Извршниот директор на „Енвидија“, Џенсен Хуанг, му рекол на претседателот на САД, Доналд Трамп, дека немал никаква претстава оти жената со која имал вонбрачна врска е осомничена за кинеска шпионажа.

Трамп изјави дека му верува на Хуанг, додека американското Федерално истражно биро (ФБИ) го разгледува случајот.

– Разговарав со него денес, само за да видам како е. Го прашав за целата ситуација. Тој рече дека немал апсолутно никаква претстава дека таа личност е шпион. Директно го прашав дали знаел, а тој одговори дека немал поим. И јас навистина му верувам – рече Трамп пред новинарите во Белата куќа, пренесе Си-Ен-Ен.

Трамп тврди дека дури неодамна дознал за разузнавачките сомневања. Американскиот претседател вели дека не знаел за нив минатата пролет, кога Хуанг бил дел од американската делегација при посетата на Пекинг.

– Мислам дека сè ќе биде во ред со него – додаде Трамп.

Признание што го потресе семејството

Хуанг на 8 ноември испратил писмо до вработените во „Енвидија“, во кое признал дека ја изневерил сопругата и им се извинил на своите најблиски.

„Ѝ бев неверен на сопругата. Моите постапки ги повредија неа и нашите деца. Нема оправдување за тоа што го направив. Длабоко жалам“, напишал Хуанг, според „Аксиос“.

Во писмото признал дека ја изневерил и довербата на колегите.

„Да се раководи со ‘Енвидија’ е привилегија на мојот живот. Не ја исполнив таа одговорност. Целосно сум посветен на компанијата и ќе работам за повторно да ја заслужам вашата доверба“, навел Хуанг.

Управниот одбор на технолошкиот гигант започнал независна истрага за да утврди дали неговата лична врска создала ризик за компанијата.

Американските медиуми ја идентификуваа жената како Алис Хуанг, кинеска бизнисменка и поранешна раководителка во сингапурската компанија „Мегаспид“. Таа и директорот на „Енвидија“ имаат исто презиме, но не се роднини.

Бакнеж во Тајпеј, сомневања во Вашингтон

Алис Хуанг, позната и како Хуанг Ле, претходно работела во финансискиот сектор и управувала со инвестициски фондови во Шангај. Подоцна се поврзала со бизнисот со напредни компјутерски чипови.

Според „Њујорк тајмс“ и „Фајненшл тајмс“, американските разузнавачки служби се сомневаат дека била регрутирана од кинеското Министерство за државна безбедност за да собира информации за Џенсен Хуанг и да влијае врз неговите ставови за продажбата на американски чипови во Кина.

На технолошкиот саем „Компјутекс“ во Тајпеј, во мај 2025 година, новинарите ги снимиле двајцата заедно на вечера. На снимката Алис го бакнува Хуанг во образ, а подоцна заминуваат со ист автомобил.

На почетокот на истата година Алис Хуанг и нејзиниот деловен партнер Канг Веи барале инвеститори за центар за податоци во Југоисточна Азија, вреден неколку стотици милиони долари.

Според „Фајненшл тајмс“, пред потенцијалните инвеститори тврделе дека имаат пристап до бараните процесори на „Енвидија“, а како клиент го посочувале кинескиот гигант „Алибаба“.

Милијарди долари зад љубовната афера

Според трговските податоци што ги објави „Њујорк тајмс“, малезиска компанија поврзана со „Мегаспид“ набавила опрема за вештачка интелигенција со технологија на „Енвидија“ вредна најмалку 4,8 милијарди долари, меѓу јуни 2024 и февруари 2026 година.

Американските власти ја испитуваат „Мегаспид“ поради сомневања дека преку неа кинески компании можеле да пристапат до напредни чипови, заобиколувајќи ги американските извозни ограничувања.

„Фајненшл тајмс“ објави и дека Џенсен Хуанг лично лобирал кај Трамп да дозволи продажба на напредните процесори Х200 на кинески купувачи. Нема јавно објавени докази дека Алис Хуанг го поттикнала на таков чекор.

„Мегаспид“ ги отфрли обвинувањата за незаконско постапување, а кинеското Министерство за надворешни работи ги нарече тврдењата за шпионажа клевета.

Одборот на „Енвидија“ соопшти дека засега нема причина да верува дека биле загрозени тајните на компанијата или американската национална безбедност.

The post „НЕМАВ ПОИМ ДЕКА Е ШПИОНКА!“ Шефот на „Енвидија“ му се доверил на Трамп за аферата со Алис Хуанг appeared first on plusinfo.mk.

Основачот и извршен директор на NVIDIA, Јенсен Хуанг, признал дека ја изневерил сопругата,. Нови детали откриваат дека компанија поврзана со неговата наводна љубовница, осомничена за кинеска шпионажа, купила опрема со чипови на NVIDIA во вредност од најмалку 4,8 милијарди долари.

Хуанг во неделата, на 8 ноември, испратил писмо до вработените во кое признал дека бил неверен и презел одговорност за своите постапки, објави Аксиос.

„Ѝ бев неверен на сопругата. Моите постапки ги повредија неа и нашите деца. Нема оправдување за тоа што го направив. Длабоко жалам“, напишал Хуанг.

Признанието доаѓа во време кога управниот одбор на технолошкиот гигант започна независна истрага против Хуанг. Се истражува дали кинеското разузнавање се обидело да се приближи до еден од највлијателните луѓе во индустријата за вештачка интелигенција.

Alice huang笑的很开心 像在看自己的战利品 https://t.co/mTZElKJM1M

— 海王LuFFY (@ilufei) November 9, 2026

Што друго кажал Хуанг во писмото до колегите?

„Да се раководи со NVIDIA е привилегија на мојот живот. Моја одговорност е да ви служам и да бидам достоен за вашата доверба. Не ја исполнив таа одговорност. Целосно сум посветен на NVIDIA и ќе работам за повторно да ја заслужам вашата доверба“.

Иако не го споменал името на жената, американските медиуми претходно објавија дека Хуанг бил во романтична врска со кинеската бизнисменка Алис Хуанг, поранешна директорка на сингапурската компанија „Мегаспид“.

Според „Њујорк тајмс“, американските разузнавачки служби се сомневаат дека таа била ангажирана од кинеското Министерство за државна безбедност за да собира информации за директорот на NVIDIA и да влијае врз неговите ставови за продажбата на напредни американски чипови во Кина.

Дополнително внимание привлекуваат деловните активности на „Мегаспид“, компанијата со која Алис Хуанг била поврзана.

Според трговски податоци на кои се повикува „Њујорк тајмс“, малезиска компанија поврзана со „Мегаспид“ набавила опрема за вештачка интелигенција со чипови и технологија на NVIDIA во вредност од најмалку 4,8 милијарди долари, во периодот од јуни 2024 до февруари 2026 година.

Американските власти претходно ја испитувале „Мегаспид“ поради сомневања дека им помагала на кинески компании да дојдат до напредни чипови чиј извоз во Кина е ограничен.

Алис Хуанг била директорка на сингапурската компанија во текот на 2023 година. Таа и Јенсен Хуанг имаат исто презиме, но не се во роднинска врска.

NVIDIA CEO JENSEN HUANG ADMITS TO AN AFFAIR WITH A CHINESE SPY!

US intelligence suspects espionage; Huang emails all employees to apologise for cheating on his wife!

@Grok Will they be jailed now? https://t.co/pzhcj7zwhK

— Samridhi (@samridhi_i) November 9, 2026

Разузнавачките сомневања не претставуваат доказ дека Алис Хуанг навистина работела за кинеските служби или дека Јенсен Хуанг свесно откривал доверливи информации.

Според американските медиуми, претседателот на САД, Доналд Трамп, бил запознаен со разузнавачките информации за Алис Хуанг уште пред јавното избивање на скандалот.

Трамп изјавил дека не разговарал со директорот на NVIDIA по објавувањето на обвинувањата, но и понатаму го смета за чесен човек кој направил многу за САД.

Во меѓувреме, американски конгресмени побарале од Хуанг да даде објаснување за неговите контакти со Алис Хуанг и за мерките со кои NVIDIA ги штити чувствителните информации.

Управниот одбор на компанијата формирал независна комисија, со помош на надворешни правни советници, која треба да утврди дали постоела закана за американската национална безбедност или за деловните тајни на NVIDIA.

Компанијата соопштила дека засега нема причина да верува дека доверливи информации биле компромитирани и дека Хуанг ќе продолжи непречено да ја извршува функцијата извршен директор.

Кина ги отфрли обвинувањата за шпионажа. Портпаролот на кинеското Министерство за надворешни работи, Гуо Џиакун, ги оцени тврдењата како неосновани обиди за оцрнување на земјата.

NVIDIA ГО ИСТРАЖУВА СОПСТВЕНИОТ ШЕФ Во позадина се сомнежи за кинеска шпионажа и шверц

The post ШЕФОТ НА NVIDIA ПРИЗНА НЕВЕРСТВО Фирма поврзана со наводната љубовница набавила чипови вредни милијарди? appeared first on plusinfo.mk.