Одбраната на апелацискиот судија Ѓоко Ристов ќе докажува дека тој нема никаква врска со соѕиданите 350.000 евра, кои беа пронајдени во домот на неговите родители во Неготино, односно, со финансиско вештачење ќе докаже дека парите се на таткото и на мајката на Ристов, а потекнуваат од продаден имот за фотоволтаици, вреден 400 илјади евра.

– Она што Обвинителството за гонење организиран криминал и корупција го премолчува е дека родителите на осомничениот пред извесен период продале имот со право на градба и поставување на фотоволтавици. Договорот е нотарски заверен, а парите во износ од преку 400.000 евра се уплатени на сметката на мајката на осомничениот. Постојат и други извори на приходи на таткото и на мајката на осомничениот, кои ќе бидат детално образложени во вештиот наод и мислење кој за одбраната ќе го изготви вештак од областа на финансиите – вели адвокатот Звонко Давидовиќ за „Слободен печат“.

Тој тврди дека Обвинителството не излегло со ниту еден доказ против судијата Ристов и дека само ја „храни јавноста, ја замаглува вистината и прави конструкции“.

Како аргумент плус дека парите не се на судијата тој го споменува тоа што на записникот за извршен претрес бил потпишан неговиот татко Здравко Ристов, а од судијата Ристов не е одземен ниту еден денар.

– Уште пред десетина дена е извршен претресот во домот на Ѓоко Ристов и во неговата викендица, и не е најдено ама баш ништо. Тие 350.000 евра со кои Обвинителството калкулира и се обидува да докаже постоење на кривично дело Противправно стекнување и прикривање имот, се најдени во домот на родителите на осомничениот во Неготино, 100 километри од неговото место на живеење. Дури и обвинителството во сите изјави, а и официјални документи поднесени до судот, не дава ниту еден доказ дека парите се на Ѓоко Ристов. Има само голо и непоткрепено усно тврдење на ОЈО ГОКК – вели Давидовиќ.

Адвокатот ги анализира и кривичните дела што обвинителството му ги става на товар, Противправно стекнување и прикривање имот и Перење пари и други риноси од криично дело.

– Осомничениот е судија и истиот не е ниту службено, ниту одговорно лице во јавно претпријатие, јавна установа или друго правно лице што располага со државен капитал и оваа одредба воопшто не може да се примени на судија или обвинител. Судот, во кој е вработен осомничениот не е јавна установа, не е јавно претпријатие ниту е правно лице кое располага со државен капитал, па тоа ваквата квалификација и тврдењата на ОЈО ГОКК ја прави апсурдни. Осомничениот има обврска да ја пријави својата имотна состојба и на членовите на своето семејство. Согласно Законот за семејство членовите на неговото семејство се сопругата и децата, а родителите кои живеат посебно и во друг град не се и судијата нема никаква обврска за пријавување на нивниот имот. Сите роднини кои не живеат заедно со осомничениот во семејна заедница се членови на фамилијата, а не на семејството. За кривичното дело Перење пари, сè што можам да кажам е дека е просто неверојатно тврдењето дека пари заѕидани во ѕид на куќа се пуштени во оптек и во финансиските текови за воопшто да можеме да разговараме за постоење на ова дело – вели адвокатот.

ОЈО ГОКК вчера на брифинг информираше дека пронајдените 350.000 евра соѕидани во кујната во домот на родителите на апелацискиот судија Ѓоко Ристов засега не се поврзани со ниедно конкретно кривично дело за примање поткуп или тргување со влијание. Истрагата која е во тек допрва треба да открие од каде му се парите на осомничениот судија, кои секако не можел да ги стекне од платата, информираше предметната обвинителка Искра Хаџи Василева.

СЀ ТРГНАЛО НАОПАКУ КОГА СЕ ПОЈАВИЛ ЃАВОЛОТ Соѕиданите 350.000 евра засега не се поврзани со конкретен поткуп

The post РОДИТЕЛИТЕ НА СУДИЈАТА РИСТОВ ПРОДАЛЕ НИВА ЗА 400.000 ЕВРА Бранителот Давидовиќ ќе докажува дека соѕиданите 350.000 евра не се на судијата Ристов appeared first on plusinfo.mk.

Согласно предложените измени на Законот за помилување, претседателот на државата нема да може да помилува лица пред тие да бидат правосилно осудени. Работната група на Министерството за правда веќе го достави предлогот за новиот закон до Владата, а се очекува наскоро да влезе и во собраниска процедура.

За разлика од актуелното законско решение, со новиот закон практично се брише аболицијата, правно средство што е во доменот на дискреционите права на претседателот. Односно, претседателот нема да може да аболира ниту едно лице додека постапката што се води против него не е правосилна.

– Со новиот закон, помилувањето ќе биде возможно само по молба на осудено лице. Помилувањата ќе бидат разгледувани од петчлена комисија, која преку избрани кандидати пријавени на оглас ќе биде составена од Министерството за правда, а потоа ќе му бидат препраќани на претседателот – вели нашиот извор во комисијата која ги подготвувала предлозите за новиот закон.

Претседателот ќе може да оформи своја советодавна комисија, но ниту едно лице нема да може да биде помилувано без претходно одобрение од комисијата што ќе ја формира министерството.

Историја на аболицијата

Во историјата на независна и суверена Македонија, забележани се три политички случаи на аболирање од страна на претседателот. Прво, Борис Трајковски ги аболираше министерката за внатрешни работи Доста Димовска и началникот на управата за оперативна техника во МВР, Александар Цветков, од обвинувањата што произлегоа од аферата „Големо уво“. Потоа, Бранко Црвенковски го аболираше во рана фаза од постапката Зоран Заев, тогашен градоначалник на Струмица за обвинувањата од аферата „Глобал“. Последниот чин на аболирање беше изведен од Ѓорге Иванов, кој со една одлука помилува 50 лица опфатени во прислушуван материјал, презентиран од опозицијата. По критиките од јавноста, Иванов ја повлече одлуката за аболиција.

– Идејата за исклучување на аболицијата пред почетокот или во текот на постапката, претставува обид за намалување на политичкото влијание врз судската власт. Јавноста е изморена од политички помилувања, искористени за политички цели – вели професорот по кривично право Гордан Калајџиев за Плусинфо.

Сепак, доколку предлозите поминат во Собрание, тогаш претседателот на државата нема да биде во можност да помилува, на пример, ни некој политичар. Таков беше примерот со Заев кој извесно време по аболицијата од Црвенковски, стана лидер на партија и со објавување на прислушкувани разговори го симна од власт Никола Груевски. А тоа пак доведе до нова и досега најголема аболиција од тогашниот претседател Иванов. Прашање е дали политичката кариера на Заев ќе се движеше кон лидерство и премиерска позиција, доколку беше суден за „Глобал“ или останеше во притвор подолг временски период.

– Од тој аспект секогаш постои ризик. Сепак, секој претседател ќе тргне да ги аболира своите сопартијци, затоа за мене е поприфатливо новото решение – додава Калајџиев.

Претседателот Стево Пендаровски неодамна појасни дека по инцијатива на Министерството за правда новиот закон за помилување е во подготовка веќе неколку месеци.

– Имавме неколку контроверзни ситуации изминативе 20 години, дали од политички причини или не знам од кои други причини, некој некого помилувал во рана фаза на постапката. Треба да се остави судскиот систем да ја истера постапката, да се соочат аргументите на обвинителството и на одбраната и на крајот ако смета претседателот кога ќе заврши целата постапка и таа пресуда стане правосилна дека има некаков простор за корекција на таа пресуда, тогаш е дозволено да „влезе“ во процесот, а не првиот, вториот или третиот ден да пресуди и да рече „Нема да има постапка понатаму“,  со што практично де факто се дерогира целокупниот правосуден систем – рече Пендаровски.

3.000 луѓе лежат по затворите

Спротивно мислење од професорот Калајџиев има адвокатот Тони Менкиновски, кој новиот закон за помилување го нарекува сиромашен.

– Мислам дека е катастрофа во законот да се стави дека комисија која ќе биде формирана од Министерството за правда ќе работи на списокот со помилуваните, а потоа нивната одлука само ќе биде парафирана од претседателот. Во комисијата ќе членуваат правници, но не и претставници на судската власт – вели Менкиновски.

Сепак, најголемиот проблем според адвокатот, е тоа што новиот закон многу лошо ќе се одрази врз ресоцијализацијата на затворениците. Тој смета дека осудените лица треба да имаат одредена шанса за напредок, како и шанса за ресоцијализација во општеството.

– Во моментов има околу 3.000 луѓе во затвор. Ним им е потребен некаков напредок, некакви параметри за да бидат помилувани. И тука мислам на содржинскиот аспект на предизвикот, а не на самата процедура – додава тој.

Менкиновски открива дека Македонија има извонредно висок процент на повратници во затворите, бидејќи според официјалните бројки дури 70 отсто од затворениците се враќаат во затвор по втор пат.

– Тоа значи дека на тие луѓе им е подобро во затвор. Тука е најодговорна државата, која 30 години прави големи грешки со т.н. реформи. Системот што беше на сила за време на бивша Југославија беше одличен. Истиот систем уште во 80-тите беше преземен од Данска, Шведска и од Норвешка – тврди Менкиновски.

Тој смета и дека е голема грешка на претседателот да му се одземе дискреционото право на аболиција. Според него, решение би можело да биде измена во постојниот закон, со која ќе биде предвидено одлуката за аболиција претседателот да ја образложи пред Врховниот суд, со што би бил обезбеден надзорот во неговата работа.

Акт на милост

Адвокатот Звонко Давидовиќ вели дека секој министер за правда се обидува да направи некакви реформи во судството, а крајниот резултат е многу лош.

– Помилувањето е акт на милост. Не смеете на претседателот да му го одземете тоа право. Секаде во светот претседателот или монархот има право на аболиција. И зошто да се ограничи неговото право на периодот по завршувањето на правосилната постапка – прашува Давидовиќ.

Тој додава дека не може туку-така да се укинува аболицијата. Според него, секоја реформа мора да се темели на некакво истражување, а не на некакви ад хок решенија. Давидовиќ тврди и дека не смее единствениот аргумент на предлагачот на новиот закон, кога е во прашање укинувањето на аболицијата, да биде политичкото влијание.

The post ПОМИЛУВАЊЕТО – ЖРТВА НА ЛОШАТА ПРАКСА Петчлена комисија ќе добие претседателски овластувања appeared first on plusinfo.mk.

Стефанова денеска во завршните зборови за случајот „Плацови на Водно“ рече дека вакви договори се најдени при претрес на возилото на Мијалков.

Адвокатот на обвинетиот Сашо Мијалков, Звонко Давидовиќ, денеска во завршните зборови го оцени обвинението како конструирано кое не се базира ниту на материјални ниту на вербални докази.

– Наша цел и обврска е да се утврди вистината врз основа на докази кои се неспорни и ќе ја дадат фактичката состојба. Мојот клиент е обвинет дека со умисла, давал совети и упатства и средства на располагање му помогнал на обвинет да пушти во оптек пари кои се нелегално стекнати. Овој предмет не е само кривичен бидејќи Јавното обвинителство се повикува на одредби од граѓанско и деловно право кое не го познава. Прво не докажаа дека постојат пари кои се предмет на кривично дело. ВМРО-ДПМНЕ не пријави отштетно побарување. Не се утврди дека фалат какви било пари а не пак ваков значителен износ. Десет години институциите не докажаа дека фалат пари. Станува збор за опасен преседан бидејќи Јавното обвинителство бара да се верува на збор и чувства на сведоци, а не да се верува на докази – рече Давидовиќ.

Тој наведе дека се тврди оти плацевите се сопственост на првообвинетиот Никола Груевски, а во Катастарот се покажува сосема друго.

– Нема име на првообвинет. Ова е важно поради тоа што доколку е така, Мијалков нема во што да учествува. Се тврди дека апартманите се на првообвинетиот ама во Катастар стојат дека се на име на сведок, односно негова сопственост. На што да веруваме? На официјални документи или на чувства? Дека е ова конструкција. Јавното обвинителство во завршниот збор кажа дека биле најдени документи за трампа. Ова не е точно!. Таков документ не постои, ниту го има во предметот. Секое тврдење на Јавното обвинителство е спротивно на материјалните докази кои самото ги предложило. Никаде, ниеден сведок не кажа дека на кој било начин Сашо Мијалков учествувал во купување, продажба, ставање средства на располагање за да му помогне на првообвинетиот да прикрие пари кои не постојат и имот на некој друг. Дури и да е така, кое е кривичното дело кое Мијалков го сторил кога имаме премиер и експерт за економија кој барал економски совети. Дали е логично тој да бара совети? Дали е кривично дело ако прашате дали некој има фирма? Колку пати и вие во својот живот сте прашале некој да ви помогне? Сведоците Aлександар Ивановски, Мето Стојчевски, Орце Камчев и другите никаде не спомнаа дека Мијалков помагал за прикривање. Еден рече дека му се јавил Ристо Новачевски да го прими на кафе, што е чудно, бидејќи првообвинетиот немал потреба од посредници, особено не за кумот. За да ставите средства на располагање, тоа мора да се ваши. Судот виде дека ниту едно средство не е во сопственост на мојот клиент Мијалков. Ни Мето Стојчевски не кажа дека му ставил на располагање – образложи Давидовиќ во завршните зборови.

The post СТЕФАНОВА ЗБОРУВА ЗА ДОКАЗ КОЈ НЕ ПОСТОИ Одбраната на Мијалков бара да се верува на факти а не на чувства appeared first on plusinfo.mk.

Решението на Апелациониот суд, посочи Давидовиќ, е правосилно, за разлка на тоа од Основниот суд и со ваквкото однесување, според него, се создава опасна судска пракса каде „по порачка се добиваат решенија“.

– Зошто сметаме дека е по порачка решението. Затоа што министерот за правда направи голем притисок, каде што сервилното Обвинителство постапи и клиентелистичкиот Суд донесе решение. Овој пат реагиравме, затоа што решението беше под притисок на извршната власт и затоа што Апелацискиот суд направи проценка на сите околности по опасност од бегство. Ништо за тие четири часа не можеше да се смени, а Кривичниот совет го имаше решението, но под притисок на извршната власт, координирани со Обвинителството дадоа барање на кое Судот експресно одговори и донесе решение со кое, буквално плука по Апелацискиот суд – изјави Давидовиќ.

За тоа кои се следните чекори за Мијалков да излезе од притвор, Давидовиќ рече дека, не може да има судир на судски надлежности меѓу повисок и понизок суд и создавање на опасна пракса.

– Што ќе направиме понатаму, зависи од тоа кои чекори ќе ги преземе јавниот обвинител, Апелацискиот суд и Основниот суд, кој го суди „Плацови на Водно“. Во случај да нема реакции, какви што налага законот, одбраната ќе размисли дали ќе преземе дејствија во таа насока, -посочи Давидовиќ.

Според адвокатот Љупчо Шврговски, „министерот во заминување“ изнел тврдења со кои што директно го повредува правниот дискурс и го подрива она за што треба да се грижи – уставниот принцип за поделба на власта.

– Министерот за правда не е дел од некаква естрада за да искажува мислења на Фејсбук. Со своето однесување, тој го повреди уставниот принцип. Нејасно е како министерот можел и од каде ги добил информациите, за тоа кој судија како гласал. На овој начин одбраната доаѓа до заклучок дека министерот имал линк со некој од судиите кои што го информирале, кршејќи ги одредбите од ЗКП – изјави Шврговски.

Шврговски, го повика јавниот обвинител по допрен глас да ги истражи сите наводи изнесени од министерот, да оформи предмет и донесе соодветна одлука.

Адвокатот Петар Василев, посочи дека Судот вовел негативна пракса, каде се бара притвор без никакви аргументи и без да се сослуша одбраната и самиот тој во врска со навдоите за бараниот притвор.

– И во првиот и во последниот случај, ниту одбраната, ниту Мијалков, бевме повикани пред Судот, иако е тоа законска обврска и на Судот и на Обвинителството да ја повика одбраната и самиот човек на кого се однесува барањето за определување мерка. Во последниот случај, иако ние како одбрана бевме во Судот, не бевме повикани да ни се образложи предлогот и од тие причини има скандалозни и небулозни барања од Обвинителството – изјави Василев.

Прашан под кои основи се бара Мијалков да биде ослободен за предметот „Плацови на Водно“, адвокатот Давидовиќ рече дека поднеле Жалба против решението за одредување притворот за предметот „Плацови на Водно“, бидејќи предметот не е завршен.

– Не може во друг случај да се даде гаранција, освен во случај на опасност од бегство и затоа Апелација ја прифатила, сметајќи дека таа гаранција е доволно за да го обезбеди неговото присустви – изјави Давидовиќ.

The post ГАРАНЦИЈАТА Е ВПИШАНА И НЕ МОЖЕ ДА СЕ ИЗБРИШЕ, А МИЈАЛКОВ Е ВО ПРИТВОР Адвокатите на обвинетиот реагираат на чудната судска пракса appeared first on plusinfo.mk.

– Треба да се знае дека вчера беа донесени две решенија, спротивни едно на друго, а правило е дека решение на определен суд може само во законска постапка да се поништи од повисок суд. Вчера, за жал, се случи Основниот кривичен суд Скопје да стави вон сила решение на Апелацискиот суд кој е повисок суд од него. Апелација ја прифати гаранцијата и ги проценуваше сите околности и предмети за обвинетиот, но за жал Основниот суд го држеше обвинетиот надвор од законот без каков било правен основ неколку часа во притвор, затоа што првосилноста на решението на Апелацискиот суд беше во 14 часот, а дури околу 21 часот му го врачија новото решение во кое му се определува притвор затоа што има веќе изречени две казни, без да се наведе дека не се правосилни, дека се води истрага која се води 100 години, најверојатно се мисли на „Империја“ – изјави Давидовиќ денеска пред Кривичниот суд.

Срамно е, како што истакна тој, за „Плацеви на Водно“ каде што нема никаков доказ за обвинетиот Мијалков освен еден наместен сведок кој бил противречен со сите други сведоци и материјални докази, да се определи притвор.

– Но гледајќи ја целата ситуација во која министерот за правда направи невиден политички притисок како извршна власт и врз судството и врз Судскиот совет, само се покажува дека извршната власт не е подготвена да се откаже од влијанието врз судската власт – изјави Давидовиќ.

Според него, Основниот суд не може да ја укине гаранцијата затоа што решението на Апелацискиот суд е правосилно и е во сила.

– Во сила е решението на Апелацискиот суд, во сила е и решението на Основниот кривичен суд. Од таа причина ние не можеме да ја избришеме гаранцијата. Затоа и гаранцијата и целиот имот е под хипотека – додаде тој.

Давидовиќ посочи дека Судот не го зел предвид тоа што компаниите, односно имотот којшто е влезен во гаранцијата која е запишана и која е правосилна обезбедува плати и придонеси на повеќе од 350 вработени семејства во Републикава и од кои државата добива приход по однос на даноци и акцизи, поголеми износи коишто и самиот суд ги наведува во решението.

– Во спротивна насока ги цени како можност за бегство, а не како можност дека токму тоа што тој овде има основано свој бизнис нема намера, ниту волја да се даде во бегство – додаде тој.

The post ДВЕТЕ РЕШЕНИЈА ЗА МИЈАЛКОВ СЕ ВО СИЛА Адвокатот Давидовиќ го обвини министерот за правда дека влијаел врз судиите appeared first on plusinfo.mk.

– Министерот за правда нема никакви ингеренции и надлежности кога се во прашање конкретни судски предмети и одлуки, па секој коментар на судска одлука на еден министер во владата не може никако поинаку да се сфати освен како своевиден притисок – вели Давидовиќ.

Изјавата на портпаролот на Судскиот совет, во која, ако е точна, најавува седница на Судскиот совет на која ќе се дискутира за судската одлука со која е прифатена понудената гаранција на Сашо Мијалков, е во најмала рака чудна и излегува од надлежностите на Судскиот совет предвидени со Законот, тврди Давидовиќ и објаснува:

– Судскиот совет, наместо да биде гарант и брана за судската самостојност и независност, прави дополнителен притисок и се обидува да ги дисциплинира судиите кои постапиле и донеле одлука во рамки на своите надлежности. Наместо да се поздрави примената на сите препораки на Советот на Европа и одлуките на судот во Стразбур по однос на мерката притвор, Судскиот совет врши дополнителен притисок на судиите.

Адвокатот апелира да не заборавиме дека сме под мониторинг за примена на мерката притвор и дека во изминатиов период бевме жестоко критикувани за определувањето, примената и должината на изречените мерки притвор како во сите извештаи на ЕУ, така и во меѓународните и домашни извештаи на експертите.

– Прифаќањето на понудената гаранција во износ од над 11 милиони евра не значи ослободување на Мијалков од каква било одговорност туку значи дека неговата обврска да се појавува на судењата е зајакната со гаранцијата, која, доколку ги прекрши условите, ќе биде реализирана во корист на државата трајно, а истиот ќе биде присилно спроведен пред лицето на правдата. Постапката на ОЈОГОКК со поднесениот предлог за определување на мерка притвор за предметот „Плацеви на Водно“ е апсурдна, во мигот кога Апелацискиот суд ја прифатил гаранцијата. Особено е апсурдна, а тоа можеше и јавноста сама да го заклучи, што во конкретниот предмет нема ниту еден доказ од кој би произлегла каква било вина за кое било кривично дело на Сашо Мијалков. Предметите во кои се појавува само еден наместен сведок, а чија изјава е не само апсурдна туку и спротивна на сите материјални докази и искази на сите други сведоци, треба да бидат далечно минато и никако не можат да бидат дел од судството на која било земја во 21 век – категоричен е адвокатот Давидовиќ.

The post АПСУРД И ДИСЦИПЛИНИРАЊЕ НА СУДИИТЕ Адвокатот Давидовиќ го коментира барањето за нов притвор за Мијалков appeared first on plusinfo.mk.

– МВР може да се обратило до Обвинителството, но обвинителството е орган кој бара и е должен за постапката што ја води да ги обезбеди потребните решенија и наредби од судот за определно лице да има засилен надзор притворено, или на било кој друг начин обезбедно. Ако Обвинителството во петокот даваше завршни зборови и не побара никакви мерки во врска со ова лице, тоа само го покажува односот на Обвинителството кон овој предмет – вели Давидовиќ.

Тој рече дека за помали предмети се барало ефективен притвор, а сега не го побарале и не им било првпат на обвинителите ова да го сторат.

The post Давидовиќ: Обвинителството е виновно за бегството на Мијалков appeared first on plusinfo.mk.

The post Oдбраната бара изземање на судиите за „27 април“ appeared first on plusinfo.mk.