Владата останува на ставот дека Клиничката болница во Скопје треба да се гради во близина на базенот кај арената „Борис Трајковски“ и оти тоа е најдобро решение.

– Дефинитивно остануваме на ставот дека Клиничката болница во Скопје треба да се гради на платото пред базенот „Борис Трајковски“. Тоа е земјиште кое е во приватна сопственост. Преговараме со приватниот сопственик и сакаме тука да го направиме сето тоа да може со подземен тунел да се поврзе со актуелната болница 8 Септември. Тука ни е пет-центарот и поликлиниката Букурешт и тоа ќе биде еден целосен заокружен комплекс – рече на денешниот брифинг со новинарите премиерот Христијан Мицкоски.

Тој додаде дека со сопственикот на таа приватна парцела преговараат да се направи трампа земја за земја и да се види до каде ќе се стигне. Досега, како што рече, е задоволен од тоа како течат преговорите.

Мицкоски најави дека продолжува и реализација на изградбата на Клиничката болница во Штип, заедно со медицински факултет и студентски дом, како и Клиничката болница во Тетово и Здравствен дом со проширена дејност во Кичево.

The post ВЛАДАТА ПРЕГОВАРА ЗА ЗЕМЈИШТЕТО КАЈ „БОРИС ТРАЈКОВСКИ“ Идејата е таму да се гради Клиничкиот центар и да се поврзе со тунел со „8 Септември“ appeared first on plusinfo.mk.

Дваесет и седумгодишен син на командир во Полициска станица – Тетово, брутално нападнал 42-годишен маж кој работел во Тобако во Тетово.

Според очевидци, напаѓачот Ф.Д. прво го удрил А.К. по глава со стаклено шише, а подоцна жртвата била пронајдена во дупка на објект во изградба со скршени нозе и тешки повреди на главата.

Повредениот е итно пренесен во Скопје, а напаѓачот е лишен од слобода. Информацијата ја потврди и СВР Тетово.

Исто така, во Клиничката болница во Тетово, 28-годишниот М.М. од д Челопек физички нападнал доктор додека му укажувал помош. Наместо соработка, пациентот станал агресивен, почнал да вика и да ги напаѓа вработените.

The post ТЕТОВЕЦ ПРОНАЈДЕН ВО ДУПКА СО СКРШЕНИ НОЗЕ И СО ПОВРЕДИ НА ГЛАВАТА Нападнат е и доктор во Клиничката болница во Тетово appeared first on plusinfo.mk.

Клиничка болница – Штип склучи договори за вработување со 18 приватни специјализанти кои во наредниот период треба да помагаат во работните единици согласно својата специјалност. Како што информира директорот на Болницата, Владко Захариев, на неопределено време ќе се вработат уште 18 лица.

– Заврши тој процес на прием на специјализанти, во моментот е склучен договор со 18 специјализанти од кои поголем дел се во втора половина на специјализација и се надеваме дека за 6 месеци, 5 до 6 колеги веќе ќе бидат специјалисти кои ќе можат да помагаат во работните единици на дадената специјалност – изјави Захариев.

Според него, на неопределено време ќе се вработат уште 18 лица – општи лекари, медицински сестри и фармацевти. Огласот завршил деновиве, а се прават напори за да се објави и нов оглас за вработување технички персонал зашто недостасува на речиси сите оддели.

– Тоа е за 18 вработувања, од кои 7 се за лекари по општа медицина, двајца фармацевти и 9 медицински сестри. Во план ни е во координација со Владата и со Министерствтото за финасии, ако се во можност да има и друг оглас кој ќе има поголем број на помошен медицински персонал – рече Захариев.

Проблемот со недостиг на перонал во болницата се провлекува со години, но се прават напори тој недостиг да се намали и да се вработат нови лица.

The post ШТИПСКАТА БОЛНИЦА АНГАЖИРА 18 СПЕЦИЈАЛИЗАНТИ Следуваат нови вработувања на лекари, сестри и на фармацевти appeared first on plusinfo.mk.

Неколку десетици лица ангажирани со договори за дело во Клиничката болница Тетово во кругот на установата одржаа протест поради неисплатени хонорари и поради тоа што не добиле нови договори. Според нив, станува збор за над 140 луѓе кои се ангажирани како медицински сестри и техничари, болничари и администрација, кои веќе трет месец очекуваат да добијат нов договор на дело, како и исплата на хонорари за два месеца. Тие бараат трајно решение, односно вработување на неопределено време.

– Нашите барања се да ни се даде ветеното. Јас работам шест години со договор на дело, а има колешки што се и повеќе од десет години. И претходната Влада и оваа Влада ни ветуваат решенија, но нема. Два месеца сме без плата, немаме договори. Мислам дека вредно работиме, и самите пациенти и колеги знаат и нѐ поддржуваат. Немаме веќе трпение – истакнаа медицинските сестри и другите ангажирани лица.

Тие велат дека постојано се во очекување на трајно решение.

– Работиме со договор на дело без здравствено осигурување и без стаж, со прекини, договорите се некогаш на два, некогаш на шест месеци, договорите не ни биле преку целата година. Овде сме околу 140 луѓе, медицински персонал, медицински сестри, болничари, администратори – истакнаа медицинските лица на протестот.

Групата која се собра пред Ургентниот центар се упати кон административната зграда на разговор со директорот Агим Бериша. Тој прими тројца претставници на кои им образложи дека чека одобрение од Министерството за финансии.

– Ние како Клиничка болница инсистираме да се реши вашиот случај. Само што не е до нас, ние сме побарале да ни одобрат од Министерство за финансии. Сме добиле одобрување од Министерство за здравство да се продолжат договорите од трети месец до 12 месец. Од Финансии уште не сме добиле, правиме напори, чекаме уште да добиеме одобрение така што ќе бидете на време исплатени – истакна Агим Бериша пред медицинските сестри и медиумите.

Според директорот, во Владата се прават напори да се најде начин сите лица ангажирани со договор на дело да добијат и вработување на неопределено време.

The post ОКОЛУ 140 ЛУЃЕ ВО ТЕТОВСКАТА БОЛНИЦА НЕ ЗЕЛЕ ПЛАТА 2 МЕСЕЦА Бараат трајно вработување, директорот вели дека се чека одобрение од Финансии appeared first on plusinfo.mk.

Во рамки на одбележувањето на 15-годишнината од отворањето на Клиничката болница „Аџибадем Систина“, разговараме со доц. д-р Ристо Симеонов, детски хирург. Зад неговото долгогодишно искуство стојат бројни успешни интервенции на деца, почнувајќи од најмала возраст. Д-р Симеонов вели дека секое дете заслужува не само најдобра медицинска грижа туку и разбирање, топлина и искрена посветеност.

Клиничката болница „Аџибадем Систина“ оваа година одбележува значаен јубилеј – 15 години постоење и врвна грижа за здравјето на своите пациенти. Како дел од овој успех, особено во делот на детската хирургија, што значи за Вас оваа годишнина во контекст на посветеноста кон најмалите пациенти и нивните семејства? Што сметате дека е најважно за да се обезбеди сигурност и доверба во критичните моменти кога родителите ги доверуваат своите деца во ваши раце?

– Јубилејот од 15 години претставува клучен момент кој ја отсликува нашата долгорочна посветеност кон обезбедување висококвалитетна здравствена грижа, со особен акцент на најмладите пациенти. Од самиот почеток, од отворањето на првата, најсовремена и единствена приватна педијатриска болница во земјата, нашата цел беше јасна: да изградиме средина во која секое дете ќе се чувствува безбедно, а секој родител – охрабрен и поддржан. Она што ја издвојува „Аџибадем Систина“ од другите болници е комбинацијата на најсовремена технологија, висококомпетентен и посветен медицински тим, како и индивидуализиран пристап кон секое дете и неговото семејство. Овие предности ја прават „Аџибадем Систина“ прв избор на родителите, кои бараат најдобра грижа за своите деца. Најважно за обезбедување на сигурноста и довербата кај родителите се транспарентната комуникација, компетентноста на тимот и целосната поддршка низ целиот процес – од првичната консултација до постоперативната нега. Верувам дека ваквиот интегриран пристап придонесува за позитивни резултати и долгорочна доверба.

Познато е дека Вашиот пристап кон пациентите е исклучително емпатичен и топол, а многу родители Ве нарекуваат „омилен доктор“. Што е тоа што го прави Вашиот метод на работа толку посебен и како успевате да ја задржите таа блискост со семејствата, дури и во тешки моменти?

– Верувам дека секое дете заслужува не само најдобра медицинска грижа, туку и разбирање, топлина и искрена посветеност. Кога родителите го доверуваат своето дете во наши раце, тие ни го доверуваат највредното нешто во нивниот живот. Тоа чувство на одговорност е длабоко врежано во секој мој пристап.

Мојата цел е да создадам атмосфера во која децата се чувствуваат безбедно, а родителите – сигурни дека нивното дете е во добри раце. Знам дека секоја интервенција, без разлика колку е мала или голема, претставува емотивен товар за родителите. Затоа се трудам секогаш да бидам достапен за нив, да ги слушам нивните грижи, да им дадам јасни одговори и да им понудам поддршка која оди подалеку од медицинскиот аспект.

Емпатијата и искрената комуникација се клучни за одржување на блискоста со семејствата. Најважно е да покажам дека сум тука за нив, не само како лекар, туку и како личност што ја разбира нивната грижа и ги води низ секој чекор со внимание и разбирање.

„Аџибадем Систина“ се гордее со современиот Ургентен педијатриски центар, кој е создаден за навремена и безбедна грижа за децата. Како овој центар го менува пристапот кон итните случаи и што значи тоа за пациентите и нивните родители?

– Ургентниот педијатриски центар, кој е дел од интегрираниот Педијатриски центар на „Аџибадем Систина“, е специјализиран за обезбедување на брза, прецизна и сеопфатна медицинска грижа за децата во критични состојби.

Нашиот Ургентен педијатриски центар претставува врвна комбинација на најсовремена медицинска технологија, мултидисциплинарен тим на висококомпетентни специјалисти и 24/7 достапност. Овој напреден пристап овозможува веднаш да се реагира на цел спектар на медицински состојби – од акутни инфекции до комплексни хируршки итности – со максимална ефикасност и прецизност.

Постоењето на ваков центар во рамките на единствениот приватен Педијатриски центар во земјата овозможува значително намалување на времето на чекање и обезбедување оптимални клинички резултати. Дополнително, непосредниот пристап до најновите технологии и континуираното усовршување на нашиот медицински тим придонесуваат за создавање на исклучителна доверба кај родителите.

Ова е причината зошто „Аџибадем Систина“ претставува прв избор за семејства не само од Македонија, туку и од целиот регион. За родителите, нашиот центар е гаранција дека нивното дете ќе добие највисок квалитет на медицинска нега, поддржана од најдобрите светски практики и експертиза.

Колку е значајно користењето на најсовремени технологии и методи во детската хирургија и како „Аџибадем Систина“ ги применува овие иновации во својата работа?

– Користењето најсовремени технологии и методи во детската хирургија е од клучно значење за обезбедување врвна здравствена услуга, особено кога станува збор за најмладите пациенти, кои бараат посебна прецизност, грижа и безбедност. Во „Аџибадем Систина“ сме цврсто посветени на континуирано унапредување на хируршките процедури преку постојани инвестиции во напредна медицинска технологија и професионален развој на нашиот тим.

Примената на минимално инвазивни хируршки техники, како што се лапароскопските и ендоскопските интервенции, претставува стандард во нашата практика. Овие методи овозможуваат пократко траење на интервенциите, минимална траума за ткивата, побрзо постоперативно закрепнување и значително намалување на ризикот од компликации. Преку ваков пристап, значително се подобруваат не само медицинските резултати, туку и целокупното искуство на пациентите и нивните семејства.

Со постојано следење и имплементирање на најновите достигнувања во медицината, „Аџибадем Систина“ останува лидер во областа на детската хирургија и продолжува да се развива во чекор со глобалните трендови, обезбедувајќи напредна, безбедна и современа грижа за секое дете.

The post СЕКОЕ ДЕТЕ ЗАСЛУЖУВА НАЈДОБРА МЕДИЦИНСКА ГРИЖА „Аџибадем Систина“ е прв избор на родителите appeared first on plusinfo.mk.

– Многу, многу брзо од денеска убава вест за штипјани поврзана со клиничката болница, веќе недели не делат до таа убава вест и очекувам тоа да биде едно пријатно изненадување не само за Штип, туку и за цела источна Македонија – рече Мицкоски.

Штипската клиничка болница започна да се гради во 2016 година, но поради проблеми со изведувачот и подизведувачот на објектот беше стопирана нејзината изградба. Премиерот, Мицкоски во неколку наврати нагласи дека доизградбата на објектот на новата Клиничка болница во Штип е еден од приоритети на оваа Влада.

The post ПО ДОЛГИ ГОДИНИ ЧЕКАЊЕ, КОНЕЧНО ДОБРА ВЕСТ Мицкоски откри кога Штип ќе ја добие својата болница appeared first on plusinfo.mk.

Почна главна расправа на повторното судење за модуларната болница во Тетово кое досега четирипати беше одложувано. Тогашните директори Флорин Бесими и Артан Етеми, кои се обвинети за кривичното дело „тешки дела против општата сигурност“, се изјаснија дека не се чувствуваат виновни.

Исто така, и застапник на правното лице ЈЗУ Клиничка болница за делото „предизвикување општа опасност“ истакна дека правното лице не чувствува одговорност. По изјаснувањето новиот водечки судија Реџеп Муса одреди пауза од половина час.

Апелацискиот суд во Гостивар во април 2024 година донесе решение повторно да има судење за двајцата поранешни директори и за Клиничка болница како правен субјект. Процесот требаше да почне на 26 јуни 2024 година, но се одложуваше за 25 септември 2024 година, потоа за 5 ноември 2024 година и за 15 јануари 2025 година.

На 5 јуни 2023 година Основен суд Тетово одреди условна осуда за обвинетите директори Флорин Бесими и Артан Етеми за кривично дело „тешки дела против општата сигурност“, додека, пак, правното лице ЈЗУ Клиничка болница беше прогласено за виновно за делото „предизвикување општа опасност“ во судскиот процес по пожарот во модуларната болница во Тетово во 2021 година, кога животите ги загубија 14 луѓе. Судот тогаш одлучи да има ослободителна пресуда за докторот Бобан Вучевски и за Клиничка болница за делото „непостапување по здравствени прописи“.

Според пресудата, на обвинетите Флорин Бесими и Артан Етеми им беше утврдена казна затвор од по 1 година и 6 месеци, условна осуда и утврдената казна затвор нема да се изврши доколку обвинетите секој за себе, во време од по 3 години, не сторат ново кривично дело. Правно лице требаше да плати парична казна во висина од 1 милион денари, 30 дена по правосилноста на пресудата.

И првото судење почна на 7 декември 2022 година, откако дотогаш имаше 4 одложувања.

За пожарот во тетовската модуларна болница, што се случи на 8 септември 2021 година, во која 14 луѓе ги загубија животите, на 27 јули 2022 година Обвинителството поднесе обвинителен предмет до Основен суд Тетово, откако 10 месеци се вршеше истражна постапка.

The post ПОЧНА ПОВТОРНОТО СУДЕЊЕ ЗА ПОЖАРОТ ВО ТЕТОВСКАТА МОДУЛАРНА БОЛНИЦА Обвинетите не ја признаваат вината appeared first on plusinfo.mk.

Станува збор за момче, осмоодделенец од ОУ „Коле Канински“ во Битола, за кое наставници од училиштето велат дека претходно немало видливи здравствени проблеми.

Според информацијата на СВР Битола, вчера, попладне околу 16 часот и 45 минути, од Итната медицинска помош Битола било пријавено дека околу 15.30 часот во атарот на село Крстоар, битолско, на малолетник од Битола му се слошило и паднал по што бил пренесен во Клиничка болница Битола, каде што лекар констатирал смрт без траги на насилство.

По смртта на малолетникот, полицијата извршила увид, а по наредба на јавниот обвинител телото на починатото момче било дадено на обдукција.

The post ПОЧИНА 14 ГОДИШНО МОМЧЕ ОД БИТОЛА Трагедијата се случила кога на малолетникот му се слошило, смрт била констатирана во битолската болница appeared first on plusinfo.mk.

Пациентките С.К. и С.Ш. се прегледани во Дежурна амбуланта и примени на Одделот за интензивна нега со стабилни витални параметри и надвор од животна опасност, велат медицински извори.

Инцидентот е пријавен денеска околу пладне во СВР Штип, а според пријавеното, ним им се слошило додека биле на работа во кујна за подготовка на храна, по што биле пренесени во Комплекс клиники Мајка Тереза во Скопје. За случајот е известен Јавен обвинител, а увидот е во тек, велат од СВР Штип.

Од Токсикологија, пак за ТВ 24 брифирале дека жените се надвор од животна опасност, контактибилни и стабилни, но и дека немаат знаци на труење со гас. За што всушност станува збор и дали навистина имало труење со гас, треба да покаже истрагата.

The post ДВЕ ЖЕНИ СЕ ЗАТРУЛЕ ВО КУЈНА ВО ШТИП Се претпоставува дека вдишиле природен гас appeared first on plusinfo.mk.

Во однос на здравствената состојба на повредените, Меџити информираше дека двајцата повредени се наоѓаат на КАРИЛ и дека едниот е во потешка состојба, а другиот е полесно повреден.

– Според информациите од директорот на болицата во Тетово, едниот е во потешка состојба, а другиот во полесна состојба. Тие се на КАРИЛ, на одделот за анестезија и реанимација. Останатото ќе го расчистат МВР и Обвинителството. Овој случај нема никаква поврзаност со здравството или со Болницата – изјави Меџити, одговарајќи на новинарски прашања при денешната посета на Клиниката за хируршки болести „Св. Наум Охридски“ во Скопје.

Вчера околу 18 часот и 5 минути во СВР Тетово беше пријавено дека пред влезот на Ургентниот центар во тетовската Клиничка болница било пукано во две лица од тетовското село Гајре, кои се здобиле со прострелни рани.

НЕМА ПОВРЕДЕНИ ПАЦИЕНТИ И МЕДИЦИНСКИ ПЕРСОНАЛ По пукањето во тетовската болница, доктор Вучевски откри во каква состојба биле застреланите

The post ПУКАЊЕТО ВО ТЕТОВСКАТА БОЛНИЦА НЕМА ВРСКА СО ЗДРАВСТВОТО Министерот Меџити го појаснува вознемирувачкиот инцидент appeared first on plusinfo.mk.