Швајцарскиот производител на часовници „Swatch“ беше принуден привремено да затвори дел од своите продавници низ светот, откако огромна навала од купувачи создаде хаос поради новата колекција изработена во соработка со „Audemars Piguet“.

Новата серија часовници „Royal Pop“ беше официјално пуштена во продажба во саботата и веднаш предизвика вистинска еуфорија меѓу љубителите на часовници. Иако моделот се продава за 385 евра, интересот е огромен бидејќи станува збор за соработка со еден од најлуксузните швајцарски брендови, чии часовници чинат и над 20.000 евра.

Во повеќе градови низ светот, меѓу кои Женева, Њу Јорк, Дубаи, Лондон, Парис, Лион и Милано, луѓе со денови чекале во редици пред продавниците. Дел од ентузијастите дури и кампувале пред локалите речиси една недела пред почетокот на продажбата.

Но, големата побарувачка брзо доведе до хаотични сцени. Во Париз, полицијата употребила солзавец за да воспостави ред пред една од продавниците, додека во Милано биле пријавени тепачки меѓу купувачите уште пред отворањето.

À Paris, Bordeaux ou Lyon, des files interminables devant des boutiques Swatch afin de mettre la main sur un modèle avec l’horloger de luxe Audemars Piguet. Objectif pour certains : faire une bonne affaire en revendant ces montres. Mais à Lille, notamment, ceux qui avaient dormi… pic.twitter.com/Hh8n8E1nD6

— franceinfo (@franceinfo) May 16, 2026

Проблеми имало и во Холандија и во неколку градови во Велика Британија, каде продавниците на „Swatch“ биле преплавени со луѓе, по што дел од нив биле затворени од безбедносни причини.

Во меѓувреме, часовниците веќе почнале масовно да се препродаваат преку интернет, а цените на некои модели достигнале и до 16.000 евра.

BREAKING

AP x Swatch launch in Miami (Aventura) just got shut down.

3,000+ people flooded the mall causing a massive stampede. @SwatchUS @AudemarsPiguet pic.twitter.com/FWsCyQE8US

— vision (@JakesVision) May 16, 2026

Од „Swatch“ апелираа граѓаните да останат смирени и да не создаваат метеж, нагласувајќи дека колекцијата не е ограничено издание и дека часовниците ќе продолжат да бидат достапни.

The post 📽️ ЛУЃЕ КАМПУВАА И СЕ ТЕПАА ЗА ЧАСОВНИК ОД 385 ЕВРА Хаос пред продавниците на „Swatch“, полицијата фрлала солзавец appeared first on plusinfo.mk.

Царинските службеници на граничниот премин Табановце – Прешево спречија обид за криумчарење на три луксузни часовници во вкупна вредност од 2,34 милиони денари, односно 38 илјади евра. Српски државјанин се обидел да ги внесе непријавени во земјава, но бил откриен при детална контрола.

Станува збор за два „Rolex“ модели – Submariner и Sky-Dweller, како и еден „Omega Speedmaster“, кои биле сокриени во мала кожна кутија во ранецот на патникот. Лицето патувало со автомобил со српски регистарски таблички, а намерно се обидело да ја избегне царинската контрола.

„Со внимателна и детална проверка, нашите службеници успеаја да спречат криумчарење на високо вредни предмети. Овој случај е уште една потврда за посветеноста и професионалноста на царинската служба во заштита на државниот интерес и финансискиот систем“, информираат од Царинската управа.

Запленетите часовници се предадени на Основното јавно обвинителство Куманово, а против лицето е поднесена кривична пријава за криумчарење.

 

View this post on Instagram

 

A post shared by Plusinfo.mk (@plusinfo.mk)

The post 📽️ ФАТЕН СРБИН СО „РОЛЕКС“ И „ОМЕГА“ ВРЕДНИ БОГАТСТВО Царината спречи шверц на три луксузни часовници appeared first on plusinfo.mk.