Белград вечерва е центар на голем политички собир организиран од владејачките структури и поддржувачите на српскиот претседател Александар Вучиќ. Настанот, кој се одржа под мотото „Не ја даваме Србија“, привлече голем број граѓани од цела Србија, а дел од нив пристигнаа со организиран автобуски превоз.

Еден од највпечатливите моменти беше развивањето на огромна српска тробојка, за која медиумите јавија дека била долга околу 200 метри и широка 10 метри, носена низ централните улици на Белград како симбол на единство и поддршка за државата и власта.

Како и кај повеќето големи политички собири во Србија, проценките за посетеноста значително се разликуваат. Власта и провладините медиуми говореа за десетици илјади присутни, а во некои извештаи се споменуваат и бројки од над 100.000 луѓе. Од друга страна, критички настроени медиуми и аналитичари тврдат дека бројот бил значително помал и наведуваат проценки од околу 20.000 до неколку десетици илјади учесници. Поради тоа, не постои единствена и официјално потврдена бројка за посетеноста.

Она што е неспорно е дека собирот беше проследен со голема логистичка операција. Медиумските извештаи посочуваат дека илјадници автобуси превезувале поддржувачи од различни делови на Србија кон главниот град. Слични мобилизации се забележуваа и на претходни големи митинзи на Вучиќ, кога се споменуваа и околу 3.000 автобуси што носеле луѓе од целата земја.

Во својот говор, Вучиќ повика на единство и стабилност, истакнувајќи дека Србија мора да остане силна и да ги брани своите национални интереси. Тој порача дека е важно граѓаните да се обединат околу клучните државни прашања и нагласи дека „насилството и ултиматумите нема да поминат“.

– Треба да седнеме и да разговараме и со оние кои мислат поинаку, но насилието и ултиматумите нема да поминат. Ги повикувам луѓето да не покажуваат гнев кон никого, туку да се соберат под српското знаме. Да покажеме дека сакаме мирна, пристојна и успешна Србија – рече Вучиќ.

Претседателот на Србија истакна дека собирот не треба да биде насочен против политичките противници, туку, како што рече, да испрати порака за единство и стабилност. Тој ги повика своите поддржувачи да избегнуваат какви било инциденти и да покажат дека, според неговите зборови, „пристојна Србија“ може да ги брани своите ставови на мирен начин.

Вучиќ истот ака ја најави својата оставка од местото претседател на Србија.

– Ви кажуваа дека никогаш нема да го напуштам претседателското место, дека насилно ќе останам на таа позиција. Нема да го сторам тоа, ова се моите последни денови и последни недели како претседател на Републиката. И бескрајно сум ви благодарен за огромната поддршка, за огромната љубов, бидејќи без вас никогаш ништо не би можел да направам. Бескрајно ви благодарам што ги разбравте и тешките чекори што моравме да ги преземеме. Бескрајно ви благодарам што верувавте, а јас ви велам дека ви служев и поверно од она што можете да замислите и да помислите во секој момент – порача Вучиќ.

Тој исто така зборуваше за потребата од добри односи со соседите и ја спомена и Северна Македонија како земја со која Србија треба да гради подобра соработка.

Според повеќе македонски и српски медиуми, дел од учесниците пристигнале и од Северна Македонија. Најмногу внимание привлече информацијата дека 11 автобуси со околу 600 лица тргнале од Скопје кон Белград за да присуствуваат на собирот.

Во други извештаи се наведува дека претходно бил организиран и бесплатен автобуски превоз од Куманово, а јавни повици за патување кон Белград биле објавувани на социјалните мрежи од организации и здруженија поврзани со српската заедница во Македонија.

Собирот се одржа во период кога Србија е соочена со силна политичка поларизација и паралелни протести на опозицијата и студентските движења. Дел од критичарите тврдат дека организираниот превоз и мобилизацијата на државни и партиски ресурси создаваат нерамноправни услови, додека власта возвраќа дека станува збор за легитимно собирање на поддржувачи.

Фотографиите и видеата од Белград покажуваат море од српски знамиња, музика, говори и масовно присуство на симпатизери на владејачката Српска напредна странка. Централниот простор околу српскиот парламент е исполнет со луѓе, а сообраќајот во делови од градот е значително отежнат.

pic.twitter.com/DzPHdZcwey

— MMMarija (@Marija64729972) June 27, 2026

 

View this post on Instagram

 

A post shared by Aleksandar Vučić (@buducnostsrbijeav)

The post 🎥📷МАСОВЕН СОБИР НА ВУЧИЌ ВО БЕЛГРАД СО ОГРОМНО ЗНАМЕ ОД 200 МЕТРИ Илјадници автобуси се слеаја во Белград, дури и од Македонија appeared first on plusinfo.mk.

Премиерот Христијан Мицкоски вели дека нема никаква дилема на темата дали поддржува право на протести, но дека му смета кога демонстрантите ги прекршуваат законите за знаме, химна и Уставот.

Запрашан за протестот на студентите Албанци за правосудниот испит Мицкоски вели:

– Јас секогаш поддржувам протести, демократско право е да се поддржат протести и тука немам никаква дилема. Мене лично ми пречи што демонстрантите кои се правници кои се борат за право го прекршуваат законот, да речеме законот за знамињата, законот за државната химна, Уставот и така натаму.

Премиерот вели дека не би го коментирал насилниот инцидент со тепачка меѓу двајца демонстранти од протестот и порачува дека тоа е „национален фолклор“.

– Ајде навредите нема да ги коментирам, тоа е сè под домашно воспитување што во првите 7 години од животот се стекнува. Нема да го коментирам ни насилниот инцидент кој се случи, ниту надворешните мешања во внатрешните работи на Македонија од надворешни фактори. Тоа сè ќе го оставиме како фолклор – рече Мицкоски.

Премиерот посочи дека Владата работи да се обезбеди трајно решение кое што ќе ги реши овој, но и други проблеми наследени од минатото.

Запрашан да го коментира најавениот митинг во Куманово за поддршка на српскиот претседател Александар Вучиќ, Мицкоски вели:

– Апсолутно не поддржувам надворешно мешање во внатрешните политики на Македонија како што тоа беше пред некој ден, но исто така ние како Влада немаме намера ниту сме пледирале да се мешаме во внатрешните и независни политики на која било држава.

The post ДА, ПРАВО НА ПРОТЕСТ, НО НЕ И ГАЗЕЊЕ ПО ЗНАМЕТО И ХИМНАТА Мицкоски вели дека инцидентите на протестот за правосудниот испит не заслужуваат коментар appeared first on plusinfo.mk.

Австралиски знамиња по грешка беа развеани во Вашингтон, пред посета на кралот Чарлс – потег што многумина го оценија како комичен, почетнички кикс.

Низ главниот град беа поставени стотици национални знамиња за добредојде на британскиот монарх, меѓу кои британски и американски обележја. Но, некако меѓу нив се најдоа и 15 австралиски знамиња.

Фотографии покажуваат групи австралиски знамиња поставени на црни канделабри во близина на Белата куќа и зградата на Извршната канцеларија на Ајзенхауер.

Забуната најверојатно произлегла од самиот дизајн: австралиското знаме го има британското знаме „Јунион Џек“ во горниот лев агол, но се разликува по шесте бели ѕвезди на сина позадина.

Грешката била брзо исправена и знамињата биле отстранети, изјавил претставник на Одделот за транспорт на Ди-Си за Ројтерс.

Инцидентот предизвика бројни реакции на интернет, каде многумина се потсмеваа на забуната.
„Не можеле да одвојат ни 15 секунди да прогуглаат „знаме на Обединетото Кралство“?

Сепак, имаше и такви што посочија дека знамето од земјата „Даун андер“ (Австраија) и не би било толку несоодветно.

Кралот Чарлс пристигна во САД во понеделникот во четиридневна државна посета по повод 250-годишнината од потпишувањето на Декларацијата за независност. Заедно со сопругата, кралицата Камила, тој ги посети Вашингтон, Њујорк и Вирџинија.

The post КРАЛОТ ЧАРЛС ПРЕЧЕКАН СО АВСТРАЛИСКИ ЗНАМИЊА ВО ВАШИНГТОН? Грешката беше брзо исправена appeared first on plusinfo.mk.

Градоначалникот на австралискиот град Мелбурн Николас Рис, како и градскиот Совет, издадоа Директива според која учесниците на градскиот фестивал „Мумба 2026“ може да носат само официјални знамиња на државите од кои потекнуваат.

Со тоа, на македонските играорни групи им бил поставен услов да може да го користат само официјалното државно знаме, но не и знамето со ѕвездата од Кутлеш. Тоа предизвика револт и разочарување меѓу македонското иселеништво кое, во најголем дел, го користи токму знамето од Кутлеш како свој етнички симбол. Поради тоа сите македонски фолклорни и игроорни групи решија да не настапат на традиционална парада која се одржува секоја година во овој град, а на која се слави и етничката разноликост на заедниците на петтиот континент.

– Срцето ни е скршено што не смееме да се самоодредуваме и да го претставуваме нашиот македонски идентитет. За нас, Македонците, учеството без нашето знаме би значело компромитирање на суштинскиот дел од тоа што сме. Културниот израз треба да се слави во целост, а не да се ограничува. Ние во срцата ја носиме ѕвездата од Кутлеш. Поради тоа, одлучивме да не учествуваме на Парадата на Град Мелбурн, „Мумба“. Велиме – „не, фала“, нема да поставиме преседан за себе, нема да ги компромитираме нашите танчари, кореографи или културно-уметнички здруженија – соопшти вчера Федерација на македонски културно-уметнички асоцијации во австралијанската држава Викторија.

На претходните манифестации, црвеното знаме со ѕвездата од Кутлеш беше редовно истакнувано на чело на поворката составена од повеќе игроорни групи облечени во традиционални македонски носии. Нашите сонародници се посебно револтирани од односот на градоначалникот Николас Рис. Тие сметаат дека тој ја донел таквата одлука под влијание на неговата сопруга Фелисити Пантелидис, која е етничка Гркинка. Во реакциите се наведуваат изјавите на градоначалникот Рис, кој изјавувал дека „иако нема грчка крв, тој е Грк во срцето“ и дека „неговите три ќерки растат како горди грчки Австралијки“. Се наведуваат и примери со кои се потпишувал со името Никос, односно, грчка варијанта на неговото име.

Вчера, градоначалникот Рис изјави за австралијанските медиуми дека е разочаран што македонската група не настапила.

– Со нетрпение очекував да ги видам на парадата. „Мумба“ е ден за забава. Тоа е време за семејна забава. Се надевав дека древните караници околу знамиња и други работи ќе можеме да ги оставиме дома и дека само ќе излеземе и ќе уживаме во денот – рече тој.

Македонската заедница во Австралија, во наредниве денови, ќе реши што какви правни средства да употреби по забраната за употребата на знамето. Во наредниве денови ќе следуваат и контакти со градската управа на Мелбурн и со раководството на фестивалот за да биде повлечена директивата.

Ицо Најдовски, македонски активист во Австралија, вели дека австралиските закони го гарантираат правото на секоја етничка заедница да го користи симболот што го чувствуваме како свое обележје.

– Сега, одново ни ја прекршуваат точката 19 од Повелбата на Викторија. Во неа, покрај другото, се предвидуваат правата на поединецот да ги демонстрира своите верувања и идентитет и луѓето со посебно културно потекло не смеат да бидат лишени од правото да уживаат во својата култура или да ги користат својот јазик и симболи. Освен тоа, се забранува и секоја дискриминација врз основа на „раса“, а што во австралиското право вклучува и етничко потекло или националност. Забранет е секаков чин кој вклучува дистинкција, исклучување или рестрикција заснована на раса или етничко потекло, а која има за цел да го загрози еднаквото уживање на човековите права и слободи. Исто така, државните институции (вклучувајќи ги и градските совети) се обврзани да промовираат политики кои им овозможуваат на сите граѓани да го зачуваат и да го негуваат својот културен идентитет – вели Најдовски.

Ова не е првпат Македонците во Австралија да се соочуваат со одлуки на градски и државни власти со кои им се загрозува правото да го негуваат македонскиот идентитет. Во 1994 година беше донесена одлука со која властите се обидоа да ги именуваат Македонците како „Славомакедонци“, а две години подоцна, македонскиот јазик беше именуван како „македонски словенски јазик“. Во 2024 година, во основното училиште Lalor North Primary School, сличен обид за забрана на сонцето од Кутлеш беше поништен по интервенција на Министерството за образование на Викторија. Министерството потврди дека учениците имаат право да се идентификуваат со овој симбол.

The post НА МАКЕДОНЦИТЕ ВО МЕЛБУРН ИМ Е ЗАБРАНЕТО ДА ГО ВЕАТ ЗНАМЕТО ОД КУТЛЕШ! Македонските фолклорни групи го бојкотираа градскот фестивал appeared first on plusinfo.mk.

Познатата српска пејачка Светлана Цеца Ражнатовиќ на снимањето на емисијата „Ѕвездите на Гранд“ го коментираше инцидентот на концертот кој неодамна го одржа во Велес. Таа ги коментираше бројните реакции на социјалните мрежи, каде што меѓудругото, се тврдело дека нејзиниот настап бил прекинат и дека пејачката со сила била симната од бината.

Цеца ги демантираше овие тврдења.

– Се пласираа лаги дека ми бил прекинат концертот и дека ме симнале од бината. Тоа апсолутно не е точно! Настапив повеќе од два и пол часа. Со чест на исклучоците, но има луѓе што намерно шират глупости. Да, се случи една непријатна ситуација, но јас дадов изјава за тоа и прашањето е завршено – изјави пејачката со видлива лутина.

Цеца исто така нагласи дека ѝ е жал поради начинот на кој дел од јавноста и медиумите се однесуваат кон неа по инцидентот во Велес, но и дека нејзината мисија е музиката да ги обединува луѓето, а не да создава поделби.

Во својата реакција Цеца додаде дека е повеќе од четири децении присутна на музичката сцена, и дека никогаш во животот не дала провокативна изјава со цел да ги повреди колегите од естрадата или фановите.

Цеца предизвика гнев кај македонската јавност откако на концертот се завитка во бугарско знаме, што на сцената и го донесе обожавателка од Бугарија.

The post ДА, СЕ СЛУЧИ НЕПРИЈАТНА СИТУАЦИЈА, НО НИКОЈ НЕ МЕ СИМНАЛ НАСИЛНО ОД БИНАТА! Цеца го коментираше инцидентот на концертот во Велес appeared first on plusinfo.mk.

Српската турбофолк пејачка Светлана Ражнатовиќ Цеца го навлече гневот на публиката откако синоќа во Велес вееше бугарско знаме кое ѝ го дофрли обожавателка. Дел од присутните свиреа, некои го напуштија концертот. Свирежите траеле со минути.

Неофицијално, девојката која го фрлила кон Цеца бил дојдена од рано, со огромен букет рози.

„Не ми е страно да прифатам било какво знаме од мојата публика, бидејќи тоа е моја публика, мој народ, мои луѓе. Нè обединува љубовта кон песната, без разлика од каде доаѓа. Жал ми е ако тој чин повреди некого – навистина не ми беше намерата, особено не да ги повредам или навредам домаќините. Верувам дека го знаете тоа“, напиша пејачката на социјалните мрежи по концертот.

Според организаторот, на концертот на Цеца во салата „Гемиџии“ имало околу пет илјади публика. Според полицијата за време и по концертот нема пријави за инциденти.

По инцидентот се огласи и победникот на музичкото шоу „Ѕвездите на Гранд“, Никола Станишиќ. Тој тврди дека Цеца била изманипулирана од нејзината обожавателка и дека не верува дека пејачката го направила гестот намерно.

„Жената која ми помогна да го отсонувам сонот вчера во Велес била изманипулирана и тоа од свој верен фан, девојка која доаѓа на сите нејзини концерти. Како и зошто, тоа е друго прашање,“ напиша Станишиќ.

Во својата објава, Станишиќ потсети дека и самата пејачка претходно ја пеела песната „Бисер Балкански“ заедно со него, држејќи македонско знаме на сцената. Тој реакцијата за завршува со контроверзна порака:

„Сите се буните, а половина Македонија е со бугарски пасош. Срамота!“

The post 📽️ ВЕЛЕШАНИ ЈА ИЗБРКАА ЦЕЦА ОД КОНЦЕРТ ПОРАДИ БУГАРСКО ЗНАМЕ Која обожавателка и зошто ѝ го додаде знамето? appeared first on plusinfo.mk.

Американскиот министер за одбрана Пит Хегсет привлече внимание на социјалните мрежи поради вратоврската во боите на руското знаме што ја носеше на средбата меѓу претседателите на Украина и САД, Володимир Зеленски и Доналд Трамп.

Хегсет се појави на средбата носејќи вратоврска во боите на руското знаме, бела, сина и црвена, и марамче во боите на американското знаме, а комбинацијата на овие бои, кои ги симболизираат знамињата на двете земји, предизвика бројни коментари во медиумите и на социјалните мрежи, јавуваат американските медиуми.

На социјалните мрежи се коментира и однесувањето на Хегсет на средбата. Американскиот министер се чини дека се засмеа додека Трамп и Зеленски зборуваа. Главната тема на разговорот беше можната испорака на ракети „Томахавк“ на Украина. Трамп не даде дефинитивен одговор дали би ги испорачал ракетите, но изјави дека се надева дека на Украина нема да ѝ бидат потребни.

Another American insult to Zelenskyy at the White House:

The American war minister Pete Hegseth arrived at the meeting wearing a tie in the colors of the Russian flag

Red, blue, and white — the colors of the Russian tricolor itself!

While Zelenskyy sits in front of… pic.twitter.com/srgF7rJtKn

— RussiaNews (@mog_russEN) October 18, 2025

Но, некои на социјалните мрежи сугерираа и дека трите бои на вратоврската на Хегсет, црвена, сина и бела, исто така се боите на американското знаме. Трети велеа дека дизајнот на лентите, односно нивната широчина на вратоврската, сепак не е иста со познатата „американска вратоврска“ која обино има потенки ленти.

pfffffffffff.
“Il a mis une cravate aux couleurs du drapeau russe pour emmerder zelensky.”
Bah non, tu peux en acheter sur tiemart dans la section patriotes américains pour les fêtes nationales..
Ca devient pénible a force… pic.twitter.com/Ur3kBhV9VW

— espe (@Unseulverdict) October 17, 2025

Средбата на претседателите на Украина и САД започна со кратко обраќање до новинарите, по што двајцата лидери ги продолжија разговорите зад затворени врати, кои траеја два часа.

The post 📷 ДАЛИ МИНИСТЕРОТ НА ТРАМП НОСЕШЕ ВРАТОВРСКА СО РУСКА ТРОБОЈКА? Хегсет се засмеа среде состанокот во Белата куќа appeared first on plusinfo.mk.

Американскиот претседател Доналд Трамп подготвува извршна уредба со која ќе се воведат строги казни за сквернавење на американското знаме, вклучително и негово палење, јави „Фокс њуз“.

„Знамето е најсветиот симбол на САД, а неговото сквернавење е израз на омраза и непријателство кон нашата нација“, се наведува во документот.

Со уредбата се задолжува Министерството за правда да покренува кривични постапки против сторителите, а истовремено се предвидува и проширување на ограничувањата за странци кои учествуваат во такви акции – вклучително и укинување визи и забрана за престој.

Мерката следи по серија протести на кои беше палатo знамето, особено за време на анти-израелски демонстрации и имграциски акции.

Покрај ова, Трамп веќе воведе низа мерки за промовирање на патриотизмот, меѓу кои и забрана за истакнување други знамиња во американските амбасади.

The post ТЕШКИ КАЗНИ ЗА ОНИЕ КОИ ЌЕ ГО ПАЛАТ ЗНАМЕТО НА САД Трамп потпиша одредба по последните инциденти на протести appeared first on plusinfo.mk.

Американски транспортер М113 со руско и со американско знаме се појави на видео кое го објави државната телевизија на Русија, РТ.

Според РТ, снимката била доставена од војници на 70-от моторизиран полк до нивниот дописник Влади Андрица. На видеото се гледа транспортер кој се движи кон бојното поле кај селото Мала Токмачка во Запорожје.

Медиумот тврди дека возилото претходно било заробено од украинската армија, потоа поправено и сега се користи во руски борбени мисии.

– Ова возило е симбол на тоа како противничката техника може да заврши во наши раце – изјави руски војник во прилогот на РТ.

Украинската страна, пак, објави дека вакви транспортери биле уништени во борбите и посочи дека руските тврдења често се дел од пропаганда.

„Еден од заробените М113 беше погоден и уништен за време на руската контраофанзива во Котлине“, соопштија украинските вооружени сили.

Pentagon APC hoists Russian AND US flag into battle against Zelensky

Sign of the times? pic.twitter.com/4Wv661zsrz

— RT (@RT_com) August 18, 2025

М113 е американско гасенично возило кое од 1960-тите се користи за транспорт на војници и опрема. По почетокот на војната во 2022 година, САД и сојузниците испорачаа стотици вакви транспортери во Украина заедно со други типови оклопни возила.

Објавата на видеото следува веднаш по средбата на американскиот претседател Доналд Трамп и рускиот лидер Владимир Путин во Алјаска. Тие разговараа за конфликтот во Украина, но не постигнаа договор за прекин на огнот.

– Разговорот беше продуктивен и очекувам нови преговори меѓу Русија и Украина – изјави Трамп по средбата.

Путин оцени дека било постигнато „разбирање“ и најави дека е можен нов состанок во Русија.

The post 📽️ АМЕРИКАНСКИ ТЕНК ЗАПЛЕНЕТ ВО УКРАИНА, ДОБИ УШТЕ ЕДНО ЗНАМЕ Русите го користат во борби во Запорожје appeared first on plusinfo.mk.

Градскиот совет на Перт го осветли Домот на Советот со македонското знаме во знак на сеќавање на изгубените животи во трагедијата во Кочани, Македонија.

Ова е знак на сочувство и поддршка за настраданите, нивните семејства и целиот народ на Македонија, кој тагува во овие моменти, велат припадниците на македонската заедница кои беа присутни пред зградата и оддадоа почит на жртвите во Кочани.

Во пожарот во дискотеката „Пулс“ во неделата рано наутро загинаа 59 претежно млади лица, а 178 се повредени.

The post 📽️ 📷 СОЧУВСТВО ЗА ЗАГИНАТИТЕ ВО КОЧАНИ ДОЈДЕ И ОД АВСТРАЛИЈА Домот на Советот на градот Перт прекриен во боите на македонското знаме appeared first on plusinfo.mk.