Зоран Бајовски, кандидатот на ВМРО-ДПМНЕ за градоначалник на општина Чучер Сандево граби кон сигурна победа во вториот круг.

Тој доби поддршка од неговиот противкандидат во првиот круг Влатко Смоковски. Бајовски во првиот круг освои 1.914 гласови, а Смоковски 1.264 гласови. Кандидатот од СДСМ Сашко Комненовиќ освои 1.976 гласа во првиот круг.

Бајовски и Смоковски, кои освоија скоро 60% од гласовите во првиот круг, заедно ги повика нивните сограѓани да ја постават заедницата пред партиските и етничките разлики и да се фокусираат на практични решенија што ќе донесат подобар живот за сите.

– Обединувањето околу конкретни проекти и јасни цели ќе донесе резултати кои сите ќе ги почувствуваме. Силата на заедницата е во мостовите што ги градиме заедно, а со нашиот Влатко Смоковски одлучивме иднината на Чучер Сандево да биде просперитетна и напредна! Ги повикуваме сите заинтересирани граѓани, организации и локални актери да се вклучат во заедничките напори за подобрување на Чучер Сандево – истакна Бајовски.

Според него, задржувањето на жителите и отворањето нови работни места се меѓу првите приоритети што бараат системски пристап.

– Поддршката за локалните претприемачи, поттикнувањето на мали и средни бизниси и соработка со бизнис секторот ќе помогнат да се создадат работни места во општината и да се намали потребата за економска миграција надвор од нашиот крај. Развојот на младите е суштински дел од долгорочната визија. Инвестициите во модерното образование, стручното оспособување, спортот и културните активности, како и програмите за практична обука, ќе ги отворат вратите за можности тука, дома – рече Бајовски.

Смоковски потенцираше дека „инвестирањето во младите и во инфраструктурата е воспоставување темел за долгорочна стабилност на заедницата“, стабилност која е гарантирана од кандидатот за градоначалник Бајовски.

– Унапредувањето на јавните услуги и инфраструктурата има директно влијание врз квалитетот на животот на сите населби. Фокусот треба да биде на сигурна вода, редовно собирање отпад, подобрена патна и комунална мрежа, како и уредени јавни простори и зелени површини. Вклученоста во процесите на планирање ќе ја зајакнат довербата помеѓу граѓаните и носителите на одлуки – рече Бајовски.

The post БАЈОВСКИ ПРЕД СИГУРНА ПОБЕДА ВО ЧУЧЕР САНДЕВО Доби целосна поддршка од противкандидатот Смоковски appeared first on plusinfo.mk.

Граѓаните во вториот круг да излезат на гласање, да учествуваат во креирањето на политиките и да го заокружат бројот 9, повика претседателот на ВМРО-ДПМНЕ, Христијан Мицкоски, од денешниот предизборен настан во Кучевишка Бараза вториот круг од локалните избори.

Тој рече дека ќе упати неколку политички пораки за да можат граѓаните самите да донесат заклучок и одлука по кој пат ќе оди државата.

– Дали ќе ја водиме државата по патот којшто го нуди коалицијата ВМРО-ДПМНЕ или ќе се вратиме на патот којшто го гледавме 7 години, тоа беше сосема поинаква коалиција предводена од СДСМ и ДУИ или пак третата група, ќе останеме дома, па ќе видиме каде ќе нè води бранот ние заедно со бранот и ќе немаме можност да одлучуваме, што сметам дека е најпогрешната опција. Затоа што ако се остане дома и не се излезе на избори и не се гласа по сопствено убедување тогаш вие дозволувате друг да одлучува за вас и за вашата општина и насоката во која ќе оди државата. Мојата молба до сите жители на Чучер Сандево и генерално до сите граѓани во Македонија е да излезат на овие избори и да гласаат по сопствено убедување – нагласи Мицкоски.

Мицкоски ги повика функционерите постојано да бидат достапни на граѓаните и да испорачаат резултати.

– Втора работа која сакам да ја кажам е дека на овие избори во првиот круг се донесе одлука за 33 градоначалници од редот на ВМРО-ДПМНЕ и коалицијата и тоа е бројка која е импресивна. Уште во 26 општини ВМРО-ДПМНЕ се или на прво место или на второ што значи 59 општини, плус Градот Скопје, тоа претставува историски резултат политички, но и голема обврска во смисла дека очекувањата на граѓаните се големи. Ние сме народна партија, партија која што треба да биде слуга на граѓаните на народот. Тоа значи дека нема одмор и треба да се работи секој ден во неделата бидејќи имаме многу да сработиме нема работно време, се почнува рано, се завршува доцна, секогаш треба градоначалникот да биде достапен. Секој од избраните од народот функционери треба да биде достапен и секогаш да одговара на потребите на граѓаните. Тоа е втората порака која сакам да ја упатам – кажа Мицкоски.

Кандидатот за градоначалник на Чучер Сандево истакна дека општината ќе се вклопи во сликата на Скопје со поддршка од Владата и со нови инвестиции.

– Сега конечно ги ставивме проблемите и потребите на граѓаните на Кучевишка Бара во програма. Заедно со Владата, заедно со Градот Скопје, со општина Бутел, бидејќи граничиме и се препокриваме во некои делови, да ја направиме поубаво место за живеење и достојно место за живеење во овој дел на Скопје – рече Бајовски.

Тој истакна дека Владата предводена од ВМРО-ДПМНЕ издвоила околу 45 милиони денари за изфраструктурен проект во Кучевишка Бара.

– Тоа го покажа Владата предводена од премиерот Христијан Мицкоски. Најмногу средства во Чучер Сандево беа доделени токму за Кучевишка Бара, околу 45 милиони денари, средства од унгарскиот кредит за изградба на пречистителна станица. Во тој дел во програмата е токму 13 километри примарна и секундарна мрежа, заедно со пречистителна станица, атмосферска канализација, но и коригирање на водоводот, конкретно, реконструкција на водоводната мрежа. Конечно Кучевишка Бара ќе го добие тоа што ѝ е потребно – рече Бајовски.

Тој ги повика граѓаните на Чучер-Сандево масовно да излезат на гласање во вториот изборен круг на 2 ноември и да поддржат кандидат за градоначалник од редовите на ВМРО-ДПМНЕ со број 9.

The post МИЦКОСКИ ПОБАРА ПОДДРШКА ЗА ЗОРАН БАЈОВСКИ ЗА ГРАДОНАЧАЛНИК НА ЧУЧЕР САНДЕВО Ќе има нови инвестиции и поддршка од Владата appeared first on plusinfo.mk.

Општината ја замислувам како куќа со отклучена влезна врата – таа е дом на сите нас во Чучер Сандево и затоа ќе имаме редовни јавни средби и ќе користиме дигитални алатки за собирање предлози. Јас сум роден тука, живеам тука и сакам да го направам Чучер Сандево место каде и моите деца и внуци ќе сакаат да живеат тука, дома, изјави кандидатот за градоначалник на Чучер-Сандево, Зоран Бајовски.

Тој вели дека преку директен контакт со сограѓаните открил конкретни потреби и приоритети поврзани со инфраструктурата, социјалната заштита и услугите кои треба да ги нуди Општината. Неговата цел е да го направи Чучер Сандево подобро место за живеење.

– Клучни се водоснабдувањето и канализациските мрежи, прочистителните станици, депониите кои секој ден се сѐ побројни, сите тие предизвици се итни и мора да се решат што е можно побрзо. Но пред сѐ, потребни ни се систематски планови со јасни рокови, а во имплементацијата на тие планови најважна е транспарентноста и вклучувањето на локалната заедница при изведбата на проектите – вели Бајовски.

Тој вели дека ќе посвети големо внимание за решавање на проблемите на најранливите групи граѓани.

– Затоа градиме дневни центри за лица со попреченост, програми за домашна нега на повозрасните лица и поддршка за здруженијата на лицата со посебни потреби. Тука се вклучени и превентивни здравствени активности и услуги за семејствата во ризик. Крајната цел што сакаме да ја постигнеме е пристапност до услуги, достапни сервиси и интеграција во заедницата, во нашето Чучер Сандево – рече Бајовски.

Тој најави поддршка за малите бизниси, програми за вработување, обука и партнерства со приватниот сектор, а посебно во сегментот за руралниот туризам. Има планови за долгорочни инвестициски циклуси и за подобрување на условите за квалитетен живот.

– Подобрувањето на комуналните услуги е првиот чекор. Никој не сака да живее меѓу ѓубре а јас лично избројав барем 32 депонии во Чучер Сандево во изминативе 10 дена, кои за жал, сѐ уште не се исчистени – вели Бајовски.

The post „ЧУЧЕР САНДЕВО ЌЕ БИДЕ МЕСТО ВО КОЕ СЕКОЈ ЌЕ САКА ДА ЖИВЕЕ“ Бајовски вети чиста општина и работа за младите appeared first on plusinfo.mk.

Нов мултифункционален објект од 4.000 метри квадратни во Чучер Сандево ќе биде стратешка инвестиција која ќе го промени секојдневниот живот во општината, вели кандидатот за градоначалник од ВМРО-ДПМНЕ Зоран Бајовски.

– Оваа модерна спортско-културна хала ќе обезбеди услови за организирање натпревари, тренинзи, културни настани и локални промоции, а го намалува одливот на граѓани и ја зацврстува социјалната и економската кохезија во заедницата. Креирањето нови работни места е и непосредна потреба: изградбата и функционирањето на објектот ќе создадат нови работни места во градежништвото, услугите, управувањето и спортската инфраструктура, а локалните претпријатија ќе добијат повеќе активности и приходи. Со оваа инвестиција, Чучер Сандево ќе стане попривлечна средина за младите семејства и компании – додаде тој.

Според него, Чучер Сандево може да биде инкубатор на нови шампиони кои ќе ги носат боите на општината и на државата.

– Овој објект не е луксуз, туку инвестиција во иднината на нашата младина и во економскиот развој на општината. Ќе работам транспарентно и со отчетност за да ги претвориме овие планови во реалност. Времето за промени е сега. Заедно можеме да изградиме инфраструктура што останува за генерации – додаде тој.

Бајовски ги повика граѓаните да го заокружат бројот 9 на 19 октомври.

The post 🎥 ЧУЧЕР САНДЕВО ЌЕ БИДЕ ИНКУБАТОР ЗА НОВИ ШАМПИОНИ Бајовски вети мултифункционален спортски објект во општината appeared first on plusinfo.mk.

Чучер Сандево заслужува инфраструктура што функционира, чиста животна средина, поддршка за локалната економија и социјални политики кои ги штитат ранливите, порачаа синоќа од митингот во оваа општина од ВМРО-ДПМНЕ.

Оттаму велат дека рекордната посетеност и ентузијазмот на присутните покажале дека промена во градоначалничката позиција е неизбежна.

Кандидатот за градоначалник на општина Чучер Сандево, Зоран Бајовски беше издвоен како носител на оваа промена. Неговиот говор и директниот контакт со граѓаните ги рефлектираа приоритетите за ред, отчетност и конкретни проекти што веднаш ќе го подобрат секојдневнието во општината. Бајовски е кандидат кој се обврзува на транспарентност и мерливи резултати, сплотен со тим поддржан од партијата.

На митингот присуствуваа претседателот на ВМРО-ДПМНЕ и премиер Христјан Мицкоски, потпретседателот и министер за одбрана, Владо Мисајловски и други партиски функционери.

Митингот на ВМРО-ДПМНЕ помина во позитивна и победничка атмосфера која јасно покажa дека волјата за промена е широка и силна.

Од ВМРО‑ДПМНЕ повикаа на масовен излез на гласачките места на 19 октомври за да се овозможи нов почеток.

The post НЕИЗБЕЖНА Е ПРОМЕНАТА ВО ЧУЧЕР САНДЕВО Силна поддршка за кандидатот Зоран Бајовски од ВМРО-ДПМНЕ appeared first on plusinfo.mk.

Чучер Сандево заслужува конкретни проекти и резултати, а не нови празни ветувања, вели кандидатот за градоначалник од ВМРО-ДПМНЕ, Зоран Бајовски.

– Програмата што ја презентираме е јасна, практична и посветена на решавање на навистина важните проблеми: канализација и прочистителна станица во Кучевишка Бара, нови водоводни извори за Бањани, Кучевиште и Побожје, асфалтирање на клучни улици, мостови, мултифункционална спортска сала, чистење на диви депонии и бесплатен летен одмор за деца од ранливи категории. Овие интервенции не се луксуз — тие се основа за здравје, безбедност и економска стабилност на секое семејство во општината – рече тој.

Според него, реалноста што ја гледаат граѓаните е резултат на години неработење и одложувања од страна на актуелната локална власт.

– Средствата кои требаше да бидат искористени останаа неискористени, а проблемите наталожени. Поставуваме конкретни прашања до сегашниот градоначалник: зошто не се искористени 176 милиони денари обезбедени уште во 2022 година преку меѓуопштинската соработка со Град Скопје и со Бутел? Зошто не аплициравте навреме на првиот повик за средствата од унгарскиот кредит и како се потрошени парите добиени од вториот повик — 1.235.000 евра од Владата? – праша Бајовски.

Тој порача дека Чучер Сандево не може да служи за приватен интерес на поединци.

– Наместо транспарентна работа и реални проекти, жителите сведочат за приоритети кои не се во јавен интерес: артеони, станови, скапи автомобили и сомнителни договарања околу дивоградби од кои произлегуваат провизии и обврски за рушење. Ова не е случајна критика, туку сериозни обвиненија кои бараат јавно објаснување од градоначалникот и одговорност пред граѓаните – рече Бајовски.

Тој го повика актуелниот градоначалник да престане со омаловажување и со ширење дезинформации.

– Кажете ја вистината за потрошените и неискористените пари, објавете јавно извештај за сите јавно финансирани проекти и преземете конкретни чекори за итна рехабилитација на инфрастуктурата. Народот гледа кој работи и кој само зборува. Секој ден од неодговорноста значи поголема штета за нашиот животен стандард и за иднината на децата – рече тој.

Бајовски вели дека останува посветен на програмата и на граѓаните и дека ќе ја реализира канализацијата и прочистителната станица во Бара, ќе обезбеди стабилно водоснабдување, подобри улици и мостови, спортски и младински содржини, чиста животна средина и поддршка за ранливите семејства.

– Апелираме до соседите: барајте отчетност, поддржете ги мерливите и одговорни решенија и помогнете да ја вратиме надежта и достоинството во Чучер Сандево – повика Бајовски.

The post 🎥 ПОСЛЕДНА ШАНСА ЗА ЧУЧЕР САНДЕВО Зоран Бајовски порача дека општината не може да служи за приватен интерес на поединци appeared first on plusinfo.mk.

Видеоматеријалот објавен денес јасно ја документира состојбата на терен во Чучер Сандево: пречистителната станица во општината не работи, а нашите води остануваат загадени, со директни последици врз здравјето на граѓаните и животната средина, вели кандидатот за градоначалник од ВМРО-ДПМНЕ, Зоран Бајовски.

– Жителите на селата и викенд населбите го чувствуваат резултатот на запоставеноста на ваквите важни инфраструктурни проекти – непријатна миризба, потенцијално загадување на бунарите и ризик за земјоделските култури што го одржуваат локалниот стандард. Проблемот не е нов: очекувањата за функционална пречистителна станица беа дел од ветувањата што ги слушавме во претходните изборни циклуси, но реалната интервенција изостана со години. Незавршени реконструкции и неодговорно одржување, граѓаните бараат итна ревизија на проектната документација и брза анализа на причините за нефункционирањето – вели Бајовски.

Тој нагласува дека решението за овој проблем бара координирана акција на три нивоа: локална власт, Град Скопје и централна владина поддршка за финансирање и за обезбедување на експертски капацитети.

Во програмата се предлагаат конкретни чекори, додава тој, јавно објавување на извештајот за техничката состојба, формирање работна група со независни експерти, јасен временски план за рехабилитација и механизам за надзор на трошоците.

– Не дозволуваме повеќе изговори – пречистителната станица ќе биде репарирана и функционална, финансирањето ќе биде обезбедено, а процесот ќе биде транспарентен, затоа што нашите сограѓани заслужуваат чиста вода и безбедна околина – изјави кандидатот за градоначалник Бајовски.

Здравјето и водоснабдувањето се меѓу највисоко рангираните приоритети меѓу жителите во Чучер Сандево, а гласачите ќе ја увидат разликата меѓу ветувањата и реализацијата на координираните проекти со Град Скопје и Владата, додава тој.

Од сегашната локална власт до овој момент нема конкретна временска рамка за решавање на проблемот, туку само празни ветувања, што ја продлабочува недовербата меѓу граѓаните на општина Чучер Сандево – се бара отчетност и промена!

The post ИТНА ПОПРАВКА НА ПРЕЧИСТИТЕЛНАТА СТАНИЦА ВО ЧУЧЕР САНДЕВО Реката е загадена, земјоделските култури се во ризик, предупредува Бајовски appeared first on plusinfo.mk.

Делегација од Дирекцијата за радијациона сигурност, предводена од директорот на дирекцијата, Зоран Бајовски, оствари посета на регулаторното тело на Република Србија.

Целта на посетата беше зајакнување на соработката помеѓу двете регулаторни тела, преку потпишување на договор за соработка, кој ќе биде основа за размена на искуства и знаења помеѓу експертите од двете регулаторни тела во повеќе области како: искуства во подготовка и усогласување на националното законодавство со меѓународните стандарди, постапка на издавање дозволи за дејност со извори на јонизирачко зрачење, инспекциски надзор, подготвеност и одговор во случај на радијационен вонреден настан и нелегална трговија со радиоактивни материјали.

Притоа беа разменети мислења и предлози во насока на подобрување на нацрт текстот на договорот за соработка.

Посетата беше оценета како исклучително значајна од двете страни во насока на продлабочување на идната соработка во областа на радијациона и нуклеарна сигурност и безбедност.

The post МАКЕДОНИЈА И СРБИЈА СОРАБОТУВААТ НА ПОЛЕТО НА НУКЛЕАРНАТА И РАДИЈАЦИОНАТА БЕЗБЕДНОСТ Експерти разменуваат искуства и знаења appeared first on plusinfo.mk.

Рамномерен развој на 14 населени места и 5 викенд населби во Чучер Сандево заедно со реконструкција на бројни локални патишта и враќање на Чучер Сандево на туристичката мапа нуди Зоран Бајовски, кандидатот за градоначалник на општината кој доаѓа од редовите на ВМРО-ДПМНЕ. Во интервју за Курир Бајовски вели дека е подзаборавена и вековната историја на регионот кој се наоаѓа на Скопска Црна Гора како погодност за верски туризам заедно со потенцијалите за планински и етно-туризам.

– Како иден градоначалник би посветил внимание на формирање на доброволно противпожарно друштво за да може брзо да се интервенира при пожари. Втор голем проблем кој се јави ова лето е недостаток на вода за пиење. Еден од најголемите предизвици во делот на животна средина и екологија ќе биде тоа што немаме пречистителни станици за фекална канализација, односно има една која повеќе од пет години не функционира. Делот за програмата најмногу ја црпиме од граѓаните, односно од нивните потреби.  Долгогодишна потреба на сите граѓани на Чучер Сандево е спортска сала. Во моментов работиме на финансиска конструкција за околу 4.000 метри квадратни што ќе биде прва спортска сала во Чучер Сандево и правиме напори да се овозможи реализација – вели Бајовски додавајќи дека заедно со Владата може да се направи многу за општината.

Тој вели дека се работи на проекти за набавка на повеќе комунални возила.

– Три- четири возила, ќе видиме финансирањето како ќе се одвива. Треба да се модернизира и во делот на начинот на финансирање на Комуналното претпријатие бидејќи сега има потешкотии и на вработените, колку што имам јас информации, им доцнат и по неколку месеци плати.

Бајовски смета дека Стенковец треба да биде економскиот двигател на општината и дека треба да се ограничи во кој дел што треба и како да се гради, за плански да биде направено и да им олесниме на инвеститорите полесно да дојдат во градежни дозволи во Општина Чучер Сандево.

Тој постетува дека со планираниот автопат Скопје-Блаце општината ќе добие уште поголемо значење и поврзаност.

Запрашан за состојбата во Кучевишка Бара Бајовски вели дека е итно потребна реализација на водоводната инфраструктура.

– Конечно е исправена неправдата, легализации, данок на имот, се’ плаќаат во Општина Чучер Сандево и општината треба да им се возврати. Зборуваме за околу 13 километри секундарна мрежа за канализација, пречистителна станица, реконструкција на водоводна мрежа и на сите улички.

The post НА ЧУЧЕР САНДЕВО МУ ТРЕБА РАМНОМЕРЕН РАЗВОЈ, ТУРИЗАМ, САЛА, КОМУНАЛНИ ВОЗИЛА Бајовски најавува големи чекори ако ја добие довербата од граѓаните appeared first on plusinfo.mk.