Германскиот канцелар Фридрих Мерц предупреди дека воената кампања на САД и Израел против Иран би можела да има посилно влијание врз Европа отколку пандемијата на ковид-19.

На заедничка прес-конференција во Берлин со сирискиот претседател Ахмед ал-Шар, Мерц повика на брз крај на конфликтот и истакна дека ескалацијата може да предизвика сериозни економски последици за Германија и пошироко за Европската Унија.

– Доколку оваа војна се прошири во голем регионален конфликт, таа би можела да ги оптовари Германија и Европа уште повеќе отколку што доживеавме за време на пандемијата на ковид-19 или на почетокот на војната во Украина во февруари 2022 година – рече Мерц.

Канцеларот додаде дека разговарал со сирискиот претседател за последните случувања на Блискиот Исток и за опасностите од продолжен конфликт.

– Претседателот ал-Шара го дели нашиот скептицизам во врска со стратешките цели на оваа војна. Се надеваме дека ќе најдеме начини да разговараме со владите на САД и Израел за што поскоро да ја завршиме оваа војна. Следните денови и недели ќе покажат колку тоа е можно – додаде Мерц.

Германскиот канцелар повтори дека долгогодишниот спор околу нуклеарната програма на Иран и дестабилизирачките активности на Техеран не може да се реши само со воени средства, нагласувајќи дека дијалогот и дипломатијата се неопходни за да се спречат сериозни последици по регионалната и глобалната економија.

The post ВОЈНАТА СО ИРАН ЌЕ ЈА ПОГОДИ ЕВРОПА ПОСИЛНО ОД КОВИД Мерц предупредува на економски катастрофални последици appeared first on plusinfo.mk.

Среде сериозна дебата за лекови на рецепт, американскиот претседател Доналд Трамп ја прекинал прес-конференцијата откако министерот за здравство Роберт Ф. Кенеди Џуниор кивнал.

– Бог да те благослови, Боби. Се надевам дека не се заразив со Ковид! – изјави Трамп.

Притоа, погледот го насочил кон извршниот директор на Фајзер, Алберт Бурла, кој исто така бил присутен, и извикал:
– Тој има Паксловид, дај ми Паксловид сега!

Паксловид е антивирусен лек кој се користи за намалување на симптомите на Ковид-19.

Trump after Surgeon General Kennedy sneezed:

“God bless you, Bobby. I hope I didn’t just catch COVID.” pic.twitter.com/OliKFy9lqI

— Rosa Linda (@rosalinda5901) October 1, 2025

Неодамна на прес-конференција Трамп и Кенеди предупредуваа за можните врски на парацетамолот, наречен тајленол во САД, со аутизмот кај новороденчињата. Кенеди, министерот за здравство на САД, најави и ревизија во упатствата на етикетите на лекот, вклучително и јавна кампања во САД за наводната опасност од прекумерно земање на лекот кај трудниците.

Заедно со тврдењата за Тајленол, беше најавено дека ФДА ќе дозволи да се промени упатството на етиката за користење на левковорин (folinic acid) како терапија за деца со симптоми на аутизам, особено оние со недостаток на фолат во мозокот.

На наводите на Трамп и Кенеди реагираше научната фела во САД, бројни здруженија и самата ФДА, Администрацијата за здравство.

Роберт Ф. Кенеди Џуниор (RFK Jr.) е еден од најгласните и контроверзни критичари на вакцините во САД. Тој ја води организацијата „Children’s Health Defense“, која често ги поврзува вакцините, хемикалиите и околинските фактори со заболувања како аутизам, без јасни научни докази.

Во текот на неговата кариера, тој често користел реторика која се противи на вакцините и поттикнува сомнежи кон јавното здравство.

Иако на слушањата за неговата номинација за министер за здравство тој тврдел дека „не е антиваксер“, многу аналитичари и институции укажуваат дека неговите претходни изјави и дела говорат поинаку.

Администрацијата на Доналд Трамп неодамна склучи договор со фармацевтската компанија Фајзер, според кој Фајзер се обврза да намали цените на некои од своите лекови во САД, особено во програмата Меdicaid, така што ќе ги усогласи со најниските цени кои ги плаќаат јасни развиени земји

The post 📽️ „БЕЛКИМ КЕНЕДИ НЕ МЕ ЗАРАЗИ СО КОВИД“ Познатиот министер кивна, Трамп направи кисела шега appeared first on plusinfo.mk.

Тајланд регистрира повеќе од 50.000 нови случаи на ковид 19 за само една недела, при што здравствените власти предупредуваат дека порастот, поттикнат од видот омикрон XEC, кој бргу се шири, сè уште не го достигнал својот врв.

Според Џурај Вонгсават, портпаролка на Одделот за контрола на болести, меѓу 11 и 17 мај биле забележани 49.065 случаи, а уште 12.524 нови случаи се пријавени од 18 мај, објави „The Nation“.

XEC, еден од најновите подвидови на омикрон, се верува дека е примарна причина за скокот, и се шири седум пати побрзо од сезонскиот грип, според Министерството за јавно здравје на Тајланд, објави „Bangkok Post“.

Сепак, стапката на смртност останува ниска, околу 0,02 отсто поради високиот степен на вакцинација и пристапот до антивирусни лекови, забележа Џурај.

И покрај благата сериозност за повеќето пациенти, официјалните лица ја повикуваат јавноста да помогне во заштитата на ранливите групи, вклучувајќи ги постарите лица, оние со хронични болести, бремените жени и малите деца.

– Луѓето со респираторни симптоми треба да останат дома, да се самотестираат и да побараат лекарска помош доколку се позитивни – советува Џурај.

Се очекува актуелниот бран да продолжи уште два до три месеци, но стапката на инфекции може да се намали порано доколку луѓето одржуваат строга лична хигиена и превентивно однесување.

Додека Тајланд воведува бесплатни вакцинации против грип за ранливите популации меѓу мај и август, бустер дозите за ковид 19 нема да бидат обезбедени бесплатно. Лицата со висок ризик се охрабруваат да се консултираат со медицински професионалци во врска со подобноста за бустер доза.

Во Банкок моментално има најмногу заразени со ловид 19 и со грип.

The post ПОВЕЌЕ ОД 50.000 ЗАБОЛЕНИ ОД КОВИД 19 ВО ТАЈЛАНД Вирусот се раширил за само една недела appeared first on plusinfo.mk.

Првата жена на ЕУ Урсула фон дер Лајенс се соочува со тешки денови и можна сенка врз нејзината кариера и новиот петгодишен мандат, откако беше објавено дека оваа недела ќе се знае завршницата за аферата Фајзергејт во која таа е една од осомничените.

Фон дер Лајен е на тапет во судски спор инициран од „Њујорк тајмс“ за текстуалните пораки кои ги разменувала со завршниот директор на „Фајзер“, Алберт Бурла, за време на преговорите за набавка на вакцини против Ковид-19.

Суштината на случајот е дали овие пораки треба да се третираат како официјални документи и да бидат достапни за јавноста. Се смета дека пораките се клучни за да се разбере процесот на донесување одлуки во набавката на вакцините.

Европската комисија тврди дека текстуалните пораки се „краткотрајни“ и дека не се предмет на објавување, додека критичарите, вклучувајќи ја и Европската омбудсманка Емили О’Рајли, ја обвинуваат за лошо управување и недостаток на транспарентност.

Овој случај има потенцијал да постави преседан за тоа како ЕУ ги третира дигиталните комуникации во контекст на транспарентноста и отчетноста.

Случајот исто така ги истакнува предизвиците со кои се соочува фон дер Лајен во нејзиниот втор мандат, особено во контекст на растечката критика за централизација на моќта и за отстапување од еколошките обврски.

Дали ја прашаа директно Фон дер Лајен за пораките? Дали ѝ го проверија телефонот или сметките? Дали го прашале нејзиниот раководител на канцеларија?

– Сè уште не знаеме што се случило со телефонот на Фон дер Лајен и дали пораките биле разменети преку лаптоп или некој друг уред – изјави Бондин Клостра, според која е многу разочарувачки колку неподготвена“ била претставничката на Комисијата за време на сослушувањето.

Во март, главната европска обвинителка Лаура Ковеси потврди дека нејзината канцеларија неодамна ги испрашувала претставниците на Комисијата за начинот на кој се воделе преговорите за вакцините.

The post ПРЕСУДАТА ЗА „ФАЈЗЕРГЕЈТ“ ОВАА НЕДЕЛА МОЖЕ ДА ГО НАРУШИ УГЛЕДОТ НА ЕУ Тешки денови за првата жена на Европската комисија appeared first on plusinfo.mk.

„Дали знаевте дека УСАИД, користејќи ги вашите даночни долари, финансираше истражување за биолошко оружје, вклучително и ‘ковид-19’, кој уби милиони луѓе“, напиша Маск на својот профил на социјалната мрежа Икс.

Поранешниот началник на силите за радијациона, хемиска и биолошка заштита на руската армија, генерал-полковник Игор Кирилов, посвети големо внимание на разоткривањето на воено-биолошките активности на САД.

Кирилов зборуваше за лабораториите на Пентагон во Украина, Грузија, Молдавија и по целиот периметар на границите на Русија.

Генералот се фокусираше на исклучително опасните патогени на кои се работи во овие лаборатории, опасноста од нивно истекување и какви закани може да претставува тоа истекување. Кирилов откри и имиња на високи Американци вклучени во овие активности, вклучувајќи го и синот на поранешниот американски претседател Хантер Бајден, пренесуваат руските медиуми.

Генералот Кирилов беше убиен во терористички напад организиран од украинските специјални служби во Москва во декември минатата година.

The post СО ВАШИТЕ ДОЛАРИ ФИНАНСИРАА ИСТРАЖУВАЊА ЗА БИОЛОШКО ОРУЖЈЕ Маск повторно удри по УСАИД на социјалните мрежи appeared first on plusinfo.mk.

Кина денеска соопшти дека е „крајно неверојатна“ хипотезата на американската Централна разузнавачка агенција (ЦИА) дека вирус протекол од кинеска лабораторија и ја предизвикал пандемијата „Ковид-19“.

„Меродавниот научен заклучок до кој дојде заедничката експертска група на Кина и на Светската здравствена организација (СЗО), врз основа на теренските посети на релевантните лаборатории во Вухан, гласи дека е исклучително малку веројатно дека дошло до протекување од лабораторија“, изјави портпаролката на кинеското Министерство за надворешни работи, Мао Нинг.

ЦИА објави проценка дека е поверојатно дека коронавирусот потекнува од кинеска лабораторија одошто дека потекнува од животни.

Портпаролот на ЦИА рече дека „врз основа на достапните податоци, потеклото на пандемијата е поверојатно поврзано со истражување одошто со природното потекло “.

Одлуката за објавување на проценката е една од првите донесени од новиот директор на ЦИА, Џон Ретклиф, кој беше назначен од новиот американски претседател, Доналд Трамп.

ЦИА ГИ ДЕКЛАСИФИЦИРАШЕ ДОКУМЕНТИТЕ ЗА КОРОНАТА Ова е вистината за вирусот и како се ширеше, но доказите сè уште се недоволни

The post ТЕШКО ДЕКА КОРОНАВИРУСОТ ПРОТЕКОЛ ОД КИНЕСКА ЛАБОРАТОРИЈА Пекинг ги демантира претпоставките на ЦИА appeared first on plusinfo.mk.

Пет лица од новите случаи биле на возраст над 60 години. Еден случај бил регистриран од возрасната група од 40 до 49 години.

Во текот на 2025 година, а заклучно со 12 јануари, регистрирани биле вкупно 11 заболени лица.

Од ИЈЗ наведуваат дека ниската стапка на трансмисија на Сарс-ков-2, намаленото известување и малиот број на примероци за тестирање преку сентинел системите, имаат влијание врз способноста за прецизно да се процени епидемиолошката ситуација.

„Популацијата на ЕУ/ЕЕА севкупно има значително ниво на хибриден имунитет – претходна инфекција плус вакцинација – бустер дози, што дава заштита од тешка болест. Лицата на возраст од 60 години се со најголем ризик од тешка болест. Хоспитализациите на лица со потврден ковид-19, приемите во интензивна нега и смртните случаи остануваат на ниско ниво во земјите на ЕУ/ЕЕА. Овие податоци во Република Северна Македонија не се достапни“, истакнуваат од ИЈЗ.

Иако бројот на заболени од ковид-19 на неделно ниво е мал, како што се додава, со оглед на тоа дека во тек е периодот на зголемена циркулација на респираторни вируси во северната хемисфера, постои ризик активноста на Сарс-ков-2 да се зголемува, „што ја нагласува континуираната потреба од надзор – епидемиолошки и вирусолошки, на национално и регионално ниво“.

„Се препорачува следење на основните мерки за превенција на ковид-19 и останати респираторни заразни заболувања. Вакцинацијата останува специфична превентивна мерка, обезбедувајќи заштита од тешки форми на болест, иако овој заштитен ефект со тек на време се намалува. Продолжува препораката за вакцинацијата на лицата со висок ризик од тешки форми на болест и лош исход – како што се повозрасните лица“, нагласуваат од Институтот.

The post ШЕСТ НОВИ КОВИД ЗАБОЛЕНИ Постои ризик вирусот да се шири appeared first on plusinfo.mk.

На почетокот на тричасовниот разговор, Закерберг му рекол на Роган дека „генерално е за воведување вакцини“ и дека, ако го прашате него, тие се „повеќе корисни одошто штетни“.

– Но, мислам дека додека тие се обидуваа да ја промовираат таа програма, тие се обидуваа и да го цензурираат секој што се спротивставуваше – рекол Закерберг.

ЗАКЕРБЕРГ ЌЕ ГИ ОТКАЧИ ФАКТ-ЧЕКЕРИТЕ, СМЕТА ДЕКА БИЛЕ ПРИСТРАСНИ Нови големи промени на Фејсбук и на Инстаграм

Закерберг се појави кај Роган само неколку дена откако „Мета“ објави дека повеќе нема да користи трети страни за проверка на содржината, објавена на нејзините популарни апликации, туку наместо тоа ќе се потпира на белешките од заедницата, дозволувајќи им на корисниците да додаваат коментари за вистинитоста. Оваа стратегија ја прави „Мета“ послична на платформата Икс, чијшто сопственик Илон Маск стана еден од најблиските луѓе на новоизбраниот американски претседател, Доналд Трамп, и беше еден од главните донатори на неговата кампања.

Тоа е, исто така, последниот во низата потези и изјави на Закерберг кои, по изборната победа на Трамп, се чини дека се обиди да му се приближи на новиот претседател. Минатата недела „Мета“ го замени својот претседател за глобални прашања, Ник Клег, со Џоел Каплан, актуелен потпретседател за политика на компанијата и поранешен вработен во Републиканската партија.

ФАКТЧЕКЕРИТЕ ПОЧНАА ДА ЛЕАТ КРОКОДИЛСКИ СОЛЗИ А море Закерберг, до вчера нè фалеше, сега не ти чиниме!

„Мета“ е една од неколкуте големи технолошки компании кои објавија дека донирале 1 милион долари за инаугурацијата на Трамп.

Закерберг го критикуваше управувањето на администрацијата на Бајден со содржината поврзана со Ковид-19 во минатото.

Во писмото до Одборот за правосудство на Претставничкиот дом, предводен од Републиканците во август, Закерберг рече дека администрацијата ѝ „вршела притисок“ на „Мета“ да ја „цензурира“ содржината за Ковид-19, додавајќи дека жали за некои од одлуките што компанијата ги донела како одговор на тие барања. Тој објаснил дека процесот на проверка на фактите на неговата компанија бил „нешто од 1984 година“ и довел до широко верување дека проверувачите на факти, што ги вработува неговата компанија, „биле премногу пристрасни“.

– Станува збор за лизгава патека и ова штотуку дојде до точка во која се намалува толку големата доверба, особено во САД – додал Закерберг.

Тој рекол дека бил загрижен од самиот почеток „да стане ваков вид одлучувач за тоа што е вистина во светот“.

– Тие силно нè притискаа да ги отстраниме работите кои, искрено, беа вистинити. Тие ни рекоа дека мораме да отстраниме сè што споменува дека вакцините може да имаат несакани ефекти – му рекол Закерберг на Роган.

Закерберг не прецизираше кој во Белата куќа ги упатил овие барања, признавајќи дека „не бил директно вклучен во овие разговори“. Сепак, тој рече дека одговорот на компанијата е дека нема да ја отстрани содржината што е „непобитно вистинита“.

Тој ја пофали програмата „белешки на заедницата“ (community notes) на Икс како супериорна во однос на моделот на Фејсбук.

Тука можете да го погледнете видеото од гостувањето на Марк Закерберг на поткастот на Џо Роган.

The post 🎥 ЦЕНЗУРАТА ЗА ВРЕМЕ НА КОВИД-19 НАЛИКУВАШЕ НА „1984“ Закерберг откри детали за притисоците од администрацијата на Бајден appeared first on plusinfo.mk.

Една неодамнешна студија покажува дека тинејџерите и адолесцентите имаат значително поголема веројатност да бидат дијагностицирани со дијабетес тип 2 во рок од шест месеци откако ќе бидат заразени со КОВИД-19 во споредба со нивните врсници кои имале други респираторни инфекции.

Студијата, спроведена од истражувачи од Case Western Reserve University во Охајо, се надоврзува на претходните истражувања кои откриле слична врска помеѓу КОВИД-19 и дијабетес тип 2 кај возрасните.

Резултатите, објавени во JAMA Network Open, вклучиле анализа на електронската здравствена евиденција на 613.602 лица на возраст од 10-19 години кои имале КОВИД-19 или друга документирана респираторна инфекција во текот на 2020, 2021 или 2022 година.

Во студијата биле вклучени само учесниците без претходна дијагноза на дијабетес тип 2.

Повеќе за ова прочитајте ТУКА.

The post КОВИД ГО ЗГОЛЕМУВА РИЗИКОТ ОД ДИЈАБЕТЕС КАЈ ДЕЦАТА И ТИНЕЈЏЕРИТЕ Ново истражување открива поврзаност помеѓу вирусот и појавата на дијабет тип 2 appeared first on plusinfo.mk.

„За таа цел, сите заинтересирани граѓани, кои сакаат да примат вакцина против Ковид-19, може да се обратат до најблискиот здравствен дом. Во Скопје, вакцинацијата ќе се одвива во поликлиника ‘Бит Пазар’“, соопшти денеска Министерството за здравство.

Како што се појаснува, вакцините се наменети за возрасни и за адолесценти постари од 12 години.

Од Министерството потсетуваат дека вакцинацијата претставува најдобра и најефикасна мерка за заштита на здравјето на населението од заразни заболувања.

„Министерството за здравство во континуитет ја следи состојбата со Ковид-19“, потенцираат оттаму.

The post ПРИСТИГНАА 11.520 ДОЗИ ВАКЦИНИ ПРОТИВ КОВИД-19 Само лицата постари од 12 години ќе може да се вакцинираат appeared first on plusinfo.mk.