Кристијано Роналдо со години ги поместува границите на спортската долговечност, а ниту на 41 година не покажува знаци дека забавува. За неговата исхрана и неверојатната физичка подготвеност се зборува со години, но спортскиот нутриционист Џони Ондина тврди дека зад сето тоа не стои никаква чудотворна намирница.

Зборувајќи за исхраната на португалската фудбалска ѕвезда за шпанскиот „Ас“, Ондина вели дека менито на Роналдо всушност е прилично досадно. Се базира главно на природни и едноставни намирници, а не на производи што се недостапни за обичните луѓе.

– Тајната на исхраната на Кристијано Роналдо е состојка што ја немаат 90 отсто од обичните луѓе, па дури и врвните спортисти, а тоа е доследноста – вели нутриционистот.

Според него, токму способноста со години да се придржува до навиките што му одговараат е една од причините поради кои Роналдо успева толку долго да ја одржува физичката форма. По повеќе од две децении професионален фудбал, тој не бара постојано нови диети и трендови, туку се држи до она што веќе знае дека функционира.

Ондина предупредува дека луѓето често бараат брзи и магични решенија, особено под влијание на социјалните мрежи. Како пример ги наведува младите кои купуваат хималајска сол или веруваат дека со екстремен пост можат за кратко време да постигнат резултати какви што има професионален спортист.

– Проблемот е што има 18-годишници кои купуваат хималајска сол или прочитале на социјалните мрежи дека ако постат 15 дена, одеднаш ќе постигнуваат неверојатни резултати. Не функционира така – вели тој.

Нутриционистот открива и дека Роналдо не се придржува до правилото здравата исхрана да биде апсолутна и без исклучоци. Според неговите зборови, околу 95 отсто од времето фудбалерот се храни здраво, додека во преостанатите пет отсто си дозволува поинаков избор, вклучително и храна со едноставни шеќери или ултрапреработена храна.

Токму тој пристап, според Ондина, е важен и за да не се претвори односот кон храната во опсесија. Поентата, како што објаснува, не е човекот постојано да бара совршена диета, туку да создаде навики што може да ги одржува на долг рок.

The post КОЈА Е ТАЈНАТА СОСТОЈКА НА РОНАЛДО? Нутриционист откри што му помага на фудбалерот да ја одржува формата и на 41 година appeared first on plusinfo.mk.

Кога имал само 19 години, Дејвид Џон Кастањеда од Тексас тежел 464 фунти, односно околу 210 килограми. Деновите најчесто ги минувал во кревет, јадејќи.

Неговиот појадок вообичаено бил омлет од осум јајца со сирење, шунка и сланина. Потоа следувале цело пакување тестенини со говедско или пилешко, безброј парчиња леб и големи количества тортиљи со речиси секој оброк.

За вечера јадел дополнителни порции месо и толку ориз што, како што самиот се пошегувал, би можело да се нахрани цело село. Меѓуоброците најчесто биле чипс, пуканки, сладолед и чинии со житарки.

Дејвид сфатил дека ситуацијата станала сериозна. Телото му било покриено со рани од долго лежење, имал промена на бојата на кожата на вратот и инсулинска резистенција. Во еден момент бил толку тежок што дури и вагата престанала да ја регистрира неговата тежина.

@djcastanedaa

If you want it take it.

♬ original sound – Zames

– Постојаната борба со гладот ми ги окупираше мислите и ме исцрпуваше. Не вежбав и јадењето ми беше надвор од контрола. Не го правев тоа затоа што бев гладен, туку затоа што ми стана навика. Ја изгубив способноста да препознаам кога е доста – раскажува тој.

Претходно повеќепати се обидувал да ослабе, но секогаш повторно ја враќал тежината, често добивајќи и повеќе од она што успевал да го симне. Пресвртот се случил во октомври 2023 година.

Најголем проблем за него не била самата диета, туку мислата дека ќе му бидат потребни години за да ја постигне посакуваната промена.

– Потоа целосно ја сменив перспективата: времето не чека никого. Без разлика дали ќе одлучев да се променам или не, месеците и годините ќе минуваа. Можев да останам таму каде што бев и да немам ништо од тоа време или можев да го искористам за да станам личноста што сакав да бидам – рекол Дејвид.

@djcastanedaa

You don’t know it like me

♬ Creep – Radiohead

На почетокот експериментирал со кето-диета и постење со вода, а потоа воспоставил поодржлив режим и преминал на класичен калориски дефицит. Во исто време почнал да оди во теретана секој ден, иако на почетокот се плашел дека другите ќе го гледаат и ќе го осудуваат.

За помалку од три години успеал да симне околу 273 фунти, односно приближно 124 килограми.

Денес, наместо некогашните огромни оброци, неговата исхрана се базира на пилешки гради, мелено говедско месо, јајца, компири и многу зеленчук. Внимателно ги следи и макронутриентите, со цел дневно да внесува околу 200 грама протеини, 250 грама јаглехидрати и 60 грама масти.

@djcastanedaa

♬ original sound – iblamemydih

Промената не е само физичка. Дејвид денес работи како тренер за слабеење, а вели дека стекнал самодоверба каква што никогаш немал.

Неговата трансформација стана вирална на социјалните мрежи откако објави видео во кое се гледа како изгледал порано и како изгледа денес. Снимката собра 15,6 милиони прегледи и 2,3 милиони лајкови, а коментарите се полни со луѓе кои не можат да поверуваат дека станува збор за ист човек.

Дејвид вели дека денес може да прави работи за кои порано не ни сонувал. Некогаш не можел да истрча ниту една милја, а сега пет километри ги трча за помалку од 30 минути.

– Мојата самодоверба не доаѓа од тоа како изгледам, туку од она што си докажав себеси дека можам да го направам. Порано многу време поминував замислувајќи го животот што го сакав. Сега, ако сакам нешто да направам, станувам и го правам – вели тој.

Денес Дејвид сака своето искуство да го користи за да им помогне на други луѓе кои се обидуваат да ослабат. Особено нагласува дека неговиот резултат го постигнал без лекови за слабеење.

@djcastanedaa

Receipts*

♬ oryginalny dźwięk – ️ – ️

– Чувствувам дека за првпат навистина живеам, наместо само да постојам – вели 22-годишниот Тексашанец.

The post 📽️ ИМАЛ 210 КИЛОГРАМИ, БИЛ ПОКРИЕН СО РАНИ ОД ЛЕЖЕЊЕ И СЕ ПЛАШЕЛ ДЕКА ЌЕ УМРЕ 22-годишник од Тексас ослабел 124 килограми и целосно се трансформирал без лекови за слабеење appeared first on plusinfo.mk.

Фитнес апликацијата „Strava“ која ја користат телохранителите на повеќе светски лидери, меѓу кои и претседателите на Франција, САД и на Русија може лесно да ја оддаде нивната локација и да направи нивните мобилни телефони да бидат хакирани.

Ова се наведува во ексклузивниот текст на францускиот весник „Ле Монд“, кој го пренесува британски Тајмс. Весникот во сопствена истрага објави дека лесно ги идентификувал локациите на безбедносниот персонал. Една од причините е тоа што корисниците на апликацијата споделуваат мапи од нивните активности за трчање и велосипед со другите корисници.

Апликацијата е поврзана со нивните мобилни телефони и паметни часовници. Ја користат 120 милиони луѓе низ светот, а телохранителите на претседателите се спортски ентузијасти кои и покрај наредбите на своите претпоставени ги објавуваат своите резултати на апликацијата.

Меѓу телохранителите кои ја користат оваа апликација се и агенти кои работеле на местата на два обиди за убиства врз Доналд Трамп, републиканскиот претседателски кандидат, но и оние кои го штитат рускиот лидер Владимир Путин, кои наводно трчаат во близина на две куќи за кои рускиот претседател негираше дека се негови.

• КИНЕСКИ ХАКЕРИ ГО ШПИОНИРАЛЕ ТЕЛЕФОНОТ НА ТРАМП Мета биле и други високи американски функционери

„Ле Монд“ го следеше Макрон преку „Strava“ која ја користеле неговите телохранители во хотел во одморалиштето Хонфлер во Нормандија. Францускиот претседател бил на викенд патување кое не го пријавил во агендата.

Тимот на Макрон рече дека проблемите што ги истакна Ле Монд се „многу мали и на никаков начин не влијаат на безбедноста на претседателот“.

Американската тајна служба остана цврсто затворена во врска со откритијата на францускиот весник. На вработените им е забрането да користат лични уреди додека се на должност, но „не забрануваме користење на социјалните мрежи надвор од работното време“, велат тие.

Од „Strava“ изјавиле дека очекуват луѓето кои работат во чувствителни професии да ги користат достапните опции за приватност и дека корисниците лесно можат да се откажат од  споделување на нивните податоци.

Лани во јуни на каналите на Телеграм врзани со руските власти напишаа дека информациите прикачени на „Strava“ допринеле за убиството на капетанот на подморницата на руската морнарица во Краснодар.

Станислав Рики (42) беше застрелан и убиен додека џогираше.

The post АПЛИКАЦИЈА ЗА ФИТНЕС ГИ ИЗДАВА ЛОКАЦИИТЕ НА БАЈДЕН, ПУТИН И НА МАКРОН Нивните телохранители не пазат кога споделуваат каде џогираат appeared first on plusinfo.mk.

Premium Physical Therapy & Sport Center е најсовремениот центар од ваков тип во земјава и во регионот, кој нуди уникатен модел на интегрирана грижа за здрав живот. На вкупен простор од над 1.000 метри квадратни во рамки на центарот функционираат современи ординации и апарати за физикална терапија, ординација за спортска медицина, сала за групни тренинзи, фитнес-сала за спортска рехабилитација и корективни вежби со најмодерни справи, нутриционистичко советувалиште, парна бања, финска сауна и две ВИП соби за масажа.

Во изминативе 3 години, „Премиум-центарот“ успеа да остане препознатлив по својот уникатен концепт на работа. Повеќе од 400 активни членови од самиот почеток до денес се доказ за довербата во спортскиот центар „Премиум“, а нивното задоволство е потврда дека ваквиот пристап на работа дава одлични резултати.

ФИЗИКАЛНА ТЕРАПИЈА И МЕДИЦИНСКА РЕХАБИЛИТАЦИЈА

Главна предност е спојувањето на третманот на пациенти кои по спроведување на физикален третман имаат можност да продолжат со медицинска рехабилитација во фитнес-центарот со стручни фитнес-тренери, а воедно да бидат под мониторинг на физиотерапевт и физијатар.

– Кoмплетната грижа за физичкото здравје и индивидуалниот пристап кон секој клиент го издвојуваат „Премиум“ центарот како единствен. Современиот динамичен начин на живот ја наметнува потребата од сериозен и професионален медицински пристап кој го опфаќа здравјето преку физикални прегледи на мускулоскелтниот систем и соодветни анализи, од почетната точка и следење се до постигнување на посакуваната цел. Создадовме тим од врвни професионалци кои систематично го следат и водат развојот на секој пациент и клиент, подобрувајќи го нивното физичко здравје и квалитетот на живот. Ја добивме довербата за грижа на повеќе професионални спортски репрезентации, што говори за нашиот успех – вели д-р Аница Хаџи-Петрушева Јанкијевиќ, физијатар.

ЈОГА ЗА БРЕМЕНИ ЖЕНИ

Во рамки на спортскиот центар „Премиум“ се изведуваат и часови по јога за бремени жени. Часовите се достапни за сите заинтересирани идни мајки, а пациентките што имаат авансна уплата за пакетот за породување во Клиничката болница „Аџибадем Систина“ имаат можност бесплатно да учествуваат на јога-часовите.

ГРУПНИ ТРЕНИНЗИ И НАЈСОВРЕМЕН РЕФОРМЕР И КАДИЛАК ПИЛАТЕС

Во центарот се применуваат и групни активности – јога, кик фит аеробик, функционален фитнес, пилатес. Кадилак-пилатесот и реформер-пилатесот се изведуваат на најсовремени реформер-машини под надзор на сертифициран тренер.

– Навистина сум среќна што за три години успеавме да се претставиме како единствен центар кој применува кадилак и реформер пилатес. Досега имаме постигнато извонредни резултати кај голем број наши клиенти, но најважно од сѐ е што успеавме да им ја пренесеме љубовта кон здравиот начин на живот, редовно вежбање и балансирана исхрана – објаснува Рената Младеновска, инструктор по реформер и кадилак пилатес.

РОДЕНДЕНСКИ ПРОМОЦИИ, НАГРАДИ И ПОПУСТИ

По повод третиот роденден, спортскиот центар „Премиум“ на социјалните мрежи додели бесплатни полугодишни членарини и промотивни услуги.

Д-р Владимир Аврамовски, специјалист по општа хирургија, супспецијалист по дигестивна хирургија, е уште еден од најредовните членови во спортскиот центар „Премиум“ и во изминатите три години вели дека нема пропуштено ниту еден тренинг.

– Тоа што им го препорачувам на моите пациенти, редовната физичка активност, го применувам и самиот повеќе од 10 години. Професијата доктор, со 30-годишно искуство зад себе, значи ден исполнет со многу обврски и активности. Единственото време што можев да си го посветам за себе беше утрото, па затоа со тренинг почнувам во 6 часот наутро, а по тренингот целосно се посветувам на моите пациенти во амбуланта или интервенциите во операциона сала, зависно што ни е на распоредот тој ден. Би сакал да ги мотивирам и повозрасните, бидејќи спаѓам во групата на 50+, дека никогаш не е доцна да се почне со вежбање. Доколку сакаме квалитетен живот, телото мора да се раздвижува секојдневно со физичка активност. Придобивки има многу, позитивно влијае врз општото здравје, врз расположението, енергијата и психичкото здравје – споделува д-р Аврамовски, еден од најредовните членови во „Премиум“.

ПОДДРШКА НА БРОЈНИ СПОРТСКИ КЛУБОВИ И ИНДИВИДУАЛЦИ

Спортскиот центар „Премиум“ нуди максимална поддршка на голем број спортски клубови, репрезентации и индивидуални спортисти. Во рамки на одбележувањето на тригодишнината, капацитетите на спортскиот центар се ставаат на располагање и на двата одбојкарски клубови „Газели волеј“ и „Форца волеј“, а болницата ја официјализираше и соработката со фудбалерите на ФК „Вардар“.

Благодарение на успешната соработка со Кошаркарската федерација, трета година по ред продолжува и поддршката на македонските кошаркари и кошаркарки. Превенција на спортски повреди и нивна рехабилитација „Премиум“ овозможува и за кошаркарите на МЗТ Скопје, како и на бројни индивидуални спортисти.

The post ТРИ УСПЕШНИ ГОДИНИ ЗА СПОРТСКИОТ ЦЕНТАР „ПРЕМИУМ“ Повеќе од 400 активни членови инвестираат во својата физичка форма appeared first on plusinfo.mk.

Џанелиџе изгубил рамнотежа и паднал од балкон без ограда директно во провалија.

Пожарникарите и итните служби не го спасиле и покрај брзата реакција. Неговото безживотно тело конечно било извадено од местото на несреќата и пренесено.

Младиот инфлуенсер во моментот на несреќата бил во Рогуди Векио  историско планинско село во Италија кое било напуштено во 1970-те поради големите поплави. Тој го истражувал ова древно и возбудливо место со пријател, кој за жал морал да ја потврди трагичната смрт.

Длабоко вознемирувачката вест за заминувањето на Џанелиџе одекна на социјалните мрежи каде што тој создаде многубројни следбеници со мотивациската содржина и со неговото фитнес патување.

Неговото присуство на социјалните мрежи инспирираше многумина, а неговата трагична несреќа служи како потресен потсетник за ризиците поврзани со создавање содржина на живописни, но и опасни локации.

Ова е неговото последно видео пред несреќата:

The post 🎥 ТЕЖОК Е ЖИВОТОТ НА ИНФЛУЕНСЕРИТЕ, АМА СМРТТА E УШТЕ ПОТЕШКА Еве како загина грчки фитнес инфлуенсер во Италија appeared first on plusinfo.mk.

The post ИМАМЕ СИЛЕН ПРЕТСЕДАТЕЛ Нерешено со светскиот шампион во бодибилдинг appeared first on plusinfo.mk.

– Мојата категорија е Велнес Фитнес, а на Светскиот настан освоив златен медал во јуниорска и сениорска категорија исто така и во двете категории две апсолутни титули. Мојот матичен клуб во Северна Македонија е фитнес-центарот „Магнус“. Најпрвин започнав да се занимавам рекреативно со фитнес и бодибилдинг, но за кратко време добив голема промена на мојата форма бидејќи генетиката игра голема улога и така се мотивирав и преминав веќе како професионален натпреварувач во бодибилдинг покрај тоа што работа како тренер во „Магнус“. Во овој спорт професионално работам од 2019 година откако започна моето прво натпреварување и првите златни медали што придонесоа многу за мотивација – вели Акиевска.

Според неа, ништо не е тешко кога го работиш со голема љубов, но бодибилдингот кај нас не е категоризиран и, како што рече, овие натпреварувачи немаат голема поддршка.

– Јас работам во фитнес-центарот „Магнус“ како тренер, но реално, од овој спорт во РС Македонија не може да се егзистира. Ни треба поддршка и да се категоризира бодибилдингот како другите спортови, за да имаме финансиска поддршка и нормално, да бидеме наградени и да имаме повеќе мотивација да вложуваме и на страна да ги браниме боите на татковината како јас што ја претставувам државата веќе трета година со сите златни титули – дополни Акиевска.

Според неа, не е ни малку лесно да се одржи формата и да се достигне светско ниво.

– Диетите се макотрпни, се одрекуваш од нормалниот режим на исхрана, преминуваш на протеинска исхрана збогатена со протеински влакна, хидрати, но тоа е одредено со време и по мерка за да дојдеме до потребната форма и облини кои се непобедливи. Во иднина ќе продолжам со надградба на моите способности и потенцијали, надевајќи се на целосна поддршка од државата и се надевам ќе имам и финансиска поддршка за повеќе освојување на титули, за да преминеме во професионалци со огромен успех со кој сите ќе се гордеат – додаде Акиевска.

Таа се натпреваруваше во категорија до 163 сантиметри на ова Светско првенство во конкуренција на над 1.500 учесници од над 100 држави. Акиевска настапи под капата на Бодибилдинг фитнес федерацијата на РС Македонија, а делегацијата ја предводеше претседателот Бобан Ѓороски.

The post МЕРИ АКИЕВСКА ОСВОИ СВЕТСКО ЗЛАТО ВО БОДИБИЛДИНГ „Државата повеќе да вложи во овој спорт“ appeared first on plusinfo.mk.

Вежбањето пред огледало може да изгледа како признак на заљубеност во себеси, но вистината поради којашто огледалата со десетлетија се составен дел од танцовите студија и вежбалниците, е друга. Според Psychology Today, истражувањата потврдуваат дека вежбањето пред огледало може да има и позитивни и негативни страни. Од позитивната гледна точка, тие помагаат да се усоврши формата на телото. Со помош на тоа, човекот го поправа движењето, дишењето, опуштањето на мускулите итн. Од друга страна пак, огледалата можат да ја попречат внатрешната рамнотежа и да нѐ натераат да го префрлиме вниманието на небитни движења.

Со оглед на ова, „надворешниот фокус (нагласка на тоа како вашите движења влијаат врз сѐ она околу вас) води кон подобри перформанси отколку внатрешниот фокус (тоа – како се движи телото или мускулните групи) за време на физичките напори“, се вели во истражувањето.

Најдобар начин да избегнете повреди во вежбалницата е добрата форма. Но, вежбите пред огледало помагаат да се постигнат потребните промени за да се спречат какви било незгоди, напрегања или истегнување на мускулите.

Гледајќи го своето движење, пак, може дополнително да се инспирирате, да работите понапорно и да дадете сѐ од себе.

Огледалата го развиваат и чувството за простор и за кореографија. Работењето блиску до другите е многу полесно ако видите на огледалата – колку всушност сте блиску. Тоа помага при полесно совладување кореографски движења, без вртење наназад.

The post ЗОШТО Е ДОБРО ДА СЕ ВЕЖБА ПРЕД ОГЛЕДАЛО? Штити од повреди и ве мотивира appeared first on plusinfo.mk.

Тој информира дека фитенс клубовите и теретаните ќе почнат да работат до крајот на оваа седмица.

Овие мерки за олабавување, како што рече биле разговарани на денешната средба на Комисијата за заразни болести и за овие предлози ќе биде информирана владата..

Одлучено е  да профункционира и јавниот превоз во Тетово – рече Филипче.

The post Филипче: Се отвораат теретаните, казината, обложувалниците и јавниот превоз во Тетово appeared first on plusinfo.mk.

Градоначалникот Стефан Богоев изјави дека на оваа површина, од 11.190 м2 доминантно ќе биде зеленилото, а предвидено е засадување на нови, висококвалитетни дрвја, тревна површина, систем за наводнување на зеленилото, како и клупи за седење и корпи за отпадоци.

– Овој дел е во срцето на Карпош 3. Зоната ќе биде наменета за сите генерации на граѓани. Токму овие, маалски паркови придонесуваат за враќањето на маалскиот соживот и дружба, рече Богоев.

Оваа површина, која е дел од училишниот двор, во должина на булевар „Илинден“, посочи тој, повеќе години делуваше запуштено, додека граѓаните од овој дел на Карпош имаа потреба од содржини за спорт и рекреацијат. Изборот на спортски игралишта, нагласи, се направи и во консултација со нив.

Се работи на новите спортски терени за кошарка, мал фудбал, ракомет и сервис во дворот на основното училиште „Лазо Трповски“, во Карпош 3.

Локалната самоуправа, најави градоначалникот Богоев, продолжува со секојдневното уредување на јавните површини, а целта е да се раззеленат истите, но и да бидат со намена за спорт и рекреација, со што ќе ги привлечат карпошани да ги посетат и да поминат дел од слободното време.

The post Зелен и спортско – рекреативен центар за жителите на Карпош 3 appeared first on plusinfo.mk.