Американските сили уништија голем дел од иранската морнарица, но клучните капацитети што го контролираат Ормускиот теснец остануваат оперативни. И покрај сериозните загуби, Техеран и понатаму има моќ да го ограничи поморскиот сообраќај и да влијае врз глобалните енергетски текови.

Иран користи две различни поморски структури. Редовната морнарица претрпе најголеми загуби. Паравоениот корпус, пак, задржа значителен дел од својата флота. Брзите чамци и глисери остануваат активни.

– Тие сè уште се закана – изјави аналитичарот Фарзин Надими.

Според проценките, повеќе од 60 проценти од оваа флота остануваат недопрени.

Само 4 бродови поминале низ Теснецот

По примирјето, преминот низ теснецот е драстично ограничен. На првиот ден поминале само неколку бродови.

Иран постави нови услови. Бродовите мора да добијат дозвола за транзит.

Дополнително, издадено е предупредување за можни мини во каналот. Тоа ја зголемува неизвесноста.

Каналот ИранЊуз 24 на Икс споделува видео на кое се гледа затишје и мирни води по неуспешните преговори. Снимката брзо се шири иако не е официјално потврдена. Според агенцијата „Меhr“ Теснецот во моментот изгледа празен и напуштен.

This is what Strait of Hormuz looks like now after failed Islamabad negotiations.. pic.twitter.com/UK8L5oMw5v

— Iran News 24 (@IRanMediaco) April 12, 2026

„Асиметрична стратегија“

И покрај загубите на големи бродови, Иран се потпира на мобилни и тешко забележливи единици. Оваа стратегија дава резултати.

– Нивната асиметрична стратегија дава резултати – изјави Дејвид Де Рош.

САД потопиле повеќе од 155 ирански бродови. Најголем дел од штетата е нанесена на класичната морнарица.

O Comando Central dos EUA divulgou imagens do ataque de hoje contra a corveta IRIS Shahid Sayyad Shirazi, da Guarda Revolucionária Islâmica do Irã, na costa de Bandar Abbas, no Estreito de Ormuz.

O CENTCOM afirma que mais de 20 navios da IRGCN e da Marinha iraniana foram… https://t.co/KnEZblN9du pic.twitter.com/lZ8q0wM6il

— Gabriel Ferrigno | Geopolitics (@bielferrigno) March 4, 2026

„Последните 10 проценти“

Иран изгубил поголем дел од своите поморски капацитети. Но преостанатите сили се најтешки за неутрализација.

– Последните 10 проценти се најтешкиот дел – изјави вицеадмиралот Роберт Харвард.

Малите бродови, беспилотните летала и можните мини остануваат сериозна закана.

The post 📽️ ПАРАВОЕНАТА МОРНАРИЦА НА ИРАН УШТЕ ГО „ДРЖИ“ ТЕСНЕЦОТ Американците потопија една структура, другата остана appeared first on plusinfo.mk.