана, која загина во сообраќајна несреќа бегајќи од папараците во Париз, јавува британската агенција Ројтерс.

ФОТО: Инстаграм

The post (ВИДЕО) ПРИНЦОТ ХАРИ И МЕГАН МАРКЛ ЗА МАЛКУ ЌЕ ЗАВРШЕА КАКО ПРИНЦЕЗАТА ДИЈАНА Папараците два часа ги бркале низ Њујорк appeared first on plusinfo.mk.