Премиерот Христијан Мицкоски вели дека осудува секаков вид говор на омраза вклучително и оној на етничка основа. Смета дека никој не треба да користи таков говор и оти од државните институции ќе побара најстроги санкции за тие кои ќе навредуваат по етничка основа.

– Во врска со какви било националистички испади, дали се тоа навивачки групи или што било друго, апсолутно ги осудувам. Апсолутно. И тука не треба да имате дилема, без разлика дали тоа доаѓа од една навивачка група кон друга или од друга кон трета или од трета кон четврта, од една етничка припадност кон друга и од друга кон трета и така натаму. Апсолутно не можам да прифатам навредување на основа на етничка припадност и јас тоа како човек сум го кажал и ќе продолжам да работам на негово спречување – рече Мицкоски во одговор на пратеничко прашање на пратеникот Ријад Шакири од Влен.

Обраќајќи му се на Шакири Мицкоски рече дека тој како пратеник би дал добар пример ако на реверот на своето одело има значка не само со албанско знаме, туку и со македонско.

– Да речеме, јас денеска би дошол со значка на која би ги имал двете знамиња, да речеме, не само албанското, туку и македонското. И тоа ќе е силна порака, но вие таа можност сте ја испуштиле. Сте дошле само со една значка, а тоа е албанската. Вие сте пратеник во македонскиот Парламент и плата добивате од Буџетот што го полнат сите граѓани на Македонија, без разлика на етничката припадност. Затоа можеби добра порака ќе беше тоа ако дојдете со една таква значка, но, вие таа можност ја пропуштивте – рече премиерот Мицкоски.

Премиерот додаде дека како Влада направиле многу работи за да ги релаксираат меѓуетничките односи во државата.

– Тоа и се случува. Морам да признаам овде пред вашите колеги пратеници дека кога бевте во коалиција со нас од ваша страна добивавме комплименти и пофалби дека тоа сме го направиле. Но, сега сте опозиција и мислите дека со ваков тип на пораки ќе добиете политички поени. Господине Ријад Шакири за мене е изненадувачки бидејќи сум имал за вас високо мислење, сум мислел дека сте ги надминале тие етнички прегратки и мислев дека навистина пошироко ги гледате работите. Се надевам дека ова што денеска го кажавте не го мислите и се надевам дека сте космополит човек во душата имајќи предвид дека многу пати сме разговарале лично и сум добил поинаков вчечаток. Се надевам дека следниот пат кога ќе поставувате прашање или кога ќе дојдете на работа во македонскиот Парламент, на значката покрај албанското знаме, кое е етничко знаме на народот на кој припаѓате, ќе го има и македонското, бидејќи од оваа држава добивате плата – истакна Мицкоски.

Пратеникот Шакири истакна дека е факт оти го носи својот национален симбол.

– Ова ми го даде премиерот на Албанија, кога вие ќе ми донесете значка со знамето на Република Северна Македонија на идната седница ќе го носам и тоа, рече Шакири. По ова нему му беше дадена значка со македонското знаме, која тој ја стави до значката со албанското знаме.

The post ЗНАЧКАВА МИ ЈА ДАДЕ ПРЕМИЕРОТ НА АЛБАНИЈА, АКО МИ ДАДЕТЕ И ВИЕ, ЌЕ ЈА НОСАМ! Пратеникот Шакири доби македонска значка од Мицкоски и ја закачи до албанската appeared first on plusinfo.mk.

„Имено, по преземени мерки било констатирано дека Ф.Х. на 21.03.2025, управувајќи приватно моторно возило, следел друго лице и во близина на село Смилковци и клучка Стајковци се претставил како полициски службеник и ја покажал службената легитимација на неговиот татко“, се вели во полицискиот билтен.

Понатаму во соопштението се вели:

„Додека, Одделот за внатрешна контрола, криминалистички истраги и професионални стандарди констатира дека полицискиот службеник И.А.Х., дозволувајќи неговата службена легитимација да биде употребена за лични цели од неговиот син, постапил спротивно на законските и подзаконските акти на Министерството за внатрешни работи и против него ќе поднесе предлог за поведување дисциплинска постапка за нарушување на работниот ред и дисциплина“.

The post ЈА ЗЛОУПОТРЕБИЛ ЗНАЧКАТА НА ТАТКА СИ Полицаец и неговиот син заработија пријава и дисциплинска постапка appeared first on plusinfo.mk.

Срамни се постапките на началникот на ОВР – Кочани кој ја злоупотребувал службената легитимација за бесплатно да преминува патарини, оцени денеска министерот за внатрешни работи Панче Тошковски. Во одговор на новинарско прашање, Тошковски истакна дека периодов ќе следат уште кривични пријави за злоупотреби во рамки на институциите. Не ценам, рече тој, дека „правиме удри по самарот, ако не можеш по магарето, туку дека на ваков начин мораме да покажеме пример дека секој од нас мора да ги почитува законите“.

– Постапките на злоупотреба на службена положба и овластување на ваков начин се срамни. Ако може еден столар да плаќа патарина, ако може жена која што работи во било која приватна установа да плаќа патарина, ако може кој и да било македонски граѓанин да плаќа патарина, тогаш мора да плаќа патарина секој еден вработен во Министерството за внатрешни работи. Не ценам дека ние правиме ‘удри по самарот, ако не можеш по магарето’, туку на ваков начин мораме да покажеме пример дека секој од нас мора да почитува ги почитува законите и она за што сме се договориле, а тоа е дека ќе плаќаме патарина – рече Тошковски.

• ЗНАЧКАТА КРЕВА МЕТАЛНИ РАМПИ Полициски началник ја злоупотребил службената положба за да избегне патарина

Во врска со имплементацијата на проектот „Сејв сити“, министерот рече дека сѐ уште не се поставени доволен број на камери на територијата на Град Скопје, но, рече, колку порано ќе се имплементира овој проект, толку подобро ќе биде за сите граѓани.

– Сѐ уште немаме целосна покриеност со технички уреди, односно камери на територијата на Град Скопје, како што е утврдено во проектната документација. Во наредниот период ќе следи имплементација согласно она што е договорено и е испланирано од претходно. Повеќе пати го имам објаснето значењето на ‘Сејв сити’ како проект, кои се бенефитите од имплементација на истиот и колку може порано да се имплементира овој проект, толку би било подобро за сите нас, имајќи предвид дека жртви на сообраќјни незгоди во Македонија на годишно ниво имаме со троцифрен број – рече Тошковски.

Потребни се одредени законски измени, додаде, за воспоставување на систем којшто ќе ги казнува оние кои управуваат моторно возило спротивно на закон, исклучувајќи го човечкиот фактор за одлуката дали треба или не треба да биде казнет.

– Ќе треба да се направат одредени законски измени и да се утврдат чекорите кои што ќе се преземат во иднина, за на крајот на денот имаме систем којшто ќе ги казнува сите оние кои управуваат моторно возило спротивно на закон, исклучувајќи го човечкиот фактор дали треба или не треба да биде казнет. Се надевам дека во текот на 2025 година ќе имаме финална имплементација на овој проект – рече Тошковски.

The post СРАМНО Е ДА СЕ ЗЛОУПОТРЕБУВА ЗНАЧКАТА Тошковски најави кривични пријави за злоупотреби во институциите appeared first on plusinfo.mk.