Клинт Иствуд на 31 мај наполни 96 години, а и понатаму привлекува внимание со виталноста. Легендарниот актер и режисер со децении се придржува до едноставни навики – внимава на исхраната, редовно вежба, одмора доволно и практикува трансцендентална медитација.

Иствуд отсекогаш посветувал внимание на физичката форма. Според биографот Шон Леви, автор на книгата „Клинт: Човекот и филмовите“, актерот со децении бил посветен на вежбањето и на исхрана со малку маснотии. Наводно, уште од педесеттите години избирал органска храна.

Во една од неговите подолгогодишни рутини посебно место има трансценденталната медитација. Иствуд ја практикува со децении, а во едно интервју открил дека медитира двапати дневно.

Секоја сесија трае околу 20 минути, што значи дека дневно издвојува околу 40 минути за оваа практика. И самиот објаснил дека медитацијата му дава можност да ги собере мислите, а особено доследен бил со неа додека работел.

Интересно е што Иствуд не ја прекинал оваа навика ниту за време на снимањето филмови. Леви во биографијата наведува дека актерот медитирал и додека работел, што е прилично спротивно од неговите познати филмски ликови.

Покрај медитацијата, неговата рутина вклучува и редовна физичка активност. Иствуд со години бил познат по посветеноста на вежбањето, а во поново време се споменуваат и активности како пешачење и голф.

Внимателен е и со исхраната. Во текстовите за неговиот животен стил се наведува дека јаде овошје и зеленчук, зема витамини, не претерува со алкохол и избегнува засладени пијалаци. Тој самиот во минатото зборувал и за важноста на одржувањето на телесната тежина, позитивниот став и доволното количество одмор.

Во текот на кариерата која трае веќе 70 години, снимил повеќе од 60 филмови, а на здравјето и на телесната форма отсекогаш им продавал големо внимание.

На неговиот однос кон здравјето особено влијаела и смртта на неговиот татко, кој ненадејно починал од срцев удар на 63 години. Иствуд поради тоа настојувал да избегнува лоши навики и со текот на годините изградил животен стил во кој големо место имаат физичката активност и грижата за менталното здравје. Во секојдневието вовел низа едноставни правила кои често се нарекуваат „кодексот на Иствуд“.

The post КАКО КЛИНТ ИСТВУД ИМ ПРКОСИ НА ГОДИНИТЕ? Има 96 години, а веќе со децении се држи до овие правила appeared first on plusinfo.mk.

Нa 29 март, в недела наутро, точно во 2 часот, стрелките на часовникот се поместуваат на 3 часот. Во тој миг, имаме еден час помалку за сон од нашиот викенд.

Правилото е едноставно: Додека наесен стрелките одат еден час наназад, напролет стрелките од часовникот ги поместуваме еден час напред. Со други зборови, се движиме кон летото и подолгите денови… Но, за разлика од некои луѓе, повеќето паметни телефони и часовници автоматски ќе се приспособат на новото време.

Совет: Проверете ги уредите што немаат таква опција.

Зошто оваа промена е толку тешка?

Можеби чудно што само еден час предизвикува проблеми за телото, но човековото тело не е „програмирано“ за моментни временски промени. Во средиштето на сѐ тоа е циркадијалниот ритам – телесниот „внатрешен“ биолошки часовник којшто одлучува кога човекот е буден, кога се чувствува поспано, како и за бројни други процеси во телото. И, одеднаш, тој внатрешен часовник се наоѓа вон чекор со времето.

Затоа, првиот понеделник по промената, многумина се будат поуморни од вообичаеното, попоспани, помалку сосредоточени и воопшто – со поинакво расположение.

Зошто воопшто има правило и налог да се поместуваат стрелките на часовникот? Идејата за приспособување на времето е од периодот на Првата светска војна. Германија е меѓу првите што вовела летно сметање на времето, со цел да се заштеди енергија и да се намали потрошувачката на јаглен.

Меѓутоа, многумина познавачи денес веруваат дека менувањето на стрелките носи повеќе непријатности отколку полза, бидејќи во современиот свет, заштедата на енергија не е значајна, според многумина – користа е многу мала, додека луѓето сè повеќе се жалат на нарушувања на спиењето и дневните рутини.

Сепак, практиката сè уште постои во голем број држави во светот, вклучувајќи ја и нашата.

Според експертите, има неколку едноставни трикови што може да му помогнат на телото полесно да се приспособи на новиот ритам. Во таа смисла, првиот совет гласи: Постепено поместете го своето време за спиење наназад.

Тоа значи да не се чека саботната вечер, туку луѓето да се обидат да си легнат 15 – 20 минути порано од вообичаеното уште в петок. Ова ќе му олесни на телото да ја прифати промената.

Искористете ја природната светлина!

Стручњаците, исто така, велат дека дневната светлина веднаш треба да се пушти во спалната соба. Сончевата светлост наутро и преку целиот ден му помага на телото побрзо да се приспособи на новиот ритам.

Следниот совет: Веднаш при будењето, да се испие чаша вода – по можност млака, со лимон. Кафето следи отпосле. Водата му помага на телото побрзо да се разбуди и полесно да го започне денот.

Искористете ја неделата за одмор. Денот кога се поместува времето не е за напорни обврски. Тој неделен ден треба да се помине што е можно помирно, без стрес и без многу обврски.

Добрата страна на промената на времето

Иако се губи еден час за спиење, промената на часовникот има и голема предност – подолгиот ден и поголемото количество светлина во вечерните часови, според познавачите. Имено, по работните часови, ќе има повеќе време за прошетки, дружење, престој надвор в природа и уживање во пролетното време. Сонцето ќе зајде подоцна, па и вечерта ќе биде потопла и попријатна…

Затоа, и покрај почетниот замор, телото ќе ги почувствува и подолгите денови, поголемата Сончева енергија и вистинското чувство дека пролетта е тука.

The post В НЕДЕЛА СТРЕЛКИТЕ НА ЧАСОВНИКОТ ОДАТ ЕДЕН ЧАС НАНАЗАД Кои се лошите, а кои добрите страни на оваа промена? appeared first on plusinfo.mk.

Постојат неколку многу важни причини поврзани со здравиот психофизички развој поради кои е подобро да бидете трпеливи со вашето малечко додека му давате да јаде, наместо да му „помагате“ да јаде користејќи разни други занимации или му давате да јаде пред екран.
Колку пати сте слушнале – оброците не се само за да го нахранат бебето, туку и за да развијат здрав однос со храната.
Бебињата учат за текстурите и вкусовите за време на оброците, учат што значи да се биде гладен и сит, а сето ова може да биде нарушено ако дозволите детето да јаде пред екран или додека го занимавате со нешто друго.
Здравите навики во исхраната вклучуваат и свесно џвакање, голтање и интеракција со околината, а екранот за време на оброците или разноразните играчки со кои му го вртите вниманието од храната, го одзема фокусот од нивниот развој.

Повеќе за ова прочитајте на порталот „Мајка и дете“.

The post ЗОШТО ДЕЦАТА НЕ ТРЕБА ДА ЈАДАТ АВТОМАТСКИ Оброците не се само за да го нахранат бебето, туку и да развијат здрав однос со храната appeared first on plusinfo.mk.

Британскиот крал Чарлс Трети е познат по своите необични навики, па така, на пример, кога ги посетува пријателите за викенд, тој носи „речиси половина од својот мебел“ со себе… Кралот, исто така, носи своја органска храна.

Писателот Том Бауер, во својата книга „Бунтовнички крал: Создавањето на еден монарх“ („Rebel King: The Making of a Monarch“), говори за необичните навики на Чарлс…

„Ден претходно (пред гостинската посета), кралот испраќа камион полн мебел, за да се замени совршено поставениот мебел во гостинските соби. Камионот ја содржел целата спална соба на Чарлс и Камила, вклучувајќи ортопедски кревет, неговата постелнина, мало радио, тоалетната школка на Чарлс, ролни тоалетна хартија „Клинекс премиум комфорт“, виски „Лапројг“ (Laphroaig) и вода во шише“, пишува Бауер.

За себе, Чарлс вели дека повремено јаде храна од растително потекло, за да го намали влијанието врз животната средина.

– Со години избегнував месо и риба два дена во неделата и млечни производи еден ден – рече кралот во една прилика.

Натаму, кралот Чарлс никогаш не јаде какви било варени јајца, туку мора да бидат совршени… Тој инсистира да му се сварат шест јајца, за барем две од нив да бидат совршено сварени по негов вкус. Така, кралската кујна (според неофицијални наводи), користи околу 42 јајца неделно само за да свари совршени јајца за кралот.

Кралската биографка Тина Браун, пак, од друга страна, во својата книга „Записи од палатата“ (Palace papers), наведува дека Чарлс често носел готов мартини на вечера.

„За разлика од кралицата, која јадела она што ѝ е послужено, принцот однапред ги одредувал своите преференции во менито и понекогаш пристигнувал со офицер кој носел готов мартини, однапред подготвен за батлерот да му го налее во чашата“, пишува таа.

Во написот се вели и дека „тој (кралот) не ручал со години, но на инсистирање на кралицата Камила и неговите лекари, вовел оброк од половина авокадо за пладне“.

The post КРАЛОТ ЧАРЛС ЈАДЕ ПО 6 ЈАЈЦА, ТОЈ Е БУНТОВНИК ВО ИСХРАНАТА Неговите чудни навики се опишани во биографија appeared first on plusinfo.mk.

Во современиот свет, каде што брзото темпо е секојдневје, многу млади луѓе често јадат брзо, честопати во движење, пред екран или за време на кратки паузи.

Иако брзината на јадење ретко се смета за здравствен фактор, сè поголем број истражувања сугерираат дека таа може да има значително влијание врз метаболизмот, вклучително и зголемен ризик од развој на инсулинска резистенција – состојба што претставува рана фаза на нарушена регулација на шеќерот во крвта и може да доведе до дијабетес тип 2.

Зошто е важна брзината на јадење?
Додека јадеме, во телото се активираат низа хормонални сигнали кои го информираат мозокот кога сме сити. Сепак, на овој процес му е потребно време (приближно 20 минути) за оптимално да функционира. Брзото јадење често го „измамува“ телото: јадеме повеќе отколку што ни е потребно пред сигналот за ситост да стигне до мозокот.

До што може да доведе тоа прочитајте на порталот „Мајка и дете“.

The post КОЛКУ БРЗО ЈАДЕТЕ? Брзината со која јадеме и ризикот од инсулинска резистенција кај младите луѓе appeared first on plusinfo.mk.

„Ништо не може да те разбуди како чашка ракија наутро“ – со оваа порака австралиските водители ја споделија својата прва средба со македонската ракија, која им ја донесе познатиот српски комичар на Инстаграм Милош Недељков, попознат како „BalkanDad“. За време на гостувањето во утринска емисија, тој им покажа како изгледа традиционален балкански појадок, но главниот момент беше токму дегустацијата на ракијата – купена во Австралија, но од македонски производител.

„BalkanDad“, кој е познат по хумористични видеа во кои го прикажува стереотипниот балкански татко, ги изненади водителите со комбинацијата на јајца, сланина, српски колбас, сирење, домати, кисели краставички и задолжителниот јогурт. Но, кулминацијата беше кога им ја подаде македонската ракија, нарекувајќи ја „слаба“.

Иако тој на шега истакна дека „Балканците пијат ракија на гладно за да убијат бактерии“, реакцијата на водителите беше многу посилна – тие со шок и смеа признаа дека никогаш не пробале нешто со таков интензивен вкус. Нивниот коментар под видеото беше јасен: „Ништо не може да те разбуди како чашка ракија наутро!“

Освен што се обидоа да јадат по балкански терк, водителите беа особено изненадени кога „BalkanDad“ на крајот се напи од водата од теглата со кисели краставички. Оваа „мистериозна“ навика предизвика мешавина од неверување и смеа во студиото, со прашања како „дали навистина се пие ова?“.

За крај, видеото од гостувањето брзо стана вирално на социјалните мрежи, а гледачите, особено оние од Балканот, со задоволство гледаа како дел од нивната култура го освојува далечниот континент.

 

View this post on Instagram

 

A post shared by Miloš Nedeljkov (@balkandad)

Инаку за оние што не знаат Милош Недељков на една година со семејството се преселил во Нов Зеланд, а потоа живеел и во Австралија. Тој се прослави со видеа во кои го доловува животот на типичните балкански татковци. Облечен во долна маица, со чачкалица в уста и високи чорапи над тренерките, тој низ хумор ја слави балканската култура и навики.

Сега повторно е во Австралија, каде што ги истражува локалите со балканска храна и бурекчилници, а со своето појавување на телевизија уште еднаш ја истакна уникатноста на балканскиот начин на живот.

 

View this post on Instagram

 

A post shared by Miloš Nedeljkov (@balkandad)

The post 📽️ „МАКЕДОНСКАТА РАКИЈА ГИ УБИВА БАКТЕРИИТЕ“ Водители во Австралија не можеа да поверуваат што пие „BalkanDad“ наутро appeared first on plusinfo.mk.

Дебелината кај децата зема сè поголем замав, предупредуваат експертите со години наназад. Како резултат на тоа, децата сѐ повеќе имаат здравствени проблеми поврзани со дебелината, како што се висок притисок или дијабетес.

Одговорност на родителите е да ги „заштитат“ децата од дебелината, иако е јасно дека врз тоа влијаат и генетиката и некои други фактори, но многу зависи и од навиките што детето ги стекнува во семејството.

Во продолжение прочитајте кои навики можат да го намалат ризикот од дебелеење на детето, можеби тоа ќе ви помогне да направите барем некои мали промени.

Задолжителен појадок

Појадокот ги намалува шансите за дебелеење, што е докажано со истражување спроведено во 2017 година од американски научници. Повеќе од 50.000 учесници во истражувањето пополнувале прашалници за нивната исхрана во текот на неколку години, а резултатите покажале дека богатиот појадок помага во намалување на индексот на телесна маса.

Прочитајте повеќе на „Мајка и дете“.

The post ПОЈАДОКОТ Е ЗАДОЛЖИТЕЛЕН И НЕ МОРА ДА СЕ ИЗЕДЕ СЀ Навики што го намалуваат ризикот од дебелеење кај децата appeared first on plusinfo.mk.

Многу се зборува за тоа дека освен што треба да се внимава што се јаде, треба да се внимава и како се јаде. Јадете побавно, промислено и без гледање телевизија, што ќе влијае и на слабеењето, велат експертите.
Новата студија објавена во „BMJ Open“ открива дека луѓето кои полека јадат имаат тенденција да имаат помала тежина. А забавувањето на внесот на храна со текот на годините се чини дека им помогнало да ослабат.
Ако јадете брзо, не само што го отежнувате варењето, туку и наталожувате килограми. Истражувањата покажаа дека луѓето кои само брзо ја голтаат храна се прејадуваат почесто од оние кои јадат побавно. Треба да се има предвид дека варењето започнува во устата и дека храната треба добро да се џвака пред да се проголта.

Повеќе за ова прочитајте на „Арт кујна“.

The post ДАЛИ ЈАДЕТЕ БРЗО ИЛИ БАВНО? Брзото јадење го запира ослободувањето на хормони кои му кажуваат на мозокот кога е стомакот полн appeared first on plusinfo.mk.

Како причина се споменува раѓањето на подоцнежна возраст кај жените што предизвикува рана појава на рак на дојката, но исто така, многу ниското ниво на физичка активност кај младите луѓе, употребата на алкохол и тутун, употребата на орални контрацептиви, нулипаритетот.

Истрагата продолжува. Дали можеби во последните 30 години, поточно за периодот меѓу 1990 и 2019 година за кој е правена студијата, младите луѓе почесто се тестирале за рак? Па, иако „расте распространетоста на западниот начин на живот“ и подобриот скрининг за рак одиграле улога во зголемената бројка на случаи, тимот вели дека факторите кои го поттикнуваат ова зголемување сè уште не се докрај јасни.

Она што тимот го открил е дека ракот на дојката е тип на рак со ран почеток со највисок морбидитет, со значително зголемување во регионите на Азија, зголемувајќи се од 4,9 на 13,1 на 100.000 луѓе во 1990 година на 8,7-15,6 на 100 илјади луѓе во 2019 година.

Случаите со рак од рана пак се зголемиле за 27,7 отсто.

Значи, колку треба да бидеме загрижени? Иако зголемувањето на ракот може да звучи алармантно, постојат бројни фактори во игра.

Научниците велат дека треба да се земе предвид и зголемениот број на луѓе на планетата, односно демографските промени. Според професорката Дороти Бенет од Универзитетот Сент Џорџ во Лондон, тогаш заклучокот е речиси спротивен.

– Зголемувањето на бројот на смртни случаи од рак во оваа возрасна група беше значително помало отколку кај дијагнозите, што е подолу од зголемувањето на вкупното население и бројот на случаи, што укажува на пад на просечната стапка на смртност од рак во оваа група – вели таа.

Сепак, тимот истакна дека факторите на животниот стил се двигател на ракот кај луѓето под 50 години, што сугерира област на која треба да се фокусира за подобрена превенција.

„Ризичните фактори во исхраната, употребата на алкохол и консумацијата на тутун беа главните фактори на ризик за врвни рани карциноми во 2019 година“, напиша тимот во својот заклучок.

„Поттикнувањето на здрав начин на живот, вклучувајќи здрава исхрана, ограничување на консумацијата на тутун и алкохол и соодветна активност на отворено, може да го намали товарот на ракот со ран почеток. Вреди да се истражи дали треба да се преземат програми за ран скрининг и превенција за ран почеток на ракот да се прошири за да вклучи лица на возраст од 40-44 и 45-49 години, но дополнителни систематски студии и рандомизирани испитувања се неопходни за да се направи конечна определба“, се вели во студијата.

Сепак, раководителката на истражувањето, д-р Ксуе Ли од Центарот за глобално здравје на Институтот „Ашер“ при Универзитетот во Единбург во Шкотска, смета дека ракот во рана возраст покажува „нагорна линија“ за последните 30 години, но дека „вкупната стапка на инциденца е стабилна“ од 2010 до 2019 година.

Таа препорачува урамнотежена исхрана, непушење, многу вежбање и безбедно, умерено изложување на сонце.

The post ЗАТОА ЛИ СЕ ЗГОЛЕМИ БРОЈОТ НА ЗАБОЛЕНИ ОД РАК ЗА 79,1 ОТСТО? Одговорот на научниците нема да им се допадне на младите appeared first on plusinfo.mk.

Има одредени детски навики кои родителите не ги сакаат, но всушност можат да бидат корисни.

Како што објави The Washington Post, истражувачите од Нов Зеланд откриле дека децата кои ги цицаат палците или гризат нокти имаат помала веројатност да развијат алергии подоцна во животот.

Повеќе за ова прочитајте на порталот „Мајка и дете“.

The post ДАЛИ ВАШЕТО ДЕТЕ ГРИЗЕ НОКТИ ИЛИ ЦИЦА ПАЛЕЦ? Двете навики критикувани од сите можат да го намалат ризикот од алергии appeared first on plusinfo.mk.