Претседателот на ВМРО-ДПМНЕ Христијан Мицкоски вчера од собир во селото Волино, Општина Дебарца, порача дека овие локални избори неговата партија ќе ја заврши со „фантастична бројка од обезбедени 60 градоначалнички мандати“.

На оваа бројка, рече тој, ќе ја додадеме и бројката на победи за советите во 59 општини, освоени на 19 октомври.

– Тоа е резултат што не обврзува, но и нѐ мотивира да работиме уште попосветено и посилно, иако како Влада изминатите 16 месеци навистина премногу интензивно се вложивме за да докажеме дека може поинаку. Ние чуда ниту ветуваме ниту чуда се возможни, туку веруваме дека скромно и посветено, чесно успеавме да обезбедиме историска победа на овие локални избори – рече Мицкоски.

Тој истакна дека кандидатот на ВМРО-ДПМНЕ и коалицијата, Златко Сиљаноски, како иден градоначалник на Дебрца, ќе ја има целосната поддршка на централната власт, а сè во насока на подобрување на животот на граѓаните на општината.

Според него, овие избори јасно покажале која е политичката опција што граѓаните ја поддржуваат.

– Кога на резултатот на коалицијата предводена од ВМРО-ДПМНЕ ќе се додадат и резултатите на останатите владини коалициски партнери, во кои огромна заслуга има ВМРО-ДПМНЕ, тогаш доаѓаме до бројка од фантастични над 70 градоначалници, нешто што досега не го памети независна Македонија – рече лидерот на ВМРО-ДПМНЕ.

Мицкоски ги повика и граѓаните кои гласале за СДСМ во првиот круг, во вториот в недела да излезат и да го дадат својот глас за Златко Сиљаноски и на тој начин да го делигитимираат актуелното раководство на социјалдемократите.

Кандидатот за градоначалник Златко Сиљаноски во обраќањето пред гласачите рече дека нуди реална, проверена програма што во целост ќе биде исполнета, во интерес на секој граѓанин на Дебарца и за секое населено место во општината.

– Наша цел е да го подобриме животниот стандард на сите граѓани без какви било поделби. Тоа е нашето мото на кое ќе бидеме целосно посветени. Заедно со советничката листа, со помошта на централната власт остануваме посветени да ја направиме општина Дебарца прекрасно место за живеење на сите граѓани – рече тој.

The post МИЦКОСКИ ОЧЕКУВА 60 ГРАДОНАЧАЛНИЧКИ МАНДАТИ ЗА ВМРО-ДПМНЕ Заедно со коалициските партнери ќе победиме во вкупно 70 општини appeared first on plusinfo.mk.

Лидерите од Коалицијата Вреди денеска спроти собраниската седница за избор на новата влада, на трибина ја претствија Платформата на патриотизмот како знаење, професионализам и одговорност според која ќе се водат нивните министри, заменици министри и раководители на институции во наредниот четиригодишен период како дел од новата влада.

– Заврши времето на демагогија, денеска се бараат образовани, искусни и храбри луѓе да бидат носители на сложени реформски птроцеси  за да ја направиме нашата земја нормална, економски развиена и подготвена за интегрирање за интегрирање во ЕУ. Ќе се фокусираме на работата, почитување на институциите, олдговорност за преземената задача, исполнување на обврските навмремено и успешно. Тоа може да го направи само новата генерација која е ослободена од товарот на старото, од хипотеките на минатото, од фолклорот полн со зборови и малку труд. Ова сме ние генерација на политичари кои еднаквоста ја имаат во генетскиот код, а не во политичките говори, кои ќе постигнат еднаквост со дела, а не со зборови – рече лидерот на  Демократското движење Изет Меџити, кој во новата влада ќе биде прв вицепремиер и министер за животна средина и просторно планирање.

Тој подвлече дека Вреди е победник на парламентарните избори и е новиот политички фактор кој ги претставува Албанците со легитимитет, достоинство и одговорност, новата политичка структура која ќе биде носител на успешна институционална транзиција. Во однос на Законот за реформа на органите на државата управа кој беше донесен со двотретинско мнозинство од новиот парламентарен состав, нагласи дека претстои голема реформа и трансформација на министерствата, но дека содржината, односно основните концепти ќе остатнат исти, а правата на Албанците ќе продолжат да се гарантираат и штитат согласно Уставот и Рамковниот договор. При тоа Меџити најави дека балансерот како механизам за обезбедување правична застапеност ќе биде заменет со закон.

– Балансерот првично даде добри резултати, но во последните години има случаи каде многу често Македонци се запишуваат како Албанци, Албанци како Турци, не беше во функција на правичната засртапеност на заедниците што не се мнозинство во државата или на локално ниво. Тоа важеше и за Македонците, така да тука се согласуваме дека како механизам не е доволен и треба да се регулира законски, воедно ќе се внимава и на квалитетот што ќе оди во прилог на сите заедници. Тоа ќе биде дополнителна вредност за администрацијата – изјави за медиумите Меџити.

Претседателот на Беса, Билал Касами во обраќањето особено се осврна на, како што рече, блокадата на развојот на општините кои беа водени од градоначалници кои не беа дел од власта.

– Блокирањето на општините од страна на ДУИ и СДСМ заврши. Благодарение на минатиот режим Македонија е позната како најцентрализирана држава во Европа. Но Влен како дел од новата влада ќе ги спроведе точките од својата програма, меѓу кои и целосна локална децентрализација, што значи повеќе моќ за нашите општини, повеќе развој и повеќе еднаквост за нашите граѓани земејќи моделите на развиените држави како Германија и Белгија. И во програмата на Влен и на владата за која наскоро ќе се гласа во Собранието од државниот буџет само за 2024 година ќе бидат доделени над 100 милиони евра за општините за да имаме побрз општински развој и итно реализирање на најопходните проекти за граѓаните – рече Касами.

Арбен Таравари од Алијанса за Албанците ги потенцира четирите слолба на идното владеење на новата владина коалиција – забрзување на европскиот пат на земјата, бескопмпромисна борба против криминалот и корупцијата, за која вели порано многу се зборуваше а малку се работеше, економскиот развој на државата и подигнување на животниот стандард на граѓаните и рамноправен регионален развој и зајакнување на општините како основна единица на демократијата, односно децентрализација.

– Оваа влада е гарант за европскиот пат, се надевам дека што побргу ќе се случат уставните промени. Но за да се случат секогаш треба и македонскиот партнер во владата да има добра волја. Доброто е што веќе имаме 80 гласови, само треба уште една дефинитивна синхронизација меѓу Скопје и Софија, за која што верувам ќе се случи набргу – рече меѓу другото Таравари.

Како министер за здравство меѓу останато, посочи дека ќе се заложи итно да се реши проблемот со компресорите во опрационите сали во Клиничкиот центар „Мајка Терза“, и разрешување на економските директори на клиниките, за кои рече близу 90 отсто се в.д. директори. Штом ја презеде функцијата, Таравари вети дека веќе во понеделеник овие в.д. директори веднаш ќе бидат разрешени, а за останатите кои се со решенија ќе поднесат Предлог измени на законот за веќе да не постојат економски директори.

Потпретседателот на Алтернатива Беким Сали во отсуство на претседателот Африм Гаши истакна дека Вреди како коалиција ја зачува застапеноста на Албанците на една од трите највисоки позиции на власт, избирајќи го Гаши за претседател на Собранието на Република Македонија.

– Дополнително, во ова учество во извршната власт бевме многу внимателни нашето учество да не биде пониско од присуството на Албанците во оваа земја, туку повеќе од тоа, бевме фокусирани на институциите кои се занимаваат со спроведување на нашата политичка програма, со цел сериозно и посветено да работиме во процесот на интеграција на земјата во Европската унија, но и овозможувајќи економски, здравствени, социјални и еколошки политики, со кои веруваме дека значително ќе го подигнеме квалитетот на животот на нашите граѓани. Ова учество во извршната власт ќе резултира и со други нивоа на власт и сигурен сум дека ова како конечен резултат ќе има понапредно општество во сите области од животот, додека за Албанците оваа политичка ротација значи и ротација во нивниот реален живот , затоа што во 2024 година завршуваат годините на хибернација, за да се отвори патот за годините на слобода, демократија, правда, еднаквост и благосостојба – рече Сали.

На трибината се обратија и идните министри од Вреди како дел од владината коалиција.

На новинарско прашање Меџити изјави дека утре на седницата на Парламентот на која ќе се бира владата, очекува демократска, аргументирана и позитивна дебата.

Вреди во новата извршна власт ќе има двајца вицепремиери и пет министри. Покрај Таравари и Меџити кој ќе биде прв вицепремиер и ќе раководи со Министерството за животна средина и просторно планирање, Фатмир Лимани ќе биде министер за социјална политика, демографија и млади, Бесар Дурмиши – министер за економија и труд, Орхан Муртезани е кандидат за министер за европски прашања, а вицепремиер и министер за добро владеење ќе биде Арбен Фетаи.

The post БАЛАНСЕРОТ ЌЕ БИДЕ ЗАМЕНЕТ СО ЗАКОН, ЕКОНОМСКИТЕ ДИРЕКТОРИ ЌЕ БИДАТ УКИНАТИ Еве што ветија од Вреди пред пред утрешната седница за избор на Влада appeared first on plusinfo.mk.

Листата „Крени промени“ освои 17 отсто од гласовите или 20 мандати. На трето место е листата „Го бираме Белград“ со 12,5 отсто гласови и 15 мандати, а четврта е листата „Ние – Силата на народот“ со 8,1 отсто и девет мандати.

Според тие резултати, руската партија во Парламентот влегува како малцинство со 1,3 отсто од гласовите или два мандата.

Претседателот на СНС Милош Вучевиќ, изјави дека вечерва прогресивците со листата „Александар Вучиќ – Србија утре“ издвоија убедлива победа во сите градови и општини каде што се одржани изборите, освен во четири места – Тутин, Бачка Топола, Сента и Кањижа.

„Имавме јасна победа во сите други градови и општини, повторувам, во сите општини, освен во овие четири општини, што е природно, бидејќи има структура на население која секогаш дефинирала малку поинаква политичка поставеност на локално ниво“, рече Вучевиќ.

Одзивот на изборите е околу 44-45%.

The post ЛИСТАТА НА ВУЧИЌ ЗАГУБИ САМО ВО 4 ОПШТИНИ „Србија Утре“ на српскиот претседател доминира во повеќето градови appeared first on plusinfo.mk.

„Не сте вмровци ако не ја збиберите од почеток. Не соодветствува со вашиот извештај. Да видиме каде сѐ погрешивте со верификувањето на мандатите. Ние баравме оваа комисија да се укине бидејќи е дел од делегатскиот систем на претходната коалиција“.

Вака говореше Димитар Апасиев од Левица, единствен кој зеде збор пред гласањето за верификација на мандатите на новиот собраниски состав. Тој обвини дека градоначалникот на Тетово Биљал Касами немал право на своја рака да даде изјава дека се откажува од пратеничкиот мандат, туку тоа требало да го констатира Собранието, а не Верификационата комисија, односно нејзината претседателка Дафина Стојановска.

– Како оди процедурата? Кој сака да биде пратеник се кандидира во ДИК. Кога се кандидираме поднесуваме изјава до ДИК. Оваа изјава е неотповиклива до моментот на верификацијаа на мандатот. Значи не може да повлечете нешто што немате. Овие две изјави си ги потпишал Биљал Касами, зел уверение и му дошле овие правници. Вие сега измислувате право кое не постои. И сега Касами дава нова изјава дека се откажува, поради потреба. Која потреба? Сам се кандидираше за пратеник. Како можеш да се откажеш од нешто што го немаш?! Немаш мандат за да се откажеш од мандат. Ај да видиме кога има мандат. Вие како Верификациона комисија имате право да оспорите мандат, а не тој сам да си го оспорува. По сила на закон, сега треба да има избори во Тетово за да се бира нов градоначаалник, бидејќи по Извештајот на ДИК Касами има мандат. Што вели деловникот за одземање на мандат? Пратеник може да поднесе оставка, но Собранието мора да ја констатира без претрес. Не вие, драга колешке Дафина Стојановска. Вие ја пречекоривте службената положба. Која е таа комисија која се става над легалната процедура? Гледаме како вмровците ја третираат процедурата. Штом ги гласавте, ќе ги трпите – рече Апасиев.

По ова пратеничката од Вреди Mерита Колчи Коџаџику која раководи со седницата повика на гласање на извештајот на Верификациската комисија.

„За“ новиот пратенички состав гласаа 101 пратеник од вкупно пристуни 117. Против и воздржани немаше. Беа усвоени 118 мандати, додека за 2 мандата дополнително треба да се расправа поради приговори во ДИК.

Мандатот на пратениците не трае подолго од 4 години од денот на верификувањето. На пратениците од претходниот состав им престана мандатот.

На пратениците кои имаат функции неспојливи со функцијата пратеник, мандатот им престанува. Коџаџику потврди дека изјавата  на Касами за отповикување на пратеничкиот мандат поради конфликт на интереси се прифаќа.

Таа објасни и дека на членовите на техничката влада на кои им се верифицирани пратеничките мандати им престануваат функциите во владата.

Во меѓувреме, техничката влада ќе ги држи само најнеопходните функции до изборот на нова влада.

Потоа за збор се јави Талат Џафери. Тој рече дека како премиер на техничката влада ќе ги преземе овие неопходни функции, но поради Законот за конфликт на интереси тој рече дека додека ја извршува функцијата технички премиер нема да биде пратеник во Собранието.

The post „KAKO MOЖЕ КАСАМИ ДА СЕ ОТКАЖЕ ОД МАНДАТ, АКО ГО НЕМА?“ Верификационата комисија го пречекори овлaстувањето, обвини Апасиев appeared first on plusinfo.mk.

Во изборната единица (ИЕ) 5 коалицијата „Твоја Македонија“ предводена од ВМРО-ДПМНЕ освои 74.287 гласови или 10 мандати, коалицијата „Европски фронт“ на ДУИ има 27.278 гласови или четири мандати, коалицијата „За европска иднина“ предводена од СДСМ доби 26.668 гласови или три мандати, Левица .има 9.850 или еден мандат, коалицијата „Вреди“ 10.793 еден мандат и ЗНАМ 8.671 или еден мандат.

Во ИЕ 6 „Европски фронт“ освои 53 731 глас или осум мандати, „Вреди“ 47.849 гласови или 8 мандати, „Твоја Македонија“ има 21.639 или три мандати, а „За европска иднина“ освои 6.414 или еден мандат.

Даштевски информираше дека почнуваат да течат роковите за приговори до петок, 19 часот, а за сумирање и утврдување на резултите е до петок, 22 часот.

Според резултатите од 8 мај, во ИЕ5 ВМРО-ДПМНЕ имаше 10 мандати, Европски фронт 4, СДСМ три и по еден имаат Левица, Вреди и ЗНАМ. Во ИЕ5 нема промени во мандатите.

The post ДУИ ИЗГУБИ, А ВРЕДИ ДОБИ ПРАТЕНИК ВО ШЕСТКАТА Течат роковите за приговори, изјави претседателот на ДИК appeared first on plusinfo.mk.

Денеска по покана на Државната изборна комисија ги подигнавме мандатите на пратениците на ВМРО-ДПМНЕ и нивните уверенија. Со добивањето на уверенијата, до 28 мај очекуваме да се формира Собранието на Република Македонија, до средината на јуни очекуваме да ја имаме и новата влада во Република Македонија, изјави денеска Ѓорѓија Сајкоски, генерален секретар на ВМРО-ДПМНЕ.

– Сакам да изразам огромна благодарност до граѓаните на Македонија, за поддршката што ја дадоа на ВМРО-ДПМНЕ и за големата одговорност сакам да посочам дека ова е голема одговорност за нас како пратеничка група, како ВМРО-ДПМНЕ. Но, сакам да укажам дека ќе ја оправдаме оваа нивна дадена одговорност. Но меѓутоа сакам исто да кажам дека во периодот што следи ние како ВМРО-ДПМНЕ ќе се насочиме кон борба против криминалот, корупцијата и ќе се насочиме кон подобро образование, здравство и ќе дадеме надеж дека тука може да се живее, работи подобро од она што беше до сега. И за брзо граѓаните на државата ќе го увидат тоа – рече Сајкоски.

The post НОВА ВЛАДА ЌЕ ИМАМЕ ДО СРЕДИНАТА НА ЈУНИ До 28 мај ќе се формира Собранието, изјави Сајкоски од ВМРО-ДПМНЕ appeared first on plusinfo.mk.

Главната битка се бие во Изборната единица број 5. Таму 109 гласови натежнаа на страната на Европскиот фронт предводен од ДУИ. Коалицијата Европски фронт денеска соопшти дека со поднесени приговори до ДИК од други политички партии за нерегуларности на избирачки места во изборните единици 5 и 6 се прави обид да им се одземат два пратенички мандата.

Шефот на изборниот штаб на Европски фронт, Арбер Адеми, на прес-конференција попладнево рече дека „постојат сериозни обиди со политички дил, со политички договор да има изборен инженеринг, да се поткопува демократијата и слободната волја на граѓаните и на легитимитетот“.

-Другите политички партии врз основа на непринципиелен политички дил и договор и газејќи врз волјата на граѓаните, на оркестриран начин поднеле приговори за избирачки места во петтата и во шестата изборна единица, иако не е констатирана ниту една неправилност додека траеше изборниот процес и по неговото завршување. А дека тоа е така се самите потписи на сите членови на избирачките одбори предложени од самите политички партии кои денеска и овие денови поднеле приговори. Целта е јасна – сакаат на Европскиот фронт да му одземат два пратенички мандата иако тие се резултат на чистата волја на граѓаните и на нивното слободно изразување – изјави Адеми.

– Од авион може да се примети која е тенденцијата за изигрување на волјата на народот, На пример во Желино, во избирачкото место 2101 – за Влен гласале 332 гласачи, за Европски фронт 134. Ова избирачко место  е селото од каде што доаѓа претседателот на Беса, Билал Касами. Со приговорот самите тие го оспоруваат резултатот каде што тие имаат повеќе гласови. Вториот пример е во ИЕ5 каде се оспоруваат избирачки места каде нема гласови за Европскиот фронт, но каде што убедливо повеќе гласови има ВМРО-ДПМНЕ. На пример, во избирачко место 1295 во Охрид ВМРО има 409 гласови, СДСМ има 103, Европскиот фронт 0. Која е целта? Дали  се подготвува трансфер на гласови од една опција во друга опција само Европскиот фронт да има помалку еден мандат во Петтата изборна единица? – рече Адеми.

Социјалдемократите испратиле пет приговори за места во Изборната единица број 5. Станува збор за Струга, Битола и за Кичево.

Блиску до уште еден пратенички мандат е и победничката партија на изборите, ВМРО-ДПМНЕ, кои веќе освоија 10 пратеници во оваа изборна единица. На нив, за мандат во „петка“ им фалат 374 гласа. Од ДИК откриваат дека ВМРО-ДПМНЕ има поднесено осум приговори за „петката“, а тоа е за избирачки места во Охрид, Демир Хисар, Крушево, Кичево, Струга, Битола, Долнени и во Ресен.

Коалицијата „Вреди“ поднела десет приговори, за избирачки места кои се дел од Изборната единица број 6. Станува збор за Гостивар, Тетово, Желино, Боговиње и за Врапчиште.

Доколку се усвојат некои од приговорите и се прегласува на одредени избирачки места, тоа може да донесе промени во распоредот на мандатите, во Изборната единица 5, но и во „шестката“.

Во законски определниот рок, приговори поднеле и од Левица – вкупно четири на број, за избирачки места во Чаир, Струга и Гази Баба.

The post ПРИГОВОРИТЕ МОЖЕ ДА Ѝ ОДЗЕМАТ НА ДУИ 2 МАНДАТА Битка за мандати во петтата и во шестата изборна единица appeared first on plusinfo.mk.

Маричиќ предмалку преку Фејсбук им го честиташе на победниците за успехот, а на граѓаните и на институциите за демократските и мирните избори.

Тој додаде дека СДСМ како опозиција ќе биде постојано тука за потребите на развојот, да иницираат но и го поддржат тоа што им треба на граѓаните.

„Јас лично, со цел свој капацитет, со цела своја енергија, посветеност и знаење, ќе се вложам во заздравувањето и реформите на СДСМ како партија која искрено ја сакам и со гордост и припаѓам, бидејќи во овој момент каузите за кои целиот свој живот сум се борел се загрозени и со ослабена подлога и база“, наведува Маричиќ.

Инаку, СДСМ, како втора најголема македонска партија, освои речиси тројно помалку пратенички места од ВМРО-ДПМНЕ.

Во ИЕ 2 мандат освоија само Оливер Спасовски и Фатмир Битиќи, додека партијата најлошо помина во шестката, каде пратеничко место доби само досегашната министерка за одбрана Славјанка Петровска.

Во ИЕ 3 носителката Сања Лукаревска освои 4 мандати, заедно со Љупчо Николовски, Горан Мисовски, Благој Бочварски. Најдобро помина поранешниот министер за здравство Венко Филипче кој во ИЕ 4 освои 5 мандати. Од тука како пратеници на опозициона СДСМ влегуваат и  Јованка Тренчевска, Миле Талевски, Соња Мираковска и Борче Цветков.

Слабо помина и претседателот на Собранието Јован Митрески, кој со својата коносителка на листата во ИЕ 5, министерката за култура Бисера Костадиновска Стојчевска освоија 3 мандати. Нив ќе им се придружи помалку познато име за македонската јавност – Митко Трајчулески.

The post МАРИЧИЌ НЕ УСПЕА ДА ОСВОИ МАНДАТ Ова се 18-те пратеници на СДСМ appeared first on plusinfo.mk.

ВМРО-ДПМНЕ има убедливо водство пред останатите партии, а Државната изборна комисија излезе со пресметки колку пратеници би имала секоја од партиите или коалициите.

Засега, ВМРО-ДПМНЕ има 59 пратеници, ДУИ 18, СДСМ 19, Вреди 13, Левица 6 и ЗНАМ 5 пратеници.

Според преброените гласови коалцијата Твоја Македонија на ВМРО-ДПМНЕ води со повеќе од 200.000 гласови пред СДСМ.

The post 59 ПРАТЕНИЦИ ЗА ВМРО-ДПМНЕ, 19 ЗА СДСМ, 13 ЗА ВРЕДИ Вака ќе изгледа новиот парламент, според 85% пребројани гласови appeared first on plusinfo.mk.

По обработени 40% од гласовите за парламентарните избори, ВМРО-ДПМНЕ се наоѓа осамена на врвот со освоени 153.000 гласови, а на второто и на третото место се наоѓаат коалицијата Европски фронт со освоени 67.959 гласови и Коалицијата Вреди со освоени 57.648 гласови.

Интересно е тоа што партијата СДСМ во моментов се наоѓа на четвртото место со освоени 51.000 гласови, а веднаш зад неа се Левица и ЗНАМ.

The post 📊 СДСМ Е НА ЧЕТВРТОТО МЕСТО ПО БРОЈ НА ОСВОЕНИ ГЛАСОВИ Партијата на Ковачевски засега тешко до 20 пратеници appeared first on plusinfo.mk.