Камион од Босна и Херцеговина останал заглавен меѓу спуштените рампи на железнички премин во Полска, а само неколку моменти подоцна во него удрил патнички воз. Снимката од драматичниот удар стана вирална на социјалните мрежи.

Возачот се спасил за влакно, додека приколката од камионот практично се распарчува пред надзорните камери.

Несреќата се случила кај населбата Гдањск-Липце. Со возот меѓу Гдиња и Зјелона Гора патувале околу 300 луѓе. И покрај силината на судирот, немало загинати.

„Околу 300 луѓе патувале со возот помеѓу Гдиња и Зјелона Гора. Патниците го напуштиле возот сами, безбедно. На местото на настанот, екипата за итна медицинска помош прегледала четири лица – возачот на камионот, кондуктерот и двајца патници. На крајот, возачот на камионот бил пренесен во болница“, соопшти Државната противпожарна служба во Гдањск.

Четирите лица минале со полесни повреди. Меѓу нив бил и возачот на камионот, кој по прегледот бил однесен во болница.

Полските железници потоа ја објавиле драматичната снимка како предупредување за другите возачи.

„Притиснете на гаста, пробијте ја рампата и веднаш напуштете го преминот“, се порачува во соопштението.

The post 📽️ ВОЗ ВО ПОЛСКА РАСПАРЧИ КАМИОН ОД БОСНА ЗАГЛАВЕН НА ПРУГА Возачот се спаси за влакно, четворица се повредени appeared first on plusinfo.mk.

Лажна дојава за пожар во семејниот дом на полскиот претседател Карол Навроцки во Гдањск предизвикала итна интервенција на пожарникарите, кои влегле во објектот откако биле алармирани дека има опасност од пожар, јавуваат полските медиуми.

Според информациите, станува збор за уште една во серијата лажни дојави за итни случаи, кои во последните денови ги оптоваруваат службите во Полска.

Портпаролот на претседателот, Рафал Лешкјевич, потврди дека дојавата пристигнала преку бројот за итни случаи 112 и дека службите веднаш реагирале.

– Денеска беше упатен уште еден лажен повик на бројот 112. Овојпат се однесуваше на пожар во семејната куќа на претседателот на Република Полска, Карол Навроцки, во Гдањск. Додека станарите беа отсутни, службите ја пробија вратата и влегоа во станот – изјави Лешкјевич.

Тој предупреди дека ваквите лажни дојави стануваат сериозен безбедносен проблем и дека службите за итни случаи веќе подолг период се под притисок од слични пријави.

– Станува збор за организирани провокации. Метата денес се јавни личности, но утре тоа може да биде секој граѓанин. Потребна е брза и решителна реакција – додаде тој.

Полскиот премиер Доналд Туск соопшти дека е во постојан контакт со надлежните институции и дека е свикана итна владина седница.

– Уште една телефонска провокација, овојпат за пожар во семејниот стан на претседателот Навроцки во Гдањск. Во постојан контакт сум со министрите и службите. Акциите на провокаторите се насочени против државната безбедност. Ќе ги искористиме сите механизми за да ги идентификуваме и процесираме – порача Туск.

Службите најавија истрага за идентификување на лицата кои стојат зад лажните дојави.

The post ЛАЖНА ДОЈАВА ЗА ПОЖАР ВО ДОМOT НА ПОЛСКИОТ ПРЕТСЕДАТЕЛ Пожарникари насилно влегле во станот во Гдањск appeared first on plusinfo.mk.