Управата за финансиска полиција поднесе кривична пријава против поранешниот генерален директор на АД „Пошта на Северна Македонија“, Јани Макрадули, поради сомнение за злоупотреба на службената положба и овластување. Според пријавата, со ненавремено плаќање на обврски кон две компании, на државната пошта ѝ била предизвикана штета од речиси 11 милиони денари само по основ на казнена камата.

Случајот се однесува на периодот од 2021 до 2022 година, кога Макрадули раководел со „Пошта“. Од Управата за финансиска полиција информираат дека тој не постапил по одлуки и заклучоци на Управниот одбор за исплата на парични обврски кон два правни субјекта, во вкупен износ од 19.292.984 денари или 178.800 евра.

„Во периодот од 2021 до 2022 година, пријавениот, постапувајќи спротивно на Статутот на друштвото и Законот за трговските друштва, не презел дејствија за реализација на одлуки и заклучоци на Управниот одбор за исплата на парични обврски кон два правни субјекта во вкупен износ од 19.292.984,00 денари“, се наведува во соопштението.

Според наводите на Финансиската полиција, иако му биле доставени потребните документи за исплата, Макрадули не ја потпишал спогодбата за подмирување на долгот, не ги потврдил фактурите и не ги потпишал налозите за плаќање.

Поради тоа, против „Пошта“ биле поведени судски постапки, а со судски пресуди биле утврдени и обврски за плаќање казнена камата.

„Со ваквото постапување овозможил против друштвото да бидат поведени судски постапки, по што со судски пресуди биле утврдени обврски за плаќање казнена камата. На овој начин, на АД „Пошта на Северна Македонија“ му била предизвикана вкупна штета од 10.968.483,00 денари по основ на казнена камата“, стои во соопштението.

Макрадули беше генерален директор на „Пошта на Северна Македонија“ од 2020 до 2022 година.

Кривичната пријава е поднесена до Основното јавно обвинителство Скопје, а сомневањата наведени во неа треба да се утврдат во понатамошната постапка.

The post КРИВИЧНА ПРИЈАВА ЗА ЈАНИ МАКРАДУЛИ ЗА ШТЕТА ОД РЕЧИСИ 178.800 ЕВРА Екс-директорот на „Пошта“ не исплатил долг, па се натрупале казнени камати appeared first on plusinfo.mk.

Јани Макрадули ги критикуваше објавите на социјалните мрежи на поранешниот градоначалникот на Скопје, Петре Шилегов, оценувајќи дека тие „не ѝпомагаат на партијата во овој момент“.

Претходно, во објава на Фејсбук, Шилегов силно удри по актуелното и по претходното раководство на неговата матична партија СДСМ.  Тој  напиша дека СДСМ е партија заробена од двајца, како што ги нарече, „октроирани лидери од јужните краишта“.

– Тоа не е СДСМ. Тоа се тезгароши. Од Милановац. Горњи или Долни. Март е пролет! Пролет е СДСМ – напиша тој.

За оваа јавна критика на Шилегов, Јани Макрадули вели:

– За разлика од мене, Шилегов е дел од последните структурина СДСМ, како дел од Извршниот одбор, каде што претпоставувам дека имало простор за тие теми да се зборува. Таквите изјави не помагаат во овој момент. За дебата секако сум за, за широки и за долги дебати и за размена на мислења. Но, социјалните мрежи не треба да биде место каде што ќе се каже нешто што не е добро за хомогеноста на партијата. Не треба да правиме поделба. Напротив, СДСМ е партија која е присутна низ целата држава.

The post ЈАНИ МАКРАДУЛИ ГО ИСКАРА ПЕТРЕТА ШИЛЕГОВ Социјалните мрежи не биле место за дебата за состојбите во СДСМ appeared first on plusinfo.mk.

Поранешниот висок функционер во СДСМ, Јани Макрадули, за ТВ21 изјави дека бил дистанциран од партијата, но не по негова волја.

„Не по моја волја бев оддалечен од СДСМ, но тоа не значи дека јас не сум придонел на свој начин и не сум присуствувал на настаните. Затоа кажувам постои разлика помеѓу лојалноста и клиентелизмот“, изјави тој.

Макрадули оценува дка резултатите од двојните избори во земјава се  разочарувачки за неговата партија.

Тој изнесе мислење како партијата може да се консолидира.

„На СДСМ во моментов му требаат и децата на СДСМ, но и ние со белите коси. Ни требаат сите. Во СДСМ погрешно се третира лојалноста. Не може да се спореди клиентелизмот со лојалноста, тоа се различни категории. Тука преовладува клиентелизмот во моментов“, изјави Макрадули.

The post „НА СДСМ МУ ТРЕБААТ И ТИЕ СО БЕЛИ КОСИ“ На кого мислеше Макрадули, на Таче сигурно не! appeared first on plusinfo.mk.

Одбраната ги бара за сведоци актуелните функционери бидејќи се членови на економскиот тим на Владата и се запознаени со она што е работено во врска со набавката за која се товари Зеќири во обвинението. Со тоа одбраната сака да ги побие тврдењата дека договорите за кои се тој се товари се потпишувани во четири очи

Со обвиненеито на поранешниот генерален секретар на Владата Зеќири му се става на товар дека со умисла извршил две временски поврзани дејствија. Во првиот случај се работи за кнсултантни услуги за реконстуирање на АД Пошта во државна сопственост, а второто за консултантски услуги за поддршка на процесот на потенцијална приватизација на „ЖРСМ Транспорт” АД Скопје.

Откако денеска обвинетиот се изјасни за невин, Обвинителството посочи дека ќе го докаже товарот, а одбраната побара ослободителна пресуда.

Обвинителката Катерина Коларевиќ во воведните зборови наведе дека Зеќири имал задолжение од владата да ги спроведе овие постапки, но тоа не значи дека имал одврзани раце да склучува договори во четири очи, без јавна набавка.

Адвокатот на одбраната Мирослав Вујиќ рече дека за консултантски услуги не треба да се распишува тендер.

– Дали вие треба да имате тендер за консултантски услуги со адвокат?! Сосема е исто, консултантски услуги со реномирана компанија која е стручна во тој дел, ваш е изборот со кого ќе се консултирате и за тоа нешто не е потребна јавна набавка – рече Вујиќ.

Процесот го води судијката Фанка Јанчулева Михаиловска, а судењето продолжува на 30 јануари.

The post БИТИЌИ, БОЧВАРСКИ И МАКРАДУЛИ ДА КАЖАТ КАКО БЕШЕ! Одбраната на Зеќири повикува сведоци appeared first on plusinfo.mk.

„Владата му препорача на надзорниот одбор на Пошта на Северна Македонија да го разреши Јани Макрадули заради подобрување на состојбите во компанијата и јакнење на капацитетите на менаџментот“, одговори портпаролот на Владата, Душко Арсовски.

The post СЕ БАРА ПОДОБАР ДИРЕКТОР ОД МАКРАДУЛИ Потребен е менаџер што ќе ги јакне капацитетите на Пошта appeared first on plusinfo.mk.

„На денешната седница Владата одлучуваше и по решенијата на Комисијата за кадровски прашања и заклучи да му препорача на Надзорниот одбор на Акционерско друштво за поштенски сообраќај Пошта на Северна Македонија да го отповика Јани Макрадули од должноста претседател на Управниот одбор и генерален директор и на оваа позиција го избере Васко Стефанов кој е разрешен од должноста заменик-директор на Агенција за вработување на Република Северна Македонија, соопшти владината прес-служба.

The post ВЛАДАТА ПОБАРА РАЗРЕШУВАЊЕ НА МАКРАДУЛИ ОД ДИРЕКТОР НА „ПОШТА“ На негово место доаѓа Васко Стефанов appeared first on plusinfo.mk.

– Откако предлогот ќе биде доставен официјално ќе биде разгледан од синдикалните одбори, ќе изготвиме спогодба и доколку се прифати понудата и се потпише спогодбата штрајкот ќе биде прекинат – информира претседателот на Синдикатот на Македонска пошта Боро Велигданов на заедничка прес-конференција со членовите на УО и генералниот директор Јани Макрадули.

Главното барање на синдикатите е линерно зголемување на платите од 3000 денари. Предлогот  што го добиле е за тој износ преточен во бодови согласно со Колективниот договор на Македонска пошта.

-Да се исполнува нашето барање со компромис согласно финансиските можности – рече Велигденов.

Генералниот директор Макрадули  информираше дека вработените ги почитуваат законските обврски за работа и испорака на пратките во услови на штрајк. Со оглед дека се почнати преговорите, како што информира, дневниците на вработените ќе им бидат исплатени.

The post МАКРАДУЛИ ПРЕДЛАГА ПЛАТИТЕ ВО „ПОШТА“ ДА СЕ ЗГОЛЕМАТ ОД ЈУНИ И ОД АВГУСТ Синдикатите бараат да потпише спогодба appeared first on plusinfo.mk.

Документот е потпишан три дена по Економскиот форум за регионалан соработка во Скопје, како дел од иницијативата „Отворен Балкан“ и е првиот чекор кон конкретизирање на договорот помеѓу српскиот претседател Александар Вучиќ, премиерот на Северна Македонија, Зоран Заев и албанскиот премиер Еди Рама на зајакнување на економската соработка во регионот.

Макрадули изјави дека потпишувањето на Протоколот за соработка е почеток на практичната имплементација на иницијативата „Отворен Балкан“, што во Скопје ја најавија лидерите на Србија, Северна Македонија и Албанија.

– Ние сме соседи и соработници, но во суштина нашата соработка може да биде далеку поголема. Затоа денешниот документ не е само формалност, бидејќи нашата соработка, особено преку развојот на е-трговијата и логистичките капацитети, ќе ги постави темелите за отворање трговија на Балканот, што е исклучително важно за надминување на последиците предизвикани од пандемијата на коронавирусот,  -зјави Макрадули.

Ѓорѓевиќ по потпишување на Протоколот изјави дека поштите на Србија и Северна Македонија сакаат да бидат лидери не само во национална, туку и во меѓународна рамка, и дека Протоколот што е потпишан претставува рамка на соработка за постигнување на таа цел.

– Денес, ја воспоставивме рамката за развој на нови заеднички услуги, пред се во областа на активностите на кои Пошта на Србија веќе работи интензивно, а тоа е дигитализација на услугите и развој на е-трговијата. Приближувањето на Поштите на Србија и Северна Македонија ќе придонесе за развој на економиите на нашите земји, подобар настап на регионалниот пазар и ќе донесе нови работни места и приходи, како и посилна врска помеѓу нашите граѓани и економии -, изјави Ѓорѓевиќ.

Тој посочи дека Пошта на Србија, благодарение на широката мрежа на меѓународни линии, пред се кон Северна Америка, националната авиокомпанија „Ер Србија“, што наскоро се очекува да воведе летови до Далечниот Исток, ќе стане регионален центар за логистичко-поштенски услуги, со што дополнително ќе ја поддржи имплементацијата на иницијативата „Отворен Балкан“.

Ѓорѓевиќ и Макрадули најавија дека ќе испратат иницијатива до владите на Србија, Северна Македонија и Албанија за воспоставување заедничка поштенска марка и единствена цена за услугите на пратки, со цел на граѓаните од сите три земји да им се обезбедат услуги по единствена тарифа, како дополнителен поттик за отворање на балканските пазари.

The post Поштите на Србија и на Македонија го сефтосаа „Отворен Балкан“ appeared first on plusinfo.mk.

– Утринава имавме завршни разговори со банката која ги врши услугите и до крајот на месецов ќе бидат достапни сите услуги за граѓаните. Имаме 40-тина услуги кои се во рамките на договорот што е потпишан со „Халк банка“, вклучувајќи пензии до дома – рече Макрадули во одговор на новинарско прашање по работна посета на Поштата ЕПМ 1013 во Шуто Оризари.

Тој потенцира дека покрај веќе воспоставеното плаќање со образецот ПП 30 за буџетски корисници, деновиве ќе почне да функционира и со ПП 10.

– Во неколку етапи ќе почнат сите плаќања меѓу кои и за небуџетските корисници како што се плаќањата за градинка, училишта,… Сите ќе бидат достапни во краток период – прецизира Макрадули.

The post Макрадули: До крај на месецов сите финансиски услуги ќе бидат достапни во Пошта appeared first on plusinfo.mk.

Договорот за соработка е потпишан на 15 години, и за него Макрадули смета дека освен што ќе биде финансиска инекција за тековното работење, ќе овозможи и да се подобрат другите планирани услуги. Рокот за имплементација на договорот е два месеца и Макрадули верува дека тој период е доволен за Халк Банка АД Скопје да се прилагоди на системот на АД Пошти на РСМ.

– Верувам дека има време, бидејќи системот со кој што аплицираа, беа свесни за условите, за начинот на кој вработените во пошта се навикнати да работат, на какви апликации и затоа, тој рок е навидум краток, но, во апликацијата има потполна подготвеност од нивна страна за да може за два месеци да започне работата – појасни Макрадули.

Како најзначајно, Макрадули го истакна тоа дека околу 300 точки, од денеска, или од моментот кога ќе профункционира, во рок од максимум два месеци, ќе станат достапни за граѓаните да можат да ги остваруваат своите услуги од платен промет.

Главниот извршен директор на Халк банка АД Скопје, Билал Суџубаши, изрази задоволство за соработката со, како што рече тој, една еминентна и историска институција.

– Сметаме дека една институција како АД Пошти на РСМ, која е претставена во скоро сите, дури и најдалечни точки на оваа земја, во соработка со  еден значаен бренд како Халк Банка АД Скопје, ќе можеме  на клиентите, во иднина, да им дадеме многу подобри, поквалитетни и пообемни услуги – рече Суџубаши,  изразувајќи надеж дека ова партнерство ќе биде корисно за двете страни како и за Владата.

Договорот е чекор кон финансиско стабилизирање на АД Пошти на РСМ, по затворањето на Еуростандард Банка, со која што, Пошти имаше претходна соработка, и поради која, беше принудена да го стопира платниот промет и обезбедувањето на финансиските услуги за многу граѓани и правни лица, во август оваа година

The post Од март в година повторно плаќање сметки преку пошта appeared first on plusinfo.mk.