МВР нема евиденција за заминувањето на македонската државјанка со бугарски пасош Ива Михаилова во Бугарија, каде што најави дека ќе побара лекарска помош, нејзиниот адвокат вели дека и самиот е затекнат од информациите што ги објавија бугарските медиуими, а некои политички партии побараа итна истрага за случајот, и евентуална одговорност, доколку има прекршување на судската забрана за напуштање на земјава.

На Ива Михаилова од Кочани, која е обвинета во судска постапка за сообраќајна несреќа со смртни последици, со судска одлука и е одземен пасошот, како мерка за обезбедување. Според

Ангел Георгиев, претставник на бугарската партија „Преродба“, таа денеска ја поминала македонско-бугарската граница на неименуван премин и се наоѓа во Бугарија, каде побара лекување. Таа за бугарски мемдиуми изјави дека границата ја поминала самом со лична карта, но не наведе на кој граничен премин.

Министерството за внатрешни работи денеска соопшти дека нема евиденција дека Ива Михаилова ја напуштила Македонија, иако таа веќе се наоѓа во Бугарија. Бугарските медиуми објавија дека Михајлова ја преминала македонско-бугарската граница во придружба на бугарскиот адвокат Николај Димитров.

Според информациите објавени од „360 степени“, Михаилова била на стоп-листата на МВР, но во системот нема регистриран нејзин излез од државата. Во тек се проверки за да се утврди што точно се случило и како успеала да ја премине границата и да влезе во Бугарија. Засега нема јавно објаснување од македонските институции за тоа како била спроведена граничната контрола и дали имало пропуст во постапувањето.

Михајлова, од друга страна, тврди дека границата ја преминала легално, со лични документи и со знаење на граничните службеници. Во изјава за бугарската национална телевизија БНТ рече дека се чувствувала многу лошо, по што разговарала со адвокатот Димитров и заедно одлучиле да замине во Бугарија.

– Ја преминав границата со моите документи. Вчера се чувствував многу лошо. Разговарав со мојот адвокат и се договоривме – заедно одлучивме тој да дојде по мене и јас да се вратам во Бугарија. Ги предадов документите на проверка и нè пуштија. Поминавме низ контрола. Немаше ништо незаконско во моето преминување – изјави Михаилова.

Таа најави дека треба да биде примена на лекување во болницата „Пирогов“ во Софија, по што ќе следува рехабилитација. Засега не знае колку долго ќе остане во Бугарија, ниту дали ќе се врати во Македонија за да присуствува на судењето. Следното рочиште, според изјавите објавени во медиумите, е закажано за 9 ноември.

Бугарскиот адвокат Николај Димитров потврди дека на македонската граница Михаилова ја покажала македонската лична карта, а на бугарскиот премин ги приложила бугарските документи. Тој не откри преку кој граничен премин поминале, образложувајќи дека не сака да им создаде проблеми на луѓето што, според него, им помогнале. Димитров признава дека нивните постапки може да претставуваат прекршување на мерките определени со судската постапка, но тврди дека водечки мотив било правото на Михајлова да добие медицинска помош.

Во врска со заминувањето се огласи и бугарското Министерство за надворешни работи. Шефицата на дипломатијата Велислава Петрова-Чамова изјави дека министерството не било вклучено во организацијата на нејзиното заминување. Таа потсети дека бугарската страна претходно го покренувала прашањето за потребата Михајлова да добие медицински третман, а неодамна било договорено бугарски лекари да дојдат во Македонија и да ја проценат нејзината здравствена состојба.

Од македонското Министерство за надворешни работи претходно беше соопштено дека е дадена согласност бугарски медицински специјалисти да ја посетат земјата и да учествуваат во процената на нејзината здравствена состојба.

Рауфи: И јас сум затекнат, немавме дозвола од Судот

Македонскиот адвокат на Михаилова, Насер Рауфи, за „Вечер“ изјави дека и самиот бил изненаден од информацијата дека таа ја преминала границата и заминала во Бугарија.

– И јас сум затекнат. Утринава бев известен дека ја поминала границата, дозвола нема од Судот, само што сакавме да поднесеме ново барање бидејќи имаше најава од МНР дека ќе дошле лекари од Бугарија да ја прегледаат – изјави Рауфи.

Тој очекува судската постапка во Кочани да продолжи и без присуството на Михаилова. Според него, на следното рочиште треба да сведочи сообраќајниот вештак ангажиран од одбраната, кој треба да ја образложи експертизата во прилог на тврдењето дека Михајлова немала потреба да премине во спротивната лента. Рауфи претпоставува дека одлуката за заминување била донесена во договор со бугарскиот адвокат Николај Димитров.

Демократски сојуз бара итна истрага и одговорност

Демократскиот сојуз бара итна истрага за заминувањето на Михаилова во Бугарија и утврдување на одговорноста за сите што евентуално го овозможиле нејзиното заминување и преминување на границата. Партијата смета дека надлежните институции треба да дадат одговор како било можно лице за кое има судски мерки и кое, според објавените информации, било на стоп-листата на МВР, да ја напушти државата без во системот да остане евиденција за излез.

Од Демократскиот сојуз бараат МВР, Царинската управа и Јавното обвинителство да ги проверат сите околности, вклучително и евентуалните пропусти на службените лица. Посебно прашање е дали некој ѝ помогнал на Михајлова да ја премине границата и дали имало постапување спротивно на утврдените правила.

„Особено загрижува што бегството се случило во моментот кога беше прифатена можноста нејзината здравствена состојба да биде проценета и од бугарски лекари. Ова отвора сомнежи дали целта била да се избегне независна медицинска процена, која можеше да даде одговор на прашањето дали нејзината состојба навистина била животозагрозувачка и дали претходните судски одлуки биле оправдани.

Мора да се испита и улогата на адвокатот, вклучително и неговите наводи за постоење помагачи, како и да се утврди како Михаилова успеала да побегне и покрај мерките за ограничување на движењето и одземените бугарски и македонски пасоши.

Доколку се утврди дека адвокатот учествувал во организирањето или овозможувањето на бегството, бараме да понесе соодветна кривична одговорност, согласно законот. Адвокатската професија не смее да биде заштита за незаконски дејствија“ – се вели во соопштението на ДС.

ИВА МИХАИЛОВА ЗАМИНАЛА НА ЛЕКУВАЊЕ ВО БУГАРИЈА? Наводно, границата ја поминала само со македонска лична карта

The post МВР НЕМА ЕВИДЕНТИРАН ИЗЛЕЗ НА ИВА МИХАИЛОВА ОД ЗЕМЈАВА Нејзиниот адвокат вели дека и самиот е затекнат, ДС бара истрага appeared first on plusinfo.mk.

И опозициските партии и политички лидери го одбележаа Илинден со пораки во кои, покрај историското значење на празникот, доминираа и актуелните политички теми – од суверенитетот на државата, преку меѓуетничките односи, до европската интеграција.

Од Левица порачаа дека АСНОМ претставува „најголемата обврска преземена пред идните поколенија“ и оценија дека секоја генерација има историска одговорност да ја остави државата посилна отколку што ја наследила. Партијата обвини дека во изминатите три децении македонската политика „повеќе ја цеди државата отколку што ја гради“, дека просторот на суверенитетот се стеснува, а достоинството станува предмет на дневни политички преговори.

Лидерот на ДУИ, Али Ахмети, во честитката оцени дека Охридскиот рамковен договор е современо продолжение на духот на Крушевскиот манифест, но предупреди дека денес е изложен на постојани обиди за поткопување. Тој како примери ги наведе, како што тврди, нападите врз службената употреба на албанскиот јазик, укинувањето на „балансерот“, слабеењето на механизмите за заштита од мајоризација, непочитувањето на резултатите од пописот, селективната правда и промовирањето моноетнички концепт на државата.

Владејачката ВЛЕН порача дека Илинден е потсетник на стремежите за слобода, еднаквост и правда, како темелни вредности на државата и на нејзиниот мултиетнички карактер. Во честитката се наведува дека празникот е можност да се зајакнат меѓусебното разбирање, соработката и посветеноста на општото добро, без разлика на етничките, верските и политичките разлики. Од ВЛЕН нагласуваат дека обврска на сите граѓани е да градат модерна, праведна и рамноправна држава во која секој ќе се чувствува почитуван, оценувајќи дека тоа е предуслов за сигурно напредување кон Европската Унија.

Претседателката на ЛДП, Моника Зајкова, оцени дека „вистинскиот илинденски пркос“ денес не се покажува со фолклорни пароли, туку со одлучност за носење државнички одлуки. Таа предупреди дека политичките калкулации не смеат да го претворат илинденскиот завет во „маратонско исцрпување“ и да ја задржат Македонија меѓу најсиромашните европски земји. Зајкова апелираше да не се одлагаат решенијата и повика на разум и храброст за носење одлуки што ќе ги обезбедат европските фондови и ќе создадат посилна и попросперитетна држава.

Демократскиот сојуз порачаа дека Илинден од 1903 година и АСНОМ од 1944 година остануваат темелите на современата македонска држава и траен потсетник дека најголемите национални идеали се остваруваат со единство, солидарност и истрајност.

The post ПАРТИИТЕ СО СВОЈА АГЕНДА ЗА ИЛИНДЕН Левица за губење на суверенитетот, ДУИ за уривање на Охридскиот договор, ЛДП бара храброст за европски одлуки appeared first on plusinfo.mk.

Демократскиот сојуз остро реагираше по вчерашните протести поврзани со употребата на албанскиот јазик во правосудниот систем, оценувајќи дека станува збор за обид за политичка злоупотреба и сценарио за дестабилизација на државата.

Од партијата велат дека особено загрижува присуството на граѓани од Kосово и Албанија на протестите, што според нив претставува недозволиво надворешно влијание врз внатрешните прашања на државата.

Во соопштението, ДУИ е директно обвинета дека по губењето на власта се обидува преку националистичка реторика и етнички тензии да предизвика политичка нестабилност.

– Очигледно е дека зад овие активности стои политичката агенда на ДУИ, која по губењето на власта се обидува преку националистичка реторика, етнички тензии и вештачки кризи да предизвика дестабилизација на државата и да обезбеди политички поени – велат од Демократски сојуз.

Од партијата нагласуваат дека правото на употреба на албанскиот јазик мора да биде почитувано согласно Уставот, Охридскиот рамковен договор и законите, но додаваат дека истовремено треба да се зачува единствен и функционален правосуден систем.

– Недозволиво е правосудството да стане поле за политички и етнички конфронтации или за создавање паралелни системи кои би ја нарушиле правната сигурност и единството на институциите – стои во реакцијата.

Демократски сојуз ја повика Владата да не подлегнува на, како што наведуваат, притисоци и радикални барања, туку преку дијалог и стручна дебата да се дојде до одржливо решение.

Партијата предлага целосно почитување на јазичните права на сите заедници, задолжително познавање на македонскиот јазик за носителите на правосудни функции и зачувување на унитарниот карактер на државата.

The post ТЕНЗИИ ПОРАДИ АЛБАНСКИОТ ЈАЗИК Демократскиот сојуз тврди дека ДУИ создава вештачка криза appeared first on plusinfo.mk.

Демократски сојуз ги осудува, како што вели, политички мотивираните протести поради наводно ускратување на правото на употреба на мајчиниот јазик на студентите од албанската етничка заедница.

„Демократската унија за интеграција прави груба злоупотреба на правото на користење на мајчиниот јазик при полагањето правосуден испит, кое во текот на своето долгогодишно владеење не најде за сходно да го регулира. Но, имаше коруптивни процеси при полагањето и политичко влијание, посебно на студенти блиски до партиите од власта.

Демократски сојуз потсетува дека македонскиот јазик е државен – службен јазик во Македонија. Се разбира, албанскиот јазик е исто така во службена употреба и етничките Албанци ги уживаат сите права според Уставот за негово користење. ДС потсетува дека студентите, повеќето Албанци своите студии ги завршиле на мајчин албански јазик.

Но, во правосудството е од исклучителна важност, обвинителите, судиите и адвокатите, да го владеат македонскиот јазик кој е лингва франка, заеднички јазик на разбирање на сите етнички заедници во Македонија. Дополнително, меѓународната пракса и препораките од Венецијанската комисија одат во прилог на употреба на еден заеднички јазик во правосудството и тоа на никаков начин не ги нарушува правата на другите етнички заедници.

Демократски сојуз ја охрабрува Владата да не подлегнува на политички притисоци и да истрае во пронаоѓањето решение за полагање правосуден испит кое ќе биде уставно, а нема да ги нарушува правата на етничките заедници, но исто така со иста тежина на испитот како и за другите студенти“, се наведува во реакцијата на Демократскиот сојуз.

ДС истовремено потсетува дека на сите етнички заедници, вклучително и на Албанците, им е загарантирана одбраната на мајчин јазик во процесите пред судовите во Македонија.

„Јазикот е средство за разбирање, а никако за конфронтација. Без разлика на сѐ, во државната и локалната администрација мора да се знае македонскиот јазик, не нарушувајќи го правото на помалите етнички заедници да го негуваат и користат и својот мајчин јазик“, се додава во реакцијата на Демократски сојуз.

The post ДЕМОКРАТСКИ СОЈУЗ ГИ ОСУДИ ПОЛИТИЧКИ МОТИВИРАНИТЕ ПРОТЕСТИ НА СТУДЕНТИТЕ Препорака од Венецијанската комисија е употреба на еден заеднички јазик во правосудството appeared first on plusinfo.mk.

Демократскиот сојуз го осудува потегот на властите во Софија да му изречат забрана за влегување во државата во траење од 10 години на адвокатот Тони Менкиноски, правен застапник на здруженијата на Македонците од Бугарија пред Судот за човекови права во Стразбур.

„Ова е чин без преседан во земја членка на Европската Унија која му забранува право на движење и професионален ангажман на еден адвокат во земја членка на ЕУ само поради фактот што застапува граѓани кои се борат за своите малцински права. Бугарија со оваа постапка пред цела Европа дрско и безобразно демонстрира дека не само што не ги признава Македонците како малцинство, туку ја попречува и нивната битка за регистрација на здруженијата што ја водат пред Судот за човекови права во Стразбур, кој досега изрече 14 пресуди во нивна полза“, се наведува во реакцијата на Демократскиот сојуз.

Според партијата, очигледно е дека официјална Софија, која со години ја игнорира правдата од Стразбур, почнува да покажува нервоза и на бескрупулозен начин да се пресметува со оние кои успеваат да го докажат нејзиното антицивилизациско поведение на негирање на Македонците.

Демократскиот сојуз очекува реакција од европските и од меѓународните организации за човекови права за овој чин, а истовремено ги повикува македонските власти да реагираат со протестна нота до Софија.

The post ДЕМОКРАТСКИОТ СОЈУЗ ГО ОСУДИ ПОТЕГОТ НА СОФИЈА КОН АДВОКАТОТ МЕНКИНОСКИ Очекува реакција од европските организации за човекови права appeared first on plusinfo.mk.

Демократскиот сојуз бара Собранието по скратена постапка да донесе измена на законите со кои ќе се забрани производство на канабис за медициски цели.

„Досега, од 2017 година надлежното Министерство за здравство, во соработка со други институции издало 61 лиценца на фирми кои можеле да произведуваат марихуана за медицински цели. Повеќе од јасно е дека контролата затаила, поради што се случија фингирани кражби, пресметки помеѓу наркомафијата, заплени на канабис од полицијата итн., но криминалниот бизнис продолжи, бидејќи наркомафијата во која беа вклучени и носители на највисоки државни функции од претходната власт се стекнаа со огромна финансиска моќ и политичко влијание“, соопшти партијата.

Демократски сојуз силно ја поддржува акцијата на МВР за заплена на канабисот и инсистира да постапува неселективно, се додава во соопштението.

„Јавно да бидат објавени сопствениците, формални и неформални, на фирмите кои произведуваат канабис, кој и кога ги издал лиценците за производство на канабис итн. Министерството за здравство во соработка со другите надлежни институции да објави колку количини на канабис се произведени, каде се тие количини (продадени, на залиха, украдени итн.) и колку профит е остварен. Запленетите 32 тона канабис (5 во Србија и 27 тони во Македонија), тоа е засега гребење по површината на овој наркобизнис, кој има тешки последици по здравјето на младите генерации, политичката стабилност, владеење на правото и меѓународниот углед на државата“, соопшти ДС.

Бараме да се прошири одговорноста и кон носителите на функции од надлежните министерства кои издавале лиценци и кои затаиле со контролата на спроведување на законите за да се спречат злоупотребите, се додава во соопштението.

„Одземените количини се премногу за Балканот, а не за медицинските потреби на Македонија. Очигледно е дека првобитната хумана цел е злоупотребена и затоа се потребни итни законски промени“, соопшти Демократскиот сојуз.

The post ДЕМОКРАТСКИ СОЈУЗ БАРА ЗАБРАНА НА ПРОИЗВОДСТВОТО НА КАНАБИС Првобитната хумана цел е злоупотребена appeared first on plusinfo.mk.

Демократскиот сојуз го повикува Јавниот обвинител да отвори истрага и да покрене соодветна постапка против Али Ахмети за загрозување на уставниот поредок на државата и нарушување на територијалниот интегритет и суверенитет.

„Најновата закана на лидерот на ДУИ Али Ахмети, дека доколку Македонија не го продолжи својот пат кон ЕУ, дел од граѓаните ќе одат со Албанија, а другите со Бугарија, е директна закана за територијалниот интегритет на државата и повик за поделба на Македонија меѓу Албанија и Бугарија.

Претседателот на ДУИ, барајќи спас од кривичен прогон на неговата одметната криминална партиска врхушка, веќе подолго време работи на поделба на граѓаните – на оние кои се наводно определени за европскиот пат и оние кои се божем против. Притоа сака да прикаже дека Македонците, за разлика од Албанците, не сакаат членство на државата во ЕУ. Но откако не успеа да докаже дека ДУИ е ексклузивен легитимен претставник на Албанците во власта, Ахмети реши да отиде чекор подалеку – и да ги повика Албанците да одат во ЕУ со Албанија, а Македонците – со Бугарија!? Ова, меѓу другото е и злонамерна сугестија на поранешниот командант на УЧК, дека мнозинството Македонци би прифатиле да станат Бугари само заради членство во ЕУ“, се наведува во реакцијата на Демократскиот сојуз.

The post ДЕМОКРАТСКИОТ СОЈУЗ ГО ПОВИКА ОБВИНИТЕЛСТВОТО ДА ПОКРЕНЕ ПОСТАПКА ПРОТИВ АХМЕТИ Лидерот на ДУИ упатил закана за територијалниот интегритет на државата appeared first on plusinfo.mk.

Во пресрет на посетата на Марта Кос на Македонија, Демократскиот сојуз ја повикува Европската Унија да ги деблокира евроинтеграциските преговори на Македонија, бидејќи тоа е во согласност со геостратешките состојби и во интерес и на Македонија и на ЕУ.

„Демократскиот сојуз од Еврокомесарката Марта Кос бара да направи мал чекор за деблокадата: Прво, да предложи Советот на ЕУ да донесе заклучок дека идентитетските, историските и јазичните прашања не можат да бидат основа за блокада на евроинтеграциите. Второ, Советот на ЕУ да донесе одлука дека македонскиот јазик, по приемот на Македонија во ЕУ, ќе биде официјален (службен) јазик во ЕУ. Трето, ЕУ да ја обврзе Бугарија да ги имплементира одлуките на Меѓународниот суд за човекови права од Стразбур, за Македонците во Бугарија да можат да се здружуваат за заштита на своите историски, идентитески и јазични обележја. Подолго време има изјави од претставници на ЕУ и Бугарија дека внесувањето на Бугарите во Уставот е последно барање, дека македонскиот јазик е загарантиран, тоа го тврдат функционерите на СДСМ  и дека идентитетските прашања не се дел од Преговорачката рамка. Само да разјасниме, во Преговарачката рамка никаде не е спомнат македонскиот јазик, освен дека преводот на директивите на ЕУ ќе се врши на македонски јазик (тоа и досега се прави), а со годишните прегледи (протоколи) кои се дел од Преговорачката рамка, се отвораат идентитетските прашања, како и со договорот за добрососедски односи помегу Македонија и Бугарија. Деблокадата е можна и зависи од ЕУ, а не од Македонија. Во Македонија постои и политички и граѓански консензус за полноправно членство во ЕУ. Тоа е наш национален интерес“, се вели во партиската реакција.

The post БАРАМЕ ДЕБЛОКАДА НА ЕВРОИНТЕГРАЦИИТЕ Членството во ЕУ е наш национален интерес, порача Демократски сојуз appeared first on plusinfo.mk.

Демократскиот сојуз ги осудува заканите за дестабилизација што ги упати лидерот на ДУИ Али Ахмети и ги повикува надлежните органи да преземат решителна акција за спречување на безбедносно-политичка криза каква што има намера да предизвика неговата партија.

„Демократската унија за интеграција упорно одбива да прифати дека нејзините челници и поранешни државни функционери, кои неказнето ги кршеа законите сите изминати дваесетина години на власт, не се веќе недопирливи команданти на ОНА за кои не важи правдата. Особено загрижува причината поради која Ахмети и неговата политичка дружина имаат намера, како што најави, „да излезат на улица и никогаш повеќе да не се вратат“ – имено, доколку поранешниот министер за економија, Крешник Бектеши, кој е осомничен во случајот на трагедијата во Кочани, биде обвинет по завршувањето на истрагата. Таква мафијашка уцена и притисок врз обвинителството и судовите е невидена во Македонија“, велат од партијата на Павле Трајанов.

Ахмети е очигледно навикнат судиите и обвинители кои лично ги поставуваше да работат под негов диктат и да штанцаат мерки за обезбедување, обвинителни акти и пресуди по негов терк. Токму затоа ДУИ реагираше и на одлуката за задржување во притвор на екс министерот Бектеши. Одлука донесена од судии кој тој ги поставуваше и командуваше. Досега  политичките шампиони на интегративците имаа навика да бегаат од правдата, како што е случајот со Артан Груби и Перпарим Бајрами, кои веќе неколку месеци се во бегство од органите на прогонот, истакнуваат од ДС.

Демократскиот сојуз ги повикува највисоките државни институции, обвинителството и судството, вклучително и Уставниот суд, кој треба да одлучува за уставноста на некои одредби од Законот за употреба на јазиците, да работат според законите и Уставот и да не се обѕираат на притисоците и заканите што ги упатува Ахмети. Неговото време заврши, а местото на криминалците без разлика од нивната партиска,етничка или верска припадност им е зад решетки.

The post ДЕМОКРАТСКИ СОЈУЗ ГИ ПОВИКА НАДЛЕЖНИТЕ ДА ПРЕЗЕМАТ АКЦИЈА „Мафијашката уцена на Ахмети за дестабилизација е опасна“ appeared first on plusinfo.mk.

Според партијата, Македонија да биде една изборна единица и треба да се укине таканаречаната Пржинска влада.

„Потребни се реформи на судскиот систем преку уставни измени. Предлагаме ограничување на мандатот на судиите на 5 или 7 години, да се избрише уставниот амандман за неодговорност за одлуките што ги носат судиите и да се воведување институт „сослушување“, при селекцијата на судиите и јавните обвинители“, соопшти ДС.

Според ДС, мора да се изградат контролни механизми без да се наруши независноста на судската власт.

„Трето, треба да продолжи неселективната борба против тешките облици на криминал и висока корупција. Да се формира независна Агенција за борба против криминалот, како гаранција за одржливост и ефикасност на системот“, велат од партијата.

Централниот совет на Демократскиот сојуз денеска оцени дека транзицијата на власта се одвива согласно програмските определби на Владата. Според партијата, се забележува засилен фокус врз справувањето со проблемите и дубиозите што ги остави претходната власт, почеток на расчистување на криминалните афери поврзани со неа, економска стабилизација како основа за натамошен економски развој и привлекување странски инвестиции, како и засилена дипломатска активност за откочување на европските интеграции со заштита на македонските национални интереси.

Партијата информира и дека почна со подготовките за локалните избори. Партиските ограноци треба да ги евидентираат проблемите и потребите на граѓаните, врз основа на што ќе се подготви изборната програма.

The post СУДИИТЕ ДА ИМААТ МАНДАТ ОД 5 ДО 7 ГОДИНИ И ДА ОДГОВАРААТ ЗА ОДЛУКИТЕ Да се формира независна Агенција за борба против криминалот, предлага ДС appeared first on plusinfo.mk.