Проблемот со „петките“ во Македонија е сериозен и  генерално се лоцира кај инсистирањето на родителите, вели министерката за образование и наука, Весна Јаневска одговарјаќи на новинарско прашање.

– Оние родители кои инсистираат нивните деца да добиваат високи оценки без соодветно знаење де факто им прават голема штета прво на своите деца.

Според министерката, послабата оценка не е казна, туку треба да биде мотив за постигнување на одредени компетенции, вештини и квантум на знаење кој ќе му помогнат во животот на детето.

– Ако тоа е задоволно од својот труд, од своите постигнувања ќе биде задоволно и целото општество, иако тоа е масовна појава. Има неколку мерки кои досега сме ги презеле-на пример со Е-дневникот, со разни програми со кои се обидуваме да влијаеме на разни стереотипи и предрасуди и ќе продолжиме во ист правец – рече Јаневска.

Јаневска потсетува и дека сојузништвото меѓу наставниците, родителите и заедницата е клучно за развој на просперитетни генерации со емпатија и критичко размислување.

– Наставниците се вистински магионичари – не само во однос на знаењето што го пренесуваат, туку и во обликувањето на карактерот и развојот на децата во целина. Тие ги поттикнуваат да размислуваат храбро, да се водат од вредности и да се подготвуваат за свет полн со предизвици. Но, за да успеат неопходна е поддршка и соработка со семејствата и заедницата.

Одговарајќи на прашање за можноста од воведување приемни испити на факултетите, појасни дека тоа не е забрането и дека секој факултет може самостојно да одлучи дали ќе воведе таков испит. Таа додаде дека на некои факултети, како Архитектонскиот, веќе постојат форми на претквалификација и обука за испит.

Сепак, според европските практики и новиот образовен систем, вели Јаневска, кој го следи македонскиот модел, матурата треба да биде доволна мерка за упис на факултет, бидејќи двојните елиминациски скалила се неправедни кон учениците.

Јаневска потсети дека државната матура е изменета по барање на учениците и наставниците и дека сега постои јасна поделба меѓу државната стручна и гимназиската матура. Оваа промена, како што рече, овозможува еднаков пристап кон високото образование и за учениците од стручните училишта и за оние од гимназиите. Притоа, материјалот од општообразовните предмети за стручните ученици ќе биде усогласен со нивните наставни програми.

Министерката нагласи дека целта на овие реформи е создавање праведен систем што ќе ги вреднува вештините и знаењата на секој ученик, без дополнителни административни бариери.

The post ИНСИСТИРААТ НА ПЕТКИ БЕЗ ЗНАЕЊЕ И ТАКА ПРАВАТ ГОЛЕМА ШТЕТА Проблемот со „петките“ во образованието е кај родителите appeared first on plusinfo.mk.

Момчето убиец е сместено во клиниката, сам во соба, но под будното око на полицијата и лекарите кои го набљудуваат. И додека сите се прашуваат што го натерало момчето, седмоодделенец, да му го земе пиштолот на татко му и да изврши масакр, според изворот, тој се прашувал што ќе биде со семејните пари?!

Во еден момент, момчето рече дека би сакал да им испрати порака на родителите кога ќе може.

„Сакам да им кажам парите што ги заштедуваа за моето образование да ги стават во индексни фондови. Додека сум затворен, да не одат парите залудно“, наводно им рекол на татко му и мајка му“, изјави за Курир добро информиран извор.

За потсетување, таткото на малолетникот од 3 мај е во притвор поради сомнение дека сторил тешко кривично дело против општата безбедност, бидејќи синот го однел на стрелиште и го обучувал да пука и не го обезбедил соодветно оружјето што го се чуваат дома.

– Обвинителството покрена истрага и против мајката за да се утврди дали сторила кривично дело запуштање и малтретирање на детето. Таа е на слобода – вели изворот, додавајќи дека досега не отишла да го види синот во психијатриска клиника.

– Братучедот му носи работи, но само до врата. Тој им подава ќеса или торба на персоналот и продолжува, не влегува – рекол изворот.

Момчето е многу свесно за ситуацијата во која се наоѓа.

„Знае дека не може кривично да одговара затоа што е под 14 години. Знае и дека е во болница. Изгледа не му е грижа што е таму, единствено што има чувари и полицајци во просторијата и пред собата, па тоа е малку необично – вели соговорникот.

The post КОСТА.К САКАЛ ДА ИМ ПРЕНЕСЕ НА РОДИТЕЛИТЕ БИЗАРНА ПОРАКА! Во болница размислува само за една работа, а од мајка му нема ни трага ни глас appeared first on plusinfo.mk.

На прсти од една рака можат да се избројат кандидатите кои со знаење положиле, реплицираше професорот на Техничкиот факултет во Битола, Дејан Трајковски, преку својот профил на Фејсбук откако синоќа претседателот и професор Стево Пендаровски на ТВ Телма изјави дека треба да се направи ревизија на сите факултети кои изминативе години добиле дозволи за работа, а потоа и на сите дипломи, особено на магистериумите и докторатите.

– Да се надоврзам и да му помогнам, да тргнеме со решавање на проблемот започнувајќи од мојот делокруг на работа. Од 2010 година, после отворањето факултети во сите поголеми села низ државата, моите предмети Динамика и осцилации и Јакост на конструкциите, со знаење ги положиле кандидати кои можат да се избројат на прстите од едната рака.

Истовремено, комисија која нема врска од предметите и која самата би паднала на овие испити доколку би ги седнал заеднички „конзилијарно“ да го полагаат испитот, незаслужено пуштила преку сто кандидати. Сѐ уште ги чувам сите празни испитни тетратки од кандидатите како доказ.

Сите овие дипломираа, а голем број од нив магистрираа, можеби и докторираа. Сите работодавачи кои ги вработиле можат да бидат сигурни дека имаат примено луѓе со незаслужени дипломи. Нека дојдат да им ги покажам празните испитни тетратки. Можат да им ги побараат и индексите и да видат чиј потпис стои покрај оценките од моите предмети. Ако не е мојот, јасно е како положиле.

Сите тие се кандидати за ревизија и поништување на дипломите. Ако Пендаровски е сериозен во намерата, нека ги донесат кандидатите да им организирам реален испит, каде ќе им потврдам дека нивното знаење е рамно на нула, па веднаш да им се одземат, т.е. поништат дипломите, заедно со магистерските и докторските. Вака имаме магистри и доктори кои не знаат математика и физика ниту на средношколско ниво, па и пониско.

Самата комисија, пак, ја повикувам на двобој во знаење. Ќе решаваме задачи и ќе изведуваме формули, со еден единствен услов: нема користење книги, белешки и било каква помош од страна. Да видиме колкави стручњаци се за механика и јакост, штом веќе се претставуваат како такви и се нафаќаат да бидат членови на комисија.

Тоа би бил мојот скромен придонес во отстранувањето на штетите што ги прават полни 12 години“, наведува професорот Трајковски.

Според него, самиот универзитет е најмногу виновен за оваа ситуација, зашто пред десетина години изгласале одлука, според која секој кандидат после три неуспешни испити може да бара комисија, со изземање на предметниот наставник од комисијата.

„Од што се плашат, па го изземаат наставникот? Дека ќе го види нивниот образовен криминал? Не тврдам дека примиле мито, но стојам зад тоа дека незаслужено пуштиле преку сто кандидати, што е уште поголем криминал, што лесно се докажува со проверка на знаењето.

Резултатите ги гледаме, станавме карикатура од држава и направија сѐ за да му се згади работата на секој чесен професор. Отворија 24 универзитети и потоа се чудат зошто немало квалитет. Е па нема и нема ни да го има, без затворање на дваесетина универзитети и сведување на постоечките 135 факултети на триесетина. Со еден збор, враќање на состојбата од пред 1991 година. Ако не, ќе продолжиме да си се лажеме и ќе зборуваме дека образоваието не ни чини“, додава Трајковски.

The post СЀ УШТЕ ГИ ЧУВАМ СИТЕ ПРАЗНИ ТЕТРАТКИ НА ТИЕ КОИ ДИПЛОМИРАА Трајковски го повика Пендаровски да организираат двобој – нека дојдат кај мене на реален испит appeared first on plusinfo.mk.

Елизабета Наумовска, директорка на Државниот испитен центар (ДИЦ), за МИА изјави дека 1.598 ученици или нешто повеќе од 10 отсто од вкупниот број пријавени за матурата, останале без одбранета проектна задача поради штрајкот. Некои училишта ја организирале и за време на штрајкот, а некаде наставници во комисиите одбивале да организираат полагање на оваа задача која е дел од државната матура.

– Согласно календарот, матурантите учат до 19 мај, и во рамки на тој период ќе биде продолжен рокот односно училиштата во текот на наредната недела да организираат полагање на проектната задача – рече Наумовска.

Учениците кои завршуваат средно образование и оваа година ќе полагаат државна матура како и минатогодишната генерација, која се избори за два наместо три екстерни предмети и за скратени испитни програми.

Датумите за полагање на двата екстерни испита од учебната 2021/2022 година во јунската испитна сесија остануваат непроменети – на 4 јуни матурантите ќе бидат тестирани по мајчин јазик (македонски, албански или турски јазик и литература), а на 13 јуни ќе биде тестот по математика, англиски јазик, француски јазик, германски јазик, руски јазик, филозофија или естетика.

– Освен за проектната задача, сите други рокови остануваат. Има доволно време и простор матурантите да се подготвуваат. И оваа година, како и лани, државна матура ќе полагаат по скратени испитни програми. Материјалот за испитни прашања е црпен од прва, втора, трета и четврта година до месец март и не го опфаќа овој период кога имало штрајк на наставниците. Од професорите кои во предметните комисии ги изготвија прашањата, ДИЦ доби уверување дека прашања од овој период, април-мај, нема. Тоа значи дека нема потреба ни за паника, ни за некакви барања и заговарања за укинување на матурата зашто тоа ќе значи неможност за влез во високото образование ниту во државава, ниту на странски универзитети – изјави Наумовска за МИА.

Нагласи дека секое пролонгирање ќе ги пролонгира и роковите за упис со што ќе им пропаднат шансите на кандидатите за студии во странство.

– Некои се условно примени во странство и треба околу 9 и 10 јули да достават диплома дека положиле матура за да бидат официјално примени. Меѓу нив има и деца кои примаат стипендии и штета би било да им го скратиме тој животен сон – додаде Наумовска.

За полагање државна матура во јунската испитна сесија се пријавиле 15.899 матуранти, од кои 7.135 се од гимназиско образование, 8.504 од стручно и 260 се ученици од уметничките училишта.

Матурата во јуни 2021 ја полагаа околу 15.300 ученици. Средната оценка од двата екстерни испита беше 3.61 и подобра од претходната државна матура, во 2019 година, кога просечниот успех беше 3.48.

Државната матура во земјава се спроведува од 2007 година. На крајот на 2019/2020 првпат не беше организирана поради ковид-19, а на барањето на минатогодишните матуранти да им бидат олеснети условите, бројот на екстерни испити беше намален од три на два односно третиот екстерен беше спуштен на ранг на интерен испит.

The post ЌЕ НЕМА ПРАШАЊА ОД ПЕРИОДОТ НА ШТРАЈКОТ Матурантите имаат доволно време да се подготват за испитите appeared first on plusinfo.mk.

Станува збор за турнир на кој учесниците одговараат на случајно избрани прашања од различни теми како што се историја, природни науки, уметност, географија, лингвистика и сл., а покрај знаењето, од исклучителна важност е и брзината на одговарање. Меѓународниот турнир се организира секоја година во различни градови од Европа, но годинава, исто како и лани, натпреварите се одржуваа онлајн поради пандемијата.

На годинешниот CEESA Knowledge Bowl турнир кој се одржа на 4 и 5 февруари, „Нова“ ја претставуваа два тима од училиштето. Првиот тим го сочинуваа учениците Маја Теофиловска, Федерико Бого, Андреј Давитков и Питер Батимир, додека вториот тим беше составен од Искра Митевска, Лука Павиќевиќ, Кијан Азгур, Марин Ивчески и Даниел Батимир. Првиот тим на „Нова“ имаше извонреден настап во квалификациските рунди, победувајќи во сите пет квалификациски натпревари со многу голема разлика.

– Осма година по ред тимовите на „Нова“ се меѓу првите три највисоко рангирани селекции на CEESA, а втора година по ред откако е воведена поединечна конкуренција, имаме наш ученик меѓу тројцата најдобри натпреварувачи. Ова е резултат на напорната работа и големиот ентузијазам на нашите ученици, како и времето што ние како тренери го инвестираме во усовршување на вештините на нашиот тим и регрутирање нови кандидати – велат тренерите на тимот на „Нова“.

Натпреварот Knowledge Bowl во 2016 година се одржа во Скопје, кога домаќин беше меѓународното училиште „Нова“. Тогаш двата македонски тима се пласираа на првото и второто место.

The post БРОНЗА ЗА СРЕДНОШКОЛЦИТЕ ОД „НОВА“ Лука Павиќевиќ освои трето место во жестока конкуренција appeared first on plusinfo.mk.

Ученик во основно училиште го поправи Путин на час по историја во врска со тоа каде се борел Петар Велики, а заради тоа беше опоменат од директорот. „Извесната дрскост“ на момчето која ја разбранува цела Русија, не му сметаше на Путин. Тој му се заблагодари на момчето, пишува Нет.

– Не беше дрско. Во никој случај не се согласуваме со директорот на училиштето – рече Дмитриј Песков, портпаролот на Кремлин, додавајќи дека „се надева дека ученикот нема да биде казнет подоцна“.

Putin has taken to lecturing about history recently — with dubious facts at disposal. Today, a school kid in Vladivostok pulled him up on a basic mistake: “You said it was the 7 year war, it was actually called Great Northern War.” Watch Putin’s reax…
pic.twitter.com/6pSXVDrXx4

— Oliver Carroll (@olliecarroll) September 1, 2021

Инцидентот кој одекна на првиот училиштен ден ги „потпали“ опозициските медиуми кои ја критикуваат политиката на Кремлин. Тие ја пофалија ревноста на детето. Кира Арамуш, портпаролка на затворениот дисидент Алексеј Навални, го критикуваше директорот, кој смета дека училиштето не треба да учи факти, туку „послушност и сервилност“.

Во врска со што го поправи момчето Путин? За фактот дека Петар Велики не се борел во Седумгодишната војна, туку во Големата северна војна која траела 21 година.

The post ПУТИН НЕ ЗНАЕ ИСТОРИЈА Момче го поправи насред час, а тој му се заблагодари (ВИДЕО) appeared first on plusinfo.mk.

– Јас политичар не сум и затоа мојот пристап ќе биде пристап на знаење, компетенции, базиран на сите мои меѓународни искуства коишто сум ги имала и имам како претседател на Сојузот на стопански комори на Македонија. Планирам тие најдобри практики да ги имплементирам во градот, меѓутоа, во овој период секој ден имам средби со скопјани, со целни групи на граѓани коишто даваат свој личен печат во се она што треба да се имплементира во мојата програма за да биде една финална целина којашто ќе прерасне во програма на градот Скопје. Сакам да порачам дека сум отворена за сите и ќе бидам градоначалник на сите скопјани – рече Арсовска.

Арсовска се заблагодари на поддршката којашто во изминатиот период ја доби од скопјани и од политичката партија ВМРО-ДПМНЕ, дополнувајќи дека ги повикува и се надева на поддршката од Алијанса за Албанците и Алтернатива, од сите скопјани, но и од симпатизерите на СДСМ.

– Сакам да истакнам дека јас член на политичка партија досега не сум била, ниту сум и тоа се факти. Други факти поинакви од ова нема. Ја објавив својата кандидатура како независен кандидат којшто претендира да биде градоначалник на градот Скопје. Најважно од се, верувам дека ќе ја добијам поддршката на скопјани, а уште поважно, поддршката ја барам и од симпатизерите на СДСМ – вели  Арсовска.

Таа додаде дека во оваа градоначалничка трка влегла затоа што верува дека ги поседува сите оние квалитети коишто се неопходни и потребни за квалитетно менаџирање на градот.

The post СО СЕТО ЗНАЕЊЕ ЌЕ ГО НАПРАВАМ СКОПЈЕ МЕТРОПОЛА Арсовска ќе понуди програма на знаење и искуство appeared first on plusinfo.mk.