Според хрватските медиуми, 29-годишната Џенер и 30-годишниот Шаламе наводно вечерале во познатиот ресторан „Гарифул“ на Хвар, заедно со пријатели. Токму ресторанот прв ја откри информацијата, откако на своите профили објави фотографии и порака дека имал чест да ги угости славниот пар и нивните пријатели.

– Посебна вечер на Хвар. Ни беше задоволство да ги угостиме Кајли Џенер, Тимоти Шаламе и нивните пријатели во Гарифул – напишале од ресторанот, заблагодарувајќи им се што токму нив го избрале за време на престојот во Хрватска. Објавата беше отстранета по само неколку часа и повеќе не е достапна на профилите на ресторанот. На фотографијата Кајли е речиси непрепознатлива без трошка шминка.

Иако фотографијата исчезна, информацијата брзо се прошири, а хрватските медиуми почнаа да пишуваат дека славниот пар можеби престојува на Хвар.

Ние ја најдовме фотографијата на социјалната мрежа Икс, a ja објавил и актерот на својот Инстаграм. 

Timothée Chalamet with Kylie Jenner at Gariful, a waterfront restaurant in Croatia. pic.twitter.com/NqMUHSUIHQ

— Timothée Nation (@timotheenation) September 24, 2026

Во меѓувреме, Кајли Џенер и Тимоти Шаламе заминале на пристигнале на малиот остров Лопуд, близу Дубровник.

„Дубровачки дневник“ објави фотографии од парот, наведувајќи дека престојуваат во истиот ексклузивен комплекс во кој претходно одморале Дејвид и Викторија Бекам. Станува збор за поранешен фрањевски манастир од 15 век, кој денес е претворен во приватен комплекс за одмор во близина на Дубровник.

Џенер и Шаламе се во врска од 2023 година, а нивната романса оттогаш е под постојано внимание на јавноста.

Парот главно се обидува да го држи својот приватен живот подалеку од јавноста, иако во последните години сè почесто се појавуваат заедно.

The post КАЈЛИ ЏЕНЕР И ТИМОТИ ШАЛАМЕ СЛИКАНИ НА ХВАР Еден од најпознатите ресторани на островот објави фотографија од славниот пар, а потоа ја избриша appeared first on plusinfo.mk.

Александра Пријовиќ овие денови ужива со семејството на Хвар, а деновиве сите зборуваат за тоа што ѝ се случило кога таа, нејзиниот сопруг Филип Живојиновиќ и нивните деца сакале да седнат на пијалак во еден ресторан. Хостесата која ги пречекала на влезот едноставно не знаела кого има пред себе, а во ресторанот во тој период не примале гости кои сакаат да седнат само на пијалак, па ги одбила.

Таа подоцна ја раскажала целата случка во видео на Тик-Ток, признавајќи дека воопшто не ѝ обрнала посебно внимание на познатата двојка.

Кога Филип ја прашал дали можат само накратко да седнат и да се напијат нешто, таа им објаснила дека е време за вечера и ги упатила кон блиските кафулиња каде што можат да седнат ако сакаат само пијалак. Во тој момент, како што раскажала, повеќе ѝ го привлекле вниманието нивните деца, кои ѝ биле „преслатки“.

Дознала кого одбила дури откако си заминале. Еден од гостите во ресторанот ја прашал што сакала жената која штотуку ја вратила од влезот, а кога таа се зачудила зошто го интересира тоа, ѝ кажал: затоа што е тоа Александра Пријовиќ.

Запрепастената хостеса ја објасни целата ситуација во видеото на Тик-Ток и се пошегува на своја сметка.

Таа ѝ испрати јавна покана на пејачката повторно да дојде во ресторанот: Пријо, те молам, дојди утре на пијалак. Јас ќе платам.

Видеото стигнало и до Александра, која покажа дека воопшто не се налутила поради случката. Напротив, ѝ одговара: Хахахахаха. Не се налутив! Се гледаме во некоја друга прилика. П.С. Јас честам!

@krndeljicaa_2

#fyp #balkantiktok #sezona

♬ izvorni zvuk – Krndeljicaa

Александра Пријовиќ ја нарекуваат и „единствената фолк дива од новата генерација“. Таа ја стекна популарноста откако се пласираше на четвртото место на телевизиското музичко реалити шоу „Ѕвезде Гранда“.

Во 2018. Александра се омажи за Филип Живојиновиќ, син од првиот брак на Слободан (Боба) Живојиновиќ, поранешен тенисер и сопруг на Лепа Брена.

The post 🎥 АЛЕКСАНДРА ПРИЈОВИЌ НЕ ЈА ПУШТИЛЕ ВО РЕСТОРАН НА ХВАР Хостесата не знаела дека пред неа е една од најголемите регионални ѕвезди appeared first on plusinfo.mk.

Навивачи на Торцида тргнале кон Хвар за да претепуваат српски сезонски работници, објавија хрватските медиуми.

Истрагата утврди дека 12 лица пристигнале на островот со глисер, а според претходен договор, ги пречекале уште двајца мажи со две возила. Тие се  упатиле кон хотел каде што престојувале двајца сезонски работници, државјани на Србија, кои биле планирана цел за напад.

Сите 14 хрватски државјани се осомничени за делото Договор за извршување кривично дело.

Општинскиот суд во Сплит извести дека изрекол мерки на претпазливост за хрватски државјани, осомничени за заговор за извршување напад врз српски сезонски работници на Хвар. Им изрекол и забрана за посета на одредено подрачје. Судот наведува дека одлуката на истражниот судија не е конечна, бидејќи Општинската канцеларија на државниот обвинител во Сплит поднела жалба.

Глисерот, возилата и предметите што се пронајдени кај осомничените се привремено запленети.

Хрватските медиуми пишуваат дека навремената реакција на полицијата спречила конфликт што можел да заврши многу сериозно.

Во четвртокот, полициските службеници од Хвар забележале две возила во близина на хотел во кој имало 14 навивачи на навивачката група Торцида, по што ги запреле, ги идентификувале и ги претресле возилата. Во таа прилика биле пронајдени предмети погодни за напад и за маскирање на идентитетот, како палки и фантомки.

Меѓу осомничените има лица родени помеѓу 1993 и 2008 година.

The post „ВООРУЖАНИ“ СО СТАПОВИ ТРГНАЛЕ НА ХВАР ДА ПРЕТЕПУВААТ СРПСКИ СЕЗОНСКИ РАБОТНИЦИ Пријави против 14 навивачи на Торцида appeared first on plusinfo.mk.

Роднините, пријателите и познаниците неодамна се збогуваа со деведесетгодишниот Антун Франичевиќ, по потекло од хрватскиот остров Хвар, кој некогаш имал значајна кариера како модел во Германија, а чија последна кампања била за „Вартекс“ од Вараждин во 2019 година, пишува Слободна Далмација.

Сите го паметат како голем добротвор кој спроведе голем број хуманитарни акции, помагајќи им на луѓето за време на Татковинската војна, а во 2024 година донираше вредна опрема и алатки за позлатување на Музејот Стари Град, што го правел и повеќе од две децении додека бил далеку од својата татковина.

Барба Антун е вистински пример за островјанин кој во младоста бил принуден да оди во странство за да преживее поради економски причини. Сепак, неговата интелигенција, досетливост и чувство за култура продонеле за тоа со години да биде многу успешен во Германија во угостителската индустрија, како и во врамувањето, позлатувањето и реставрацијата на слики.

Тој дури имал и своја галерија, а неговиот статус (и држење) биле причина за неговата значајна кариера како модел таму, почнувајќи од 1962 година. Десет години, Германците го рангирале меѓу 15-те најпопуларни и најплатени модели, време кога, додека се дружел со многу познати луѓе во таа европска земја, рекламирал облека, козметика, автомобили, разни технички производи, цигари, производи за домаќинството и храна, мебел, снимал за џубокси…

Во Германија, го нарекувале „Мистер Л“, а колку бил популарен сведочи и фактот дека рекламирал парфеми на снимање заедно со италијанската дива, добитничката на Оскар Софија Лорен (Лејди Л). Еден од нивните весници во тоа време дури објавил и статија под наслов – „Мистер Л“ кој наскоро ќе биде Џејмс Бонд, што значи дека речиси имал среќа самиот да стане актер, и тоа не некои помалку значајни, туку секако една од најбараните филмски улоги. Сепак, не се гледал себеси во тоа, туку продолжил со својата работа како модел и со текот на времето малку повеќе се свртил кон културата.

Интересно е што во својата галерија, која најчесто ја посетувала елитата, изложувал голем број еминентни и меѓународно признати уметници, дури и познатиот шпански сликар Салвадор Дали. По пензионирањето, се вратил во родниот Шкој, каде што го поминал поголемиот дел од својата старост. Со оглед на богатото животно искуство и демонстрираната човечност, тој останал приземјен, добронамерен и пријателски расположен кон сите до крајот.

The post ПОЧИНА МАРКАНТНИОТ ДАЛМАТИНЕЦ КОЈ СНИМАЛ СО СОФИЈА ЛОРЕН Барба Антун во Германија го нарекувале и Мистер Л appeared first on plusinfo.mk.

Иако повеќето луѓе веќе ги потиснаа во заборав летните јулски и августовски гужви и летувања – тоа не важи за најсончевиот хрватски остров, Хвар, на кој и понатаму владее невидена живост. Можеби тоа не се однесува на целиот остров, но улиците на градот Хвар викендов (од 10 до 12. октомври) беа буквално преполни и владееше метеж како во најжешкиот дел од сезоната. Сето тоа благодарение на Spartan 2025, второто издание на светското првенство чиј домаќин е токму овој град. Spartan World Championship обединува елитни спортисти, ентузијасти и рекреативци во единствен предизвик кој ја тестира издржливоста, силата, снаодливоста и тимскиот дух.

Најголемото глобално натпреварување од овој вид

Сите хотелски капацитети за време на викендот беа целосно пополнети, а на Хвар пристигнаа натпреварувачи од сите меридијани за да ја тестираат својата ментална и физичка издржливост во трки со препреки. Главниот хварски плоштад – Свети Стјепан – беше буквално преполн со луѓе, исто како и околните патеки покрај брегот и во внатрешноста на островот, каде што беа поставени тркачките маршути.

Организаторите гордо објавија дека се срушени сите рекорди – учествуваа повеќе од 4200 натпреварувачи во сите возрасни категории, од 60 земји, меѓу кои, Канада, САД, Кина, Унгарија, Италија, Србија, Словенија и многу други. За жал, немаше натпреварувачи од Македонија.

Во сабота, 11 октомври, се одржа големото финале на Светското првенство во трка на 100 метри со пречки, дисциплина која е вклучена во програмата на Олимписките игри во 2028 година, и легендарната трка „Ѕвер“ (21 км со 30 пречки). Во недела, 12 октомври, се одржа Светското првенство во спринт (5 км со 20 пречки) и Супер трката (10 км со 25 пречки). Вкупниот награден фонд беше 100.000 евра.

Најмалата екипа на светот, најмладата шампионка

Еден од куриозитетите на овој спектакуларен настан беше екипата на најмалата земја во светот – Ватикан, која беше составена од еден член, 28-годишната Бенедета Франкини која се натпреваруваше во „спринтот“, трка од пет километри со 20 пречки.

Друг куриозитет беше и неверојатната 13-годишна Американка Елизабет Полсгроув, која ја освои титулата светски шампион на 100 метри со пречки.

Елизабет или „Lightning Liz“, како што е нејзиниот прекар, ги победи на Хвар натпреварувачите кои се повеќе од двојно постари од неа.

Досега, нејзиното име не значеше многу, но наскоро таа и некои од другите натпреварувачи сигурно ќе станат познати, бидејќи OCR (Obstacle Course Racing – трка со препреки), од 2028 година во Лос Анџелес ќе биде официјален олимписки спорт. Сепак, нема да биде самостојна дисциплина, туку дел од модерниот петобој, каде што ќе го замени јавањето коњи.

Различни дисциплини и должини на патеки

Инаку, почетоците на модерниот OCR датираат од 1987 година и натпреварот Tough Guy, чиј основач е Американецот Џо Де Сена. Оттогаш, овој спорт станал толку популарен што ширум светот годишно се одржуваат повеќе од 2.500 вакви натпревари.

Колку Хвар е привилегиран, говори и фактот дека ова натпреварување, како и минатогодишното, е официјално светско првенство – во дисциплините на 100 метри и на 5 километри. Подолгите и тешки делници од 10 и 21 километар, познати како Sprint и Beast (Ѕвер), му даваат дополнителна привлечност на целиот настан. Натпреварувачите се натпреваруваа во повеќе различни категории и должини на патеки, во совршено природно опкружување – меѓу недопрената природа и историските локалитети на островот.

Тие мораа да совладаат најразлични замки – искачување преку ѕидови и јаже, преминување преку греди, носење тешки предмети угоре, минување преку вода, лазење под бодликава жица, скокање низ оган…

И конечно, деновиве Хвар не беше само спортска сцена, туку и средиште на глобалната Spartan заедница – место каде што се среќаваат различни култури, јазици и животни приказни, обединети во заедничка страст кон предизвикот и надминувањето на личните граници.

The post ПОВЕЌЕ ОД 4.200 НАТПРЕВАРУВАЧИ НA ГЛОБАЛНИОТ АДРЕНАЛИНСКИ СПЕКТАКЛ Хвар беше домаќин на најголемиот светски натпревар во трки со пречки appeared first on plusinfo.mk.

Пејачот Ед Ширан објави видео за песната „Камера“, кое го сними во Хрватска. Видеото содржи снимки од Далмација, а во него се појавува и актерката Фиби Дајневор, позната по улогата во првата сезона од серијата Бриџертон, која во спотот глуми негова девојка. Ширан претходно откри дека видеото е снимено целосно со Ајфон.

Погледнете како изгледа.

Снимено е на Хвар во август

За потсетување, пејачот и актерката беа видени на Хвар во август. Освен на Хвар, видеото е снимено и во Сплит, како и на разни далматински плажи и дестинации, кои се гледаат во видеото.

Спотот како посвета на љубовта

Ширан претходно објасни дека замислил видеото да ги рекреира клучните моменти од неговата врска со сопругата Чери Сиборн, со која е во брак од 2019 година и заедно имаат две деца.

– Мојата оригинална идеја за видеото за песната Камера беше да користам приватни домашни снимки од мене и Чери – клучни моменти од нашата врска. Но, како што знаете, ние сме многу приватен пар и некои работи сакаме да ги задржиме само за себе. Затоа решив да рекреирам некои од тие моменти во видеото, со одличната Фиби Дајневор, напиша тој претходно.

– Беше толку забавно снимањето на ова видео, целото искуство делуваше како мал одмор. Сè беше снимено на iPhone, а беше режирано од одличниот Емил Нава. Се надевам дека ќе уживате во песната и видеото – и двете ми значат многу, додал тој.

The post 🎥 ЕД ШИРАН ОБЈАВИ ВИДЕО СНИМЕНО ВО ДАЛМАЦИЈА Пејачот откри дека песната и спотот се посвета за неговата најголема љубов appeared first on plusinfo.mk.

Змија поскок го претворила летниот одмор на едно украинско семејство на Хвар во вистински кошмар, јави хрватски 24сата. Петгодишно девојче било каснато од најотровната европска змија додека си играло на плажа, по што почнало да губи свест.

– За време на ручекот, ќерка ни си играше со другарчиња во близина на бар на плажата. Одеднаш дотрча и ни кажа дека ја каснала змија, не ни се веруваше – раскажа мајката за хрватскиот медиум.

Губејќи свест, девојчето почнало да повраќа, а ногата ѝ отекла.

– Сопственикот на барот веднаш повика брза помош. За да бидеме побрзи, тој нè однесе со својот автомобил до автопатот, па таму се префрливме во возило за брза помош кое нè однесе до хеликоптер, а потоа во болницата во Сплит – раскажа мајката.

какИако состојбата се подобрила, докторите предупредиле дека постои опасност да ја изгуби ногата.

Следното утро лекарите направиле итна операција.

– Ни кажаа дека постои сериозна опасност да ја изгуби ногата – потврди мајката.

Подоцна била извршена уште една интервенција за затворање на раната.

Сега девојчето е надвор од животна опасност, но и понатаму чувствува силни болки.

– Целата нога ѝ е со завои, уште прима инфузија и антибиотици. Но, лекарите направија чудо. Ѝ го спасија животот, но и ногата. Бескрајно сум им благодарна – вели мајката.

The post МОЖЕЛА ДА ЈА ЗАГУБИ НОГАТА ОТКАКО ЈА КАСНАЛ ПОСКОК НА ХВАР Лекарите направија 2 операции за да спасат девојче од ампутација appeared first on plusinfo.mk.

Фотографија од познатиот британски музичар Ед Ширан кој снима нов спот на хрватскиот остров Хвар, објави туристичката заедница на градот Хвар.

„Ден на снимање“, напишале тие покрај песната на Ед „Shape of You“.

Вечерњи лист пишува дека Ед ја донел со себе на Хвар и актерката Фиби Диневор, ѕвездата од хит серијата на Нетфликс „Бриџертон“, која исто така ќе глуми во спотот. Фиби им е позната на гледачите како главниот лик од првата сезона на серијата, таа ја играше Дафне, најстарата сестра на Бриџертон.

Мештаните откриле за „Вечерњи“ дека дел од снимките се направени во кафулето „Кива“, а дел на плажата Дубовица. На музичарот многу му се допаднале двете локации. Спотот исто така треба да се снима и во Сплит, но сè уште не е познато за која песна станува збор.

Како дел од неговата светска турнеја „+−=÷× Tour“ (Mathematics Tour), Ед Ширан настапи во Хрватска минатата година, на Загребскиот хиподром. Специјален гостин беше британскиот пејач Калум Скот. Концертот привлече околу 70.000 луѓе. Таму Ед презентираше песни од сите пет студиски албуми со симболите + − = ÷ ×, вклучувајќи хитови како што се Castle on the Hill, Shivers, The A Team, Perfect, Bad Habits и многу други.
Се чини дека на Ед му се допаднала Хрватска, па затоа се вратил и оваа година.

The post ЕД ШИРАН СНИМА СПОТ НА ХВАР Британскиот пејач е во Хрватска со ѕвездата на „Бриџертон“ appeared first on plusinfo.mk.

Во Чиле е најавено ново телевизиско реално шоу за готвење, „Ел Интернадо“ („Интернат“), кое ќе го води 49-годишната Тонка Томичиќ Петриќ, позната чилеанска ТВ водителка со хрватско потекло.

Емисијата, која наскоро ќе ја лансира приватната телевизија Мега, ќе вклучува натпревар помеѓу 18 познати личности од Чиле и странство – но повеќето од нив имаат многу малку или никакво кулинарско знаење. Томичиќ Петриќ ќе ја води програмата заедно со професионалниот готвач Јан Јивин.

Пред премиерата, водителката се потсетила на своите корени и на вкусовите од детството.

– Ги обожавам традиционалните хрватски слатки и пити што ги правеа баба ми и мајка ми, рекла таа. Нејзините родители, Марија и Антонио, се по потекло од островот Хвар – исто како и чилеанскиот претседател Габриел Бориќ.

Чиле денес има околу 200.000 Хрвати и нивните потомци. Првите емигранти пристигнале во втората половина на 19 век, претежно со бродови од Далмација, во потрага по работа и подобар живот.

 

View this post on Instagram

 

A post shared by Tonka Tomicic (@tonkatomicicpetric)

Родена во Сантијаго, Тонка Томичиќ Петриќ станала позната во 1995 година, кога била чилеанска претставничка на изборот за Мис на светот. Оттогаш, таа изградила успешна телевизиска кариера, а нејзината биографија открива широк спектар на интереси – на својот Јутјуб канал се опишува себеси како „дизајнер, модел, забавувачка, танчерка, готвачка, страсна читателка, речиси секојдневна вежбачка, сестра, пријателка, тетка, ќерка и љубителка на кучиња“. Таа има над милион и пол верни следбеници на Инстаграм.

The post УБАВА ХРВАТКА КОЈА БЕШЕ МИС НА ЧИЛЕ, СЕГА ВОДИ КУЛИНАРСКА ЕМИСИЈА Која е Тонка Томичиќ Петриќ? appeared first on plusinfo.mk.

Голема еколошка закана се надвисна над островот Хвар откако утрово во Јадранското Море истекоа големи количини гориво. Според првични информации, инцидентот се случил поради пукнат резервоар на танк на бензинската пумпа ИНА, објави порталот „Далмација Данас“.

Загадувањето е пријавено околу 9:30 часот во заливот Крижна Лука, каде што брзо реагирале полициските и поморските власти.

„Припадници на Полициската станица Хвар и Поморската полициска станица, пожарникари, Хрватската крајбрежна стража и припадници на Капетанијата на пристаништата се на местото на настанот. Покрај постапките за санирање на штетата, ќе се спроведе и детална истрага за утврдување на сите околности“, соопшти сплитската полиција.

Сѐ уште не е познато колку гориво завршило во морето, ниту какви ќе бидат последиците врз морскиот екосистем.

The post 📽️ ЕКОЛОШКА БОМБА НА ХВАР, ИСТЕЧЕ ГОРИВО ВО ЈАДРАНОТО Пукна резервоар на пумпа, полицијата истражува appeared first on plusinfo.mk.