Шпанската национална полиција отвори истрага против голманот на Андора, Хесус Овоно, по смртта на фудбалерот на Тенерифе, Хесус де Мигел Аламеда, кој почина утрово од повредите здобиени во жестокиот судир на синоќешниот натпревар од втората шпанска лига.

Одделот за убиства при шпанската национална полиција го истражува случајот, а според Ројтерс, се проверува можноста за кривично дело убиство од небрежност.

Трагичниот инцидент се случил во судиското продолжение на натпреварот. Аламеда тргнал во контранапад од сопствената половина, кога се судрил со Овоно, кој истрчал од својот шеснаесетник за да ја пресече топката.

Во жестокиот контакт, коленото на голманот го погодило фудбалерот во градите и лицето, по што Аламеда паднал на тревникот во бессознание. Тој се здобил со тешки повреди и доживеал срцев и респираторен застој.

Случајот предизвика големо вознемирување во Шпанија, особено поради жестината на судирот и драматичната медицинска интервенција. Аламеда бил реанимиран, а потоа самостојно дишел додека го транспортирале во болница.

Од клубот првично соопштиле дека неговата состојба е сериозна, но стабилна. Сепак, утрово објавиле дека фудбалерот починал откако дошло до влошување на неговата невролошка состојба.

Според шпанското законодавство, за секоја смрт што се смета за неприродна автоматски се покренува судска истрага.

Аламеда е роден во Мадрид во 1996 година, а во текот на кариерата настапувал за Леганес, Унионистас и Кастељон, пред минатата година да потпише за Тенерифе.

По трагичната вест се огласи и сопственикот на Андора, Жерард Пике.

– Жал ми е од дното на душата. Почивај во мир, Хесус – напиша Пике.

The post ИСТРАГА ПРОТИВ ГОЛМАНОТ ПО СМРТТА НА АЛАМЕДА Полицијата проверува дали имало убиство од небрежност appeared first on plusinfo.mk.

Драматични сцени го прекинаа натпреварот меѓу Тенерифе и Андора во Шпанија, откако напаѓачот Хесус де Мигел доживеал срцево-респираторен застој по тежок судир со противничкиот голман. Медицинските екипи успеале да го стабилизираат, но фудбалерот бил пренесен на интензивна нега во сериозна состојба.

Несреќата се случила во судиското продолжение, при резултат 2:2.

Де Мигел тргнал кон висока топка, додека голманот на Андора, Хесус Овоно, истрчал надвор од шеснаесетникот за да интервенира.

Следувал силен судир, по кој напаѓачот паднал на тревникот и ја загубил свеста.

Фудбалерите на двата тима веднаш повикале медицинска помош, а лекарските екипи неколку минути му укажувале помош на теренот.

| Golpe fortísimo de Owono sobre Jesús de Miguel que hace que salten todas las alarmas.

Pronta recuperación a Jesús y que todo quede en un susto

Tenerife – Andorra https://t.co/NXopIJ7p9H

— Laliga News (@laligaa_neews) November 2, 2026

Máxima preocupación en el Heliodoro después de que el Tenerife-Andorra haya sido interrumpido por un fuerte golpe de Owono a Jesús de Miguel

El público, a las afueras del estadio, comienza a aplaudir al ver a la ambulancia

Informa @mdaswani desde Tenerife https://t.co/PZxFFpVJKD

— Carrusel Deportivo (@carrusel) November 2, 2026

Судијата Перез Ернандез му покажал црвен картон на голманот Овоно, по што го прекинал натпреварот.

Според шпанскиот весник „АС“, Де Мигел по ударот доживеал срцево-респираторен застој.

Лекарите успеале да ја стабилизираат неговата состојба во возилото на итната помош, но тој и понатаму бил без свест.

Фудбалерот итно бил пренесен во Универзитетската болница „Нуестра Сењора де Канделарија“, каде што бил сместен на одделот за интензивна нега.

Од Тенерифе потврдиле дека неговата состојба е стабилна, но сериозна.

„Хесус де Мигел се наоѓа на одделот за интензивна нега. Неговата состојба е стабилна, но и понатаму сериозна. Медицинската служба на клубот е во болницата и ќе ја информира јавноста кога ќе има нови информации“, соопштиле од клубот.

The post 📽️ ДРАМА ВО ШПАНИЈА, ФУДБАЛЕР СЕ БОРИ СО СРЦЕВ ЗАСТОЈ Голманот со кој се судри доби црвен картон appeared first on plusinfo.mk.