Кралот Чарлс и кралицата Камила присуствуваа на свеченоста по повод 45-годишнината од независноста на Антигва и Барбуда, која се одржа на стадионот „Сер Вивијан Ричардс“ во Северен Саунд, на островот Антигва. Но, настанот не помина според планираното – среде церемонијата ненадејно почна да врне силен тропски дожд.

Кога дождот се засили, Камила која брзо доби проѕирен чадор, незабележано се повлече од подиумот и се упати кон покриеното место наменето за кралското семејство. Чарлс, пак, остана на дождот, па почна да мавта со рацете и да им сигнализира на придружниците дека му треба чадор. Неколкупати праша: Каде ми е чадорот?

 

View this post on Instagram

 

A post shared by The Nightly (@thenightlyau)

Така, додека Чарлс безуспешно бараше чадор, Камила веќе седеше засолнета на трибината. Камерите ја снимија како се смее на непријатната ситуација, а потоа покажува кон мокриот фустан и разбушавената коса и вели: Се откажав. Сцената дополнително го привлече вниманието на јавноста, а снимката брзо се прошири на социјалните мрежи.

Поројниот дожд траеше околу пет минути, по што времето се разведри и програмата продолжи. Чарлс подоцна покажа дека не му недостига смисла за хумор, па се пошегува зборувајќи со премиерот на Антигва и Барбуда, Гастон Браун:

– Мислам дека наскоро ќе ми порасне трева на костумот – се пошегува кралот.

Кралот и кралицата се на деветдневна турнеја низ Карибите, која се одвива во чувствителен момент за односите меѓу Велика Британија и поранешните британски колонии. Посетата е во сенка на повторно отворената дебата за улогата на Британија во трансатлантската трговија со робови и барањата на карипските држави за официјално извинување и обесштетување.

The post 📽️ НЕМА ЧАДОР ЗА КРАЛОТ? Чарлс Трети накисна, а кралицата Камила си побегна и се засолни, па слатко му се смееше appeared first on plusinfo.mk.

Во обраќањето до Комонвелтот, британскиот монарх со солзи во очите упати емотивна молба за единство само неколку часа по фото-скандалот со Кејт Мидлтон. Во видео порака испратена до граѓаните на Комонвелтот кралот ја истакна важноста од заедничката работа и взаемната поддршка.

– Комонвелтот е како спроведување жица во една куќа, а неговите луѓе, нашата енергија и нашите идеи се струјата што тече низ тие жици. Заедно и индивидуално, ние сме посилни со споделување перспективи и искуства, како и нудејќи и позајмувајќи безброј начини на кои сме се справиле со предизвиците на нашето време – рече кралот Чарлс.

Тој додаде дека различноста е клучна сила на групата нации во Комонвелт и додаде дека нејзините 56 земји-членки се извор на „инспирација и гордост“ за него.

Кралот се осврна и на неговите тековни здравствени битки.

– Во последниве недели бев најдлабоко трогнат од вашите прекрасни љубезни и внимателни желби за моето здравје и, за возврат, можам само да продолжам да ви служам најдобро што можам. Моето верување во нашите заеднички потфати и во потенцијалот на нашиот народ останува сигурна и силна како и секогаш – потенцира британскиот крал во пораката до граѓаните.

Неговата порака за заедништво дојде откако Кејт, принцезата од Велс, се најде во центарот на вниманието откако ја објави  семејната годишна фотографија за Денот на мајката за која подоцна се откри дека е фото-монтажа. Откако беше повлечена, таа упати јавно извинување за збунетоста предизвикана од сликата, за која призна дека ја „уредила“.

The post 🎥 КРАЛОТ ВО СОЛЗИ СЕ ОБРАТИ ДО ЈАВНОСТА Чарлс испрати емотивна порака по скандалот со фотографијата на Кејт Мидлтон appeared first on plusinfo.mk.