Според генералот, украинските служби не се обиделе да го убијат лично Путин туку тој е е во „маѓепсан круг“ од своите пропагандисти, но и од москосвската бизнис-елита која сака војната и санцкиите да сопрат.

– (Кремљ) инвестираше толку многу во оваа пропагандна машина што на крајот (машината) почна да влијае на нив.

Лично ќе се погрижам да бидат ликвидирани

Буданов сепак признава дека гонеле и ликвидирале некои пропагандисти на Кремљ во Украина во изминатите 15 месеци од војнат. Неговите агенти, рече тој, ќе продолжат да ги таргетираат оние Руси кои извршиле воени злосторства против Украина.

– Вакви случаи имало и ќе продолжат, ќе добијат заслужена казна, а соодветната казна може да биде само ликвидација и јас ќе ја спроведам – рече тој.

Денисов го следел Татарски два месеци пред инцидентот со бомбата

Вмешани ли се украинските служби во случаите со рускиот воен блогер Вадлен Татарски кој загина во кафуле во Санкт Петерсбург? Бомбата под автомобилот на ќерката на Александар Дугин?

Во случајот со Татарски, руското Министерство за внатрешни работи исто така објави дека е распишана потерница по Јуриј Денисов, украински државјанин за кој тврдат дека два месеци го следел Татарски од стан во близина на неговиот дом. Наведено е дека тој пристигнал од Летонија по инструкции на „украинските специјални служби“.

Но, бистата со бомба на Татарски во кафулето му ја врачи не Денисов, туку 26-годишната Дарја Трепова која беше обвинета за тероризам. Таа беше брзо пронајдена од руските власти откако на снимките се виде како излегува од кафулето пред бомбата да биде активирана.

Мал број Руси соработуваат со украинските служби

За двата дрона пак, кои извршија краток напад врз купола од дворецот Кремљ Буданов тври дека биле извршени „речиси 100 проценти од граѓани на Руската Федерација“ и „поради руската агресија“.

Во одвоено интервју за Исланд, друг канал на Јутјуб, Буданов рече дека има „мал број Руси“ кои работат со неговата украинска воена разузнавачка агенција (ГРУ).

Тие се, како што рече, мотивирани од „патриотски причини“ и „подготвени се да ја променат Русија“, пренесува Тајмс.

Неколку влијателни провоени личности се убиени или ранети од експлозиви поставени на руска територија од февруари минатата година. Во последниот таков случај со бомба под автомобил на 47-годишниот писател Захар Прилепин, руските истражители рекоа дека испрашувајќи го осомничениот Александар Пермјаков откриле дека тој соработувал со Украинците.

The post ПЛАНИРАМЕ НЕУТРАЛНА ЗОНА 100 КМ ВНАТРЕ ВО РУСИЈА Генерал Буданов открива дали Украинците се вмешани во убиствата на Татарски, Дарја Дугина… appeared first on plusinfo.mk.

Тој смета дека Србија е во зоната на оската, кога станува збор за земјотреси но оти во регионот не може да се случи земјотрес посилен од 6 степени.

На линијата за опасност според него се наоѓаат Белград, Копаоник, Краљево, Скопје, Загреб и Бања Лука.

– Тоа е зона која оди од Грција, па Скопје, па Копаоник, па Краљево, тука е и Мионица, малку Белград, па врти малку лево и оди во Бања Лука, па во Загреб, па во Италија. Таму завршува таа позната зона. Не ја знаеме положбата на тие плочи. Меѓу нив има помали плочи, помали движења, и тие се вртат, подвлекуваат, се влечат, но се уште не знаеме доволно за да можеме поконкретно да го предвидиме местото каде се одвива тој процес – објаснува професорот Миловановиќ за Телеграф.рс.

The post И СКОПЈЕ Е МЕЃУ НИВ Ова се градовите во регионот кои се под закана од силен земјотрес! (ФОТО) appeared first on plusinfo.mk.

Пратениците го изгласаа мислењето на Европскиот парламент за предлог-одлуката на Советот на ЕУ за прием на Хрватска во Шенген зоната. Гласаа 612 пратеници, од кои 534 беа за, 53 беа против, а 25 беа воздржани.

Во текстот се вели дека Хрватска ги исполнува сите критериуми за влез во Шенген зоната и оти нема пречки да стане полноправна членка на таа зона без контроли на внатрешните граници.

Со ова гласање заврши улогата на Европскиот парламент во процесот на влез на Хрватска во Шенген зоната.

Конечната одлука ќе ја донесат 22-те земји-членки на ЕУ, исто така членки на Шенген зоната, на состанокот на 9 декември.

The post ХРВАТСКА ПРЕД ПОРТИТЕ НА ШЕНГЕН Европарламентот одобри влез, последен збор имаат земјите-членки appeared first on plusinfo.mk.

– Работното време во зоните „А“, „Б“ и „Ц“ од понеделник до петок ќе биде од 07:00 до 21:00 часот, во сабота од 07:00 до 14:00 часот. На јавната површина наменета за паркирање зона „Д“, работното време останува исто, односно од понеделник до сабота од 07:00 до 23:00 часот – информираат од ЈП „Градски паркинг“.

The post НЕМА ПРОМЕНА ВО ЗОНА „Д“ Од утре „Градски паркинг“ со ново работно време на јавните површини appeared first on plusinfo.mk.

– Веќе сме во некакви активности. Во следниот период ќе сведочиме на позитивна промена во тој дел, изјави директорката на Царинската управа, Славица Кутиров.

И претходната недела при посетата на ГП Табановце беше посочено дека се разгледува иницијативата и за „One stop shop“ за граничниот премин Пелинце – Прохор Пчински само за патнички промет. Овој премин особено во екот на летната сезона го користат жителите од пограничните места од македонска и српска страна.

Министерот за внатрешни работи, Оливер Спасовски, одговарајќи на новинарско прашање се осврна на тоа какви активности се преземаат за отворање на граничниот премин Лојане- Миратовац.

– Знаете дека го потпишавме договорот за отворање на овој граничен премин, јас и колегата од Р. Србија. Имам информации дека веќе и Србија се подготвува инфраструктурно за да се започне со постапката да се среди овој граничен премин. Ние постојано на секоја наша средба, иницијатива во делот на комуникацијата помеѓу двете држави, инсистираме да воспоставиме што е можно побрзо заради тоа што навистина е потреба на граѓаните да имаат граничен премин, не само за премин туку и заради тоа што имаат имот од едната и од другата страна којшто го обработуваат. И навистина очекувам што е можно поскоро да се направи целата инфратсруктура и од наша и од српска страна, изјави министерот.

Тој рече дека течат процедури за воспоставување на преминот.

Жителите бараат воспоставување на премин на оваа локација поради тесните врски и се надеваат дека ќе се олесни комуникацијата, протокот на луѓе, но и ќе се овозможи полесна комуникација за пограничните места.

The post „ONE STOP SHOP“ СЕ ПРОШИРУВА Институциите размислуваат за отворање на Пелинце-Прохор Пчински и за ГП Лојане-Миратовац appeared first on plusinfo.mk.

– Погледнете го драги скопјани слободниот Кеј 13 ноември, тоа е визијата за Скопје која ја имам! Погледнете го паркот Ибни Пајко, тоа е јавниот простор кој сакам да го создавам. Погледнете ги новите МАН автобуси, тоа е стандардот кој сакам да го постигнам. Тоа е Скопје кое ќе продолжиме да го градиме а не згради и споменици на секој чекор! За една година од сега драги пријатели, Скопје ќе има нов ГУП, кој ќе гарантира дека никој повеќе нема да го злоупотребува Скопје за приватни цели, кој ќе гарантира хумана урбанизација надвор од центарот на градот. Скопје десет години е жртва на ГУП-от од 2012 кој го донесе ВМРО-ДПМНЕ. Да не дозволиме истите луѓе да го носат ГУП-от во 2022 бидејќи знаеме што не чека – кажа градоначалникот Шилегов пред присутните граѓани.

Не беше одамна кога Скопје беше претворено во град на кичот и невкусот, заборавивме ли на Коцекабана, заборавивме ли на милионите потрошени за палми и жални врби, заборавивме ли на насилството и поделбите, не смееме да заборавиме и не смееме да дозволиме грешките да ни се повторуваат, порача кандидатот за градоначалник на СДСМ и коалицијата за градоначалник на Скопје, Петре Шилегов.

Тој нагласи дека сите длабоко во себе знаат дека од другата страна се истите луѓе кои го обезличија Скопје заради своите криминални планови.

– Ајде да не дозволиме некој одново да почнува со експериментирање. Да не дозволиме да бидеме прелажани со неостварливи идеи. Ајде да не дозволиме да ни подметнат старо минато под превезот и лагата наречена нова иднина, наглси Шилегов и ги повика граѓаните на 31 октомври масовно да излезат и да гласаат. Да ја преземеме одговорноста во свои раце. Да не дозволиме гневот да го надвладее разумот. Гневот го искажавте во првиот круг и со право, но сега е време да се договориме за доброто на Скопје. Ова се избори за наше Скопје да продолжи напред. Силно верувам дека нема да го предадеме на оние кои го уништија, која му ја земаа душата на градот и мирот на граѓаните – истакна Шилегов.

Го градевме Скопје со срце, изградивме повеќе инфраструктура и суштински проекти отколку за 27 години претходно, работевме само според приоритетите на граѓаните и вложувавме одговорно онаму каде што треба. Скопје станува модерен, организиран, силен град на 21 век, истакна вечерва Шилегов.

Тој додаде дека за овие четири години е научено многу.

– Она што сигурно го знам е дека ништо не се постигнува брзо и лесно како што најавуваат некои, туку со многу работа, труд, планирање и долгорочно вложување. Проектите што ги спроведуваме нудат решенија на проблемите за следните 50 години. Тоа не може да се реализира ниту брзо ниту лесно како што вели кандидатката на ВМРО-ДПМНЕ – порача Шилегов.

Тој нагласи дека одговорноста кон Скопје се мери со тоа колку се вложува во неговиот развој, во зелените оази и паркови, одговорноста се мери и според квалитетот на воздухот кој драстично е подобрен.

The post СОЗДАВАМЕ ГРАД БЕЗ МЕТЕЖ И ЗАГАДУВАЊЕ Шилегов вели Скопје е град со најголема пешачка зона appeared first on plusinfo.mk.

– Јас кажав уште пред две години дека амбициите на Градот, она што всушност претставува градско јадро во сите современи европски метрополи ќе личи и во нашиот град. Тоа што треба да го знаеме е дека ова ќе оди заедно со имплементацијата на системот. Како што ќе биде изведен, така и ќе дојде до преструктуирање на таа улица – рече Шилегов на денешната прес-конференција.

Тој најави со реализација на проектот улицата од сообраќајница ќе биде пренаменета во пешачка зона.

– Не можам да кажам точни бројки и рокови, затоа што се ќе зависи од имплементацијата на „Бас рапид транзит“, а очекувам до тогаш да го започнеме и тунелот под „Лимак“, така што ќе доживее целосна трансформација сообраќајот во Малиот и во Средниот ринг, но тоа се податоци кои како ќе бидат созреани, по основ на анализи и по бројките, така ќе бидат ставени на граѓаните – вели првиот човек на градот.

Шилегов додаде дека воведувањето на брзиот автобуски превоз на сериозен начин ќе ги промени навиките на луѓето во Скопје, истакнувајќи дека градот единствениот во Европа кој има „силвер лајн“ по сите квалификации, и станува убедливо најатрактивен за јавен транспорт и за 30,4 минути со 21 застанување ќе биде делницата од Ново Лисиче до Ѓорче Петров.

– Движењето ќе се одвива нив „Рекорд“ и ќе биде дозволено само за јавниот превоз, како и пожарникарните и возилата за брза помош. Скопје ќе стане град со најголема пешачка зона во Европа. Тогаш пешачка зона ќе биде потегот од Стара железничка станица до Бит пазар, вели градоначалникот Шилегов.

Тој додаде дека тендерот за „Бас рапид транзит“, квалификацискиот дел започнува до крајот на јуни, а некаде околу Нова година ќе биде потпишан договорот за имплементација и дека во наредните 2-3 години ќе има сериозна трансформација во тој дел од градот.

Инаку во текот на вчерашниот ден беше информирано дека Град Скопје на 21 април потпиша договор за заем од 70 милиони евра од Европската банка за обнова и развој (ЕБОР) за воведување на брз автобуски превоз или трамвајот на тркала за две линии, и тоа од Ѓорче Петров до Ново Лисиче и од Бутел до Кисела Вода.

The post Шилегов: „Рекорд“ станува пешачка зона со воведувањето на „Бас рапид транзит“ appeared first on plusinfo.mk.

Советот на општина Битола во февруари донесе одлука за скратување на опфатот на општинската индустриска зона „Жабени“ од која беа одземени два плаца за формирање на новата зона.

Дирекцијата за ТИРЗ ќе вложи 1.000.000 евра за подобрување на условите за работа, со план, до крајот на годината овој износ да се зголеми на 3.000.000 до 4.000.000 евра, согласно потребите на инвеститорите.

Од ДТИРЗ информираат дека во напредна фаза се преговори со првиот потенцијален странски инвеститор за новата зона, а интерес за инвестиции, со ваков пристап на поддршка од државата изразиле и други компании.

Како што се дознава новиот инвеститор ќе произведува рударска опрема, а преку новиот начин на управување со зоните оваа компанија ќе добие државна помош. Фирмата се очекува да инврестира 15.000.000 евра и ќе има годишен извоз од 150 милиони долари.

Основањето на новата зона е дел од новиот пристап на ДТИРЗ и модел преку кој треба да се обезбеди поддршка од Дирекцијата и државата за побрзо креирање подобри услови за инвестиции во општините. Истовремено на овој начин се создаваат исти услови за инвестирање и за странските и за домашните инвеститори.

Освен новата индустриска зона Битола, годинава ДТИРЗ почна инвестициски циклус од 15.000.000 евра во инфраструктура во повеќе други индустриски зони – план првпат изготвен во соработка со компаниите корисници и според нивните потреби, нагласуваат од ДТИРЗ.

The post За да донесе инвеститор државата на 3 хектари од зоната „Жабени“ направи нова индустриска зона appeared first on plusinfo.mk.

– Владата одлучи дека постапката за основање на Туристичка развојна зона „Сарај – Езеро Треска“ ќе се спроведува согласно Законот за туристички развојни зони со уредени погодности за инвестирање во проекти со посебна намена, соопшти владината прес-служба.

За ова на Фејсбук се пофали и првиот вицепремиер Артан Груби.

– Веќе на овој локалитет започна отстранувањето на камп приколките, кафулињата, рестораните кои се веќе долго време руинирани, а кои беа изградени пред четириесет години со самопридонес на граѓаните. Дел од земјоделското земјиште од селата Глумово и Шишово, лоцирани околу Езерото Треска, е пренаменето во градежно земјиште со цел општина Сарај да изготви детален урбанистички план и на тој начин да обележи нови маркици каде што треба да се изгради викенд населба, хотелски комплекс и спортски рекреативен центар за развој на екотуризмот, со што ќе се врати во функција езерото Треска, напиша Груби на Фејсбук.

The post Се основа Туристичка развојна зона „Сарај – Езеро Треска“ appeared first on plusinfo.mk.

Објектот ќе се протега на површина од 49 метри квадратни, а планирано е да започне со работа на крајот на јануари или почетокот на февруари.

Договорот за државна помош беше потпишан денеска во Владата од страна на директорот на Дирекцијата на Технолошко-развојните зони Јован Деспотовски и на управителот на „Ипротекс“, Блаже Левовски.

Согласно законската регулатива на компанијата и следат до 50 проценти поддршка во однос на реализацијата на инвестициските трошоци, а нема да користи државна помош за работните места.

– Договорот беше заклучен кон крајот на минатата година. Работиме на моделот малку да го рекструираме односно да имаме поголема фелскибилност, меѓутоа за овој договор имаме стандардна структура што предвидува 20 проценти од овие 50 проценти да бидат финансиски средства, но субвенции во вкупен износ не поголем од 800.000 евра, а останатите да бидат даночни и царински ослободувања што компанијата ќе може да ги користи – истакна Деспотовски.

Тој е задоволен што со оваа инвестиција вработените ќе добијат повисоки плати од просечните во зоните, иако вели целта е платите во зоните да растат и да го надминат просекот во државата.

– Не станува збор за рекордно големи бројки, меѓутоа е важен чекор напред кон реализација и наша поставена цел, а тоа е да креираме работни места, но добро платени работни места. Веќе во моментот имаме 25 лица кои се ангажирани, а компанијата има деловен план само во оваа фаза да достигне бројка до 30 наши сограѓани кои ќе го остваруваат своето право за пристојна заработувачка – истакна Деспотовски по потпишувањето на договорот.

Дел од деловните активности, компанијата ги сели во земјава. Не станува збор за елементи кои имаат пониска додадена вредност, туку цела производствена линија која ќе се реализира исклучиво во Северна Македонија. Планираните приходи се околу 800 илјади до 2023 година, а во период од 10 години компанијата планира раст на приходите од скоро шест пати.

Според вицепремиерот за економски прашања, координација со економските ресори и инвестиции, Фатмир Битиќи, ова е една позитивна искра и почеток на нов инвестициски бран во земјава.

Макроекономските показатели во последните два квартали, особено во четвртиот квартал од минатата година, како што посочи, покажуваат позитивни движења што е доволен сигнал дека економијата е раздвижена и постепено се зголемува економскиот раст.

Минатата година, според Битиќи, исплатена е рекордна директна помош за компаниите во износ од околу 63 милиони евра.

– Го спроведовме јавниот повик за зголемување на кнкуретноста на компаниите преку кој со над 17 милиони евра поддржавме 400 инвестициски проекти на компании кои вложиле во периодот на кризата. Воедно, преку Законот за финансиска поддршка на инвестиции, преку мерките од Пчланот за економски раст, со над 11,5 милиони евра поддржавме до 140 домашни компании кои инвестирале во 2019 година. За странските компании преку мерките за кои имааме склучено договори за 37 дкомпании имаме исплатено 25,6 милиони евра поддршка – истакна Битиќи.

Германската компанија е основана 1999 година и има шест фабрики на четири континети. Годишниот обврт е над 30 милиони евра.

The post Во ТИРЗ Скопје пристигнува нова германска инвестиција appeared first on plusinfo.mk.