Дисциплинската комисија на Меѓународниот олимписки комитет (ИОК) одлучи повторно да ја разгледа одлуката за одземање на акредитацијата на украинскиот тркач со скелетон Владислав Гераскевич за Игрите во 2026 година, објави прес-службата на организацијата.

– Како исклучителен случај, по многу плодна дискусија со спортистот, претседателката на ИОК, Кирсти Ковентри се обрати до претседателот на Дисциплинската комисија со барање повторно да ја разгледа одлуката за одземање на акредитацијата на Владислав Гераскевич за Игрите во Италија. Претседателот го одобри барањето и Гераскевич сега може да присуствува на Зимските олимписки игри, и покрај тоа што не може да се натпреварува – се наведува во соопштението.

Претпладнево, ИОК ја одзеде олимписката акредитација на Гераскевич.

Дваесет и седумгодишниот Украинец претходно ја објави својата намера да се натпреварува носејќи кацига со портрети на починати спортисти, но МОК му ја одби дозволата, бидејќи тоа ја прекршува Олимписката повелба.

И покрај предупредувањето од комитетот, спортистот објави на социјалните мрежи дека нема да го промени својот став.

Организаторите на Олимписките игри во 2026 година го дисквалификуваа украинскиот тркач со скелетон Владислав Гераскевич поради носење нелегална кацига со портрети на починати спортисти, пренесува ТАСС.

Поради тоа ИОК му ја одзеде олимписката акредитација на Гераскевич.

The post ДИСКВАЛИФИКУВАН УКРАИНЕЦОТ ШТО НОСЕШЕ КАЦИГА СО ПОРТРЕТИ НА ПОЧИНАТИ СПОРТИСТИ Гераскевич не смее да се натпреварува на ЗОИ appeared first on plusinfo.mk.

Главната тема што се провлекуваше низ церемонијата на затворањето беа среќата и радоста, а тоа е сликата што домаќинот на Игрите и главниот режисер Џанг Јиму сакаше да му ја испрати на светот. На затворањето беа присутни и многу елементи од отворањето, како џиновската снегулка, а централниот дел на церемонијата беше дефиле на спортистите од сите земји учеснички на овие Олимписки игри.

„Свеченото затворање повеќе ќе биде фокусирано на олимпијците отколку на спектакуларни претстави. Олимпијадата е таму поради спортистите и сакам тие да се чувствуваат среќни за време на церемонијата. Сакам се да биде една голема забава и целиот свет да се радува на едно место, на стадионот“, изјави Џанг Јиму , главниот директор на свеченото затворање, непосредно пред почетокот.

На крајот на церемонијата, олимпиското знаме беше спуштено и предадено на Италија, домаќинот на следните Зимски олимписки игри во 2026 година, а крајот на Игрите официјално го објави претседателот на Меѓународниот олимписки комитет, Томас Бах . Следните Зимски олимписки игри ќе се одржат од 6 до 22 февруари 2026 година, домаќин е Милано и ски-центарот Кортина д’Ампецо.

The post СВЕЧЕНО ЗАТВОРЕНИ ИГРИТЕ ВО ПЕКИНГ Се гледаме за четири години во Милано appeared first on plusinfo.mk.

На последниот ден од Игрите, Тереза Јохаунг го освои и 16. златен медал за Норвешка, чии спортисти во Пекинг се закитија и со осум сребрени и 13 бронзени одличја.

Конечна табела на освоени медали на Игрите во Пекинг:

1. Норвешка 16 8 13 37
2. Германија 12 10 5 27
3. 3. Кина 9 4 2 15
4. САД 8 10 7 25
5. Шведска 8 5 5 18
6. Холандија 8 5 4 17
7. Австрија 7 7 4 18
8. Швајцарија 7 2 5 14
9. Русија 6 12 14 32
10. 10 Франција 5 7 2 14

The post НОРВЕЖАНИТЕ СЕ ПОБЕДНИЦИ НА ИГРИТЕ ВО ПЕКИНГ Завршија натпреварите на ЗОИ appeared first on plusinfo.mk.

На денешните натпревари во скијање слободен стил, Александар Абраменко, освои сребро во акробации и им ја донесе на Украинците првата награда на Игрите.

Абраменко една од првите честитки ги доби од Русинот Илја Буров кој стигна до бронзениот медал.

Претходно, раководството на Министерството за спорт на Украина им препорача своите спортисти и тренери на Олимпијадата во Пекинг да не стојат покрај Русите кога тие во раце го држат знамето на Рускиот олимписки комитет.

Сепак, денешниот гест на двајцата спортисти покажа дека во спортот и Олимпијадите нема место за политиката.

The post РУСИНОТ И УКРАИНЕЦОТ СЕ ГУШНАА „Сребрениот“ Абраменко доби честитки од „бронзениот“ Буров (ФОТО) appeared first on plusinfo.mk.

Сослушувањето на засегнатите страни се одржа преку конференциска врска вчера попладне и заврши доцна во ноќта по локално време во Пекинг.

Меѓународната агенција за тестирање (ИТА) на 11 февруари ја потврди информацијата за позитивен допинг тест на Камила Валиева. Според соопштението на ИТА, кај Русинката е откриена забранетата супстанција триметазидин.

На 8 февруари, на Олимписките игри 2022 година, церемонијата на медали за екипниот турнир во уметничко лизгање беше одложена. Ден претходно рускиот тим победи на овие натпревари. Валиева најпрво беше суспендирана, а потоа и беше тргната казната.

Меѓународниот олимписки комитет (ИОК), Светската анти-допинг агенција (ВАДА) и Меѓународната унија за лизгање (ИСУ) не се согласија со отстранувањето на привремената суспензија и ја оспорија одлуката во Судот во Лозана.

CAS во Пекинг ја отфрли жалбата на ИОК, ВАДА и ИСУ образложувајќи ја одлуката со статусот на 15-годишната Валиева како „заштитено лице“ и посебен пристап кон нив.

The post ВАЛИЕВА ПРОДОЛЖУВА ДА СЕ НАТПРЕВАРУВА Арбитражниот суд пресуди во нејзина корист appeared first on plusinfo.mk.

За Русија ова беше трето злато на Зимските олимписки игри во Кина.

Германија го освои сребрениот медал со 18,2 секунди побавно време.

Бронзата и припадна на Шведска, која доцнеше зад руската штафета 20,7 секунди

The post ЗЛАТО ЗА РУСКАТА ЖЕНСКА ШТАФЕТА Победничките патеката ја минаа за 53:41.0 минути appeared first on plusinfo.mk.

На трката настапија 98 натпреварувачки, а зад Цветановска останаа само три нордијки со послабо време од Македонката. На победничкиот подиум покрај Норвежанката, се најдоа две скијачки од Финска. Втора беше Керту Нисканен која заостана само 0,4 секунди зад Јохауг, додека бронзата ја освои Криста Пармакоски со резултат 28:37.8 минути.

По оваа трка, Норвешка се изедначи со Германија на врвот на листата медалисти со по пет ос воени златни одличја.

The post УШТЕ ЕДЕН РЕЗУЛТАТ ЗА ЗАБОРАВ Цветановска заврши на 95 место во крос-кантри appeared first on plusinfo.mk.

„Повод за ова мое емотивно обраќање од ЗОИ во Пекинг е големото лично разочарување што македонскиот спорт повторно губи од кусогледи епизодисти залутани во спортските федерации. Затоа, однапред се извинувам на јавноста што сум принуден ова да го сторам среде ЗОИ. Наместо ‘спортот на спортистите’ испадна ‘спортистите аут од спортот’. Јас како најдобар македонски алпски скијач и олимпиец на сите времиња, со кариера повеќе од 20 години доживеав да се правдам поради тоа што сум тренер на најдобрите македонски алпски скијачи, кои оваа сезона покажаа одлични резултати заради кои заедно допатувавме во Пекинг. Замислете, целата јавност знае дека сме на ЗОИ само г-дин Огњан Циговски не знае! Го пишувам ова јавно бидејќи сум огорчен. 11 месеци трпам тортура, а надлежните државни институции се неми за нечие самовластие“, пишува Ристевски на Фејсбук.

Тој нагласува дека целиот период живеел со секојдневен голем стрес во интерес на македонските скијачи и на македонскиот спорт, а пред сѐ, поради олимписките квалификации и Олимписките игри во Пекинг 2022.

„Целата оваа фарса против мене, мојот клуб и мојата должност како главен тренер на алпските репрезентации во Скијачката федерација и најдобрите македонски алпски скијачи е јасна – сакаат да ме отстранат од спортот. Едноставно мојот спортски габарит е преголем за нечија неспособност и малодушност. Ама и тоа не е проблем, јас на оваа позиција дојдов со искуство, резултат, способност и знаење, а не како некои кои сега се замислуваат дека се спортска власт и одлучуваат за спортските судбини. Јас имам каде да одам и што да правам во овој спорт, ама г-дине Циговски, вие ќе останете сам во таа Федерација. Можеби тоа и е вашата цел. Како што сте тргнале ќе бидете запомнети како гробари на македонското спортско скијање. Па да Ви кажам, јас бев и сум на ЗОИ во Пекинг заедно со Дардан, каде гордо и достоинствено ја претставуваме нашата држава. Ние ќе бидеме светлата страна на историјата. Тоа не може да го избришете со мејлови, закани, препорачани писма, забрани за тренинг на ‘вашето Маврово’… Можеби можете да ме избркате од работа, но спортската душа никогаш нема да ми ја одземете!!!“, порача Ристевски.

The post СИТЕ ЗНААТ ДЕКА Е НА ОЛИМПИЈАДА ОСВЕН ШЕФОТ Циговски му побарал оправдание за отсуство од работа на тренерот Ристевски appeared first on plusinfo.mk.

Го пропушти само поминувањето на олимпијците од Украина. Додека тие поминуваа камерите го забележаа Путин како мижи и се прави дека спие.

JUST IN Putin dozes off and appears to sleep as the Ukraine team passes by. #Olympics #Olympics2022 #Putin #Ukraine pic.twitter.com/bS5niyhsIr

— World News HQ (@HQWorldNews) February 4, 2022

Пред отворањето на игрите тој оствари средба со својот кинески колега Си Џипинг и од таму двајцата упатија критики кон НАТО и САД. НР Кина го поддржа Путин во ставовите за Украина, а за возврат тој ја поддржа Кина во своите гледишта кон Тајван.

The post УКРАИНЦИТЕ ГО ЗАСПАА ПУТИН Да беше буден можеби немаше да ги остави да поминат (ВИДЕО) appeared first on plusinfo.mk.

Свеченото отворање, кое беше наречено „Приказна за снегулката“, го режираше Жанг Јиму (71), чие дело беше и свеченото отворање на Летните олимписки игри во кинеската престолнина во 2008 година.

Свеченоста одржана на првиот ден од пролетта според кинескиот календар, почна со настап на танчари, кои салутираа со вжештени зелени стебленца со цел да ја прикажат виталноста на пролетта, по што уследи експлозија од огномет во бела и зелена боја, испишувајќи го зборот „Пролет“ над стадионот „Птичје гнездо“.

Претседателот на Меѓународниот олимписки комитет Томас Бах во поздравниот говор изрази надеж дека олимпискиот дух може да згасне бројни контроверзи, кои претходеа на подготовките на олимписката манифестација која во следните две недели ќе се одржува во Пекинг.

– Во следните две недели ќе се борите за најголемата награда, додека живеете заедно, во мир, под ист олимписки покрив. Тука ќе има нулта дискриминација – истакна Бах.

На Зимските олимписки игри ќе настапат вкупно 2.871 спортисти од 91 држава, кои ќе се натпреваруваат во седум спортови во 15 дисциплини, а поделени ќе бидат 109 комплети одличја.

Македонскиот олимписки тим го сочинуваат Ана Цветановска (нордиско трчање), Ставре Јада (нордиско трчање) и Дардан Дехари (алпско скијање).

Игрите ќе се одржат под строги протоколи поради пандемијата на коронавирус, а максималната исполнетост на олимписките трибини ќе биде до 30 отсто.

Пекинг е прв град во олимписката историја како домаќин на летни и зимски игри, а националниот стадион „Птичје гнездо“ е првиот стадион домаќин на свечено отворање на летна и зимска олимпијада.

The post ИГРИТЕ СЕ ПРОГЛАСЕНИ ЗА ОТВОРЕНИ Заврши церемонијата во Пекинг appeared first on plusinfo.mk.