Зоран Трајчевски ќе ја раководи Агенцијата за аудио и аудиовизуелни медиумски услуги (ААВМУ) и во наредните пет години, откако доби поддршка од Советот на АВМУ за нов мандат.

Прес-службата на АВМУ попладнево соопшти дека Советот на ААВМУ денеска на седница одлучил во наредниот петгодишен период Агенцијата за аудио и аудиовизуелни медиумски услуги да ја води Зоран Трајчевски, кој е на оваа функција од 2014 година.

Трајчевски беше избран за директор на АВМУ на 12-тата седница на Советот на Агенцијата, одржана на 7 октомври 2014 година, а претходно беше директор на Агенцијата за електронски комуникации.

The post УШТЕ ЕДЕН МАНДАТ ЗА ЗОРАН ТРАЈЧЕВСКИ Ќе ја раководи ААВМУ и во наредните 5 години appeared first on plusinfo.mk.

Со законските измени од јули минатата година точно е утврдена висината на средствата кои се одвојуваат од Буџетот на државата за финансирање на радиодифузната дејност – еден процент од реализираните даночни приходи утврдени во последната донесена завршна сметка на Буџетот и е укинато дискреционото право на Министерството овие проценти да не ги реализира доколку со тоа се нарушува праведната распределба на буџетските средства.

– Парадоксално е што предлагач на овој закон е токму МИОА, против кое сега поднесуваме тужба – изјави Трајчевски.

Со непочитувањето на законот, Трајчевски нагласи дека на македонските медиуми, организации и здруженија, ќе им се ускрати и правото на пристап до фондовите од програмата „Креативна Европа 2021 – 2027 година“ со вкупен буџет од 2,5 милијарди евра, од кои 51 процент се наменети за сегментот медиуми.

– АВМУ два пати се обрати до МИОА, укажувајќи му на неговите законски обврски, а се обративме и до претседателот на Собранието и до надлежните комисии. Со оглед на тоа дека се исцрпени сите останати можности, поднесовме тужба пред надлежниот суд – рече Трајчевски.

Оваа состојба, според него, трае неколку години, бидејќи Министерство и пред законските измени го користело дискреционото право овозможено во законот од 2018 година и префрлувало помалку пари.

– За последните шест месеци Агенцијата има добиено 4 милиони 812 илјади денари помалку. Намалувањето е особено изразено овој месец, кога имаме добиено 1 милион 126 илјади денари помалку – рече Трајчевски.

Во Законот за аудио и аудиовизуелни медиумски услуги од 2018 година се пропишува дека средствата за работењето и развојот на МРТ, ЈП Македонска радиодифузија и АВМУ ќе се обезбедуваат од Буџетот на државата во висина од 0,8 проценти до 1 процент, од реализираните вкупни приходи во годината која претходи на фискалната година, со тоа што секоја година овие средства ќе се зголемуваат за 0,1 процент.

– Висината на износот од 2019 година требаше да изнесува 0,8 проценти, во 2020 година 0,9 проценти. Почнувајќи од 2021 година да изнесува еден процент. Меѓутоа, со друг член беше пропишано дека овие проценти ќе се реализираат доколку со тоа не се нарушува праведната распределба на буџетските средства и не влијае врз средствата планирани за сите буџетски расходни ставки. Таквата формулација остави можност за дискреционо постапување, кое Министерството го злоупотреби и наместо да се префрлаат средства во висина од еден процент во 2021, 2022 и до средината на 2023 година тие беа преполовени и изнесуваа и помалку од 0,5 проценти. Со законските измени од јули 2023 година се укина ова дискреционо право и точно се утврди дека средствата се обезбедуваат од Буџетот во висина од еден процент. Од нив Агенцијата треба да добие пет проценти – рече Трајчевски.

Тој најави дека и МРТ во следните денови ќе поднесе тужба против МИОА, бидејќи средствата што ѝ се кратат се многу повисоки од тие на Агенцијата.

The post ТУЖБА СПРЕМА И МРТВ? Министертвото за информатичко општество своеволно ѝ ја скратило чергата на Агенцијата за медиумски услуги appeared first on plusinfo.mk.

„Агенцијата ја разгледа доставената Иницијатива, меѓутоа се утврди дека не може да се пристапи до линковите кои беа посочени како наводен доказ дека Ве Ве Гроуп, сопственик на Алсат М ја злоупотребува телевизијата и врши притисок врз државните институции за остварување на своите бизнис потреби. Воедно, Иницијативата беше доставена како анонимна пријава и немаше можност да се извести подносителот да ги отстрани недостатоците во неа.

Во медиумската легислатива се јасно утврдени основите поради кои може да биде одземена дозволата на некое радио или телевизија, токму за постапувањето да не биде на произволна основа туку во точно определени случаи.

Упатувањето заканувачки пораки поради неисполнето барање, засновано на лични желби и лични интереси, претставува индивидуално психичко вознемирување и малтретирање и во случајов, притисок и директно загрозување на слободата на медиумите и на слободата на информирање и изразување“ – се вели во соопштението на АВМУ.

Агенцијата го пријавила случајот во Министерството за внатрешни работи и кај останатите надлежни институции, од каде очекува брза разрешница, утврдување одговорност на лицето кое упатило закани и негово соодветно санкционирање. Воедно, известени се и релевантните меѓународни организации.

The post ДИРЕКТОРОТ НА АВМУ ПРИМА АНОНИМНИ ЗАКАНУВАЧКИ ПОРАКИ Агенцијата смета дека се поврзани со иницијативата за одземање лиценца на Алсат-М appeared first on plusinfo.mk.

– Со изменетата директива од декември 2018 година, Македонија треба да го усогласи законодавството и тоа опфаќа повеќе сфери коишто во моментов не се дел на регулација. Тоа се повеќе видео-шеринг платформите и социјалните мрежи, односно социјалните медиуми. Во таа насока од ЕК преку ТАИЕКС проект се понудени, односно веќе работат експерти од земји членки на ЕУ во усогласување на македонската медиумска регулатива со изменетата Директива за аудио и аудиовизуелни медиумски услуги, – рече Трајчевски на регионална конференција по повод 25 години од формирањето на Советот за радиодифузија, чиј правен наследник е АВМУ.

Тој појасни дека проектоет започнат во септември годинава треба да заврши во септември следната година, кога треба да има нацрт верзија на Законот за медиуми, Законот за АВМУ усогласен со изменетата директива, но и со законите коишто го допираат медиумскиот простор. Тука се и Изборниот законик и други закони коишто имаат допирна точка со медиумскиот простор.

– Очекуваме следната година во октомври да имаме нацрт верзија која што ќе продолжи во владина и собраниска процедура на усвојување. Со тоа законската регулатива во областа на медиумите ќе биде целосно усогласена со европската регулатива – рече Трајчевски.

The post СО ЗАКОН ЌЕ СЕ СТАВА РЕД НА ЈУТЈУБ, ФЕЈСБУК, ТВИТЕР… Се подготвува закон за социјалните медиуми во согласност со европските директиви appeared first on plusinfo.mk.

Прашан за Упатство за лимитите за платено политичко рекламирање на изборите во 2020 година што го подготвува АВМУ, Трајчевски рече дека од медиумите разбрале за Уредбата на Владата.

– Прочитавме по медиумите што е донесено, меѓутоа без да го имаме текстот што ќе биде објавен во Службен весник не можеме да носиме Упатство. И во преамбулата на Упатството се третираат сите закони, односно измени на Изборниот законик, нормално и уредбите што ги носела Владата. Имавме закажано седница за денеска, во 21 часот, но бидејќи Уредбата излезе во Службен весник во 18,22 часот, седницата е презакажана за утре во 12 часот за да можат службите да го прилагодат Упатството на последната Уредба, а исто така да им биде доставено и на советниците да имаат барем неколку часа да го погледнат пред да го усвојат на седница. Кампањата ќе почне вечер, но упатството ќе биде донесено некаде утре напладне – рече Трајчевски.

Директорот на АВМУ изјави дека генерално утре ќе бидат полиберални и евентуални мали или несакани прекршувања нема да ги казнуваат бидејќи, како што рече, во оваа ситуација ни најмалку не се виновни медиумите за ваквото несериозно однесување на Владата.

Трајчевски појасни зошто на БЕСА не и се дозволи да има право на платено политичко рекламирање.

– Ниту Агенцијата и забранила на БЕСА, ниту директорот, ниту Советот. Тоа го оневозможува Изборниот законик, каде јасно пишува дека право на платено политичко рекламирање имаат само потврдените кандидати од ДИК. Ако ја отворите веб-страница на ДИК, потврдена кандидатска листа на БЕСА нема, туку има само кандидатска листа на коалицијата „Можеме“ – рече Трајчевски, додавајќи дека последните денови имале силен политички притисок.

Тој посочи дека сите одлуки што го донел Советот во однос на платено политичко рекламирање за изборите во 2019 и во 2020 година се донесени едногласно. Тоа, според него, укажува дека Советот и Агенцијата имаат ист став и не го менуваат.

Директорот на АВМУ соопшти дека во последните неколку изборни циклуси имало минорни прекршувања од медиумите. Нагласи дека кај медиумите има огромна свест дека треба да известуваат подеднакво за сите учесници во изборниот процес и да го почитуваат стопроцентно законот.

The post Трајчевски: Упатството за платено политичко рекламирање ќе биде донесено утре appeared first on plusinfo.mk.