Куќата поврзана со озлогласениот колумбиски наркобос Пабло Ескобар почна да се урива во Меделин, откако со години била напуштена и станала проблем за безбедноста во населбата. Според градските власти, објектот се користел за консумирање дрога, сексуални средби и наводни сатанистички ритуали.

Имотот се наоѓа во Ел Дијаманте, во елитната населба Ел Побладо, на парцела од околу 1.850 квадратни метри. Во 1979 година го купила сопругата на Ескобар, Викторија Еухенија Енао, во периодот кога тој го градел своето криминално царство. Неговото богатство се проценувало на околу 30 милијарди долари, а неговиот картел во еден период снабдувал голем дел од светскиот пазар со кокаин.

Градските власти порачале дека Меделин не сака да продолжи да ги велича криминалците ниту да го промовира нарко-туризмот. Според нив, уривањето е дел од напорите да се отстранат местата што ја претвораат криминалната историја во туристичка атракција и им создаваат проблеми на жителите.

Имотот бил предмет на правни постапки со години. Во 2004 година бил блокиран, во 2018 година бил предаден на државниот фонд за одземен имот стекнат со криминал, а во 2020 година судот донел конечна одлука за негово одземање. Пред почетокот на уривањето, надлежните служби ја провериле состојбата на објектот и дале одобрение за рушење.

¡En Medellín no glorificamos delincuentes ni hacemos apología del narcotráfico!

Iniciamos la demolición de una casa vinculada a Pablo Escobar, en El Poblado, que durante años fue utilizada para el consumo de drogas, presuntos rituales satánicos y narcoturismo.

Recuperamos espacios para la tranquilidad de la gente. En Medellín no hay cabida para nada que haga apología del delito.

— Fico Gutiérrez (@FicoGutierrez) October 13, 2026

Пабло Ескобар, еден од најозлогласените наркобосови во светот, беше убиен во Меделин во декември 1993 година, во операција на колумбиските безбедносни сили, со поддршка од САД.

The post ЕДНА ОД НАЈПОЗНАТИТЕ ВИЛИ ВО СВЕТОТ СТАНА СОБИРАЛИШТЕ ЗА ДРОГА И СЕКС Се урива злогласното здание на Пабло Ескобар appeared first on plusinfo.mk.

Осомничениот нарко-бос, кој беше уапсен во Црна Гора вчера, во голема операција на Европол, во која беа уапесени најмалку 14 лица, а беа запленети околу 4,5 тони наркотици во 12 поединечни операции, е црногорскиот бизнисмен Светислав Филиповиќ (47). Филиповиќ е сопственик и управител на компанијата Спектакулар, која официјално тргува со банани и јаткасти плодови и има повеќемилионски промет, објавија црногоски медиуми.

Според податоците од платформата за анализа на глобалната трговија „Волца“, компанијата примила дури 139 пратки од Еквадор, Колумбија и Украина од вкупно 16 добавувачи.

Директорот на Полициската управа Лазар Шќепановиќ вчера објави дека Филиповиќ е осомничен за продажба на дрога и оружје. Покрај него, кој е осомничен дека бил на чело на балканскиот нарко-картел, се уапсени уште седум лица.

Според Мрежата за истрага на организиран криминал и корупција – Лупа, Филиповиќ е ко-сопственик со 51 процент удел во компанијата Спектакулар д.о.о., основана пред повеќе од 20 години во Подгорица и регистрирана за неспецијализирана трговија на големо. Компанијата имала отворени дури 25 девизни и тековни сметки во неколку црногорски банки. Сите споменати сметки денес се блокирани на вкупен износ од 4.980.815 евра.

Филиповиќ беше уапсен како дел од меѓународната полициска операција со кодно име „Спектакулар“, насочена кон борба против шверцот со дрога и оружје. Операцијата беше спроведена во Црна Гора и Германија со поддршка на Европол.

Според директорот Шќепановиќ, резултатот од операцијата беше запленување на околу 4,5 тони наркотици во 12 поединечни операции.

– Од ова, 2,7 тони кокаин во Боливија, каде што десет лица беа уапсени во операција на крајот од 2024 година, а 1,8 тони разни дроги во Европа – во Белгија, Германија и Црна Гора. Тука се работи за приближно 1,55 тони канабис, 120 килограми хашиш и околу 120 килограми кокаин – рече Шќепановиќ.

Според податоците од Полициската управа, вкупно се приведени 14 осомничени. Седум од нив се уапсени во Црна Гора, а четири лица во Германија. Шќепановиќ објасни дека истрагата имала за цел да разоткрие транснационална криминална мрежа која дејствувала на неколку континенти и била вклучена во шверц на кокаин, канабис и хашиш, како и во трговија со оружје.

ВО СПЕКТАКУЛАРНА АКЦИЈА ЕВРОПОЛ РАЗБИ БАЛКАНСКИ НАРКО-КАРТЕЛ Упасени 12 лица, меѓу кои и водачот во Црна Гора

The post ТРГУВАЛ СО БАНАНИ И ЈАТКАСТИ ПЛОДОВИ, НО „РАСТУРИЛ“ СО КОКАИН, ХАШИШ, КАНАБИС… Црногорецот Светислав Филиповиќ е нарко-босот уапсен во спектакуларната акција на Европол appeared first on plusinfo.mk.

Европол денеска објави дека се уапсени 12 осомничени членови на балкански криминален картел, вклучувајќи го и водачот на картелот кој е уапсен во Црна Гора.

Како што е наведено во соопштението, агенцијата на Европската Унија која ја координира борбата против сериозниот и организиран криминал меѓу земјите-членки, ги поддржа црногорските и германските безбедносни власти во обемна операција насочена кон важна ќелија на балканскиот картел.

„Оваа акција резултираше со апсење на дванаесет осомничени (четворица во Германија), вклучувајќи едно лице со висока вредност, кое беше уапсено во Црна Гора“, соопшти Европол во соопштение.

Европол додаде дека истрагата, која беше поддржана од властите на Австрија и Шпанија, беше насочена кон криминална мрежа вклучена во меѓународна трговија со дрога во голем обем.

Се верува дека осомничените, кои живеат во Црна Гора и Германија, имале различни улоги во рамките на криминалната организација, од финансиери до координатори и логистичари.

Се потсетува дека судските власти во Црна Гора поднесоа обвиненија против неколку осомничени за нивна вмешаност во шверц на 2,7 тони кокаин и 1,5 тони канабис во периодот од октомври 2024 до април 2026 година.

Дрогата беше запленета во 12 различни претходни операции низ повеќе земји од ЕУ и Јужна Америка, а се верува дека мрежата користела поморски и воздушен шверц, користејќи контејнери за превоз и други тајни методи за транспорт на нелегални супстанции.

Исто така, се сомнева дека криминалната мрежа шверцувала канабис во ЕУ од и преку земји како што се Албанија, Тајланд и САД.

Фото: Европол (www.europol.europa.eu)

The post 🎥📷 ВО СПЕКТАКУЛАРНА АКЦИЈА ЕВРОПОЛ РАЗБИ БАЛКАНСКИ НАРКО-КАРТЕЛ Упасени 12 лица, меѓу кои и водачот во Црна Гора appeared first on plusinfo.mk.

Во мексиканскиот град Гвадалахара, на Меѓународниот аеродром, вечерва (недела) избувна хаос и паника меѓу патниците откако информации за пукање и вооружени инциденти почнаа да циркулираат на социјалните мрежи. Луѓето бегаа кон излезите и се криеја додека се ширеа видеа од активни престрелки и нереди на и околу терминалот, поради што аеродромските операции беа силно нарушени.

Ова насилство дојде како директна реакција на информацијата дека мексиканските безбедносни сили го убиле водачот на мексиканскиот наркокартел „Нова генерација од Халиско“ (CJNG), Немесио „Ел Менчо“ (Оseguera Cervantes) во голема воена операција во државата Халиско.

Според официјални извори, Ел Менчо, познат како еден од најбараните и најмоќни нарко-босови во светот, беше фатен и убиен во планините на Халиско откако мексиканските сили го опколиле неговото прибежиште. Овој успех беше резултат на долгорочна операција водена од мексиканската армија заедно со федерални единици.

По објавувањето на оваа вест, од повеќе делови на државата – вклучително Халиско, Мичоакан, Најарит, Гереро и други региони – пристигнуваат извештаи за вандализам, запалени возила, блокирани патишта и вооружени групи што поставуваат барикади во знак на отпор кон владините сили.

Во Гвадалахара, покрај хаосот на аеродромот, локалните власти забележаа и напади на други јавни простори, поради што полицијата беше мобилизирана за да ги заштити цивилите и да ја стави под контрола безбедносната ситуација.

Реакцијата на наводното убиство на „Ел Менчо“ ги натера и меѓународните тела да издадат предупредувања – Амбасадата на САД во Мексико објави безбедносна тревога, повикувајќи ги американските државјани да останат во засолниште и да избегнуваат движење на отворено поради блокади и постојани активности на организирани групи.

Оваа акција претставува еден од најзначајните удари во долгогодишната борба против организираниот криминал во Мексико. Немесио Осигера Сервантес, или „Ел Менчо“, беше основач и врвен шеф на Картел „Нова генерација од Халиско“ (Cartel Jalisco Nueva Generación – CJNG), картел што низ годините се прошири во најсилна криминална организација со меѓународни мрежи за трговија со дрога и насилни тактики.

Под негово водство, CJNG стана една од најактивните и најнасилни криминални групи во Мексико, често вклучена во судири со државни сили, други картели и операции што предизвикуваат големи нарушувања на јавниот ред и безбедноста.

Chaos erupts at Guadalajara International Airport in Jalisco, Mexico, as the CJNG Cartel launches attacks outside and potentially inside the airport, as retaliation for today’s successful elimination of CJNG leader El Mencho. pic.twitter.com/fspjMASWV1

— OSINTdefender (@sentdefender) February 22, 2026

Smoke rises from CJNG Cartel attacks and checkpoints across Puerto Vallarta in the Mexican state of Jalisco, following the elimination today of CJNG leader Nemesio Oseguera Cervantes, known more commonly as El Mencho. pic.twitter.com/F4BnaCqh6t

— OSINTdefender (@sentdefender) February 22, 2026

The post 🎥 ТОТАЛЕН ХАОС НА АЕРОДРОМОТ ВО ГВАДАЛАХАРА, МЕКСИКО Насилства по убиството на нарко-босот „Ел Менчо“ appeared first on plusinfo.mk.

Американскиот претседател Доналд Трамп најави дека е подготвен да разговара со венецуелскиот претседател Николас Мадуро, но не ја исклучи можноста за испраќање американски трупи во Венецуела.

– Во одреден период ќе разговарам со него – изјави Трамп во Овалната соба.

На прашањето дали би ја исклучил воената опција, тој децидно рече дека „не исклучува ништо“. Потоа додаде дека мора „да се погрижат за Венецуела“, обвинувајќи ја владата во Каракас дека испраќа „стотици илјади луѓе од затвор во САД“.

Неколку часа подоцна, венецуелскиот лидер одговори во својата неделна телевизиска емисија дека е подготвен за „директен разговор, лице в лице“.

– Оваа земја ќе продолжи да живее во мир. Во САД, секој кој сака да разговара со Венецуела ќе разговара директно, без никакви проблеми – истакна Мадуро.

Администрацијата на Трамп веќе неколку месеци го засилува военото присуство во Карибите со образложение дека се бори против трговијата со дрога, поврзувајќи ја со латиноамерикански земји, меѓу кои и Венецуела.

Од септември, американските сили извршиле воздушни напади врз бродови кои наводно превезувале дрога, при што биле убиени најмалку 83 лица, објави АФП. Но, Вашингтон досега не презентирал докази дека жртвите биле трговци со дрога.

САД дополнително го обвинија Мадуро дека раководи со „терористички нарко картел“, што венецуелскиот претседател го негира. Од друга страна, Мадуро постојано тврди дека зголемувањето на американската војска во Карибите има за цел да го собори од власт.

Додека САД ја започнаа воената вежба „Јужно Копје“ на Карибите, на другата страна на готовс се 200.000 венецуелски војници.

The post ТРАМП СПРЕМЕН ЗА РАЗГОВОР, МАДУРО ОДГОВОРИ Карипското Море уште мириса на војна appeared first on plusinfo.mk.

Шокантно тројно убиство ја потресе јавноста во регионот, откако во Боливија беа пронајдени телата на еден македонски и двајца српски државјани, спакувани во црни пластични ќеси. Според неофицијалните информации што ги пренесува белградска „Политика“, сите тројца биле брутално мачени пред да бидат ликвидирани.

Телата се испратени на обдукција со цел да се утврдат точните причини за смртта, а официјална идентификација сè уште нема. Сепак, медиумите јавуваат дека убиениот Македонец е Дејанчо Л., додека еден од Србите е Миљан Ќ., познат под прекарот Итри, од Ниш – наводен предводник на меѓународна организирана криминална група која транспортирала големи количини кокаин од Јужна Америка во Западна Европа.

Како што наведуваат извори, Миљан Ќ. бил ликвидиран пред два дена, најверојатно на територијата на Боливија. И третиот убиен, исто така од Ниш, се движел низ Јужна Америка со лажни идентификациски документи.

Истражните органи во Боливија, со поддршка на меѓународните полициски служби, работат на расветлување на случајот, кој според првичните информации е поврзан со меѓународни нарко-картели и криминални пресметки.

Три лица беа уапсени за истражни цели по откривањето на три тела во зграда лоцирана на третиот кружен пат на авенијата Алемана, северно од градот Санта Круз де ла Сиера.

– По дознавањето за случајот, обвинителот задолжен за истрагата пристигна на местото на настанот за да ги спроведе почетните истражни чекори. Во моментов, имаме прелиминарен полициски извештај, записник и пребарување на местото на настанот, законско отстранување на телата, меѓу другите елементи што се анализираат за да се разјасни ова тројно убиство. За овој инцидент, три лица беа уапсени за истражни цели – извести обвинителот на одделот Санта Круз, Алберто Зебалос.

Инцидентот се случил рано наутро во среда и мобилизирал персонал од Обвинителството и боливиската полиција, кои го истражуваат злосторството како убиство.

Според извештајот доставен од назначениот обвинител, Херлан Родригез, откривањето се случило околу 1 часот наутро на 13 август, откако полицијата добила итен извештај.

– По пристигнувањето на имотот, беа пронајдени тела на неидентификувани мажи. Двајца од нив имаа повеќекратни удари, очигледно предизвикани од тап предмет, а еден имаше прострелна рана во главата – објасни Родригез.

Телата беа однесени во мртовечницата Пампа де ла Исла, каде што ќе се изврши форензичка обдукција за да се утврдат точните причини за смртта.

Од своја страна, директорот на одделот на Специјалните сили за борба против криминалот (Фелц), Хуан Густаво Астиља, потврди дека жртвите биле убиени насилно, според првичните форензички прегледи.

– Според надворешниот преглед спроведен од нашите специјалисти во областа, утврдено е дека станува збор за лица кои ги загубиле животите насилно – рече тој на прес-конференција.

Астиља изјави дека истражната работа продолжила во текот на ноќта и дека персоналот продолжува да собира докази и да врши форензичка анализа на местото на настанот.

Шефот на полицијата претходно објави дека четири лица се заробени и се уапсени и притворени, како дел од истрагите што имаат за цел да разјаснат степенот на вмешаност на секој од нив.

– Моментално имаме четири лица кои се помеѓу апсење и притвор, и, во зависност од нивната наводна вмешаност, обвинителот очигледно ќе ја одреди нивната иднина – рече Астиља.

The post 📽️ (ОБНОВЕНО) МАКЕДОНЕЦ И ДВАЈЦА СРБИ УБИЕНИ ВО БОЛИВИЈА Телата биле спакувани во црни ќеси по бруталното мачење и егзекуцијата appeared first on plusinfo.mk.

Тој е осомничен за увоз на кокаин од Јужна Америка во Европа и имал важна улога во перењето пари добиени со криминал, пишува турскиот портал yahizaber.com.

По него трагаа бројни европски земји, а по него и Бразил распиша потерница од Интерпол. Уапсен е во луксузен стан, каде веќе била украсена новогодишната елка.

„Решени сме да ја ослободиме Турција од националните и меѓународните организирани криминални групи и трговците со дрога и со ваша поддршка ќе успееме“, објави турскиот министер за внатрешни работи Али Јерликаја на социјалните мрежи.

Турската полиција претходно го уапси Ненад Петрак, уште еден хрватски државјанин за кој се верува дека е меѓу водачите на меѓународниот нарко картел кој ја пренесува дрогата од Јужна Америка во Европа.

İstanbul’da düzenlenen “KARTEL-3” Operasyonuyla, İnterpol tarafından
Mavi Bültenle aranan Uluslararası Uyuşturucu Kartelinin “Batı Balkan Kanadı” yöneticilerinden Christijan PALIČ Beşiktaş’ta yakalandı

Aziz Milletimiz bilmesini isterim ki; Türkiye’mizi ulusal ve… pic.twitter.com/nZnbuIKxYA

— Ali Yerlikaya (@AliYerlikaya) November 19, 2023

The post ХРВАТСКИОТ ЕСКОБАР, ПО КОГО ТРАГА ЦЕЛ СВЕТ, ПАДНА ВО ИСТАНБУЛ Христијан Палиќ увезувал големи количини кокаин од Јужна Америка во Европа appeared first on plusinfo.mk.

Лидерот на нарко картелот „Компанио Бело“ се барал од властите на Албанија и Италија, а бил и на црвена потерница на Интерпол за убиство, трговија со дрога, киднапирање, изнуда, незаконско лишување од слобода, фалсификување патни исправи и нелегална трговија на оружје и муниција, пренесува Анадолија.

Според информациите од извори блиски до безбедносните сили, Реџепи влегол во Турција преку аеродромот во Истанбул, користејќи колумбиски пасош на име Бенџамин Омар Перез Гарсија.

Водачот на картелот е пронајден преку соработка на полициите на Италија и Турција во доменот на размена на разузнавачки информации.

„Компанио Бело“ е позната како криминална група од големи размери која се занимава со шверц на дрога од Јужна Америка во Европа.

The post БИЛ НА ЦРВЕНА ПОТЕРНИЦА НА ИНТЕРПОЛ Во Истанбул е уапсен албански водач на нарко-картелот „Компанио Бело“ appeared first on plusinfo.mk.

Спомнатиот Тито, кој со години бил мистерија за европската полиција, бил уапсен и врзан со лисици во Дубаи, каде го поминувал поголемиот дел од своето време, јавија холандските медиуми.

Тито е Холанѓанецот, ама по потекло е од Босна и Херцеговина. Американската истражна служба ДЕА го смета Един Гачанин за еден од педесетте најголеми шверцери на дрога во светот. Во акцијата се откриени контролни центри и друга логистичка инфраструктура за транспорт на дрога низ цела Европа.

Во Албанија, како што информираше во петокот Полициската управа на Црна Гора, запленети се 430 килограми кокаин, кој со брод бил прошверцуван од Колумбија преку пристаништето Бар. Тоа било епилогот од меѓународната полициска акција „Пристаниште“, која, според пишувањата на медиумите, исто така ја водела американската агенција ДЕА, специјализирана за борба против нарко-мафијата.

Само еден ден подоцна, во саботата, во Белгија биле запленети 115 килограми кокаин, што довело до апсење на осум осомничени од Србија и од Босна и Херцеговина. Тие се обвинети дека доставувале дрога од Јужна Америка во Ротердам. Кокаинот запленет во Албанија и во Белгија најверојатно бил наменет за илегалниот наркопазар во Европската унија.

Овие заплени сведочат за сѐ поголемата сила на балканските банди, кои имаат огромна финансиска моќ и влијание. Според анализите во некои европски медиуми, ДЕА, Европол и европските полиции сѐ повеќе станувааt свесни дека старите балкански наркокланови остануваат во легендите и kako инспирација за телевизиските серии, а на теренот caruvaat „некои нови клинци“.

Фактот што сѐ поголем број граѓани од Балканот живеат во земјите на ЕУ покажува зошто некои нови Балканци, меѓу кои има и Македонци, се регрутирани да работат за подземјето. Новите кланови се присутни во Белгија и во Холандија, земји каде што се наоѓаат големите пристаништа Антверпен и Ротердам, традиционални порти за шверцувани наркотици наменети за европскиот нарко-пазар. Но, најновите заплени покажаа дека и приказните за традиционалните рути им припаѓаат на минатото.

Она што новите криминалните групи од Западен Балкан ги поврзува со традицијата, освен некои персонални контакти на новите босови со некои од старите „прекалени борци“ од балканските кланови, е фактот дека се насилни. Па така, како порано така и сега, борбата за превласт на наркопазарот често се решава со брутални убиства.

The post БАЛКАНСКАТА СТАНУВА ВОДЕЧКА НАРКОМАФИЈА ВО ЕВРОПА, ШЕФ Е – ТИТО! А на теренот царуваат некои нови клинци… appeared first on plusinfo.mk.

Според поранешниот шеф на Пентагон, Трамп сакал да знае дали е можно да се погодат лаборатории за дрога во Мексико и на тој начин да се уништат картелите.

– Тие немаат контрола над својата земја. Можеме да лансираме неколку ракети „Патриот“ и тивко да ги уништиме лабораториите… никој нема да знае дека тоа сме ние – се сеќава Еспер на зборовите на поранешниот американски претседател.

Во ноември 2020 година, по општите избори, Трамп го принуди Еспер да поднесе оставка. Тој претходно го критикуваше, вклучително и за забраната за истакнување знамиња и транспаренти на Конфедерацијата во воени објекти.

The post ДА ЛАНСИРАМЕ НЕКОЛКУ РАКЕТИ, НИКОЈ НЕМА ДА ЗНАЕ Трамп сакал да ги уништи нарко-картелите во Мексико со гранатирање appeared first on plusinfo.mk.