Двајца полицајци, една професорка во средно школо и еден пожарникар заработија кривични пријави зашто за пари овозможувале граѓани побрзо да извадат пасош, лична карта и возачка дозвола. Тие ќе се гонат за злоупотреба на службена положба, примање поткуп и примање награда за противзаконито влијание.

Кривична пријава е поднесена против полицаецот М.С., поради сомнение дека сторил кривично дело „злоупотреба на службената положба и овластување“ по член 353 став 1 од Кривичниот законик (КЗ) и кривично дело „примање поткуп“ по член 357 став 2 во врска со член 22 и член 45 од КЗ.

Полицаецот П.П., на работно место во Единицата за интервентна полиција во СВР Скопје, е осомничен за „примање награда за противзаконито влијание“ по член 359 став 7, во врска со став 2, во врска со член 22 од КЗ и кривично дело „примање поткуп“ по член 357 став 2 од Кривичниот законик, во врска со член 24 од Кривичниот законик.

Наставничката во скопско средно училиште В.Р. е осомничена за „примање награда за противзаконито влијание“ по член 359 став 7, во врска со став 2, во врска со член 22 од Кривичниот законик.

Пожарникарот А.С., вработен во Град Скопје, е осомничен за „примање награда за противзаконито влијание“ по член 359 став 7, во врска со став 2, во врска со член 22 од Кривичниот законик.

Пријавените во периодот од февруари до април 2024 година, заеднички, по претходен договор воспоставиле шема, на начин што организирале и спроведувале постапки за издавање лични документи (лична карта, пасош и возачка дозвола). Целта им била да се стекнат со противправна имотна корист.

Трето и четврто пријавените наоѓале заинтересирани граѓани кои имале потреба од изготвување лични документи. Тие ги добивале нивните лични податоци во форма на фотографии и му ги испраќале на второпријавениот П.П.. Тој посредувал и интервенирал заинтересираните граѓани да ја започнат процедурата за издавање лични документи, на начин што го поттикнувал првопријавениот М.С., кој како службено лице вршел фотографирање и прием на барања, како негови редовни работни обврски. Наведените дејствија биле вршени врз претходен договор за одреден паричен надомест со точно утврдена цена, време и начин на извршување со јасно распределени улоги, создавајќи паралелен неформален начин на постапување со кој за паричен надомест овозможувале побрзо остварување на правото за јавна услуга, со намера да се стекнат со противправна имотна корист, нарушувајќи го принципот на еднаков пристап на граѓаните до јавните услуги, соопшти МВР.

The post ШТО МОЖАТ ДА НАПРАВАТ ДВАЈЦА ПОЛИЦАЈЦИ, ЕДНА ПРОФЕСОРКА И ЕДЕН ПОЖАРНИКАР? Смислиле шема за примање поткуп appeared first on plusinfo.mk.

Министерството за внатрешни работи денеска поднесе кривични пријави против нив, како и против управителот на правното лице за делата злоупотреба на службената положба и овластување, фалсификување исправа, употреба на исправа со невистинита содржина и несовесно работење во службата.

Од МВР соопштија дека против правното лице од Струмица и управителот Д.Ј.(37) од Кавадарци се поднесени пријави за кривичното дело употреба на исправа со невистинита содржина и фалсификување исправа. Против вработените во Финансии Н.М.П.(40), О.С.С.(49) и О.Н. (54), сите од Скопје, кривичните се за делото злоупотреба на службената положба и овластување, а против Л.Т.(63) и М.С.(45), и двете од Скопје, исто така, вработени во Министерство за финансии, пријавите се за несовесно работење во службата.

„Во периодот од 13.7.2022 до 6.08.2024 година, пријавениот управител Д.Ј., изготвил лажна исправа – банкарска гаранција, наводно издадена од една банка, која ја приложил како вистинска во Министерството за финансии, во врска со добиената лиценца за приредување на игри на среќа. Пријавената Н.М.П., во својство на советник за системот на осигурување, и покрај тоа што знаела дека не е доставен во законскиот рок, без да ја архивира со приемен печат и без да изврши контрола на соодветноста на банкарската гаранција, ја депонирала во предметот како вистинска. О.С.С., раководител на Одделение за игри на среќа и за забавните игри, без да ја провери соодветноста на гаранцијата, ја проследила без приемен печат до Л.Т. Потоа Л.Т во својство на раководител на Сектор за финансиски систем и М.С. во својство на државен советник за прашања од финансискиот систем, со пропуштање на должен надзор, го одобриле проследувањето на лажната банкарска гаранција до О.Н., државен советник за јавна внатрешна финансиска контрола. Таа била должна да изврши проверка на предметите кои се доставуваат за потпис од Министерот за финансии, заменик-министерот за финансии и Државниот секретар, а кои се во надлежност на Секторот за финансиски систем, во делот на издавање на лиценците за приредување на игрите на среќа во обложувалница, автомат клуб, казино и томбола од затворен тип“, соопшти МВР.

Со наведените дејствија, се додава во соопштението, пријавените лица предизвикале штета на државниот буџет во износ од 32.000 евра и му овозможиле на правниот субјект да ја користи добиената лиценца и да се стекне со противправна имотна корист од 13.489.952 денари (2 милиони евра).

The post СО ЛАЖНА БАНКАРСКА ГАРАНЦИЈА ДО ЌАР ОД 2 МИЛИОНИ ЕВРА Кривични пријави за петмина од Министерството за финансии appeared first on plusinfo.mk.

Според Трајковски, со денешното изведување докази од обвинителство, а во врска со процесот против поранешниот генерален секретар на Владата, Мухамед Зеќири, кој се товари за „злоупотреба на службената положба и овластување“, и од едниот и од другиот сведок, посебно од вештото лице, се утврдило дека парите кои се ставале на товар на обвинетиот Мухамед Зеќири не се во таа вредност што првично биле изнесени.

– Паричните средства се далеку помалку. Меѓутоа, денеска се утврди дека во дел од сумата е пресметан персонален данок и данок на додадена вредност. Исто така, се утврди дека вредноста што е исплатена и трудот што е вложен од ревизорските куќи кои ги работеле двата предмета соодветствува со реалната цена и вредноста за што е исплатена сумата – рече тој.

Во однос на прашањето поврзано со сведочењето на сведокот Петко Димитров, управител на компанијата „Прајс Вотерхаус Куперс“ кој сведочеше за начинот на склучување на трипартитниот договор со Владата и со компаниите „Интерфајнанс“ од Хрватска и „Интерхолдинг“ ДОО Скопје, за тоа дали договорите биле склучени надвор од постапката за јавни набавки, адвокатот одговори дека тоа е правно прашање кое, како што рече ќе го образложуваат во текот на постапката и дека тоа не се однесува на економскиот дел.

Според одбраната на Зеќири, разликата меѓу првата сума и сега е околу 13 милиони денари.

На денешното рочиште, покрај Димитров, сведочеше и вештото лице од Економија, Киро Костов, кој зборуваше за начинот, намената и износите на плаќањата опфатени во договорот.

Обвинителството го товари Зеќири дека во периодот од април 2021 до јануари 2022 година во својство на генерален секретар на Владата, без да спроведе јавна набавка, склучил договори за консултантски услуги со фирма во вкупна вредност од речиси еден милион евра, односно биле платени 147.000 евра повеќе од претходно договорените 795.000.

Процесот го води судијката Фанка Јанчулева Михаиловска, а застапник на обвинението е обвинителката Катерина Коларевиќ.

Судењето продолжува на 27 април со изведување докази од одбраната.

The post СЕ НАМАЛИЛА СУМАТА ЗА КОЈА СЕ ТОВАРИ МУХАМЕД ЗЕЌИРИ Вештакот пресметал 13 милиони денари дадени за даноци appeared first on plusinfo.mk.