Полицијата пронашла 85 стебла марихуана при претрес во дом на 47-годишен прилепчанец. Покрај стеблата, биле откриени и повеќе пакувања со марихуана, семки од канабис и две дигитални ваги.

Претресот бил извршен со наредба од Основниот суд во Прилеп. Полицијата го привела И.Ѓ. и го задржала во полициска станица.

По целосното документирање на случајот, против него ќе биде поднесена соодветна пријава, соопшти МВР.

The post 85 СТЕБЛА МАРИХУАНА ПРОНАЈДЕНИ ВО ДОМ ВО ПРИЛЕП Полицијата приведе 47-годишник appeared first on plusinfo.mk.

Педесет и четиригодишен жител на прилепското село Канатларци го загубил животот во тешка несреќа со трактор што се случила во атарот на селото Подмол.

Од Министерството за внатрешни работи информираат дека случајот бил пријавен вчера околу 20 часот во СВР Битола.

При увидот бил пронајден превртен трактор, кој претходно го управувал М.Т. (54) од селото Канатларци.

Лекар од Итната медицинска помош во Прилеп констатирал смрт на местото на несреќата.

По наредба на јавен обвинител, телото на починатиот е предадено на обдукција, додека увид на местото извршила увидна екипа на ОВР Прилеп.

Се утврдуваат околностите под кои дошло до несреќата.

The post ПРОНАЈДЕН ПРЕВРТЕН ТРАКТОР, ВОЗАЧОТ ПОЧИНАЛ Жител на Канатларци трагично го загуби животот appeared first on plusinfo.mk.

Седумдесет и едногодишен прилепчанец е лишен од слобода откако бил пријавен за полово вознемирување и обид за несоодветно допирање на 40-годишна жена во нејзиниот дом во Прилеп.

Како што информираат од Министерството за внатрешни работи, на 7 јули 2026 година околу 19 часот, полициски службеници од ОВР Прилеп го лишиле од слобода Д.В. (71) од Прилеп, постапувајќи по пријава од 40-годишна прилепчанка.

Според пријавата, додека жената се наоѓала во својот дом заедно со нејзината малолетна ќерка, во домот дошол Д.В., по што, според пријавеното, полово ја вознемирувал и се обидел да ја допира по телото.

Од МВР додаваат дека по целосно документирање на случајот ќе следува соодветен поднесок.

The post ПОЛОВО ВОЗНЕМИРУВАЛ ЖЕНА ПРЕД ОЧИТЕ НА НЕЈЗИНАТА МАЛОЛЕТНА ЌЕРКА Прилепчанец (71) лишен од слобода по пријава од 40-годишна мајка appeared first on plusinfo.mk.

14-годишно момче тешко повредено во сообраќајка во Дебреште, откако автомобил управуван од малолетник удрил во бетонски столб.

Несреќата се случила на 23 февруари околу 20:30 часот во селото Дебреште, општина Долнени. Според информациите од полицијата, патничко возило „опел“ со прилепски таблички, кое го управувал 14-годишник од селото, излетало од патот и удрило во бетонски столб.

Во судирот тешко е повреден 14-годишен сопатник од Дебреште, додека возачот и уште еден 16-годишен сопатник се здобиле со полесни телесни повреди.

Повредените биле пренесени во Градската општа болница во Прилеп, каде што им била укажана лекарска помош.

Од полицијата информираат дека увид на местото на несреќата извршила увидна екипа на ОВР Прилеп, а се работи на целосно расчистување на случајот.

The post ДЕТЕ ЗАД ВОЛАН ПРЕДИЗВИКА СТРАШНА НЕСРЕЌА Удрил во бетонски столб, тројца повредени од кои еден потешко appeared first on plusinfo.mk.