Управата за хидрометеоролошки работи предупредува дека во текот на ноќта и утре претпладне ќе има повремени локални врнежи од дожд, кои наместа ќе бидат пообилни, со количина од над 40 литри на квадратен метар за 24 часа. Ќе дува умерен до засилен ветер од јужен правец.

Ввремето утре ќе биде претежно облачно со повремени локални врнежи од дожд, особено претпладне во југозападните и во јужните делови. Ќе дува слаб до умерен ветер од јужен правец.

Најстудено ќе биде во Маврово и во Берово, со утринска температура до 7 степени. Најтопло ќе биде во Гевгелија и во Демир Капија, со максимална температура до 17 степени Целзиусови.

Во Скопје утре ќе биде претежно облачно со повремени врнежи од дожд со послаб интензитет. Ќе дува умерен југоисточен ветер. Температурата е се движи од 9 степени наутро, до 14 степени во текот на денот,

Во следните денови под влијание на циклонска активност ќе продолжи периодот на променливо облачно време со повремени локални врнежи од дожд. Утре во попладневните часови и во четврток врнежите ќе бидат со послаб интензитет.

Во петок и во деновите од викендот повторно се очекуваат пообилни врнежи од дожд, со количина над 30 литри на квадратен метар за 24 часа. Локално ќе има невреме со засилен ветер и услови за појава на грмежи.

Од недела утринските и дневните температури значително ќе опаднат.

The post УХМР ПРЕДУПРЕДУВА ЗА ОБИЛЕН ДОЖД, ДО 40 ЛИТРИ НА КВАДРАТ Од недела значително заладување appeared first on plusinfo.mk.

Времето утре ќе биде променливо облачно со слаб до умерен ветер претежно од северен правец, најавуува Управата за хидрометеоролошки работи.

Попладне и во текот на ноќта под влијание на нов влажен бран ќе има врнежи од дожд, локално пообилни.

Најстудено ќе биде во Маврово, каде утринската температура ќе се спушти до 2 степени, а најтопло ќе биде во Гевгелија и во Демир Капија, каде дневната температура ќе достигне 20 степени Целзиусови.

Од утре попладне до петок ќе има пообилни дождови, најавува УХМР.

Вкупно од овој бран се очекува на повеќе места да наврнат над 30 литри на квадратен метар, а локално и над 50 литри на квадратен метар.

Поради продор на постудена воздушна маса од север и засилен северен ветер, во четврток на повисоките планини врнежите ќе преминуваат во снег.

Поради натамошно спуштање на студен воздух, во петок ќе има услови врнежите да преминуваат во снег и на некои од повисоките места. На повисоките планини ќе се формира снежна покривка.

Температурата на воздухот значително ќе опадне.

Во деновите од викендот ќе има стабилизирање на времето, со постепен пораст на дневната температура.

The post ГРЕЕЊЕТО ЌЕ СЕ ВКЛУЧИ ВО СИТЕ ДОМОВИ, СЕ ЧЕКА ПРВИОТ СНЕГ Следува потоп, ќе наврне и над 50 литри дожд на квадрат appeared first on plusinfo.mk.

Од попладне следува промена на времето, со врнежи од дожд и значителен пад на температурата, предупредува Управата за хидрометеоролошки работи.

„Денес во попладневите часови ќе има услови за изолирана појава на нестабилност, со краткотраен пороен дожд и со ретки грмежи.  Од утре до понеделник Македонија ќе биде под влијание на циклонска активност и ќе има позначителна промена на времето. Ќе преовладува претежно облачно и посвежо време со повремени врнежи од дожд. Локално врнежите ќе бидат поројни и пообилни, со количина над 20 литри на квадратен метар, проследени со грмежи и со засилен ветер. Дневната температура ќе опадне за 8 до 10 степени во однос на денешната“, се вели во метеопредупредувањето од УХМР.

Во Скопје, од утре до понеделник времето ќе биде променливо облачно со повремени врнежи од дожд, се додава во соопштението. Во делови од котлината ќе биде нестабилно со пообилен пороен дожд, проследен со појава на грмежи и засилен ветер.

The post ДОАЃА ЗНАЧИТЕЛНО ЗАЛАДУВАЊЕ ЗА 8 ДО 10 СТЕПЕНИ Предупредување од УХМР за дожд, грмежи и силен ветер appeared first on plusinfo.mk.