Вооружен маж, наводно, држел бремена жена како заложник, а потоа, бегајќи од полицијата, предизвикал потера низ сообраќајниот метеж во областа на Бостон, при што удрил и оштетил осум возила.

Околу 7:20 часот наутро во средата, 12 август, полицијата на сојузната држава Масачусетс добила пријава дека лице за кое се сомнева дека е заложник се наоѓа во теренско возило (SUV) на северната страна на автопатот Interstate 93 во Квинси, Масачусетс, и дека осомничениот му се заканува со огнено оружје, објави „Boston.com“, повикувајќи се на полицијата.

HIGHWAY CHAOS: New video shows a person being taken into custody by state troopers following a wild chase through morning traffic on the Expressway. pic.twitter.com/ykEOxp5zZU

— Boston 25 News (@boston25) August 12, 2026

Кога полицајците го забележале возилото, возачот не застанал, по што започнала полициска потера.

Полицијата на Масачусетс го идентификувала осомничениот како 31-годишниот Доминик Хемптон-Бојд од Дорчестер, Масачусетс.

Тој, според информациите на „CBS Boston“, се очекуваше во четврток, 13 август, да се појави пред судот во Квинси.

Кристен Ек, новинарка која го следи сообраќајот за WBZ NewsRadio 1030, објавила снимки од полициската потера на својата страница на „Фејсбук“.

– Беше како да гледате нешто од филм за Џејмс Бонд – изјавила Ек за „CBS Boston“, додавајќи дека во 29 години работа во WBZ Radio никогаш не видела нешто слично.

The post 📽️ ЗЕЛ БРЕМЕНА ЖЕНА КАКО ЗАЛОЖНИК, ПА БЕГАЛ ОД ПОЛИЦИЈАТА Потерата завршила со 8 искршени возила appeared first on plusinfo.mk.

Три жени, меѓу кои и една бремена, беа избодени со нож денеска околу 11:30 часот во близина на Порт де Клиши во Париз.

Француската полиција соопшти дека повредените жени веднаш биле згрижени од екипи на Итната медицинска помош и пренесени во болница. Една од жртвите се наоѓа во критична состојба.

Осомничениот, 31-годишен маж за кого се претпоставува дека има психички нарушувања, бил уапсен на местото на нападот по интервенција на полицијата. Според локалните медиуми, кај него биле пронајдени два ножа.

На снимките што се појавија на социјалните мрежи се гледа како мажот мавта со два ножа во тој дел од градот, пред случајни минувачи да го совладаат и да го соборат на земја.

Knife ATTACK in Paris: THREE women stabbed — Reuters

A man armed with kitchen knives slashed three women, severely wounding two ​of them, before an off-duty police officer detained him

The man reportedly said ‘Allah ordered him to do it’ pic.twitter.com/MRd1lluQwo

— RT (@RT_com) July 27, 2026

На едно особено вознемирувачко видео се гледа како напаѓачот се нафрла врз една жена додека во раката држи нож.

Министерот за внатрешни работи на Франција, Лоран Нуњез, изјави дека осомничениот давал „неповрзани и неразбирливи изјави“, предупредувајќи дека е прерано да се извлекуваат заклучоци за неговите мотиви.

– Тој човек рече: „Алах ме испрати да убивам жени“. Но, не, тој е психички болен – изјавил извор близок до истрагата за францускиот весник „Ле Паризиен“.

Attaque au Couteau en direct à porte de Clichy #attaque #paris pic.twitter.com/aTBWPelAiY

— mel (@melindadjezz) July 27, 2026

И покрај тоа, француското обвинителство за борба против тероризмот не го презеде случајот, а тероризмот засега не е главната насока на истрагата.

The post 📽️ (ВОЗНЕМИРУВАЧКО) ХОРОР ВО ПАРИЗ, МАЖ ИЗБОДЕЛ ТРИ ЖЕНИ Напаѓачот викал дека Алах го пратил да ги убие appeared first on plusinfo.mk.

Полициска интервенција во центар за баратели на азил во холандскиот град Зајст прераснала во хаотична сцена. Бремена жена била оттурната и паднала на земја. Во истиот момент нејзиниот сопруг се стрчал кон полицаецот и го нападнал.

Снимките од инцидентот брзо се прошириле на социјалните мрежи. Според локалните медиуми, мажот бил Палестинец кој претходно дознал дека членови на неговото семејство во Газа загинале во конфликтот. Емоциите кулминирале истата вечер.

Полицијата претходно била повикана во центарот по пријави за оштетување на имот и закани со нож. Жената само побарала да го придружува својот сопруг до притворниот центар. Тогаш дошло до турканицата.

Од полицијата соопштија дека видеата што кружат во јавноста не ја прикажуваат целата случка. Според нив, на снимките се гледа само дел од интервенцијата.

Истрагата за настанот е во тек.

The post 📽️ ИНЦИДЕНТ ВО ЦЕНТАР ЗА АЗИЛ ЈА РАЗБРАНУВА ХОЛАНДИЈА Полицаец турна бремена жена, следеше хаос appeared first on plusinfo.mk.

Основниот суд во Свети Николе изрече едногодишна затворска казна за 21-годишен маж од селото Сарамзалино, кој брутално ја претепал својата бремена партнерка и ја држел заклучена во соба со часови.

Според судската пресуда, насилството се случило во семејниот дом во градот, кога напаѓачот ѝ го одзел телефонот и клучевите од автомобилот и ја затворил во просторија каде ја држел околу 15 часа. Во текот на нападот ѝ нанел повеќе телесни повреди. Кога жената се онесвестила, тој ја разбудил со студена вода и продолжил со физичкото малтретирање.

Судот го прогласил за виновен за телесна повреда и противправно лишување од слобода, по што му била изречена единствена казна затвор во траење од една година.

Од Основен суд Свети Николе информираат дека пресудата засега не е правосилна, а обвинетиот останува во притвор до нејзиното конечнo потврдување, но не подолго од 60 дена.

The post ЈА БУДЕЛ СО ВОДА ЗА ДА ПРОДОЛЖИ БРУТАЛНО ДА ЈА ТЕПА Една година затвор за насилникот кој нападна бремена девојка appeared first on plusinfo.mk.

Основното јавно обвинителство Скопје поведе постапка против 52-годишен маж осомничен за телесна повреда во случај на семејно насилство. Според информациите, тој физички ја нападнал својата 32-годишна вонбрачна партнерка, која била во вториот месец од бременоста.

Инцидентот се случил во домот на улицата Рајко Жинзифов во Скопје. По расправија, осомничениот започнал да ја удира жената со тупаници и шлаканици, нанесувајќи ѝ гребаници, отоци и хематоми на главата и телото.

Од Основното јавно обвинителство Скопје информираат дека насилството ескалирало кога жената почнала да вика и да бара помош.

– Колку посилно викала оштетената со намера да ја слушнат соседите и да повикаат полиција, толку поагресивен станувал осомничениот, при што во еден момент ја притиснал со рацете за вратот со цел да ја замолчи – велат од Обвинителството.

Во обид да се спаси, жената го убедила напаѓачот да одат кај гинеколог за да направат ЕХО-преглед. Додека се движеле со автомобил и застанале на семафор на булеварот Св. Климент Охридски, таа успеала да избега од возилото и влегла во блиско кафуле.

Од лице кое седело во кафулето позајмила мобилен телефон и веднаш го пријавила случајот во полиција.

– Јавниот обвинител достави предлог до судијата на претходна постапка за определување мерки на претпазливост, вклучувајќи обврска осомничениот да се јавува кај надлежен орган, привремено одземање на патната исправа и забрана за приближување и воспоставување контакт со оштетената – информираат од Основното јавно обвинителство Скопје.

The post БРЕМЕНА ЖЕНА ПРЕТЕПАНА ВО СКОПЈЕ Успеала да избега на семафор и да побара помош appeared first on plusinfo.mk.

Трудницата Георгијана (39) од Грција, која е во третиот месец од бременоста, е хоспитализирана во болницата „Атикон“ по драматичен напад од нејзиниот партнер (43). Според полицијата и медицинските извори, мажот ја избол со вилушка повеќе пати по лицето во понеделникот навечер, поради што жената со тешки повреди веднаш била примена во болница.

Вчера ѝ била извршена операција на окото. Според информациите, видот на левото око ѝ бил вратен, додека состојбата на десното око останува неизвесна. Фетусот што го носи Георгијана засега е безбеден.

Медицинските сестри што ја посетиле жртвата на одделението, изјавија дека лицето ѝ било избодено со стотици убоди од вилушка и дека нападот можел да заврши трагично.

– Вчера операцијата траеше повеќе од два и пол часа. Со левото око може да гледа и отворено е, додека за десното не знаеме што ќе биде. Се надеваме дека сè ќе биде во ред – рекоа медицинските сестри.

Тие го опишаа нападот како ужасен и невидено насилен.

– Чудо е што преживеа. Целото лице ѝ беше избодено. Сакал да ја убие, да ѝ го одземе животот – посочуваат медицинските сестри.

Жртвата, како што се наведува, излегла гола на улица и трчала за да си го спаси животот. Таа се јавила во итната помош околу три часот по полноќ.

Според првичните информации, нападот започнал кога 43-годишниот партнер, кој бил под влијание на алкохол, дошол во куќата на Георгијана во Нео Психико и ја прашал дали тој е таткото на детето што го носи.

The post СО ВИЛУШКА ЈА БОДЕЛ ВО ЛИЦЕТО Трудница преживеа брутален напад од партнерот во Грција appeared first on plusinfo.mk.

Во еден од случаите, семејство од Кочани со дете кое боледува од епилепсија остана заглавено во селото Леуново, без можност да ја добие потребната терапија. Благодарение на координацијата на ЦУК со општинските служби, тие беа успешно извлечени и безбедно вратени во својот дом.

Во слична ситуација се најде и бремена жена од селото Врбен, чие возило било заглавено од снегот. На местото билиспратен трактор којшто возејќи пред автомобилот со големи напори успеа да го извлече возилото до безбедна локација по што истото се упати кон својот дом.

Во Леуново, пак, беше регистриран уште еден драма – лице приклучено на апарат за кислород остана заглавено во викендица со сопругата, додека снежната покривка достигнуваше височина од еден метар.

„Примен е повик од лице кое се наоѓа во викендица во с.Леуново, на локација над Хотел Радика, кој е со сопругата кој цело време е приклучена на апарат за кислородна поддршка кој работи на струја. Во координација со ПС Маврово и Итна Медицинска Помош Гостивар, истите беа на лице место, но поради висина на снежна покривка од околу 1 метар, не се во можност истата да јa пренесат до амбулантното возило. Лицето поседува и агрегат за струја, во случај да снема. Во координација со одговорното лице од ЕЛС Маврово Ростуше договорено е денес околу 09.30 часот да се интервенира во чистење на делницата од 100 – 150 метри се до влезната врата на викендицата, за да може екипа од ИМП Гостивар да ја преземе и транспортира пациентката до Клиничката болница во Гостивар. За оваа ситуација известени се и ДЗС Гостивар и РЦУК Гостивар“, информираат од ЦУК.

Регионалниот ЦУК Тетово информира дека најголем дел од повиците биле поврзани со непроодни патни правци во Маврово и околните села. Поради снежните наноси, повеќе лица останале блокирани, а дел од патиштата доцна синоќа беа расчистени.

Во 09:20 часот, РЦУК Скопје добил и пријава од група лица кои се наоѓаат во Планинарскиот дом „Караџица“ во истата општина. Тие, исто така, не можеле да се вратат дома поради висината на снежната покривка. Градоначалникот на Општина Студеничани бил информиран и за овој случај.

Дополнително, проблеми со водоснабдувањето се забележани во Берово, Крушево и Кавадарци. Во Крушево, снегот предизвикал дефекти во електроснабдувањето, поради што пумпните станици не функционираат.

Од ЦУК апелираат граѓаните да го следат временскиот билтен и да се информираат преку медиумите за состојбата на патиштата пред да се упатат на патување.

„Сите граѓани кои се во животозагрозувачки ситуации може да се обратат на единствениот број 112, каде што итно се координираат мерки за нивно извлекување. Битно е да се избегнуваат патувања без зимска опрема, особено во високи планински предели“, изјавија од ЦУК.

The post ЗАГЛАВЕНИ СЕМЕЈСТВА, БРЕМЕНА ЖЕНА И ЛИЦА СО ЗДРАВСТВЕНИ ПРОБЛЕМИ Драматични спасувачки акции поради снегот appeared first on plusinfo.mk.

Јавен обвинител од Основното јавно обвинителство Скопје донесе Наредба за спроведување истражна постапка против едно лице за кривично дело – Тешка телесна повреда од член 131 став 3 од Кривичниот законик.

„На 14 октомври, осомничениот тешко телесно ја повредил и го нарушил здравјето на неговата бремена сопруга, доведувајќи го во опасност нејзиниот и животот на плодот. Додека заедно со оштетената и нивното 2-годишно дете се движеле со автомобил, осомничениот најпрвин започнал вербална расправија, а потоа и физички ја нападнал сопругата која седела на совозачко седиште. Оштетената излегла од автомобилот и се обидела да побара помош, но осомничениот тргнал по неа и продолжил да ја влече и удира. На тој начин ѝ нанел тешки телесни повреди, загрозувајќи го и плодот. При дополнителен преглед било констатирано дека плодот починал. Јавниот обвинител нареди судско-медицинско вештачење и доколку со наодот се потврди дека причина за смртта на плодот бил физичкиот напад, ќе се изврши соодветна квалификација на делото“информира ЈО.

До судијата на претходна постапка од Основниот кривичен суд Скопје доставен е предлог за определување мерка притвор за осомничениот, бидејќи постојат околности кои укажуваат на опасност од бегство, можност да влијае врз сведоците и оштетената и да го повтори делото.

The post ЈА ПРЕТЕПАЛ ДО СМРТ БРЕМЕНАТА СОПРУГА Основното јавно обвинителство поведе истрага против скопјанец appeared first on plusinfo.mk.

Нејзиниот сопруг потврдил дека му се јавила и сопругата, која врескала и му кажувала да повика полиција. Полицијата објави повик во кој се слуша како Илг избезумено моли за помош.

Полицајците пристигнале на местото на настанот три минути по првиот повик и насилно влегле во куќата, пренесува Sky News.

-Лаура е пренесена во медицинскиот центар „Фишер Титус“, каде што и е извршен итен царски рез, соопштија од полицијата

Властите објавија дека нејзиниот нероден син починал помалку од еден час по повикот, а мајката починала подоцна. Потврдено е дека пиштолот што го добил малото момче бил SIG Sauer P365.

Полицајците го пронашле пиштолот, заедно со чаурата и наполнет магацин. Илг и нејзиниот сопруг им рекле на властите дека пиштолот го чувале во нивната спална соба. Во куќата биле пронајдени и една сачмарка и пиштол „аирсофт“.

Сè уште никој не е обвинет за убиството, а полицијата соопшти дека наодите од истрагата ќе бидат проследени до локалното обвинителство.

The post (ВИДЕО) ДВЕГОДИШНО ДЕТЕ ЈА ЗАСТРЕЛАЛО СВОЈАТА БРЕМЕНА МАЈКА Ужас во американската држава Охајо appeared first on plusinfo.mk.

Ангелов посочи дека откако снемало струја во оваа кула, неофицијално бремена жена останала заглавена во лифт.

Тој порача да се изнајде решение за да не се дојде повторно во ваква ситуација, бидејќи постои можност некој да се повреди.

– Денеска околу 9.45 часот снемало струја во кулата Б на Џевахир скај сити, една од високите 40-катници во Скопје. Од страна на неколку граѓани дојде информацијата до Центарот за управување со кризи, по што од Секторот за операции и координации, конкретно РЦУК Скопје, е стапено во контакт со ЕВН. Најпрво им било одговорено дека поради техничка неисправност на нисконапонската мрежа дошло до прекин на електричната енергија во висококатницата Б – појасни Ангелов.

Нешто подоцна, како што рече, биле известени дека исклучувањето се случило поради неплатени сметки во кулата Б од Џевахир скај сити.

– Со ЕВН е стапено усно во комуникација. Џевахир скај сити кулите, вклучително и кулата Б, се високи 40 ката. Без да навлегуваме во имотно-правните побарувања и обврски меѓу ЕВН и кулата Б од Џевахир скај сити, конкретно управителите кои ја стопанистуваат оваа кула, апелираме до ЕВН и до управителите да не дозволат да се повтори ваква состојба, бидејќи хипотетички во оваа четириесеткатница, во некои од лифтовите, може некој да остане заглавен. Не треба да чекаме некој да настрада, да биде повреден, за навремено да се реагира – рече Ангелов.

The post ЈА ИСКЛУЧИЛЕ СТРУЈАТА ВО „ЏЕВАХИР“, А БРЕМЕНА ЖЕНА ОСТАНАЛА ЗАГЛАВЕНА ВО ЛИФТ Стојанче бара да не се повтори вакво нешто! appeared first on plusinfo.mk.