Просечната каматна стапка на вкупните депозити на годишна основа бележи намалување од 0,04 п.п., при што во април таа изнесува 2,16%. Во април и просечната каматна стапка на вкупните кредити бележи годишен пад и тоа од 0,41 п.п. и изнесува 4,70%, покажува последниот извештај на Народна банка.

Податоците покажуваат и месечно намалување на каматата на вкупните депозити на  домаќинствата. Таа во во април изнесува 2,10% и е намалена за 0,01 п.п.

„Падот на месечна основа се должи на намалувањето на сите компоненти – каматните стапки на денарските депозити без и со валутна клаузула и каматните стапки на депозитите во странска валута (за 0,01 п.п., соодветно)“, се наведува во извештајот на Народна банка

На годишно ниво, оваа каматна стапка е намалена за 0,04 п.п.

Сепак, мало зголемување од 0,01 процентен поен има на каматната стапка кај  новопримените депозити на домаќинствата. Таа сега 2,31%.

Каматната стапка на вкупните кредити на домаќинствата, во април, изнесува 5,06% и забележа намалување од 0,02 п.п. на месечно ниво, под влијание на намалените каматни стапки на денарските кредити без и со валутна клаузула, додека каматните стапки на кредитите во странска валута се непроменети.

Оваа каматна стапка бележи годишно намалување од 0,42 п.п.

Во април, просечната каматна стапка на новоодобрените кредити на домаќинствата се намали за 0,04 п.п. на месечна основа и изнесува 4,65%.

„Месечниот пад произлегува од намалувањето на каматните стапки на сите компоненти – каматните стапки на кредитите во странска валута (за 0,26 п.п.) и каматните стапки на енарските кредити со и без валутна клаузула (0,06 п.п. и 0,04 п.п., соодветно)“, наведуваат од Народна банка.

Во споредба со истиот месец претходната година, оваа каматна стапка е пониска за 0,02 п.п.

Кога се има предвид корпоративниот сектор, просечната каматна стапка на вкупните депозити на секторот во април е намалена за 0,08 п.п. и изнесува 2,67%.

Овој месец, каматната стапка на новопримените депозити на корпоративниот сектор бележи месечно зголемување од 0,54 п.п. и изнесува 2,74%.

Просечната каматна стапка на вкупните кредити на корпоративниот сектор, во април е повисока за 0,02 п.п. во однос на претходниот месец и изнесува 4,35%.

„Притоа, нагорната промена е резултат на зголемувањето кај сите компоненти, каматните стапки на денарските кредити со валутна клаузула и на каматните стапки на кредитите во странска валута (за 0,03 п.п. и 0,02 п.п., соодветно), како и на каматните стапки на кредитите без валутна клаузула (за 0,01 п.п.). На годишнаоснова, оваа каматна стапка оствари пад од 0,38 п.п “, наведуваат од НБ.

Во април, каматната стапка на новоодобрените кредити на корпоративниот сектор изнесува 4,50%, што претставува месечен раст од 0,25 п.п.

Во споредба со април минатата година, каматната стапка на новоодобрените кредити
на корпоративниот сектор е повисока за 1,08 п.п.

The post ГОДИШЕН ПАД НА ПРОСЕЧНАТА КАМАТА НА ВКУПНИТЕ ДЕПОЗИТИ Во април таа изнесувала 2,16% appeared first on plusinfo.mk.

Се изедначи долгот во кредити на граѓаните и компаниите. Заедно тие во банките должат вкупно  9,35 милијарди евра, а поединечно граѓаните должат 4,655 милијарди евра, а компаниите е 4,659 милијарди евра, покажуваат податоците на Народната банка.

Само во април вкупниот долг на компаниите и граѓаните се зголемил за 1%. На годишно ниво, пак , забележан е вкупен раст од 13,3%, со тоа што кај компаниите растот е од 15% , а кај домаќинствата од 11,9%.

Граѓаните најмногу се задолжувале со потрошувачките и станбените кредити. Во април  во однос на претходниот месеца потрошувачките кредити пораснале за 1,2% , а станбените за 1,3%. На годишно ниво растот е од 11,2% односно од 16,2%.

Овој месец, автомобилските кредити остварија раст од 1,1% на месечна  и од 4,9% на  годишна основа, додека кредитите одобрени на кредитните картички забележаа месечно  намалување од  0,5% и годишен пад од 4,6%.

Негативните салда на тековните сметки бележат месечно намалување од 6,3% во април, во услови на годишен раст од 3,7%.

Во април, кредитите одобрени врз други основи се намалени за 1,4% на месечна и од 11,2% на годишна основа.

Компаниите и граѓаните во април во банките имале депозити во вкупен износ од 10,66 милијарди евра. Од нив на граѓаните се 7,33 милијарди евра.

Според податоците на Народна банка вкупните депозити во април се намалени за 1,4% на месечна основа, во целост како резултат на падот на депозитите на корпоративниот сектор од 9,1%, додека депозитите на секторот „домаќинства“ остварија раст од 1,6%.

Анализирано на годишно ниво, вкупните депозити бележат раст од 9,3%, поради зголемените депозити на двата сектора, со поизразен придонес на секторот „домаќинства“.

Годишниот раст на депозитите на корпоративниот сектор изнесува 6,0%, додека кај домаќинствата депозитите пораснале за 10,5%.

The post ГРАЃАНИТЕ И КОМПАНИИТЕ ДОЛЖАТ 9,35 МИЛИЈАРДИ ЕВРА ВО БАНКИТЕ Нивните депозити се зголемија на 10,66 милијарди евра appeared first on plusinfo.mk.

Во првиот квартал годинава најголема постигната цена на стан по метар квадратен изнесува 177.667 денари (130.000 евра) за вкупна површина од 45 метри квадратни кој се наоѓа на територијата на општина Кисела Вода. За метар квадратен се платени 2.888 евра. Тоа го покажуваат податоците од денеска објавениот Извештај од Регистарот на цени и закупнини на Агенцијата за катастар на недвижности за периодот јануари-март годинава,  според кој бројот на реализирани трансакции на пазарот на недвижности е значително намален.

Табела 7 е со просечни цени само на станови (продажба на стари станови и станови продадени од инвеститор) по административни општини. Во оваа анализа за определување на просечните цени на станови земени се само договори за купопродажба на стан со пп – помошни површини (тераси, балкони, лоѓии).

Во Регистарот на цени и закупнини во првите три месеци од годинава регистрирани се 712 новоизградени станови, односно станови од инвеститор, што е за 292 станови  или -29  проценти помалку во споредба со  четвртиот квартал  од минатата година.   Во Агенцијата за катастар на недвижности досега се запишани 28.013 листови за предбележување на градба што укажува дека  тие објекти се во фаза на градба и наскоро ќе се најдат на пазарот на недвижности.

Компаративно со четвртиот квартал од 2025 година бројот на продадени станови во првиот кавртал од 2026 година е намален за 27 проценти, а нивната вкупна финансиска вредност е намалена за 23  проценти.  За 23 проценти е намален и бројот на продадени куќи, a пад на квартално ниво има и кај продажбата на земјоделско земјиште и шуми, за 8 проценти,  како и кај продадените деловни простори за 11.

Најголем број продадени станови евидентирани во Регистарот на цени и закупнини има во Општина Аеродром,  каде во овој квартал се продадени 193 станови, а најмногу куќи, 54, се продадени во Битола. Во Центар се продадени најмногу деловни простори, 22,  во Кочани најмногу недвижности од типот на земјоделско земјиште и шуми, 83, во Куманово  градежно земјиште, 37 продажби. Во  првиот квартал регистрирани се и продажби на 151 гаражи, и тоа во поголем број општини.

Пазарот на недвижности во првиот квартал 276,3 милиони евра, пад од 12,4 проценти на квартално ниво 

Од 1 јануари до 31 март годинава  регистрирани се вкупно 7.757 трансакции (збир од  купопродажби и закупи) и споредбено со четвртиот квартал од 2025 година, бележи пад од -16,4 проценти што укажува на намалена пазарна активност. Во овој квартал,  регистрирани се 4.311 продажби, 741 продажби од инвеститор и 110 откупи од Република Северна Македонија, како и 12 продажби на недвижности по пат на лицитација, односно вкупно 5.174 купопродажби на недвижности – пад за 16,9 проценти во однос на четвртиот квартал лани.

Регистрирани се и 2.583 закупи на целата територија на државата, каде има пад во однос на закупите од претходниот квартал за 15,4  проценти.

Во првиот квартал преку купопродажби се истргувани недвижности со површина од  7.492.099 метри квадратни, со вкупна достигната цена од 16.924.858.555 денари.  Под закуп пак, се дадени недвижности со површина од 2.728.415 метри квадратни, со вкупна месечна закупнина од 70.064.654 денари.  Вкупната остварена финансиска вредност на пазарот на недвижности за првиот квартал од 2026 изнесува 276,3 милиони евра, што е намалување од 12,4  проценти во споредба со четвртиот квартал од 2025 година.

Најголем број продажби имало во февруари, 1.527, а најмногу закупи, 930, се регистрирани во март. Најголем број продажби од инвеститор – продажба на новоградби (стан, деловен простор, гаража и др.) се регистрирани во март, 297.

Во четвртиот квартал од 2025 година реализирани се 5.084 продажби, додека во првиот квартал од 2026 година бројот е намален на 4.311 продажби. Ова претставува пад од 15,2 проценти. Продажбите од инвеститор бележат значително намалување од 1.094 во четвртиот квартал од 2025 година на 741 во првиот квартал од 2026 година или тоа е пад од 32,3 проценти.Кај продажбите преку лицитација нема промена, во двата квартали се евидентирани по 12 трансакции. Откупот од државата бележи значителен раст од 40 трансакции во четвртиот квартал од 2025 годинана 110 трансакции во првиот квартал од 2026 година.  Тоа претставува зголемување од 175 проценти, што е најголемата позитивна промена во анализираниот период.

Во делот на закупите е забележан пад од 3.053 во четвртиот квартал од 2025 година на 2.583 во првиот квартал од 2026 година, односно намалување од околу 15,4 проценти, што укажува на намалена побарувачка или активност во сегментот на закуп.

Регионалната анализа покажува дека во првиот квартал од 2026 година најголем број трансакции се случиле на територијата на Општина Центар, односно 529 трансакции или за -35  проценти помалку во споредба со четвртиот кавартал од 2025. Во Општина Аеродром 463 трансакции или за -28  помалку, во Карпош 365 трансакции, или за -23  проценти помалку, во Кисела Вода 331 трансакции, или за -9,6  проценти. Во Општина Битола и во Општина Штип се регистрирани по 330 трансакции.

Од општините со најмалку трансакции, Вевчани има една трансакција, Арачиново четири, Центар Жупа пет, Новаци и Пласница по шест, Зрновци осум.

The post ЗА СТАН ОД 45 КВАДРАТИ ВО КИСЕЛА ВОДА ПЛАТЕНИ 130.000 ЕВРА! Пад на пазарот на недвижности во првиот квартал appeared first on plusinfo.mk.

Годишен раст на просечната каматна стапка на вкупните депозити од 0,02 п.п., при што во јануари таа изнесува 2,20%. Просечната каматна стапка на вкупните кредити бележи годишен пад од 0,48 п.п. и изнесува 4,73%, покажуваат податоците на Народна банка.

Според овие податоци, во јануари, просечната каматна стапка на новопримените депозити изнесува 2,33% и оствари месечен пад од 0,03 п.п и годишен пад од 0,15 п.п. Просечната каматна стапка на новоодобрените кредити е повисока за 0,15 п.п. на месечна основа и изнесува 4,40%, додека на годишна основа е намалена за 0,30 п.п.

Кога се имаат предвид просечните каматните стапки на вкупните кредити на домаќинствата, тие во јануари  се намалени за 0,04 процентни поени во однос на декември лани и изнесуваат 5,11%

Од НБ објаснуваат дека тоа се должи на падот на каматните стапки на денарските кредити без валутна клаузула (за 0,05 п.п.), додека каматните стапки на денарските кредити со валутна клаузула и каматните стапки на кредитите во странска валута не остварија месечна промена.

Каматната стапка на вкупните кредити на домаќинствата бележи годишен пад од 0,44 п.п.

Во јануари, просечната каматна стапка на новоодобрените кредити на домаќинствата оствари месечен раст од 0,29 п.п. и изнесува 4,67%. Зголемувањето произлегува од повисоките каматни стапки на денарските кредити без валутна клаузула и на каматните стапки на кредитите во странска валута, при забележан пад на каматните стапки на денарските кредити со валутна клаузула.

Анализирано на годишна основа, оваа каматна стапка е пониска за 0,09 п.п.

Каматната стапка на вкупните депозити на домаќинствата, во јануари, е намалена за 0,01 п.п. на месечно ниво и изнесува 2,13%.

-Надолната промена е резултат на намалените каматни стапки на сите компоненти: каматните стапки на денарските депозити со и без валутна клаузула и каматните стапки на депозитите во странска валута- велат од НБ..

Кај каматната стапка на вкупните депозити на домаќинствата е забележан годишен раст од 0,02 п.п.

The post ПРОСЕЧНАТА КАМАТА НА ДЕПОЗИТИТЕ ИЗНЕСУВА 2,20% Кај кредитите просекот е двојно повисок и изнесува 4,73% appeared first on plusinfo.mk.

Вкупните депозити во јануари на годишно ниво се зголемени за 10,5%, во поголем дел поради порастот на депозитите на секторот домаќинства. Вкупните кредити, пак, бележат зголемување од 13,6% под влијание на растот на кредитирањето кај двата сектора, со поизразен придонес во корпоративниот сектор, соопшти Народната банка.

Според овие податоци, сега компаниите и граѓаните во банките чуваат 10,6 милијарди евра, а нивниот кредитен долг изнесува 9,1 милијарди евра.

Паричната маса во јануари 2026 година е намалена за 1,4 % на месечна основа, во поголем дел како резултат на падот на краткорочните депозити и на депозитните пари при негативен придонес и на готовите пари во оптек и на долгорочните депозити до две години. И сега таа изнесува 11,7 милијарди евра.

На годишно ниво, паричната маса бележи зголемување од 10,7 % поради растот на депозитните пари и краткорочните депозити при помал раст и на готовите пари во оптек и на долгорочните депозити до две години.

Во јануари депозитите на корпоративниот сектор забележаа месечно намалување од 2,1 % како резултат на намалувањето на краткорочните депозити, во услови на остварен раст на депозитните пари и на долгорочните депозити. Споредено на годишна основа, депозитите на корпоративниот сектор бележат зголемување од 9,8 % поради растот на депозитните пари и на краткорочните депозити, во помала мера и на долгорочните депозити во денари, а долгорочните депозити во странска валута забележаа намалување.

Овој месец вкупните депозити на домаќинствата остварија месечен пад од 0,4 % како резултат на намалените депозитни пари, а другите компоненти забележаа раст. Годишниот раст изнесува 11,3 % и во најголем дел се должи на повисоките депозитни пари, долгорочните депозити во денари и краткорочните депозити во странска валута.

Кредитите на корпоративниот сектор во јануари се зголемија за 0,4 % на месечна основа, во поголем дел поради повисоките кредити во денари при помал раст и на кредитите во странска валута. Во споредба со јануари претходната година, забележан е раст од 16,2 %, кој во целост произлегува од зголеменото кредитирање во денари во услови на пад на кредитите во странска валута.

Кредитите на домаќинствата во јануари бележат месечно и годишно зголемување од 0,5 и  од 11,2%, како резултат на зголеменото кредитирање во денари и во странска валута, со поизразен придонес на кредитите во денари.

Анализирано според намената на кредитите одобрени на физичките лица, кај потрошувачките кредити, како најзастапена категорија, е остварен месечен пад од 0,2 % при годишен раст од 10,7 %, а станбените кредити се зголемени за 0,7 и за 16,1 % на месечно и на годишно ниво.

Во јануари автомобилските кредити бележат месечно зголемување од 0,1 и и годишен раст од 0,7 %..

Кај кредитите одобрени на кредитните картички е забележано месечно и годишно намалување од 0,9 и од 5,2%, а кај негативните салда на тековните сметки е остварен месечен и годишен раст од 15,0 и од 0,8%.

Кредитите одобрени врз други основи во јануари се намалени за 1,7 и  од 11,8 % на месечна и на годишна основа.

The post ПОРАСНАА ДЕПОЗИТИТЕ И КРЕДИТИТЕ ВО БАНКИТЕ Граѓаните и компаниите сега чуваат 10,6, а должат 9,1 милијарди евра appeared first on plusinfo.mk.

Во декември лани вкупните депозити забележале годишен раст од 10,1%, додека вкупните кредити пораснале за 13%, покажуваат податоците на Народната банка.

Според овие податоци кај депозитите растот е резултат на растот на депозитите на секторот „домаќинства”, при раст и на депозитите на корпоративниот сектор, а кај кредитите растот го обезбедија двата сектора со малку поизразен придонес на корпоративниот сектор.

Во декември граѓаните и компаниите чувале вкупно 10,7 милијарди евра, а нивниот долг кон банките се искачи на повеќе од 9 милијарди евра.

Граѓаните во банките во декември должеле 4,5 милијарди евра.

Анализата на кредитите што ги подигнале граѓаните покажува дека и натаму се најзастапени потрошувачките кредити и станбените кредити. Тие бележат годишен раст од 10,6% и од 5,8%. Долгот од потрошувачките кредити на граѓаните во декември изнесувал 2,3 милијарди евра, а од станбените кредити 1,7 милијарди евра.

Остатокот од долгот го прават автомобилските кредити, кредитите одобрени на кредитни картички и негативните салда на граѓаните.

Овој месец, автомобилските кредити на годишна основа остварија раст од 1,3%. Кредитите одобрени на кредитните картички бележат годишен пад 5,5%, а негативните салда на тековните сметки и кредитите одобрени врз други основи, бележат годишен пад од 2,5% и од 11,4%.

The post РАСТАТ КРЕДИТИТЕ, АМА И ДЕПОЗИТИТЕ НА ГРАЃАНИТЕ И БИЗНИСИТЕ Долгот на граѓаните во банките порасна на 4,5 милијарди евра appeared first on plusinfo.mk.

Каматната стапки на вкупните депозити забележала годишен раст од 0,06 процентни поени во ноември и изнесувала 2,18%, додека просечната каматна стапка на вкупните кредити забележала годишен пад од 0,56 процентни поени изнесувал 4,80%, објави Народната банка.

Во ноември, просечната каматна стапка на новоодобрените кредити изнесувала 4,54% и на месечна основа забележала зголемување од 0,05 п.п., на на годишно ниво се намалила за 0,28 п.п.

Просечната каматна стапка на новопримените депозити забележала пад во ноември на месечна и на
годишна основа од 0,07 п.п. односно од 0,53 п.п.. Таа во ноември изнесувала 2,27%.

Каматната стапка на вкупните кредити на домаќинствата, во ноември, оствари месечно намалување од 0,02 п.п. и изнесувала 5,19%.

Кај корпоративниот сектор забележан е раст од 0,02 п.п. на просечната каматна стапка на вкупните кредити во однос на претходниот месец и изнесувала 4,41%.

Просечната каматна стапка на вкупните депозити на домаќинствата, во ноември, на месечна основа е намалена  за 0,01 п.п. во однос на октомври и изнесувала 2,13%. Кај корпоративниот сектор, пак, просечната каматна стапка на вкупните депозити  изнесувала 2,60% и е намалена за 0,01 п.п. на месечно ниво.

The post НОВИ ПОДАТОЦИ ЗА КАМАТИТЕ НА БАНКИТЕ Просечната камата на депозитите изнесува 2,80%, а на кредитите 4,80% appeared first on plusinfo.mk.

Просечната каматна стапка на вкупните депозити во септември забележа годишен раст од  0,19 процентни поени и таа во септемви изнесувала 2,20%, соопшти Народна банка (НБ).

Просечната каматна стапка на вкупните кредити, пак, бележи годишен пад од 0,56 процентни порени и во септември изнесувала 4,85%.

Во септември просечната каматна стапка на вкупните депозити на месечно ниво е зголемена за 0,01 процентен поен и изнесувала 2,23%, додека кај кредитите во септември просечната каматна стапка забележа пад од 0,05 процентни поени и изнесувала 4,47%.

Просечната каматна стапка на новопримените депозити во септември изнесувала  2,23% и бележи месечен раст од 0,17 процентни поени, додека на годишна основа е намалена за 0,37 п.п.

Во септември, просечната каматна стапка на новоодобрените кредити остварила месечно и годишно намалување од 0,01 п.п. односно 0,51 п.п.

Според податоците на Народна банка, заклучно со септември, вкупните депозити што ги имаат граѓаните и фирмите во банките се 10,2 милијарди евра, а вкупниот долг за кредити на домаќинствата и бизнисите изнесува 8,7 милијарди евра.

The post ПАЃААТ КАМАТИТЕ НА КРЕДИТИТЕ Новоодобрените кредити во септември имале просечната камата од 4,47% appeared first on plusinfo.mk.

Речиси идентичен годишен раст на депозитите и кредитите е забележан во септември. Податоците на Народна банка покажуваат раст од 13,2% на вкупните депозити и раст од 13,5% на вкупните кредити.

Граѓаните во банките чуваат вкупно 10,22 милијарди евра, но нивниот долг изнесува 8,66 милијарди евра

Според анализата на централната банка, растот на депозитите е поизразен кај домаќинствата, но компаниите повеќе се задолжувале кај банките.

Во септември е забележен месечен раст на вкупните депозити  од 0,3%, во целост поради растот на депозитите на секторот „домаќинства“, додека депозитите на корпоративниот сектор се намалени.

„Притоа, растот  кај домаќинствата во најголем дел се должи на зголемените депозитни пари, долгорочните депозити во денари и краткорочните депозити во странска валута“, појаснува Народна банка.

Истиот месец вкупните кредити се зголемени за 0,9% на месечно ниво, поради растот на кредитирањето на двата сектора, со поголем придонес на секторот „домаќинства“.

-Месечната и годишната промена се должат на зголеменото кредитирање во денари и во странска валута, со поизразен придонес на кредитите во денари – велат од Народна банка.

Во септември 2025 година, анализирано според намената на кредитите одобрени на физичките лица, потрошувачките и станбените кредити, како најзастапени категории, на месечна основа се зголемени за 0,9% и 1,6%. На годишна основа кај овие кредити има раст од 10,2% и од 16,1%.

Во септември е забележан раст од 1,3% на автомобилските кредит, но на годишна основа овие кредити бележат пад од 0,6%.

Интересно е тоа што граѓаните се поалку се задолжуваат со кредитни картички. Во септември кај овие кредити има намалување од 0,3%, но на годишно ниво намалувањето е од 6,7%.

Кај негативните салда на тековните сметки и кај кредитите одобрени врз други основи е забележан месечен раст од 1,3% односно од 0,4%,  додека на годишна основа се намалени за 2,7% и од 8,5%.

The post РЕЧИСИ ИДЕНТИЧЕН ГОДИШЕН РАСТ НА ДЕПОЗИТИТЕ И КРЕДИТИТЕ ВО СЕПТЕМВРИ Станбените и потрошувачките кредити и натаму најбарани appeared first on plusinfo.mk.

Во август вкупните депозити на годишно ниво  бележат раст од 12,4%, додека вкупните кредити бележат раст од 12,9%, покажуваат податоците на Народа банка.

Во однос на депозитите поизразен придонес кон растот имаат депозитите на секторот „домаќинства”, додека во однос на кредитите растот се должи на корпоративниот сектор.

Според овие податоци граѓаните и фирмите имаат чуваат  во банките 10,2 милијарди евра, а им должат  8,6 милијарди евра.

Во споредба со август претходната година, депозитите на корпоративниот сектор се повисоки за 14,5%, во најголем дел како резултат на растот на депозитните пари и на краткорочните депозити.

Годишниот раст на депозитите кај домаќинствата изнесува 12,4% и во поголем дел се должи на повисоките депозитни пари и долгорочните депозити, при помал позитивен придонес и на краткорочните депозити.

Овој месец, кредитите на корпоративниот сектор забележаа годишен раст од  15,4%. Анализирано по валута,  годишната промена во целост се должат на зголеменото кредитирање во денари, при остварен пад на кредитите во странска валута.

Кредитите на домаќинствата забележаа годишен раст од 10,6%. Промената се должи на
растот на кредитите во денари и во странска валута, со поголем придонес на кредитите во денари.

Анализирано според намената на кредитите одобрени на граѓаните, најзастапените категории − потрошувачките и станбените кредити забележаа месечно зголемување од 0,4% односно од  1,0%, при годишно зголемување од 9,9% и од 15,5%.

Овој месец, автомобилските кредити остварија месечен раст од 1,7%, при годишен пад од 2,5%, додека кредитите одобрени на кредитните картички остварија намалување на месечна и на годишна основа од 0,3% и од 7,1%, соодветно.

Во август, негативните салда на тековните сметки бележат месечен и годишен раст од 2,1% и од 0,4%, додека кредитите одобрени врз други основи забележаа месечен и годишен пад од 0,7% и  од 8,3%.

Извор: НБРСМ

The post РАСТАТ ДЕПОЗИТИТЕ НО И КРЕДИТИТЕ ВО БАНКИТЕ За што се задолжуваат најмногу граѓаните во банките? appeared first on plusinfo.mk.