Министерот за внатрешни работи на Србија, Ивица Дачиќ, пушти видео со иритирачки пискав звук и рече дека така звучи звучен топ, за време на вонредната седница на Парламентот на која се дискутира за доверба на Владата.

Потегот предизвика бура меѓу пратениците.

Дачиќ рече дека звучниот топ е од американско производство и додаде дека една од неговите функции е да може да се користи за време на немири. Потоа пушти видео со звучен топ од својот мобилен телефон.

– Тоа е звучен топ, тоа е звучен топ – повтори Дачиќ додека остриот звук се пробиваше низ салата на парламентот, што предизвика незадоволство кај пратениците од опозицијата.

Predsednik Socijalističke partije Srbije Ivica Dačić, tokom današnje sednice Skupštine Srbije, na kojoj poslanici raspravljaju o predlogu za glasanje o nepoverenju Vladi, pustio je zvuk u sali za koji tvrdi da je pravog zvučnog topa. “Ovo je zvučni top. U Srbiji nikada nije… pic.twitter.com/RmKjhb9fla

— TV N1 Beograd (@n1srbija) July 27, 2026

Потоа збор зеде Ана Брнабиќ, претседателката на Парламентот.

– Извинете, но за што точно се работи сега? И во што точно е проблемот? Г-дин Алексиќ го спомена звучниот топ. Г-дин Алексиќ зборуваше за звучниот топ како една од причините зошто не треба да се верува на оваа влада. Што ве мачи сега што министерот за полиција им дозволува на граѓаните да го слушнат звукот на звучниот топ и да видат дека никој не слушнал таков звук на тој познат протест. Со тоа му одговара на Мирослав Алексиќ. Ако не ви се допаѓа одговорот, не поставувајте прашања – им рече Брнабиќ пратениците од опозицијата.

Дачиќ рече дека пуштил видео од употребата на звучен топ во Питсбург, на состанокот на Г20 во Америка.

Пратеникот Мирослав Алексиќ денеска 4 часа го презентираше својот предлог за гласање недоверба на Владата.

Опозицијата и студентите со месеци ги обвинуват српските власти дека во Нови Сад на протест во март минатата година, за време на молкот со кои им се оддаваше 15-минутна почит на жртвите од несреќата со натсрешницата, полицијата употребила звучен топ.

The post 🎥 „ОВА Е ЗВУЧЕН ТОП“ Министерот Дачиќ пушти звук од звучен топ во српскиот парламент appeared first on plusinfo.mk.

Српски документи потврдуваат дека администрацијата на претседателот Александар Вучиќ спровела експерименти со моќни звучни уреди, колоквијално наречени „звучни топови“, околу две недели откако антивладиниот протест во Белград беше прекинат од, како што тврдат демонстрантите, разорен звучен удар, пишува „Политико“.

Уредите за далекусежна акустика (LRAD) формално се промовираат како средства за комуникација на големи растојанија, но при употреба од близина можат да предизвикаат оштетување на слухот. Забележано е и дека предизвикуваат главоболки, вртоглавица и мачнина.

На 15 март 2025 година, за време на еден од најголемите протести во Србија, ненадеен и силен звук се прошири по главниот белградски булевар, принудувајќи ги луѓето да се наведнат или панично да бегаат. Дел од демонстрантите кои побарале лекарска помош во белградските итни служби пријавиле мачнина, повраќање, главоболки и вртоглавица. Тие изјавиле дека звукот наликувал на „група моторџии“ или на „локомотива што се движи директно кон нив“.

Владата негираше дека користела звучни топови против демонстрантите, но најави детална истрага. Според документи до кои дошол „Политико“, во рамките на истрагата по протестите биле спроведени тестови врз животни, подготвени од Безбедносно-информативната агенција (БИА) и едно владино министерство. Целта била да се утврди дали симптомите што ги опишале демонстрантите одговараат на ефектите од звучни топови, за кои српските власти претходно признале дека се во посед на полицијата.

Околу две недели по протестите, српски и руски разузнавачки експерти собрале група кучиња на тест-полигонот на БИА за да го проценат „влијанието на емисионите уреди врз биолошки објекти“. Кучињата биле избрани како тест-субјекти поради нивната „висока чувствителност на акустични ефекти“.

Животните биле изложени на две варијанти на LRAD-уреди – LRAD 100X MAG-HS и LRAD 450XL – произведени од калифорниската компанија „Џенесис“, на растојанија од 200, 150, 100, 50 и 25 метри, се наведува во документите. Техничките спецификации покажуваат дека овие модели можат да емитуваат звук со јачина до 150 децибели, што е еквивалентно на звукот од млазен мотор при полетување.

Документите, исто така, укажуваат дека тестирањата можеби биле спроведени без потребните дозволи за експерименти врз животни. Министерството за земјоделство, шумарство и водостопанство соопшти дека никогаш не примило барање за одобрување вакви тестови, поради што не била донесена одлука за нивно спроведување, ниту за други слични експерименти.

Адвокатот за човекови права Данило Ќурчиќ изјави дека кучињата биле „подложени или на експерименти или на злоупотреба“, како што е дефинирано со Законот за благосостојба на животните во Србија. Тој потсети дека српското законодавство бара експериментите врз животни однапред да бидат пријавени и одобрени од надлежните институции, вклучително и од етичка комисија, и дека изрично забранува тестирање оружје и воена опрема врз животни.

Опозицискиот политичар Радомир Лазовиќ ги оцени тестовите како „дел од кампањата на Александар Вучиќ за прикривање на употребата на звучни топови против сопствениот народ за време на мартовските протести“.

„Илјадници луѓе минатата година директно ги почувствуваа силните ефекти на ова сонечно оружје“, изјави Лазовиќ.

Во својот извештај за експериментите врз кучињата, руската ФСБ инсистира дека „за време на емитувањето на основните и тест-сигналите, биолошките објекти (кучињата) не покажале знаци на непријатност или промени во однесувањето на испитуваните растојанија“. Според извештајот, кучињата биле прегледани три дена по тестовите и не биле забележани промени во нивната здравствена состојба.

The post НА КУЧИЊА ИМ ПУКАЛЕ СО ЗВУЧНИ ТОПОВИ ЗА ДА ДОКАЖАТ ДЕКА ДЕМОНСТРАНТИТЕ ЛАЖАТ!? Српски и руски експерти вршеле експеримент врз животни како дел од истрага appeared first on plusinfo.mk.

– Синоќа дојдоа луѓе од Федералната служба за безбедност на Руската Федерација. Тие почнаа да работат од утрово. Ќе ги видат сите уреди што ги имаме. Ќе останат овде неколку дена, мислам 7 или 8 дена. После тоа ќе излезат со својот став за звучниот топ – рече Вучиќ.

Посетата, според него, ќе придонесе „да се разоткријат уште некои лаги“ и ќе се покаже „што користи опозицијата и како тие ги мамат граѓаните“.

Премиерот во технички мандат, Милош Вучевиќ неодамна изјави дека Србија ги повикала американските и руските служби да спроведат свои истраги и да утврдат дали бил употребен звучен топ за време на протестите во Белград на 15 март.

The post РУСКИ ФЕДЕРАЛЦИ ИСПИТУВААТ ДАЛИ Е УПОТРЕБЕН ЗВУЧЕН ТОП ВО БЕЛГРАД Вучиќ најави разоткривање на „некои лаги“ appeared first on plusinfo.mk.

Министерот за внатрешни работи на Србија Ивица Дачиќ кажа за порталот Данас дека полицијата поседува сонично оружје или колоквијално наречено „звучен топ“, односно дека тоа се системи купени во 2021 година, во сопственост на министерството за внатрешни работи на Србија.

Како што пренесува Данас, Дачиќ синоќа навел дека тие системи стојат во магацини во кутии, дека се сопственост на МВР, но дека не се уфрлени во употреба, ниту се монтирани на кое било возило или систем.

На прашањето зошто тогаш изјавил дека полицијата не поседува „звучен топ“ ниту какви било други слични звучни оружја, Дачиќ кажа дека станува збор за несмасна изјава.

– Тоа е несмасна изјава. Под тоа се мислеше дека МВР не го вклучил ова средство во својот арсенал на средства на принуда.

На прашањето зошто државата „однапред го купила системот“, кога неговото користење не е дозволено, Дачиќ кажа дека тоа е промашена инвестиција.

– Веројатно тогаш се мислело дека ќе биде усвоен нов закон за полицијата кој како уште едно средство на принуда предвидувал и користење на звучно оружје.

Српската Влада испратила синоќа барање до ФБИ и до Руската служба за безбедност (ФСБ) да спроведат независни истраги дали на протестот на 15 март во Белград бил употребен звучен топ, јави дописникот на МИА од Белград.

Потврдата за тоа беше изнесена денеска откако српскиот премиер Милош Вучевиќ нагласи за белградски медиуми дека по разговорот со српскиот претседател Александар Вучиќ потпишал официјални документи и преку Министерството за надворешни работи, поточно српските амбасади во Вашингтон и Москва, испратил барања до безбедносните служби на тие држави.

The post 🎥 СРБИЈА ПОСЕДУВА ЗВУЧЕН ТОП, НО ТОЈ НЕ Е ВО УПОТРЕБА Дачиќ откри дека системите биле купени во 2021 година appeared first on plusinfo.mk.

Потврдата за тоа беше изнесена денеска откако премиерот на Србија, Милош Вучевиќ, нагласи за белградски медиуми дека по разговорот со српскиот претседател Александар Вучиќ потпишал официјални документи и преку Министерството за надворешни работи, поточно преку српските амбасади во Вашингтон и Москва, испратил барања до безбедносните служби на тие држави.

– Можам со најголема одговорност да кажам дека на 15 март на ниедна локација не беше употребен звучен топ или нешто слично. За тоа не беше издадена наредба, никој не ја виде таа направа. Невозможно е да немате здравствени повреди во моментот на употребата на тој уред. Таквата направа произведува непосредни последици – рече тој.

Министерот за внатрешни работи на Србија, Ивица Дачиќ, за порталот Данас изјави дека полицијата поседува звучно оружје или колоквијално наречено „звучен топ“. Тоа е купено во 2021 година и е во сопственост на МВР на Србија.

Тој додава дека тие системи се наоѓаат во магацини, во кутии и дека не се пуштени во употреба. На прашањето зошто претходно изјавил дека МВР не поседува „звучен топ“ или друго слично звучно оружје, министерот рече дека тоа е несмасна изјава.

– Тоа е несмасна изјава. Со тоа се мислело дека МВР не го вклучува тоа средство во својот арсенал – појасни Дачиќ.

The post СРПСКАТА ВЛАДА ПОБАРА ИСТРАГА ОД ФБИ И ОД РУСКАТА БЕЗБЕДНОСНА СЛУЖБА Дали на протестот бил употребен звучен топ? appeared first on plusinfo.mk.

– Подготвени сме официјално да упатиме покана, ништо не криеме – изјави Вучевиќ.

Тој го повтори ставот дека ниту еден српски државен орган не употребил звучен топ на протестот во саботата.

Вучевиќ приказната за употребата на звучен топ ја нарече измислена.

– Нема наредба од раководството на полицијата, од претпоставените во командниот синџир, ниту од единиците кои беа на терен, ниту од командниот дел да се спроведе каква било акција против некого – рече премиерот на Србија во оставка.

Тој оцени дека зад сè се крие „продолжението на обоената револуција во Србија“.

Вучевиќ рече дека српската полиција нема што да крие и дека очекува обвинителството се темелно да истражи.

– И кога ќе се утврди дека лажеле, па ќе видите дека лажеле, ќе треба да одговараат тие што ги шират лажните вести. И за тоа нема преговарање – рече тој.

Вучевиќ обвини и одредени лекари „кои учествуваа во протестите“ дека последователно им давале инструкции на граѓаните каква болка треба да пријават.

Дел о опозициските партии и граѓански здруженија побараа и поднесоа кривични пријави со назнака дека на тој протест бил употребен звучен топ.

The post НЕМАШЕ ЗВУЧЕН ТОП, НЕКА ПРОВЕРИ ФБИ Српската влада е спремна да ги покани американските и руските служби да истражат appeared first on plusinfo.mk.

Поставен на врвот на метален контејнер, експерименталниот уред се состои од голем превртен конус кој испушта звук секои шест секунди. Целта е да се отстрани смогот од Калварија Зебрзидовска, којашто како и многу други полски градови, секоја зима се соочува со овој проблем кога граѓаните палат шпорети кои го загадуваат воздухот. Од оџаците испуштаат густ чад, а со заоѓањето на Сонцето потоа, над градот се спушта густ смог.

Воздухот во Полска е меѓу најзагадените во Европа и во најлошите делови од годината постојано ги надминува границите поставени од ЕУ.

– Ние користиме вертикален ударен бран генериран од согорување на ацетилен и воздух. Бранот исфрла загаден воздух на повисоки височини, појасни Доминик Грибос од Металуршкиот и рударски факултет во Краков – еден од пронаоѓачите на топот.

Отровните честички така се испраќаат во висина од неколку стотици метри, што ги прави безопасни за жителите.

– Ако го користиме топот на растојание од половина час до еден час, загадувањето се намалува за 15 до 30 отсто на два – три километри од топот… Ефектите траат меѓу еден и три часа, рече Грибос.

The post НЕОБИЧЕН НАЧИН ЗА СПРАВУВАЊЕ СО СМОГОТ Измислен звучен топ во битката против загадувањето (ВИДЕО) appeared first on plusinfo.mk.