Вработен во ЈП „Комунална хигиена“ пријавил дека доживеал вистинска драма додека бил на работна задача во Скопје. Според МВР, 48-годишниот скопјанец околу 17:50 часот работел на улицата „Маџари“, кога со возило пристигнал 52-годишен сограѓанин и физички го нападнал.

Но инцидентот не завршил таму.

Нападнатиот пријавил дека мажот потоа го следел со автомобил сè до неговиот дом. Во текот на следењето, како што навел во пријавата, слушнал и истрели од огнено оружје.

„На 14.07.2026 во 19:00 часот во СВР Скопје, Р.И.(48) од Скопје пријави дека околу 17:50 часот на ул. ‘Маџари’ во Скопје, додека извршувал работни задачи како вработен во ЈП ‘Комунална хигиена’, со возило дошол Б.П.(52) од Скопје и физички го нападнал, а потоа и го следел со неговото возило до домот на пријавителот“ – соопшти МВР.

Од полицијата велат дека се преземаат мерки за расчистување на случајот.

The post ИСТЕПАЛ ВРАБОТЕН НА „КОМУНАЛНА“, ПА ГО СЛЕДЕЛ ДО ДОМА Драмата завршила со пријава за истрели appeared first on plusinfo.mk.

Британското Министерство за одбрана покрена истрага откако руската фрегата „Адмирал Григорович“ испука предупредувачки истрели во правец на британска цивилна јахта која ѝ се приближила на околу 500 метри во Ламанш, јужно од островот Вајт, пренесоа денеска британските медиуми.

Според наводите на весниците „Телеграф“ и „Гардијан“, инцидентот се случил околу 20 наутички милји јужно од островот Вајт, надвор од британските територијални води. Во инцидентот немало повредени ниту материјална штета, а британските власти оценија дека станува збор за „изолиран инцидент“.

Портпаролот на британското Министерство за одбрана потврди дека се проверуваат информациите за настанот во Ламанш. Британската јахта го продолжила своето патување по инцидентот, додека патролен чамец од бродот на британската Кралска морнарица „HMS Tyne“ бил упатен кон пловилото за да собере информации и да ја провери безбедноста на членовите на екипажот.

Инцидентот се случи два дена откако британските специјални сили за првпат пресретнаа и запреа санкциониран руски нафтен танкер од „флотата во сенка“, „Смиртос“, во Ламанш. Од октомври 2025 година, и француската воена морнарица спроведе четири слични операции против руски танкери, со цел да се намалат приходите од извозот на нафта со кои, според наводите на западните земји, се финансира војната во Украина. Сепак, воени извори изјавија за „Гардијан“ дека денешниот инцидент не е поврзан со пресретнувањето на танкерот во текот на викендот.

Русија вечерва потврди дека воен брод испукал предупредувачки истрели во Ламанш кон британска јахта „која опасно се приближувала“, јави ТАСС.

Руското Министерство за одбрана го потврди инцидентот, наведувајќи во соопштение дека екипажот на фрегатата „Адмирал Григорович“ во 12:45 часот по московско време забележал дека цивилната едрилица под британско знаме „Брајт Фјучер“ се приближува опасно блиску до бродот со вклучен мотор. Морнарите прво испукале ракети и дале звучни сигнали, но јахтата го продолжила својот курс кон фрегатата, доближувајќи и се на 150 метри. Командантот на рускиот воен брод потоа дал наредба да се испукаат предупредувачки истрели, по што британскиот брод веднаш почнал да се оддалечува. Никој не бил повреден.

„Екипажот на фрегатата ’Адмирал Григорович‘ дејствувал во строга согласност со меѓународните правила за навигација и ги презел сите потребни мерки за да спречи инцидент“, нагласи руското Министерство за одбрана.

The post РУСКА ФРЕГАТА ОТВОРИ ОГАН КОН БРИТАНСКА ЈАХТА!? Инцидент во Ламанш, Лондон води истрага appeared first on plusinfo.mk.

Пожар избувна претпладнево пред српскиот Парламент во Белград каде се поставени шатори. На пожарот како што е објавено на социјални мрежи му претходат истрели од еден од шаторите, но засега не се знае дали се истрели од огнено оружје.

Веднаш реагираше полицијата по што е приведено едно лице.

Според Мондо, уапсен е 70-годишниот Владан А. под сомнение дека пукал и го ранил Милан Б. (57). Се наведува дека Владан А. пукал, потоа запалил шатор пред Собранието и фрлил неколку куршуми во огнот.

Милан Б. наводно е ранет во бутот и неговиот живот не е во опасност. Се наведува дека обвинителот на Вишото јавно обвинителство во Белград излегол на местото на настанот за да изврши истрага.

Пожарникарите го гаснат  пожарот со три возила. Засега не се знае причината за пожарот во шаторите кои ги поставија студенти кои се спротиставуваат на блокадите.

Српските пратеници днееска треба да гласаат за 48 точки од дневниот ред.

Ovako je počelo u ćacilendu u 10:19
Neko je pucao iz vatrenog oružja i onda kenuo i požar iznutra pic.twitter.com/bA4ylB4JGp

— Marinika Tepić (@MarinikaTepic) October 22, 2025

The post 📽️ ИСТРЕЛИ И ПОЖАР ВО ШАТОР ПРЕД СРПСКОТО СОБРАНИЕ Едно лице уапсено и едно рането пред закажаната седница appeared first on plusinfo.mk.

Но, веќе беше доцна. Во екот на жестоките критики на нејзина сметка, Амети поднесе оставка од лидерската позиција на Зелените либерали во Цирих. Подмладокот на десничарската Швајцарска народна партија поднесе кривична пријава против неа за нарушување на слободата на вероисповед и богослужба.

И во нејзината партија размислуваат да ја исклучат од членство. „Според мислењето на раководството на партијата, натамошното членство на Санија Амети во Зелените либерали би ѝ наштетило на угледот на партијата. За да се спречи натамошна штета, партијата бара итно да се поведе постапка за исклучување“, соопштуваат од партијата.

„Апсолутно глупаво“

Инцидентот навидум бил банален. Санија Амети вежбала стрелање и си нашла мета – ја изрешетала сликата на Богородица со Исус. Станува збор за репродукцијата на сликата „Мадона и детето со архангел Михаил“ од 14 век, од Томас дел Мацо.

Санија во целта групирала три истрели во главата на Богородица и неколку истрели кон бебето Исус, што укажува на тоа дека била добар стрелец. „Не обрнав внимание на содржината на сликата“, тврди таа, објаснувајќи дека сликата ја добила од каталогот на аукциската куќа. На 20 септември таа слика треба да се продаде за најмалку 150.000 франци.

Санија Амети признава дека не било во ред што ја избрала оваа слика и додава дека нејзината постапка била „апсолутно глупава“.

Тоа е таа „постмодерна Швајцарија“

Но, која е Санија Амети? И дали овој инцидент е сосема случаен?

Во нејзината биографија пишува дека е родена во Босна во 1992 година и дека со родителите побегнала во Швајцарија во 1995 година. За себе вели дека е посветена на уредни и стабилни односи меѓу Швајцарија и ЕУ.

„Мојата визија за постмодерна Швајцарија е прогресивна, иновативна и социјално либерална“, вели Амети на нејзиниот профил на Либералната зелена партија.

Од мај 2022 година, таа е општинска советничка на градот Цирих и ги претставува градските области 4 и 5. Минатата година се кандидирала за Кантоналниот совет во Цирих, но не поминала.

Кампањата ја започнала во Приштина на 1 август. На аеродромот во Приштина бил поставен голем билборд со нејзината фотографија. Медиумите тогаш објавија дека таа сакала да го привлече вниманието на нејзиното двојно швајцарско-косовско државјанство.

Jörg.. wir soll Dir das sagen, ohne Dein Ego zu verletzen.. Das da ist kein Bosnisch.. https://t.co/7p1yossEx8

— Sanija Ameti (@cybersandwich) May 5, 2024

Косово во срцето

Зајакнувајќи ги врските со Косово, минатата година Санија Амети носела маскирна униформа на швајцарската армија на форум во Берн, а на прашањето која е таа, одговорила дека му припаѓа на Исљамаи – млад човек, чии родители побегнале во Швајцарија од Косово.

Во интервју за „Тагес Анцигер“ Санија се пожалила на Швајцарија, каде, како што изјавила, нејзините родители избегале од Косово – во 1995 година.

Но, нејзините критики за швајцарскиот систем не останале без одговор.

„Ако Санија Амети пораснеше во Косово наместо во Швајцарија, можеби немаше да ѝ беше дозволено да оди на факултет на сметка на даночните обврзници и немаше да ѝ беше дозволено да студира право. А можеби и нема да смеела сама да си го избере сопругот“, беше една од неумерените критиките искажани во медиумите.

Во одбрана на муслиманската кауза

Од кај и да дошла, од БиХ или од Косово, Санија Амети е во Швајцарија е од својата тригодишна возраст. Татко ѝ пред војната бил професор по биологија и политичар во тогашната СФРЈ.

Дипломирала во 2011 година во Кантоналната школа во Цирих, а потоа дипломирала право на Универзитетот во овој град, работејќи на тема сајбер-безбедност.

Таа досега се истакнувала со своите цврсти ставови за прашањето на Русија, како и за различни швајцарски закони. Била остро против за одлуката на граѓаните на референдумот во 2021 година, муслиманките да не го покриваат лицето во јавност. Одлуката за забрана беше изгласана со 51,2 отсто за и 48,8 отсто против.

Претставена како членка на швајцарската муслиманска заедница, Амети тогаш изјави за Би-Би-Си дека тоа е навредлива кампања против муслиманите.

Против законот за борба против тероризмот

Санија Амети се спротивстави и на усвојувањето на законот за борба против тероризмот во Швајцарија.

„Тоа е закон кој ги крши основните човекови права“, рече таа во 2021 година.

Инаку, Амети стана политички активна непосредно пред почетокот на корона-вирусот. Таа во 2019 година стана член на извршниот комитет на Младата зелена либерална партија на Швајцарија, а од следната година член на партиското раководство на оваа партија за Кантонот Цирих.

Од октомври 2020 година, тго презема копретседателството на политичкото движење „Операција Либеро“ од Лора Цимерман.

Останува да се види дали овој тежок инцидент ќе значи и крај на нејзината политичка кариера.

The post МОЖЕБИ Е ГЛУПАВА, НО ДАЛИ СЛУЧАЈНО ПУКАШЕ ВО БОГОРОДИЦА СО ИСУС? Еве која е швајцарската политичарка Санија Амети appeared first on plusinfo.mk.

Денеска на судењето на родителите на момчето убиец сведочеше класната раководителка на одделението во кое учел Коста Кецмановиќ.

Во Вишиот суд во Белград денеска продолжи сослушувањето на родителите на момчето-убиец судењето во граѓанската постапка по тужбеното барање на членовите на семејството на убиените и ранетите деца и чуварот на училиштето „Владислав Рибникар“, кои нивните синот, како што се сомнева, ги убил на 3 мај 2023 година на прв час, а како главен сведок на денешното рочиште беше поранешната класна раководителка на малолетниот убиец.

Класната раскажала што се случувало во учебната година во која се случил масакрот и истакнала дека момчето убиец не го познавала пред почетокот на таа учебна година. Таа опишала и каков бил кобниот ден.

– Бев во мојата канцеларија кај компјутерот што не работеше, па се преселив во конференциската сала и бев сама таму. Слушнав „бум“ и помислив дека се петарди, а потоа се прашував кој фрла петарди во 8 часот утрото. Откако слушнав „бум, бум, бум“ излегов во ходникот каде го видов мртвиот чувар Драган и се упатив кон училницата. Ми рекоа дека тој е момчето убиец, не можев да верувам , затоа што мислев дека е некој од улица – рекла класната и додала дека во истиот момент повикала полиција:

– Кога пристигна полицијата, побара да се прекинат сите информации од училиштето, ни беше предложено да ги исклучиме телефоните, што и го направив. После сѐ, инспекторот ме повика да извршам идентификација на децата, прашав зошто јас?“, на што тој одговори „затоа што значително ќе го скратите процесот“. Потоа влегов во училницата полна со мртви деца… – тука заврши нејзиното сведочење за 3 мај.

Како што таа понатаму тврдеше, таа момче убиец го запознала дури во средината на септември 2022/23 година, бидејќи на почетокот на таа учебна година бил болен првите две недели, имал ковид-19. Таа рече дека момчето убиец имало околу 200 изостаноци во таа учебна година.

– Момчето убиец имало соодветна медицинска документација за сите изостаноци на училиште“, вели класниот раководител, на што родителот се надоврзал и прашал „од која институција се овие оправдувања“, а адвокатот на семејството на момчето убиец рекол дека има оправдувања од позната приватна здравствена установа во која, инаку, работи таткото на момчето убиец.

Денеска требаше да се одржи сослушувањето на мајката на момчето убиец која не дојде и чиј адвокат појасни дека не сака да сведочи поради кривичната постапка во која сѐ уште не е сослушана како обвинета. Таткото на момчето убиец денеска беше изведен пред суд, но поради здравствени причини веднаш бил вратен.

Да потсетиме, мајката на момчето убиец од училиштето „Владислав Рибникар“ денеска беше повикана да сведочи во тужбата на родителите на убиените деца. Судијката Бојана Чогуриќ на вчерашното судско рочиште рече дека доколку мајката и денеска не дојде, нејзиниот исказ ќе биде изземен од доказите и поништен.

The post „ЗОШТО ЈАС? НО ТОГАШ ВЛЕГОВ ВО УЧИЛНИЦА ПОЛНА СО МРТВИ ДЕЦА“ Класната на Коста К. откри шокантни детали од масакрот во „Рибникар“ appeared first on plusinfo.mk.

На снимките објавени на социјалните мрежи се гледа како купувачите бегаат од трговскиот центар. Во едно од видеата, во прометниот трговски центар јасно се слушаат четири гласни звуци кои звучат како истрели. Сведоците пријавиле и дека се криеле во продавниците и во тоалетите.

Трговскиот центар и блиската метро станица Сиам се затворени, објавија локалните медиуми.

BREAKING: Thailand PM says ‘shooting’ at Siam Paragon mall in Bangkok, hundreds flee https://t.co/a5Jgul1U0o

ฺ #พารากอน #Paragon pic.twitter.com/xk7AiYC5YO

— Insider Paper (@TheInsiderPaper) October 3, 2023

BREAKING: Shooting incident at Siam Paragon Tuesday afternoon. No casualties reported as of 4.50pm but many shoppers fled the mall. PM Srettha and new police chief heading there.This is a developing story. #Bangkok #Thailand pic.twitter.com/k1hQw8Udnb

— Khaosod English (@KhaosodEnglish) October 3, 2023

The post 📽 ИСТРЕЛИ, ВРИСОЦИ И МЕТЕЖ ВО ТАЈЛАНД 14-годишник ранил најмалку три лица во трговски центар appeared first on plusinfo.mk.

Вака гласот на Стојанче Ангелов, директорот на Центарот за управување со кризи, ги предупредува учесниците во акцијата на евакуација на момче со скршена нога од опожарен објект.

На снимката навистина се слушаат покотници, но тоа „пукаат“ керамидите од покривот на плевната што гори, додека се кршат.

Ангелов има искуство од војната во 2001 година и знае што се истрели од огнено оружје. Од друга страна, тој знае и што се тоа керамиди, бидејќи кршејќи ги со глава на јавни настапи го доби прекарот Столе Керамида.

Останува заклучокот дека силно импресиониран од акцијата, Ангелов во ситуацијава, едноставно, се збунил.

;

The post (ВИДЕО) СЕ КРШАТ КЕРАМИДИ, А НА СТОЈАНЧЕ МУ СЕ СЛУШААТ ИСТРЕЛИ Дури и искусниот воин може да се збуни appeared first on plusinfo.mk.

За време на изведување на планираните активности во рамки на обуката, во одредени периоди ќе се слушаат истрели од вежбовна муниција и други вежбовни средства, а ќе има и зачестено движење на воени возила. Во утринските часови на 6 мај ќе има и активности во воздух.

„Наведените активности се дел од редовните планови за изведување на неопходната обука на припадниците на армиските единици на овој полигон, при што се преземени сите неопходни превентивни мерки за безбедност на учесниците и околината. Согласно процедурите, со наведената активност се запознаени и надлежните институции на територијата на Град Скопје, се наведува во соопштението од Генералштабот на Армијата.

The post ЌЕ ИМА ИСТРЕЛИ И ВОЕНИ ВОЗИЛА Обука на „Стенковец“ од вечерва до 8 мај appeared first on plusinfo.mk.

Ова може да се заклучи од изјавата од Обвинителството дека сè уште не добиле поднесок, но со оградување, дека можеби веќе таков поднесок има во архивата на Обвинителството. Од таму велат дека Комисијата за изборни нерегуларности ги следи сите настани и дека очекуваат надлежните да поднесат до обвинителството соодветен поднесок.

И од МВР велат дека во координација со обвинителството работат на расчистување на случаите.

Ова се инциденти кои официјално се пријавени во МВР од граѓани или од партии учеснички на изборите, но досега, барем официјално, сè уште нема информации дали се откриени тие што пукале, дали тие се симпатизери, членови или можеби партиски или државни функционери, дали надлежните постапуваат против тие лица и дали за каубојското однесување некој ќе одговара.

Партиите пак, вообичаено се оградуваат и го осудуваат користењето огнено оружје на партиски собири и немаат информации кои се лицата што на изборни собири се осмелуваат да пукаат, а се знае дека на такви настани има присуство на голема група граѓани, активисти, симпатизери и функционери.

Од инцидентите кои се случија за само седум дена од почетокот на кампањата, најсериозен е бомбата која завчера била фрлена во дворот на куќата на кандидатот за советник на Град Скопје од СДСМ и коалицијата, Габриел Бајрам.

Неофицијално, институциите молчат кога немаат сознанија за сторителите на инцидентите, па нема да биде изненадување ако кампањата и изборите завршат, а јавноста не разбере кој пукал и кои се насилниците кои го загрозуваат изборниот процес.

Синот на Амди Бајрам, Габриел Бајрам ноќеска пријавил во полиција дека околу полноќ му била фрлена бомба во дворот на семејната куќа, но дека за среќа, нема повредени, а причинета е материјална штета врз куќата.

За настанот има потврда во билтенот на МВР. Според полицијата, завчера околу 23.56 часот во дворно место од куќа во сопственост на Бајрам, на подрачје на Чаир непознат сторител фрлил експлозивна направа која предизвикала оштетување на ограда, врата, прозорци и фасада на куќата. Инаку Габриел Бајрам неколку пати пријавувал во полиција дека имал закани по телефон и на социјални мрежи.

Во минатата недела јавноста преку видео сведочеше дека на отворање на изборен штаб на ДУИ за Чаир, на плоштадот Скендер бег, маж рафално со истрели од пиштол го поздрави обраќањето на потпретседателот на ДУИ и пратеник Изет Меџити. На собирот бил присутен и првиот вицепремиер Артан Груби, како и актуелниот градоначалник и кандидат за втор мандат во Чаир Висар Ганиу, но никој не реагира на пукотниците.

Ривалската и опозициска партија Алијанса за Албанците обвини дека пукање имало и на собир на ДУИ во тетовско Желино. Според партијата на Зијадин Села, на пукањето во Желино присуствувал и заменик министерот за правда Агим Нухиу.

Ден или два по ова, МВР потврди за инцидент во центарот на Тетово, каде по полноќ полицијата сопрела две возила во кои имало четири лица, меѓу кои и лидерот на ДПА Мендух Тачи, за уништени билборди и транспаренти на кандидатот за градоначалник на Тетово, Вулнет Мурсели, од опозициската Алијанса за Албанците и Алтернатива.

Тачи во изјава за Плусинфо инцидентот го нарече местенка на конкурентските партии, односно тој демантира дека активисти на ДПА уништиле билборди на Алијанса. Напротив, според Тачи, тој со автомобил стасал на местото на инцидентот за да ги смири своите активисти по дојавата дека со спреј биле уништени билборди на нивниот кандидат за градоначалник на Тетово, Сади Беџети. Од ова произлегува дека Тачи не кршел, туку ја спасувал ситуацијата да не дојде до „војна“ помеѓу активисти на ДПА и на Алијанса за Албанците.

Засега нема одговор дали Тачи е повикан да даде изјава за настанот, ниту дали се води некаква постапка против лидерот на ДПА.

Меѓу инцидентите кои се случиле в првата недела од кампањата се и пријава за искршено стакло на изборен штаб на СДСМ во Арачиново, од каде било украден пакет со сокови.

The post НЕ БИВА ИЗБОРИ БЕЗ ПУКОТНИЦИ Истрели слушнавме и видовме со свои очи, а МВР уште не доставило поднесок до Обвинителството appeared first on plusinfo.mk.

Инцидентот се случил околу 22.15 часот во едно кафуле во близина на плоштадот Скендербег. Полицијата веднаш излегла на самото место и го истражува случајот.

The post Истрели во Старата чаршија, повреден е човек во кафуле appeared first on plusinfo.mk.