Претседателот на Белорусија Александар Лукашенко неочекувано му упати извинување на украинскиот претседател Володимир Зеленски за дел од своите претходни изјави.

Во интервју објавено на руски јазик, Лукашенко призна дека можеби претерал со острите зборови кон украинскиот лидер.

– Ако Владимир Александрович беше навреден, му се извинувам за тие зборови. Можеби не требаше да ги кажам, со оглед на тоа што тој сè уште е во војна – изјави Лукашенко.

Тој додаде дека Зеленски добро знаел оти од Белорусија не треба да очекува воена закана.

– Тој совршено разбира дека од Белорусија, а особено од мене лично, не треба да се очекуваат воени дејствија.

Lukashenko apologized to Zelensky for his harsh statements

“If Vladimir Alexandrovich was offended, I apologize to him for those words. Maybe I shouldn’t have said them, given that he is still at war. Moreover, he perfectly understands that from Belarus, and especially from me… pic.twitter.com/bEEHoIkFfv

— NEXTA (@nexta_tv) June 15, 2026

„Белорусија е отворена книга“

Лукашенко објасни дека Минск нема интерес да отвора нов фронт кон Украина. Според него, Белорусија е многу поранлива отколку што многумина мислат.

– Белорусија е како отворена книга за украинските воени сили. Нашите главни индустриски и логистички објекти веднаш би станале цели – изјави тој.

Лукашенко тврди дека украинската страна веќе идентификувала стотици потенцијални цели на белоруска територија.

Страв од нов фронт долг 1.500 километри

Белорускиот лидер предупреди дека евентуален напад врз Украина од белоруска територија би создал дополнителен фронт долг околу 1.500 километри.

Според него, ниту Белорусија ниту Русија моментално не би можеле ефикасно да го обезбедат таквиот простор.

Изјавите доаѓаат во време кога украинските беспилотни летала сè почесто напаѓаат цели длабоко во руската територија, покажувајќи дека современата војна не признава безбедна позадина.

The post „ЗЕЛЕНСКИ, ИЗВИНИ“ Лукашенко објасни зошто не сака војна со Украина appeared first on plusinfo.mk.

Организацијата Трамп го претстави проектот за „Трамп Тауер“ во Тбилиси, 70-катен облакодер што треба да стане нов симбол на грузиската престолнина.

Најавата ја објави Ерик Трамп, син на претседателот на САД Доналд Трамп и извршен потпретседател на Организацијата Трамп.

Организацијата веќе неколку години бара големи бизнис-проекти во Источна Европа и поранешните советски држави.

Кула од 2 милијарди

Проектот е дел од комплекс вреден околу 2 милијарди долари. Во него ќе има: луксузни станови, продавници, ресторани, канцеларии и други содржини.

Кулата ќе гледа кон Централниот парк во Тбилиси.

„Обележје на Грузија“

„Исклучително сум возбуден што го споделувам официјалното прикажување на Трамп Тауер Тбилиси“,  напиша Ерик Трамп на Икс.

Понатаму во текстот тој вели:

„Оваа кула брзо ќе стане обележје како највисоката зграда во Грузија“.

I am so excited to share the official rendering of Trump Tower Tbilisi.

With a prime location, in the heart of Tbilisi, this tower will quickly become a landmark as the tallest building in Georgia. This marks our first project in the region and we are so excited to bring it to… pic.twitter.com/VFNuDxJnxB

— Eric Trump (@EricTrump) May 11, 2026

Проект среде политичка криза

Најавата доаѓа во период на длабока политичка криза во Грузија. Владејачката партија „Грузиски сон“ со месеци е под критики од опозицијата, Европската Унија и западни аналитичари.

Критичарите ја обвинуваат власта за: авторитаризам, проруски политики и оддалечување од Европа.

Трамп и Балканот

Најавата за проектот доаѓа по неуспешните обиди на семејството Трамп и зетот на Трамп Џаред Кушнер да градат во Србија и во Албанија

Еден од најконтроверзните беше проектот во Белград, каде што семејството Трамп и Џаред Кушнер планираа луксузен комплекс на местото на бомбардираниот Генералштаб.

Проектот подоцна пропадна по силни критики и протести.

Исто така, пропаднаа плановите на Кушнер да гради елитна туристичка населба на островот Сазан во Албанија. Се смета дека Кушнер го напуштил проектот во Сазан поради истрагите на Специјалното обвинителство во Албанија врзани со инфраструктура за островот.

МИЛИЈАРДИТЕ НА ЗЕТОТ НА ТРАМП СЕ СЕЛАТ ОД БЕЛГРАД НА ОСТРОВ ВО АЛБАНИЈА? Сомнежите за корупција може да го закочат Кушнер да гради во Сазан

Според аналитичарите, новиот проект во Тбилиси може да има и поширока политичка димензија.

Дел од набљудувачите веруваат дека инвеститорите блиски до власта во Грузија сакаат да изградат подобри односи со можната идна администрација на Трамп.

The post ТРАМП ЌЕ ГРАДИ ОБЛАКОДЕР ВО „ПРОРУСКА“ ГРУЗИЈА Фокусот од Белград и Албанија се сели на Кавказот appeared first on plusinfo.mk.

Реномираната авијациска организација Скајтракс (Skytrax) го рангираше Меѓународниот Аеродром Скопје, управуван од ТАВ Македонија, подружница на ТАВ Аеродроми, меѓу најдобрите десет аеродроми во регионот на Источна Европа, во рамки на својата програма наречена Светски Аеродромски Награди (Skytrax World Airport Awards).

Наградите кои Скајтракс ги доделува според гласовите на патниците, беа објавени на авијацискиот саем „Passenger Terminal Expo“ кој се одржа во Мадрид, Шпанија, каде што се собраа над 2.000 професионалци од авиоиндустријата, од повеќе од 120 земји во светот.

Најдобрите аеродроми во Источна Европа за 2025 година, според Скајтракс се: 1. Будимпешта; 2. Софија; 3. Тбилиси; 4. Талин; 5. Рига; 6. Кутаиси; 7. Белград; 8. Букурешт; 9. Батуми; 10. Скопје, информираше денеска во соопштение ТАВ Македонија.

Наградите на Скајтракс (Skytrax), наречени Светски Аеродромски Награди (World Airport Awards), се одредуваат преку резултатите од истражувањето за мислењето на патниците, кое беше направено од август 2024 до февруари 2025 година, односно во период од шест месеци.

The post СКОПСКИОТ АЕРОДРОМ Е МЕЃУ 10 НАЈДОБРИ ВО ИСТОЧНА ЕВРОПА Организацијата Скајтракс го истражи мислењето на патниците appeared first on plusinfo.mk.

Американскиот потпретседател, Џеј Ди Венс, денеска изјави дека би бил шокиран доколку претседателот Доналд Трамп поддржи распоредување нуклеарно оружје понатаму на истокот на Европа.

Британските медиуми пренесуваат дека Венс одговараше за барањето на полскиот претседател Анджеј Дуда, САД да го префрлат нуклеарното оружје на полска територија како дел од стратегијата за одвраќање од потенцијални идни руски напади.

-Не сум разговарал со претседателот на оваа конкретна тема, но би бил шокиран ако тој го поддржи ширењето на нуклеарното оружје понатаму на исток во Европа – рече Венс за време на гостувањето на Фокс Њуз.

Анджеј Дуда ги повика САД да пренесат нуклеарно оружје на полска територија како одвраќање против идната руска агресија, нешто за што тој неодамна разговараше со специјалниот пратеник на американскиот претседател Доналд Трамп за Украина и Русија, Кит Келог.

-Границите на НАТО се поместија на исток во 1999 година, така што 26 години подоцна, инфраструктурата на НАТО исто така треба да се движи кон исток. За мене тоа е очигледно. Побезбедно би било тоа оружје да биде веќе во земјата -изјави Дуда.

The post „БИ СЕ ШОКИРАЛ, АКО ТРАМП ПРИФАТИ РАСПОРЕДУВАЊЕ НУКЛЕАРНО ОРУЖЈЕ ВО ИСТОЧНА ЕВРОПА“ Венс за барањето на полскиот претседател appeared first on plusinfo.mk.

Значителен дел од опремата се купува за да се замени советската опрема испратена во Украина. Земјите од Источна Европа се обидуваат брзо да го изградат својот воен потенцијал, кој повеќето од нив го занемаруваа со децении, наведува медиумот.

„Откако не направивме речиси ништо на ова поле 20 години, ова во основа е скок од машини од прва или втора генерација на машини од четврта или петта генерација. Тоа е како да се преселите од компјутер со процесор 386 до најновите повеќејадрени мрежни решенија“, рече началникот на Генералштабот на вооружените сили на Словачка, генерал Данијел Змеко.

Источното крило на НАТО најпрво најави зголемување на воените трошоци кога Русија го окупираше Крим во 2014 година, а во 2021 година, една година пред руската инвазија на Украина, само Велика Британија, која е меѓу најголемите економии на континентот, ја достигна целта на Алијансата од два отсто од БДП.

Според шефот на естонската агенција за одбранбени набавки, Магнус-Валдемар Сар, Естонија потрошила повеќе за одбрана во последните 18 месеци отколку во претходните 30 години. Естонскиот министер за одбрана Хано Певкур истакна дека проблемот е хроничниот недостаток на средства. Земјата, која дели заедничка граница со Русија, издвојува 3,4 отсто од БДП.

„Проблемот е што не бевме на два проценти во последните 30 години, бевме на еден процент, а некои земји се дури и под прагот од еден процент“, рече тој.

Воениот сојуз проценува дека оваа година на земјите од Источна Европа отпаѓаат пет од седумте најголеми трошоци за одбрана на НАТО како процент од БДП. Полска е на прво место, со над 4,12 отсто од БДП. Помалку од еден месец по инвазијата на Украина, парламентот донесе закон со кој се зголеми буџетот и создаде посебен фонд за финансирање скапи набавки.

Според Блумберг, на второ место е Естонија – 3,43 отсто, потоа САД – 3,38 отсто, Латвија – 3,15 отсто, Грција – 3,08 отсто, Литванија – 2,85 отсто, Финска – 2,41 отсто, Данска – 2,37 отсто, Велика Британија – 2,33 отсто и Романија – 2,25 отсто.

The post ИСТОЧНА ЕВРОПА ДАВА ГРДНИ ПАРИ ЗА ОДБРАНАТА Годинава источното крило на НАТО потроши 70 милијарди долари appeared first on plusinfo.mk.

По поддршката од Унгарија и од Словачка пред 2 дена, Романија денеска потврди дека ќе гласа за Руте откако романскиот претседател Клаус Јоханис ја повлече својата кандидатура за шеф на НАТО.

За време на состанокот на Врховниот совет за национална одбрана, Јоханис истакна дека ги информирал сојузниците во НАТО за повлекувањето на неговата кандидатура.

Според Политико, Руте доаѓа на чело на НАТО во критични времиња.

Тој ќе ја преземе функцијата на 2 октомври, само еден месец пред американските избори кои ќе ја обликуваат судбината на овој воен сојуз кој служи како најуспешна бариера на Источна Европа против руската агресија, оценува Политико.

The post МАРК РУТЕ ЌЕ ГО НАСЛЕДИ СТОЛТЕНБЕРГ Кои се предизвиците за новиот генерален секретар на НАТО? appeared first on plusinfo.mk.

Според овие извори, Варшава смета дека изборот на Фредериксен не е во согласност со потребите на Алијансата во контекст на руската инвазија на Украина. Тоа значи дека таа нема да има шанса, бидејќи изборот на генерален секретар на НАТО се врши со консензус.

Полската страна инсистира дека новиот генерален секретар треба да дојде од земја на источното крило на НАТО, по можност од поранешна република на СССР, што би испратило сигнал до Москва. Во таа насока, некои предлагаат кандидатура на естонската премиерка Каја Калас.

Покрај тоа, Варшава, исто така, изразува сомневање дали Данска ги исполнува критериумите на Алијансата за трошоците за одбраната.

Во мај, властите на кралството ветија дека ќе инвестираат повеќе од 20 милијарди долари во националната одбрана во следната деценија, што треба да и овозможи на земјата да ги достигне потребните два отсто од БДП наменети за одбрана, согласно барањата на НАТО.

The post МОРА ДА БИДЕ ОД ИСТОЧНА ЕВРОПА! Полска го блокира изборот на генерален секретар на НАТО appeared first on plusinfo.mk.

Изворите на списокот наведуваат дека некои земји сакаат да воведат бригади наместо сегашното присуство на источната страна на Алијансата, која се базира на борбени групи.

Во моментов формациите на НАТО имаат од 1.000 до 1.600 војници, додека формирањето на бригади би значело најмалку двојно повеќе војници, а тоа значи опремување на тие формации со поново оружје.

Според весникот, некои сојузници дури прашуваат за распоредување на дивизии под команда на генерали, што подразбира присуство до 15.000 војници.

За време на самитот во Мадрид ќе биде усвоен нов стратешки концепт на НАТО. Се очекува да биде претставен нов документ во врска со тоа.

Според изворот на весникот, документот ќе ги прекине врските со Москва. Русија ќе биде означена како директна закана, а што се однесува до Кина, европските сојузници се против тоа да се зголемува тензијата во односите со Пекинг. Затоа, Кина најверојатно нема да биде означена како закана, туку како геостратешки и системски предизвик.

The post НАТО ЈА ДУПЛИРА ВОЈСКАТА ВО ИСТОЧНА ЕВРОПА? Ќе се формираат бригади и дивизии со сопствени генерали appeared first on plusinfo.mk.

Обраќајќи се пред Парламентот во Букурешт преку видео врска, Зеленски истакна дека на Украина и е потребна дополнителна поддршка од странските сојузници, вклучително и оружје, за да им се спротивстави на руските сили.

– Украина не е последната мета на руската агресија. Судбината на Источна Европа и регионот на Црното Море во моментов се решава во Украина – нагласи Зеленски.

The post СПОРЕД ЗЕЛЕНСКИ, УКРАИНА НЕ Е ПОСЛЕДНА МЕТА Русија е закана за Источна Европа и регионот на Црното Море appeared first on plusinfo.mk.

НАТО веќе има борбени групи во Естонија, Летонија, Литванија и Полска.

– Ова значи дека ќе имаме осум мултинационални борбени групи на НАТО долж источното крило од Балтикот до Црното Море – изјави Столтенберг пред вонредниот самит на НАТО закажан за утре.

– Се соочуваме со нова реалност за нашата безбедност, така што ние мораме на подолг рок да ги ресетираме нашите можности за одвраќање и одбрана – додаде Столтенберг.

The post НАТО ИСПРАЌА НОВИ БОРБЕНИ ГРУПИ Војници на Алијансата пристигнуваат во Источна Европа appeared first on plusinfo.mk.