Романтичната врска меѓу супермоделот Џиџи Хадид и актерот Бредли Купер повторно е во центарот на вниманието. Причината се најновите фотографии направени во Париз, на кои се гледаат двајцата како шетаат држејќи се за рака, а вниманието на јавноста го привлекоа прстените што ги носат на левиот домал прст.

 

View this post on Instagram

 

A post shared by curators of pop culture (@deuxmoi)

Иако ниту Џиџи, ниту Бредли не потврдиле дека се венчале, обожавателите веднаш почнаа со шпекулации. Дел од нив на социјалните мрежи коментираат дека прстените изгледаат како венчални бурми, додека други веруваат дека станува збор за симбол на нивната сериозна врска.

Дополнителен сомнеж предизвика фактот што прстенот на Купер е идентификуван од некои модни набљудувачи како модел што производителот го продава токму како венчален прстен. Тоа беше доволно за интернетот да започне вистинска детективска истрага околу статусот на нивната врска.

Џиџи и Бредли се во врска од 2023 година и досега успеаја голем дел од романтиката да ја задржат далеку од јавноста. Хадид ретко зборува за приватниот живот, но во интервју за „Вог“ нивната врска ја опиша како многу романтична и среќна. Во меѓувреме, тие сè почесто се појавуваат заедно на јавни настани, а неодамна присуствуваа и на свадбата на Тејлор Свифт и Тревис Келси.

Засега нема официјална потврда дека двојката се венчала. Претставниците на двајцата не одговориле на медиумските прашања, па приказната останува во доменот на шпекулациите.

The post БРЕДЛИ КУПЕР И ЏИЏИ ХАДИД ТАЈНО СЕ ВЕНЧАЛЕ? Новите фотографии од Париз ги разгореа гласините за славниот пар appeared first on plusinfo.mk.

Поп-ѕвездата Кејти Пери и поранешниот канадски премиер Џастин Трудо повторно го привлекоа вниманието на светските таблоиди, откако беа фотографирани како разменуваат страсни бакнежи за време на одмор во Сен Тропе. Двојката беше снимена на плажата кај клубот „Les Palmiers“, каде што се држеше за раце, се прегрнуваше и уживаше во морето пред бројните папараци.

@parismatch Katy Perry and Justin Trudeau are showing some PDA in Saint-Tropez #katyperry #justintrudeau #love #whattowatch ♬ original sound – lyrics.mp3

Фотографиите, кои први ги објави „Дејли мејл“, а потоа ги презедоа и други светски медиуми, покажуваат дека нивната врска е посилна од кога било. Ден претходно тие беа забележани и во легендарниот плажен клуб „Club 55“, каде што се капеа, разговараа и наздравуваа со пијалаци покрај Медитеранот.

Katy Perry and Justin Trudeau make a splash during PDA-packed beach day in Saint-Tropez… one year into romance https://t.co/UlxDaM92SQ

— Daily Mail (@DailyMail) August 2, 2026

Кејти Пери (41) и Џастин Трудо (54) првпат влегоа во врска во летото 2025 година, по разделбата на пејачката со Орландо Блум и по разводот на Трудо со Софи Грегоар. Во меѓувреме тие ја потврдија врската и заедно се појавија на повеќе јавни настани, меѓу кои фестивалот „Коачела“ и Светскиот економски форум во Давос.

Летниот одмор во Сен Тропе, според странските медиуми, е дел од нивното заедничко европско патување, а најновите фотографии само дополнително ги поттикнаа шпекулациите дека славната пејачка и поранешниот политичар веќе не ја кријат својата љубов.

The post 🎥 КЕЈТИ ПЕРИ И ЏАСТИН ТРУДО СТРАСНО СЕ БАКНУВАА НА ПЛАЖА ВО САН ТРОПЕ Папараците ги уловија, ние гледаме и завидуваме appeared first on plusinfo.mk.

Познатата српска водителка и поранешна лото-девојка, Сузана Манчиќ, го дочека своето прво внуче. Нејзината постара ќерка Теодора Куниќ донесе на свет здраво машко дете.

Раѓањето било извршено по природен пат во една приватна клиника во Белград, а бебето тежело  3.650 грама.

Среќните родители за својот првороден син го избрале името – Мијат кое, како што пишуваат српските медиуми, е народна форма од името Михајло и потекнува од хебрејскиот јазик со значење: „Оној кој е еднаков на Бога“ или „Кој е како Бог“.

Посебно емотивен детаљ од оваа семејна приказна е улогата на помладата ќерка на Сузана, Наталија.

Имено, кога кај Теодора започнале првите контракции околу еден часот по полноќ, Наталија, не сакајќи да ја вознемирува мајка им пред сè да биде завршено, тивко излегла од куќата и заминала во болницата со својата сестра.
За време на целото породување таа ја држела Теодора за рака, ја бодрела и ѝ била најголема поддршка.

Веднаш по породувањето, Наталија на социјалните мрежи објави фотографија директно од болничкиот ходник и напиша дека станала тетка.

За тоа време, сопругот на Теодора, Мирослав Талијан, нестрпливо и со голема возбуда чекал пред породилната сала.

Утрото, нешто по шест часот, откако ги слушнал најпрекрасните вести дека сè поминало во најдобар ред, среќниот татко отворил шише старо виски кое со години го чувал за оваа прилика.

– Пресреќна сум што станав баба и што сè помина во најдобар ред! Бебето е добро, Теодора беше исклучително храбра и неизмерно сум горда на неа – изјавила и познатата водителка за српските медиуми.

The post СУЗАНА МАНЧИЌ СТАНА БАБА Голема радост во домот на некогашната лото девојка appeared first on plusinfo.mk.

Дејана Бачко, позната како „Девојка со крилја“, уште еднаш инспирираше илјадници луѓе со својата позитивност и начинот на кој се справува со секојдневните предизвици.

Видеото објавено на Инстаграм ги насмеа и воодушеви нејзините следбеници. На снимката се гледа како Дејана Бачко на граничен премин кон Грција му го подава пасошот на службеникот користејќи ја ногата, а сето тоа го прави со широка насмевка и целосна природност. Наместо да се фокусира на ограничувањата, таа уште еднаш покажа дека секоја ситуација може да се реши со снаодливост и позитивен дух.

 

View this post on Instagram

 

A post shared by GIRL WITH WINGS | mama (@devojka_sa_krilima)

И не е само тоа. Имено, на снимката се гледа дека Дејана всушност го вози автомобилот, а тоа го прави навистина спретно.

Дејана е родена без раце, но тоа никогаш не ја спречило да живее исполнет живот. Таа е уметница, спортистка и повеќекратна шампионка во паратаеквондо, а со години е препознатлива по прекарот „Девојка со крилја“, кој самата си го избрала.

 

View this post on Instagram

 

A post shared by GIRL WITH WINGS | mama (@devojka_sa_krilima)

На социјалните мрежи ја следат стотици илјади луѓе, каде редовно објавува моменти од секојдневието, патувањата, спортските активности и семејниот живот. Денес нејзиниот профил е препознатлив и по содржините поврзани со мајчинството, поради што често се претставува и како „Мама со крилја“.

Посебно внимание привлече и нејзината животна приказна. Со партнерот Марко Нежиќ ја добија ќерката Лара, а Дејана во повеќе наврати покажуваше како самостојно се грижи за детето користејќи ги нозете за сите секојдневни активности. Нејзините објави често се доживуваат како инспирација за луѓето кои се соочуваат со различни предизвици.

Во меѓувреме, таа продолжува да патува, да слика, да спортува и да создава содржини кои собираат милиони прегледи.

Меѓу нив, во март годинава Дејана и нејзиниот сопруг Марко Нежиќ споделија една од најтешките вести во нивниот живот. Во четвртиот месец од втората бременост на Дејана, откако лекарите откриле дека бебето имало сериозна срцева мана и неразвиени горни екстремитети, тие го изгубиле бебето.

– Јас добро знам низ што поминував во текот на мојот живот и никому на светот не би му го посакала истиот пат – напиша тогаш Дејана, која доби огромна поддршка од следбениците. И покрај болната загуба, таа и Марко продолжија јавно да зборуваат за важноста на медицинските прегледи и за силата да се продолжи понатаму по тешките животни удари.

 

View this post on Instagram

 

A post shared by GIRL WITH WINGS | mama (@devojka_sa_krilima)

Видеото од грчката граница е уште еден потсетник зошто толку многу луѓе ја следат – не поради сензационализам, туку поради нејзината способност секојдневните ситуации да ги претвори во порака дека животот не треба да се мери според пречките, туку според начинот на кој ги надминуваме.

 

View this post on Instagram

 

A post shared by GIRL WITH WINGS | mama (@devojka_sa_krilima)

The post 🎥 ГО ПОДАДЕ ПАСОШОТ НА ГРЧКА ГРАНИЦА СО НОГА И СО НАСМЕВКА Познатата „Девојка со крилја“ стана хит на социјалните мрежи appeared first on plusinfo.mk.

Британската група Massive Attack се соочи со неочекувана реакција од сингапурските власти по нивниот концерт на 29 јули. По настапот, на кој беше истакнато палестинско знаме и публиката извикуваше пораки за поддршка на Палестина, двајца членови на бендот добија забрана за повторно влегување во Сингапур.

Полицијата јавно не ги идентификуваше двајцата мажи. Снимки од тамошните медиуми ги посочуваат како Роберт „3-Д“ Дел Наџа и Грентли „Деди Џи“ Маршал. Според информациите, музичарите биле повикани на разговор со полицијата, а бендот тврди дека биле одвоени за испрашувањето, дека им биле пребарувани хотелските соби и дека привремено им биле задржани пасошите.

Властите во Сингапур соопштија дека настапот содржел елементи кои можеле да ја нарушат „расната и верската хармонија“ во земјата. Тие им изрекле официјални предупредувања на музичарите и донеле одлука тие да не можат повторно да влезат во државата.

Massive Attack реагираше преку социјалните мрежи, изразувајќи изненадување и разочарување од одлуката. Бендот наведе дека гестот бил израз на солидарност и дека не очекувале истакнувањето знаме на настап да доведе до вакви последици.

 

View this post on Instagram

 

A post shared by Massive Attack (@massiveattackofficial)

Групата, позната по своите политички ангажирани ставови и пораки за човекови права, оцени дека случајот отвора прашања за слободата на изразување. Од друга страна, Сингапур има строги правила за јавни политички пораки и употреба на странски симболи без дозвола.

Инцидентот предизвика големо внимание во светската јавност бидејќи Massive Attack со години важи за еден од најангажираните музички состави кога станува збор за општествени и политички теми.

The post СИНГАПУР ИМ ЗАБРАНИ НА „МАСИВ АТАК“ ВЛЕЗ ВО ЗЕМЈАТА По концертот славниот бенд казнет поради истакнување на палестинско знаме appeared first on plusinfo.mk.

Легендарниот британски музичар Фил Колинс првпат отворено проговори за една од најтешките животни битки низ кои поминал. Во искрен разговор за „The Sunday Times“, тој откри дека во периодот од крајот на 2023 до средината на 2024 година бил на работ од смртта, по сериозна здравствена криза поврзана со долгогодишните проблеми со алкохолот.

Седумдесет и петгодишниот музичар признал дека во еден момент лекарите го подготвувале неговото семејство за најлошото можно сценарио, а членовите на семејството биле повикани во болница за, доколку биде потребно, да донесат одлуки за продолжување на лекувањето.

„Луѓето доаѓаа да се простат од мене“

Колинс раскажал дека во април 2024 година изгубил свест додека бил во болница во Швајцарија. Неговиот долгогодишен претставник, со кого соработува повеќе од 50 години, тогаш ги контактирал неговите деца – Лили, Џоели, Сајмон, Николас и Метју Колинс.

Причината за повикот била исклучително сериозна. Лекарите не биле сигурни дали познатиот музичар ќе се опорави, а семејството било подготвено за можноста дека ќе мора да донесува најтешки медицински одлуки.

– Бубрезите ми откажуваа, органите постепено престануваа да работат. Луѓе доаѓаа да се простат од мене. Но јас не се сеќавам на ништо. Немав поим што се случува. Сите мислеа дека повеќе никогаш нема да ме видат. Сè можеше да заврши катастрофално – рекол Колинс.

Според пишувањето на „The Sunday Times“, Колинс првпат бил хоспитализиран во ноември 2023 година поради компликации поврзани со консумирањето алкохол. По неколкунеделно лекување бил пуштен од болница само неколку дена пред Божиќ.

Но неговата здравствена состојба набрзо повторно се влошила. Само неколку недели подоцна итно бил пренесен на одделението за интензивна нега, каде што започнала неговата повеќемесечна борба за живот.

Опоравувањето траело дури седум месеци, а музичарот признава дека тоа искуство целосно го променило неговиот поглед кон животот.

– Имав неверојатна среќа што се извлеков. Оттогаш немам испиено ниту капка алкохол –  рекол тој.

Емотивна средба со децата

По излегувањето од болница, Колинс кон крајот на 2024 година поминал четири дена со своето семејство во еден хотел во Лондон. Средбата, како што вели, била еден од најубавите моменти во неговиот живот.

Особено го трогнала реакцијата на неговата ќерка Лили Колинс, познатата актерка и ѕвезда од серијата „Емили во Париз“.

– Седеше покрај мене, плачеше и рече: Никогаш не мислев дека повторно ќе имаме вакви заеднички моменти.

 

View this post on Instagram

 

A post shared by Lily Collins (@lilyjcollins)

Колинс признава дека токму семејството му дало дополнителна сила во текот на опоравувањето.

– Ни беше прекрасно. Не можам доволно да опишам колку ми значеше повторно да бидам со моите деца.

Алкохолот со години бил дел од неговата борба

Проблемите со алкохолот не се новост во животот на познатиот музичар. Во неговата автобиографија „Not Dead Yet“, објавена во 2016 година, тој отворено признал дека зависноста се развила по низа лични проблеми, распади на бракови и тешка повреда на грбот.

Тој опишал дека осаменоста, депресијата и хроничните болки постепено довеле до тоа алкохолот да стане дел од неговото секојдневие.

Новата здравствена криза, како што вели, била конечно предупредување кое повеќе не можел да го игнорира.

Последните години Фил Колинс повеќепати зборувал за нарушеното здравје. Во подкастот на Би-Би-Си „Eras“ открил дека покрај себе има медицинска сестра 24 часа дневно која му помага со терапијата и секојдневните активности.

Со години се бори со оштетување на нервите, сериозни проблеми со колената, компликации со бубрезите и дијабетес тип 2. Сите овие здравствени проблеми постепено му оневозможиле настапи во живо.

Поради влошената здравствена состојба, Колинс во 2022 година, по прошталната турнеја на составот Genesis, ја завршил својата богата концертна кариера.

По месеците поминати меѓу животот и смртта, Фил Колинс денес вели дека е благодарен за втората шанса што ја добил и дека најголемата вредност ја наоѓа во времето поминато со семејството, далеку од сцената која со децении го правеше една од најголемите музички ѕвезди во светот.

The post ПОЗНАТИОТ ПЕЈАЧ ОТКРИВА ДЕКА БИЛ НА РАБОТ ОД СМРТТА Фил Колинс проговори за најтешкиот период во животот, органите му откажувале, а луѓето доаѓале да се простат од него appeared first on plusinfo.mk.

Ариана Гранде одлучила да се тргне од очите на јавноста по завршувањето на актуелната турнеја, откако повторно се најде под силен притисок поради коментарите за нејзиниот изглед. Новиот бран реакции започна по објавувањето на нејзиниот спот за песната „Petal“, кој предизвика големо внимание и бројни дискусии на социјалните мрежи.

Во видеото, Ариана прикажува приказна за изведувачка која е постојано осудувана поради својот изглед и очекувањата од јавноста. Иако спотот беше замислен како коментар за притисокот со кој се соочуваат жените во индустријата, дел од публиката повторно се фокусираше на нејзината физичка промена и започнаа нови дебати за нејзината тежина.

По реакциите, извори блиски до пејачката открија дека Ариана сака да направи пауза од јавните појавувања и медиумското внимание. Според информациите, таа планира да ја заврши турнејата „Eternal Sunshine“ во септември, а потоа да се посвети на приватниот живот и одмор од постојаната изложеност во јавноста.

Ова не е првпат Ариана да се соочува со критики за својот изглед. Пејачката и претходно зборуваше дека луѓето често коментираат за телата на другите без да знаат низ што поминуваат, а нејзиниот тим посочи дека таа сака период во кој ќе има повеќе мир и помалку јавен притисок.

Покрај паузата од јавноста, Ариана се откажа и од планираната улога во лондонската продукција на мјузиклот „Sunday in the Park with George“. Продуцентите дадоа поддршка за нејзината одлука, нагласувајќи дека станува збор за тежок, но неопходен избор.

Според извори блиски до пејачката, токму постојаниот притисок и анализирањето на секој нејзин јавен настап влијаеле врз нејзината одлука да се повлече. Ариана, наводно, сака да избегне дополнителен стрес и да има повеќе контрола врз тоа кога и како ќе се појавува пред публиката.

Освен личните причини, дел од вниманието околу неа последно време беше поврзано и со нејзината актерска кариера. По големиот успех со филмот Wicked, во кој ја толкуваше улогата на Глинда, Ариана се најде повторно во фокусот на јавноста, но со тоа дојдоа и нови коментари за нејзиниот изглед.

Пејачката претходно отворено зборуваше за тоа дека фотографиите и коментарите на интернет можат да имаат големо влијание врз нејзиното ментално здравје.

The post 🎥 АРИАНА ГРАНДЕ СЕ ПОВЛЕКУВА ОД ЈАВНОСТА ПО БРУТАЛНИТЕ КРИТИКИ Пејачката реши да направи пауза по реакциите за нејзиниот изглед и здравјето appeared first on plusinfo.mk.

Актерката Линда Блер, позната по легендарната улога на Реган во хоророт „Егзорцист“, се најде во центарот на вниманието откако надлежните извршиле инспекција на нејзиниот имот во Калифорнија по пријава поврзана со големиот број кучиња што се наоѓале таму. Според пишувањата на странските медиуми, на имотот биле пронајдени повеќе од 100 кучиња, што предизвикало реакција од службите за заштита на животните.

Сепак, за Блер ова не е приказна за занемарување на животни, туку продолжение на нејзината долгогодишна мисија за спасување. Актерката повеќе од три децении е посветена на помагање на напуштени и малтретирани животни, а преку својата организација Linda Blair WorldHeart Foundation работи на вдомување, лекување и згрижување на кучиња кои биле оставени без грижа.

По инспекцијата, Блер јавно реагираше и објасни дека животните на нејзиниот имот се дел од спасувачка програма, а не резултат на неодговорно чување. Таа нагласи дека бројот на кучиња се менува бидејќи организацијата постојано прима нови животни, но и наоѓа домови за оние што се подготвени за вдомување.

Актерката, која светска слава стекна уште како тинејџерка со филмот „Егзорцист“ од 1973 година, по големиот успех во Холивуд голем дел од својот живот го посвети на активизмот за правата на животните. Нејзината фондација е позната по спасување кучиња од засолништа и опасни услови, како и по организирање медицинска помош за повредени животни.

Поддржувачите на Блер истакнуваат дека нејзината работа спасила илјадници животи, додека надлежните имаат задача да проверат дали сите животни имаат соодветна грижа, простор и медицинска заштита.

Неколку часа по завршувањето на инспекцијата, Блер се огласи на Инстаграм за да одговори на медиумските извештаи и да ги смири своите следбеници.

Таа рече дека таа и сите животни се добро, и покрај она што го нарече „изненадувачка посета на речиси 40 степени Целзиусови“.

Според неа, целиот случај се сведува на административни формалности.

– Излезе дека само треба да пополниме некоја документација и да доставиме неколку планови за градба. Токму за тоа се работи – напиша таа.

Додаде дека долго време планира да ги премести своите објекти за да може да ги прошири операциите на фондацијата и да им помогне на уште повеќе животни.

Блер истакна дека нејзината цел е да развие уште поголем центар за спасување животни и да ги прошири образовните програми за одговорно сопствеништво на домашни миленици.

Во исто време, таа изрази жалење за начинот на кој беше спроведена инспекцијата.

– Подобро да продолжам понатаму. Добро старомодно писмо или телефонски повик е секогаш подобар начин за комуникација – рече таа.

Во видео објавено со пораката, таа повтори дека нема причина за грижа.

– Сакам да знаете дека сум добро, дека сите животни се добро и дека само треба да решиме неколку административни прашања. Тоа е целата приказна.

Иако случајот сè уште не е затворен, досегашните информации не укажуваат дека кучињата биле запоставени или злоупотребени. Надлежните органи продолжуваат да ја проверуваат документацијата и усогласеноста на работата на фондацијата со локалните прописи.

Линда Блер, која ја одбележа историјата на хорор филмовите со својата улога во „Егзорцист“, можеби е уште попозната на јавноста денес по својата долгогодишна посветеност на заштитата на животните. Исходот од истрагата ќе покаже дали навистина станува збор само за административни пропусти или ќе бидат потребни дополнителни мерки. Дотогаш, актерката вели дека останува посветена на својата мисија за спасување на напуштени кучиња и ја повикува јавноста да продолжи да ги поддржува организациите кои се борат за благосостојба на животните.

The post ЛИНДА БЛЕР ПОД ИСТРАГА ПО ДОЈАВА ЗА СТОТИНА КУЧИЊА НА НЕЈЗИНИОТ ИМОТ Актерката од „Егзорцист“ откри што се случува и зошто има толку многу животни appeared first on plusinfo.mk.

Бруклин Бекам и неговата сопруга Никола Пелц Бекам за малку ќе се нашле во непријатна ситуација за време на одморот во Сен Тропе. Додека семејната драма меѓу најстариот син и неговите родители Дејвид и Викторија Бекам продолжува, двете страни се нашле на неверојатно мала оддалеченост едни од други, но сепак не дошло до средба.

Бруклин и Никола кои се гости на неговиот кум Елтон Џон, во еден момент излегле во градот и уживале во сладолед со сопругот на музичката легенда, Дејвид Фурниш. Дејвид и Викторија Бекам претходно биле видени на нивната јахта во Сен Тропе, на околу 75 милји од Бруклин, а потоа заминале на ручек во ресторанот „Cherry“, кој се наоѓа само пет минути од слаткарницата „Barbarac“, каде што нивниот син бил на сладолед.

Оваа ситуација доаѓа во период кога односите меѓу Бруклин и неговото семејство се сериозно нарушени. Тој претходно јавно зборуваше за несогласувањата со родителите и тврдеше дека со години се обидувал да ги реши проблемите приватно. Главните тензии се поврзуваат со периодот околу неговата венчавка со Никола Пелц во 2022 година.

Додека Бруклин и Никола го поминуваат летото со Елтон Џон, Дејвид и Викторија уживаат во одмор со останатите деца. Иако во јавноста и понатаму покажуваат дека го сакаат својот син, засега нема знаци дека семејниот јаз е надминат.

 

View this post on Instagram

 

A post shared by @brooklynpeltzbeckham

The post БРУКЛИН БЕКАМ ЗА МАЛКУ СЕ УТНА СО РОДИТЕЛИТЕ Младите биле гости на Елтон Џон, а Викторија и Дејвид на својата јахта appeared first on plusinfo.mk.

По речиси две децении брак со кантри-пејачот Кит Урбан, Никол Кидман влезе во ново животно поглавје. Иако актерката отсекогаш била позната по тоа што приватниот живот го држи далеку од јавноста, последните фотографии направени во Лос Анџелес повторно ги разгореа шпекулациите дека оскаровката можеби повторно е вљубена.

Кидман неодамна беше фотографирана како од аеродромот заминува во црно „Ферари“ управувано од американскиот милионер Мајкл Рејнстајн. Двајцата изгледале опуштено и расположено, а ова не е нивно прво заедничко појавување. Само неколку недели претходно беа забележани во Портофино, Италија, каде разговараа на хотелска тераса и подоцна уживаа во дружење покрај базен.

Мајкл Рејнстајн е познат американски бизнисмен и инвеститор во приватен капитал, основач на инвестициската компанија Regent. Иако ниту тој ниту Кидман не ги коментирале гласините за романса, нивните заеднички појавувања предизвикаа огромен интерес кај медиумите и обожавателите ширум светот.

Hot summer snaps of Nicole Kidman getting affectionate with handsome businessman on Italian getaway… as friends speak out about moving on after Keith Urban divorce https://t.co/MF1AcP0Bpx

— Daily Mail (@DailyMail) July 23, 2026

Разводот на Никол Кидман и Кит Урбан беше финализиран на почетокот на годинава, со што заврши еден од најдолговечните бракови во светот на шоу-бизнисот. Поранешните сопружници имаат две ќерки, Сандеј Роуз и Фејт Маргарет, а извори блиски до актерката тврдат дека токму семејството останува нејзин главен приоритет. Сепак, истите извори велат дека по тежок период таа повторно е подготвена да биде среќна и да му даде шанса на новото поглавје во животот.

Во интервју дадено по разводот, Кидман порача дека сака да се фокусира на позитивните работи и на иднината. Во меѓувреме, таа продолжува да бележи успеси и на професионален план, а јавноста забележува дека во последните месеци изгледа посамоуверено и поопуштено од кога било.

Засега нема официјална потврда дека меѓу Никол Кидман и Мајкл Рејнстајн постои љубовна врска, но фотографиите од Италија и Лос Анџелес се доволни за да ги разгорат шпекулациите. Додека актерката молчи за својот приватен живот, обожавателите внимателно го следат секој нејзин чекор, убедени дека една од најголемите холивудски ѕвезди можеби повторно ја пронашла љубовта.

The post НИКОЛ КИДМАН СЕ ВОЗИ СО МИЛИОНЕРОТ ВО ФЕРАРИ Обожавателите со интерес го следат секој чекор на холивудската ѕвезда appeared first on plusinfo.mk.